En portada (1193)

A Dirección Xeral de Xuventude, Participación e Voluntariado, dispón de instalacións que durante o curso académico funcionan como residencias xuvenís.

Como é habitual as ditas instalacións póñense a disposición dos mozos/as estudantes e para a mocidade traballadora. Resérvase un 9% para o caso de mozas que sufran violencia de xénero ou para mozos e mozas cuxas proxenitoras a sufrisen.

As instalacións a disposición dos mozos e mozas residentes durante o curso académico ofrecen aloxamento e mantenza, nelas desenvólvese unha serie de actividades e convivencias educativas a través das que se intenta fomentar valores sociais, culturais e deportivos.

Modalidades de prazas:
a) BS303B: prazas en residencias xuvenís para persoas estudantes (BS303B).
b) BS303C: prazas en residencias xuvenís para persoas estudantes colaboradoras bolseiras (BS303C).
c) BS303D: prazas en residencias xuvenís para persoas traballadoras (BS303D).

Convocatoria de prazas para o curso académico 2021/22:

CUADRORESIDENCIAS3

Requisitos xerais:
- Posuír nacionalidade española ou ser nacional dun país membro da Unión Europea, ou ser estranxeiro/a residente en España no momento da solicitude de praza.
- Non ter perdido a condición de residente por causa imputable a persoa solicitante.
- Ter os 16 anos cumpridos e non superar os 30, na data do 31 de decembro de 2021. As persoas colaboradoras bolseiras terán que ter os 18 anos cumpridos.

A mocidade estudante que solicite praza de residencia, ademais:
- Cursar estudos de formación profesional ou ciclos formativos, de bacharelato, estudos universitarios tendentes á obtención do título de grao ou equivalente ou ben, mentres non se xeneralice a implantación dos novos títulos universitarios, estudos universitarios de 1º, 2º ou 3º ciclo nunha facultade ou escola universitaria ou estudos superiores en ensinanzas artísticas.
Exceptúase do anterior a realización de estudos universitarios, nos cales a persoa solicitante non obteña a nota de corte ou puntuación académica mínima exixida para o ingreso nas facultades ou escolas universitarias da localidade de residencia habitual.
- Que no concello onde radique a súa residencia habitual non exista oferta de centros públicos para realizar o curso, nivel ou grao correspondente aos estudos que vaia cursar o/a solicitante.

As persoas estudantes que soliciten prazas nas residencias e a concesión de bolsas como colaboradoras deberán reunir os seguintes requisitos específicos:
- Ter os 18 anos cumpridos e non superar os 30 a data 31 de decembro de 2021.
- Ter unha renda media familiar inferior ao 150% do indicador público de renda de efectos múltiples (Iprem) do ano en curso.

A mocidade traballadora tamén deberán cumprir os seguintes:
- Que o lugar de traballo teña o enderezo nun concello distinto ao lugar de residencia habitual da persoa solicitante.
- No caso de que a relación de traballo non sexa fixa ou indefinida terá que ter unha duración mínima de 3 meses contados desde a data en que finalice o prazo de presentación de solicitudes.
- No caso de ser unha persoa traballadora por conta propia, será necesario que estea dada de alta no réxime de traballadores/as autónomos/as da Seguridade Social, con anterioridade á publicación da presente convocatoria.

Prezo:
a) Habitación dobre: 324 € por residente e mes.
b) Habitación cuádrupla: 250 € por residente e mes.

Período de estadía:
O período máximo de estadía das persoas beneficiarias será de 11 meses e estará comprendido no período establecido para o curso académico 2021-2022, exceptúanse os períodos de vacacións de Nadal e Semana Santa.
As persoas beneficiarias que teñan a condición de estudantes, iniciarán e finalizarán a súa estadía na residencia coincidindo co curso académico no que estiveran matriculadas (respectando sempre o período máximo antes indicado) e en todo caso concluirán a súa estadía co remate dos estudos desenvolvidos.
En calquera caso as persoas beneficiarias deberán iniciar a súa estadía na residencia como prazo máximo o 31 de outubro.

