Parlamento Xove 2021

O Parlamento Xove é unha competición na que os diversos equipos inscritos investigarán e debaterán sobre un tema formulado pola organización. A dificultade da actividade está en que só cinco minutos antes de cada encontro dialéctico procederase ao sorteo da postura a adoptar por cada equipo, ‘a favor’ ou ‘en contra’, en relación á cuestión formulada.

O obxectivo deste programa é potenciar as habilidades individuais e en grupo, entre as que destacan o desenvolvemento da capacidade de selección de información, a expresión escrita, a expresión oral, a orixinalidade, a argumentación razoada, o traballo en equipo ou a convivencia. Así mesmo, Parlamento Xove fomenta a lectura, a escritura, o emprego das novas tecnoloxías con fins informativos e culturais e o respecto polas ideas dos demais.

O programa estrutúrase nas seguintes categorías:

- Categorías escolares (ESO e Bacharelato)

Nestas dúas categorías, poderán participar os centros educativos de 3º e 4º de Educación Secundaria Obrigatoria e 1º e 2º de Bacharelato.

Os equipos inscritos estarán formados por 4 alumnos/a e un/unha profesor/a que será o/a corrdinador/a. En total poderán participar 48 equipos (24 por cada categoría).

O programa realizarase en dúas fases, unha primeira clasificatoria da que xurdirán 8 equipos gañadores, que se enfrontarán nunha segunda fase final. Paralelamente, desenvolverase un concurso voluntario de artigos de investigación sobre o tema formulado.

- Categoría de Universidades:

Destinada aos mozos e mozas estudantes de grao dos sete campus universitarios das tres universidades galegas matriculados/as no curso académico no que se convoca o programa.

Nesta categoría, que non ten fase clasificatoria, poderán participar un máximo de 8 equipos. O equipo de debate estará formado por un mínimo de 2 estudantes e un máximo de 4.

Fase de formación

Previamente ao inicio dos debates da fase clasificatoria realizaranse unhas xornadas de formación. As datas e lugares de realización das xornadas de formación serán comunicadas aos equipos inscritos con antelación suficiente.

PARLAMENTO XOVE 2021 - 12ª EDICIÓN

Xa está aberta a convocatoria para a duodécima edición do Parlamento Xove correspondente ao curso 2020-2021. Descarga o Regulamento do programa para a coñecer todo o necesario sobre o proceso de inscrición e a competición.

Debería un estado establecer como obrigatoria a vacinación entre a súa poboación?

Formulario de participación (aberto desde o 10 de decembro de 2020 ata o 15 de xaneiro de 2021):

Formulario de inscrición e documentación

Unha vez confirmadas as prazas pola organización, os equipos deberán enviar o formulario de inscrición e a documentación complementaria ao correo electrónico parlamentoxove.xuventude@xunta.gal antes das seguintes datas:

• Para centros escolares: ata o 22 de xaneiro de 2021.
• Para Universidades: ata o 22 de febreiro de 2021.

Modelos:

• Formulario de inscrición (enlace)
• Autorizacións legais (enlace)

FASE CLASIFICATORIA 

Unha vez rematada a fase de formación, a fase clasificatoria das categorías escolares desenvolverase en liña.

 Categoría ESO:

• 5 de marzo (16:30h): sorteo en directo dos horarios e emparellamento
• 6 de marzo: Debates en liña entre os equipos participantes

Consulta aquí o calendario e clasificación provisional:

A relación definitiva de equipos ESO clasificados para a final pode descargarse neste enlace

Todos os debates en liña da fase clasificatoria dos equipos da ESO poden verse nos seguintes enlaces:

• Sala A: https://vimeo.com/518997841/01687bc984
• Sala B: https://vimeo.com/519000235/732ead1aa9
• Sala C: https://vimeo.com/519000960/c40c9ce955

Categoría Bacharelato:

• 12 de marzo (16:30 h): Sorteo en directo dos horarios e emparellamento
• 13 de marzo: Debates en liña entre os equipos participantes

Consulta aquí o calendario e clasificación provisional:

A relación definitiva de equipos de Bacharelato clasificados para a final pode descargarse neste enlace

Todos os debates en liña da fase clasificatoria dos equipos de Bacharelato poden verse nos seguintes enlaces:

• Sala A:https://vimeo.com/520998715/a0bf5fae72
• Sala B:https://vimeo.com/523113098/00e056c213
• Sala C:https://vimeo.com/521000820/28aea8c26a

FASE FINAL

A fase final de todas as categorías de Parlamento Xove 2021 tivo lugar os días 14 e 15 de maio co seguinte tema de debate:

Debería limitarse legalmente o uso das pantallas entre as persoas máis novas?

Os debates de cuartos de final ttiveron lugar na modalidade en liña o venres día 14 a partir das 16:30 horas.

 

Todos os debates en liña poden verse nos seguintes enlaces:

• Sala A (ESO): https://vimeo.com/547866831/a82d89ccd6
• Sala B (Bach): https://vimeo.com/547868063/27bb5853e2

Consulta aquí os resultados e clasificación dos cuartos de final:

 

 

Os debates de semifinais e as finais tiveron lugar de xeito presencial o sabado 15 de maio a partir das 9:00 horas, no Parlamento de Galicia.

 

 

Os debates da fase presencial tamén poden verse na canle de streaming do Parlamento de Galicia: https://mediateca.parlamentodegalicia.gal

Consulta aquí os resultados e clasificación das semifinais e finais:

 

 

Ao finalizar os debates, entregáronse no Hemiciclo do Parlamento de Galicia os premios aos equipos gañadores (1º)  e aos equipos finalistas (2º):

 

ESO

 

Sagrada Familia 1: equipo gañador

La Salle: equipo finalista

 

BACHARELATO

 

IES Marco do Camballón 1: equipo gañador

IES Becerreá 1:  equipo finalista

 

UNIVERSIDADE

 

Campus de Santiago de Compostela: equipo gañador

Campus de Pontevedra: equipo finalista

 

NORABOA a todos os equipos!

Consulta as túas dúbidas no correo parlamentoxove.xuventude@xunta.gal ou nos teléfonos 981 545 702 e 981 541 689.

Entra en flickr.com/photos/xuventudevoluntariado e atoparás todos os álbumes das diferentes edicións d o programa Parlamento Xove.