O fin de semana do 21 o 23 de setembro tivo lugar no Albergue Xuvenil de As Sinas (Vilanova de Arousa) as I Xornadas de Xuventude en Tempo Libre, enmarcadas dentro do programa INICIATIVA XOVE, que a dirección xeral de Xuventude e Voluntariado promove para a realización de este tipo de actividades entre os mozos e mozas galegos.

Estas xornadas realizounas a Asociación Recreativa e Cultural Marexada, ao longo de toda a fin de semana na que participaron máis de 30 mozos e mozas de toda Galicia, sendo a característica principal de todos eles e elas que veñen a desenvolver diferentes traballos en entidades de tempo libre .

Desenvolvéronse diferentes foros e seminarios sobre: tempo libre, asociacionismo, proxectos,..., mesturado con actividades náuticas e de lecer no que foi un marco de convivencia e análise da realidade do tempo libre dende a propia xuventude involucrada no sector.