Prazo de presentación das solicitudes: Estará aberto ata o 31 de agosto de 2021.

Solicitudes:
As solicitudes están dispoñibles na sede electrónica da xunta https://sede.xunta.es, entrando no procedemento BS303B para estudantes, BS303C para persoas colaboradoras bolseiras e BS303D para traballadores/as.

Máis información no DOG do 29 de xullo de 2021

Lugo: http://reaj.com/albergues/residencia-juvenil-lug-ii/
Ourense: http://reaj.com/albergues/residencia-juvenil-florentino-lopez-cuevillas/
Vigo: http://reaj.com/albergues/residencia-juvenil-altamar/

A Consellería de Política Social convoca o Programa Xuventude Crea para este 2021 nas seguintes especialidades:
Artes plásticas, Banda deseñada, Cociña, Creación de videoxogos, Danza moderna, Deseño de xoias, Fotografía, Graffiti, Moda, Música, Novela curta, Poesía, Teatro, Videocreación

Poderán solicitar a participación as persoas galegas ou residentes en Galicia, non profesionais, con idades comprendidas entre os 16 e os 30 anos de idade cumpridos no ano 2021.
Salvo no caso das especialidades de teatro, música, graffiti, creación de videoxogos, cociña e danza moderna, a participación será sempre a título individual.
Cada persoa participante poderá presentar unha obra por especialidade ou por modalidade.

prazo de presentación de solicitudes estará aberto ata o 20 de agosto de 2021.

Premios por cada unha das especialidades:
– Un primeiro premio de 3.000 €.
– Un segundo premio de 1.500 €.
– Un terceiro premio de 1.000 €.
Cada persoa participante non poderá recibir máis de un premio por especialidade.


Artes plásticas:
Establécense as seguintes modalidades: pintura e escultura.
Presentaranse unha ou varias fotografías en cor ou branco e negro da obra presentada, ficha técnica da obra, na cal se indicará o título, o ano de realización, a técnica empregada, as dimensións reais, así como o seu peso (isto último só no caso da escultura).
No caso de escultura, o peso máximo da obra non poderá superar os 50 kg.

Banda deseñada:
As obras serán orixinais e inéditas.
A temática será libre, con textos en galego.
A técnica pode ser calquera, feita en branco e negro ou en cor.
O formato deberá ser en DIN A-4 ou DIN A-3 e a extensión mínima terá que ser de 10 páxinas. En caso de que a obra fose feita en formato dixital, á parte dunha versión impresa deberase xuntar nunha memoria USB, CD ou DVD cos arquivos orixinais..
Cada obra deberá levar pseudónimo e título.

Cociña:
Os traballos poderán ser individuais ou en parella.
Só se admitirá unha receita por participante, sexa individual ou en parella.
A receita presentada por cada participante –individual ou en parella– pode ser a elaboración dun prato salgado ou doce. A base do prato será a utilización de produtos avalados polas diferentes denominacións de orixe de Galicia ou ben pola Federación de Prazas de Abastos de Galicia.
O tempo de elaboración do prato non poderá exceder de 2 horas.

Creación de videoxogos:
Os proxectos poderán ser individuais ou en grupo; neste último caso, cun máximo de 5 integrantes.
Admitirase que ata un 25 % das persoas compoñentes do grupo supere os 30 anos.
Ningunha persoa participante poderá formar parte de máis dun grupo.
Os proxectos consistirán nun prototipo funcional ou xogo completo co aspecto e calidade final. Serán orixinais, inéditos e os textos e o audio en galego, agás a banda sonora, que poderá estar en calquera lingua.
A temática será libre.
Só se poderán presentar videoxogos para PC e MAC.

Danza moderna:
Especialidades: danza contemporánea, danza urbana, lírico e danza experimental.
Os proxectos poderán ser individuais ou en grupo; neste último caso, cun mínimo de 2 e un máximo de 30 membros.
Ningún/ningunha participante poderá formar parte de máis dun grupo.
A duración da actuación non pode superar os cinco (5) minutos.
A coreografía debe ser inédita.

