O Comité de Prevención do Tabaquismo do Hospital Clínico San Carlos convoca a III Edición do Concurso de Fotografía “Hospital Sen Fumes, Hospital Feliz”, con motivo das actividades de celebración do Día Mundial Sen Tabaco o 31 de maio de 2024.

Cada participante poderá presentar unha fotografía utilizando a técnica da súa preferencia. A temática será o Día Internacional Sen Tabaco e o Hospital Sen Fume.

A presentación das fotografías realizarase mediante o formulario de inscrición da plataforma mundoarti, en formato .JPG e tamaño máximo de 5MB.

Requisitos
Poderá presentarse calquera persoa residente en España.

Dotación
Establécese un primeiro premio e un accésit á fotografía gañadora que consistirá na entrega dun certificado emitido polo Hospital no que conste o premio obtido e un paquete de libros doados polo programa “Saúde e Lectura”.

O prazo de presentación dos traballos estará aberto ata o 3 de maio de 2024.

Máis información
https://www.comunidad.madrid
Inscrición
cpt.hcsc@salud.madrid.org

A Deputación de Pontevedra convoca o concurso de microrrelatos audiovisuais Concurso Micromuseo, posto en marcha con motivo da celebración do Día Internacional dos Museos, datado para o 18 de maio de 2024 e cuxo lema é Museos pola educación e a investigación.

Poderán optar a estes premios os centros escolares de educación primaria, secundaria, bacharelato e formación profesional, e as categorías nas que poden participar son:
a) 1ª categoría: estudantes de 5º e 6º de educación primaria.
b) 2ª categoría: estudantes da ESO de 12 a 15 anos.
c) 3ª categoría: estudantes de bacharelato ou de ciclos formativos.

Participarase cun grupo de entre 2 a 5 estudantes e unha ou un representante do centro escolar (Dirección, Xefatura de Estudos, titora ou titor ou docente).

O centro escolar debe estar situado nalgún concello da provincia de Pontevedra.

O concurso consistirá na presentación dun microrrelato en formato audiovisual, o cal non deberá superar os 60 segundos.

Para realizar este audiovisual, tomaranse como eixes temáticos ou argumentais os distintos edificios que compoñen o Museo de Pontevedra ou calquera peza exposta nos edificios Castelao ou Sarmiento ou nas Ruínas de San Domingos, actualmente abertos ao público.

Os traballos presentados deberán realizarse en lingua galega e ser orixinais, inéditos e non premiados noutros concursos similares.

Premios
1ª categoría
1º premio: mil (1.000,00) euros para o centro escolar, tabletas para cada estudante do grupo e un lote libros do museo.
2º premio: libros electrónicos para cada estudante do grupo e un lote libros do museo.
2ª categoría
1º premio: mil (1.000,00) euros para o centro escolar, tabletas para cada estudante do grupo e un lote libros do museo.
2º premio: libros electrónicos para cada estudante do grupo e un lote libros do museo.
3ª categoría
1º premio: mil (1.000,00) euros para o centro escolar, tabletas para cada estudante do grupo e un lote libros do museo.
2º premio: libros electrónicos para cada estudante do grupo e un lote libros do museo.

O prazo de participación no concurso estará aberto ata o 31 de maio de 2024.

Máis información no BOP de Pontevedra do 26 de marzo de 2024

O Concello de Marín convoca o XXII Premio de Poesía Concello de Marín.

Os traballos serán en lingua galega, orixinais e inéditos. Terán unha extensión mínima de 100 versos e poderán formar parte dun só poema ou de varios. Cada autor poderá presentar unha única obra.

Requisitos
Poderán participar todas as persoas de calquera nacionalidade, que sexan maiores de idade.

Dotación
Premio único: 1.000 €

O prazo de presentación dos traballos estará aberto ata o 3 de maio do 2024.

Máis información
https://www.concellodemarin.es