Deseño de xoias:
A colección debe ser orixinal e estará composta por 3 xoias. O remate das pezas debe traballarse en metal con pezas de xoiaría, excluíndo a utilización de fornituras compradas.
Os/as participantes presentarán unha fotografía de cada unha das 3 xoias que poderán ser tanto para home como para muller.

Fotografía:
Presentaranse unha ou varias fotografías, ata un máximo de seis, en cor ou branco e negro da obra presentada, ficha técnica da obra na cal se indicará o título, o ano de realización, a técnica empregada e as dimensións reais.

Graffiti:
As obras serán orixinais, inéditas e, de ter texto, este estará en galego.
O tema e a técnica serán libres.
Os traballos poderán ser individuais ou en grupo, neste último caso poderán ter un máximo de 3 membros.

Moda:
As coleccións deben ser orixinais.
Os/as participantes presentarán unha colección coherente de 5 modelos de home ou muller. Terá que definir o tecido utilizado e os complementos para cada un dos modelos presentados. Presentaranse estes deseños en láminas de formato DIN A-3 (297 mm x 420 mm), con deseño de fronte e de costas.
Ficha técnica da colección e mostras dos tecidos que se empregarán na súa confección.

Música:
Poderán concorrer solistas e grupos de pop, folk, rock, hip-hop e demais variedades de música contemporánea.
Admitirase que ata un 25 % das persoas compoñentes do grupo supere os 30 anos. Tamén poderá superar a idade máxima a persoa que desenvolva a función de acompañamento musical coas persoas participantes que se presenten como solistas.

Novela curta:
As obras serán orixinais, inéditas e en galego.
O tema será libre.
As obras, que se deberán presentar en memoria USB ou CD, realizaranse a ordenador, en tamaño 12 e a dobre espazo. Terán unha extensión mínima de 80 páxinas e máxima de 200, e as follas estarán numeradas.
O proxecto gañador do primeiro premio poderá ser obxecto de edición e publicación, e a Dirección Xeral de Xuventude, Participación e Voluntariado asumirá os custos da primeira edición, de ser o caso.

Poesía:
As obras serán orixinais, inéditas e en galego.
O tema e a técnica serán libres.
A obra realizarase a ordenador, en tamaño 12 e a dobre espazo. Terá unha extensión mínima de 50 versos e máxima de 100 e as follas estarán numeradas.

Teatro:
Poderán concorrer grupos teatrais, non profesionais, compostos por persoas galegas ou residentes en Galicia, con idades comprendidas entre os 16 e os 30 anos de idade cumpridos no ano 2020. Admitirase que ata un 25 % das persoas compoñentes do grupo supere os 30 anos ou teña entre 14 e menos de 16 anos.

Videocreación:
As obras serán orixinais, inéditas e en galego.
O tema será libre mais deberá dar prioridade aos contidos artísticos e culturais dunha maneira innovadora e experimental. Enténdese por experimental a obra que se sitúa fóra dos códigos convencionais, que aposta por fórmulas audiovisuais onde se dá prioridade á subxectividade.

As solicitudes poden tramitarse en https://sede.xunta.es co procedemento BS310Q
Máis información no DOG do 9 de xullo de 2021 e en http://xuventude.xunta.es/xuventude-crea

Se tes Carné Xove, aproveita e participa neste concurso fotográfico e poderás gañar unha fin de semana para dúas persoas na Casa de Anamá.

Consulta as bases do concurso nos seguintes enlaces:

Versión en galego

Versión en castelán

A Consellería de Política Social convoca o Programa Xuventude Crea para este 2021 nas seguintes especialidades:
Artes plásticas, Banda deseñada, Cociña, Creación de videoxogos, Danza moderna, Deseño de xoias, Fotografía, Graffiti, Moda, Música, Novela curta, Poesía, Teatro, Videocreación

Poderán solicitar a participación as persoas galegas ou residentes en Galicia, non profesionais, con idades comprendidas entre os 16 e os 30 anos de idade cumpridos no ano 2021.
Salvo no caso das especialidades de teatro, música, graffiti, creación de videoxogos, cociña e danza moderna, a participación será sempre a título individual.
Cada persoa participante poderá presentar unha obra por especialidade ou por modalidade.

O prazo de presentación de solicitudes estará aberto ata o 20 de agosto de 2021.

Premios por cada unha das especialidades:
– Un primeiro premio de 3.000 €.
– Un segundo premio de 1.500 €.
– Un terceiro premio de 1.000 €.
Cada persoa participante non poderá recibir máis de un premio por especialidade.


Artes plásticas:
Establécense as seguintes modalidades: pintura e escultura.
Presentaranse unha ou varias fotografías en cor ou branco e negro da obra presentada, ficha técnica da obra, na cal se indicará o título, o ano de realización, a técnica empregada, as dimensións reais, así como o seu peso (isto último só no caso da escultura).
No caso de escultura, o peso máximo da obra non poderá superar os 50 kg.

Banda deseñada:
As obras serán orixinais e inéditas.
A temática será libre, con textos en galego.
A técnica pode ser calquera, feita en branco e negro ou en cor.
O formato deberá ser en DIN A-4 ou DIN A-3 e a extensión mínima terá que ser de 10 páxinas. En caso de que a obra fose feita en formato dixital, á parte dunha versión impresa deberase xuntar nunha memoria USB, CD ou DVD cos arquivos orixinais..
Cada obra deberá levar pseudónimo e título.

Cociña:
Os traballos poderán ser individuais ou en parella.
Só se admitirá unha receita por participante, sexa individual ou en parella.
A receita presentada por cada participante –individual ou en parella– pode ser a elaboración dun prato salgado ou doce. A base do prato será a utilización de produtos avalados polas diferentes denominacións de orixe de Galicia ou ben pola Federación de Prazas de Abastos de Galicia.
O tempo de elaboración do prato non poderá exceder de 2 horas.

Creación de videoxogos:
Os proxectos poderán ser individuais ou en grupo; neste último caso, cun máximo de 5 integrantes.
Admitirase que ata un 25 % das persoas compoñentes do grupo supere os 30 anos.
Ningunha persoa participante poderá formar parte de máis dun grupo.
Os proxectos consistirán nun prototipo funcional ou xogo completo co aspecto e calidade final. Serán orixinais, inéditos e os textos e o audio en galego, agás a banda sonora, que poderá estar en calquera lingua.
A temática será libre.
Só se poderán presentar videoxogos para PC e MAC.

Danza moderna:
Especialidades: danza contemporánea, danza urbana, lírico e danza experimental.
Os proxectos poderán ser individuais ou en grupo; neste último caso, cun mínimo de 2 e un máximo de 30 membros.
Ningún/ningunha participante poderá formar parte de máis dun grupo.
A duración da actuación non pode superar os cinco (5) minutos.
A coreografía debe ser inédita.

Deseño de xoias:
A colección debe ser orixinal e estará composta por 3 xoias. O remate das pezas debe traballarse en metal con pezas de xoiaría, excluíndo a utilización de fornituras compradas.
Os/as participantes presentarán unha fotografía de cada unha das 3 xoias que poderán ser tanto para home como para muller.

Fotografía:
Presentaranse unha ou varias fotografías, ata un máximo de seis, en cor ou branco e negro da obra presentada, ficha técnica da obra na cal se indicará o título, o ano de realización, a técnica empregada e as dimensións reais.

Graffiti:
As obras serán orixinais, inéditas e, de ter texto, este estará en galego.
O tema e a técnica serán libres.
Os traballos poderán ser individuais ou en grupo, neste último caso poderán ter un máximo de 3 membros.

Moda:
As coleccións deben ser orixinais.
Os/as participantes presentarán unha colección coherente de 5 modelos de home ou muller. Terá que definir o tecido utilizado e os complementos para cada un dos modelos presentados. Presentaranse estes deseños en láminas de formato DIN A-3 (297 mm x 420 mm), con deseño de fronte e de costas.
Ficha técnica da colección e mostras dos tecidos que se empregarán na súa confección.

Música:
Poderán concorrer solistas e grupos de pop, folk, rock, hip-hop e demais variedades de música contemporánea.
Admitirase que ata un 25 % das persoas compoñentes do grupo supere os 30 anos. Tamén poderá superar a idade máxima a persoa que desenvolva a función de acompañamento musical coas persoas participantes que se presenten como solistas.

Novela curta:
As obras serán orixinais, inéditas e en galego.
O tema será libre.
As obras, que se deberán presentar en memoria USB ou CD, realizaranse a ordenador, en tamaño 12 e a dobre espazo. Terán unha extensión mínima de 80 páxinas e máxima de 200, e as follas estarán numeradas.
O proxecto gañador do primeiro premio poderá ser obxecto de edición e publicación, e a Dirección Xeral de Xuventude, Participación e Voluntariado asumirá os custos da primeira edición, de ser o caso.

Poesía:
As obras serán orixinais, inéditas e en galego.
O tema e a técnica serán libres.
A obra realizarase a ordenador, en tamaño 12 e a dobre espazo. Terá unha extensión mínima de 50 versos e máxima de 100 e as follas estarán numeradas.

Teatro:
Poderán concorrer grupos teatrais, non profesionais, compostos por persoas galegas ou residentes en Galicia, con idades comprendidas entre os 16 e os 30 anos de idade cumpridos no ano 2020. Admitirase que ata un 25 % das persoas compoñentes do grupo supere os 30 anos ou teña entre 14 e menos de 16 anos.

Videocreación:
As obras serán orixinais, inéditas e en galego.
O tema será libre mais deberá dar prioridade aos contidos artísticos e culturais dunha maneira innovadora e experimental. Enténdese por experimental a obra que se sitúa fóra dos códigos convencionais, que aposta por fórmulas audiovisuais onde se dá prioridade á subxectividade.

As solicitudes poden tramitarse en https://sede.xunta.es co procedemento BS310Q
Máis información no DOG do 9 de xullo de 2021 e en http://xuventude.xunta.es/xuventude-crea

Con motivo da celebración do Xacobeo 2021-2022, e co fin de incentivar o espírito solidario no marco desta efeméride, a Consellería de Política Social pon en marcha un novidoso programa de voluntariado ambiental no Camiño de Santiago, que se desenvolverá durante a semana (de luns a venres) nos meses de xullo, agosto e principios de setembro.

A finalidade deste programa é dar a coñecer, por parte das persoas voluntarias, o rico patrimonio natural existente ao pé das diferentes rutas do Camiño de Santiago, co obxectivo de favorecer o seu coñecemento e preservación, así como impulsar un itinerario formativo de sensibilización medioambiental no uso sostible do Camiño.

As actividades están programadas para os seguintes Camiños:

1.-CAMIÑO FRANCÉS
Etapa : Sarria-Portomarín (22 Km)

2.-VÍA DA PRATA
Etapa: Laza-Vilar de Barrio (15 Km)

3.-CAMIÑO FISTERRA-MUXÍA
Etapa: Muxía-Fisterra (25 Km)

4.-CAMIÑO INGLÉS
Etapa: Sigüeiro-Santiago (16 km)

5.-CAMIÑO PRIMITIVO
Etapa: Castroverde-Lugo (22km)

6.-CAMIÑO DO NORTE
Etapa: Lourenzá (pk 161,774)-Mondoñedo (pk 153,199)

As persoas voluntarias desenvolverán actividades de apoio referentes a:
- Sensibilización e coñecemento do patrimonio ambiental e natural existente ao longo dos diferentes camiños.
- Información, axuda e concienciación ambiental aos peregrinos.
- Labores de vixilancia ambiental, e identificación e localización de posibles puntos que requiran dun posterior estudo ou revisión.

O programa desenvolverase coas medidas preventivas necesarias e con todas as garantías de seguridade e saúde fronte a Covid-19, limitándose as prazas a 10 persoas por acción en función das quendas sinaladas no calendario, ofrecéndose deste xeito un total de 100 prazas.

Os requisitos de participación serán os seguintes:
- Ter 18 anos cumpridos.
- Residir na comunidade autónoma de Galicia.
- Cumprimentar o formulario de participación na web de voluntariado www.voluntariadogalego.org 

A Dirección Xeral de Xuventude, Participación e Voluntariado asumirá os gastos de cobertura do seguro de accidentes e de responsabilidade civil das persoas voluntarias e os gastos de traslado e manutención a partir do punto de encontro que se indique para cada actividade.

As persoas voluntarias poderán inscribirse só nunha acción programada, salvo no caso de que finalmente queden prazas vacantes.

A selección realizarase por rigoroso orde de inscrición. En todo caso, se o grupo de persoas apuntadas nunha actividade excede do máximo permitido para cada zona, pasarán a unha lista de reserva para o caso de que queden prazas vacantes.

CALENDARIO

calendario

  • Trátase de estadías de cinco días de duración, de luns a venres, que se distribúen en 30 quendas
  • Os mozos estarán aloxados en establecementos hostaleiros para axudar a dinamizar o sector
  • Aplícanse descontos ás familias numerosas, monoparentais e aos usuarios do Carné Xove
  • Con este programa a proposta estival da Xunta, O verán que mereces, que tamén inclúe campamentos e campos de voluntariado, ofrecerá un total de máis de 7.800 prazas
     

A conselleira de Política Social, Fabiola García, acompañada polo alcalde de Valdoviño, Alberto González, presentou esta mañá no hotel A Roda, na praia de Meirás do concello de Valdoviño, os minicampamentos de verán, que este ano celebrarán a súa segunda edición tras o éxito de acollida do ano pasado. A inscrición para as 600 prazas ofertadas, 67 máis que o ano 2020, pode facerse desde hoxe na web da Dirección Xeral de Xuventude, Participación e Voluntariado e pechará cinco días antes do inicio de cada quenda ou, no seu caso, ata completarse.

Esta iniciativa, sinalou Fabiola García, ten un dobre obxectivo: por unha banda, ofrecer unha opción de lecer activo ás mozas e mozos galegos, coa particularidade de que son estadías rápidas de cinco días de duración; e, por outra, axudar a dinamizar o sector hostaleiro, que tanto sufriu este ano. Trátase, engadiu, de ofrecer “un verán tranquilo e un verán seguro” ás familias e aos mozos que participen na campaña estival da Xunta, que este ano se desenvolverá baixo o lema “O verán que mereces”.

Dirixida a nenos e nenas de entre 10 e 14 anos, serve tanto para apoiar a adquisición de competencias e habilidades por parte das persoas máis novas como para fomentar o coñecemento da riqueza natural e patrimonial de Galicia, o coidado do medio ambiente e o ocio educativo. Co obxectivo de facer máis accesibles os minicampamentos, a Xunta aplicará descontos do 50% ás familias numerosas ou monoparentais e do 25% a todos os usuarios do Carné Xove, que chegará de forma gratuíta aos domicilios das 400.000 mozas e mozos galegos.

Paddle surf, gincanas e xeoaventura

Ademais de Valdoviño Mariño, onde os participantes poderán gozar de actividades náuticas como surf, paddle surf ou kayak, así como roteiros e xogos fóra da auga, o programa ofrece outras doce propostas distribuídas por toda a xeografía galega, que inclúen gincanas, xeoaventura, rastrexo de fauna ou tiro con arco, entre outras actividades. Así, na provincia da Coruña, Teo acollerá Actividades multiaventura e de inmersión e coñecemento do patrimonio natural e cultural a ten Teocio; e na de Pontevedra desenvolveranse Aventura en Paradanta, no concello de Covelo; O noso rural II, en Lalín; Natura II, no Salnés; e Natureza e mar, en Bueu. Ourense, pola súa banda, ofrecerá as iniciativas Somérxete na natureza, na Pobra de Trives; e Acción no Arnoia, en Allariz; e Lugo, A conquista de Foz; Eco-Verán, en Monforte; Aventura na montaña, en Cervantes; A descuberta da Pobra do Brollón; e Xeocampamento nas montañas do Courel, en Folgoso do Courel.

Estas localizacións súmanse ás ofertadas nos campamentos e nos campos de voluntariado que, xunto aos minicampamentos, integran a programación da Campaña de Verán, que chegará en 2021 a máis de 7.800 beneficiarios. En todos eles manteranse as medidas de protección fronte á covid-19 postas en marcha o ano pasado, que inclúen a redución do aforo, a incorporación escalonada das rapazas e rapaces, o reforzo do persoal monitor e o incremento das medidas hixiénicos-sanitarias.

Máis información e inscricións: http://xuventude.xunta.es/accion-de-veran

Xa está aberto o prazo para solicitar o programa Correspondentes Xuvenís da Dirección Xeral de Xuventude, participación e Voluntariado para o curso 2021/2022.

A Consellería de Educación convoca o Plan Proxecta+ en colaboración con diferentes organismos, dirixida a fomentar a innovación educativa nos centros a través de programas educativos que fomenten o traballo cooperativo, interdisciplinar e competencial pero que ademais estean comprometidos coa consecución dos obxectivos de desenvolvemento sostible da Axenda 2030.

Un dos principais obxectivos deste plan é promover a realización de proxectos interdisciplinarios que fomenten o papel activo do alumnado ante os desafíos sociais, económicos e medioambientais da sociedade actual e do futuro e poidan servir de modelo de traballo ou de boa práctica, tanto para o propio centro en que se orixinan como para o resto da comunidade educativa galega.

ponteareas ies barral

Neste curso escolar ofrécense 42 programas educativos, entre os que está Correspondentes Xuvenís

Correspondentes xuvenís é un programa que pretende contar cunha antena informativa en cada centro educativo. Será o alumnado quen se responsabilice de recoller a información que se lles envíe desde Xuventude, Espazo Xove ou OMIX do seu concello e de difundila entre o resto do alumnado do centro, contando co apoio do persoal do centro coordinador de información xuvenil e co profesorado participante no programa.

O prazo para solicitar o programa a través do Plan Proxecta estará aberto ata o 16 de setembro de 2021

As mozas e mozos galegos poden activar o Carné Xove tamén por vía electrónica. A Xunta de Galicia habilita un formulario na rede para que aqueles que reciben a tarxeta por primeira vez e non poden desprazarse para activala, poidan facelo desde a súa casa. De igual xeito, os 36 puntos de activación presenciais seguirán dispoñibles.

Se a activación se fai a través da rede, os novos usuarios que recibisen o carné xove no seu domicilio deberán cubrir un formulario cos seus datos. No paso duns días recibirán o código de identificación EYCA (European Youth Card) ao correo electrónico de referencia. Unha vez recibido, deberase anotar o código manualmente na tarxeta, en concreto, no apartado número de carné.

É preciso destacar que este número de identificación, persoal, é necesario para desfrutar das vantaxes que ofrece este carné tanto na comunidade galega como en España ou nos resto de países da Unión Europea.

Cómpre lembrar que a Xunta de Galicia está a enviar aos máis de 400.000 mozas e mozos galegos de entre 12 e 30 anos esta tarxeta de xeito gratuíto aos seus fogares. Aqueles que con anterioridade ao envío xa tiveran o carné, simplemente recibirán un novo coa imaxe actualizada da tarxeta e xa estará listo para utilizar. Aqueles que non tiñan Carné Xove deberán activalo, ben nalgún dos 36 puntos habilitados en toda a Comunidade ou ben por vía electrónica.

Enlace ao formulario para activación electrónica, aquí