Universidade de Verán USC 24

A Universidade de Verán da USC convocará nos meses de xuño, xullo, agosto e setembro un amplo catálogo de cursos que se desenvolverán en Compostela, Lugo e diversas vilas galegas.

Dende este mércores 15, xa é posible matricularse en cada unha das 41 actividades ofertadas.

O prazo permanecerá aberto ata dez días antes do comezo de cada curso.

A oferta dos 24 que se desenvolverán en Santiago de Compostela e os 4 de Lugo amplíase este verán con cursos na Coruña, Ares, Guitiriz, Lalín, Mondoñedo, Monforte, Noia, Oia, Ribeira, San Martiño de Meis, Seoane do Courel, Vilar de Santos e un máis compartido entre Lugo, San Cibrao e San Xoán de Tor.

Así, en Compostela organizaranse cursos sobre vida saudable, goberno dixital e inclusión social, desenvolvemento de enerxías renovables e transición enerxética, bioloxía e biotecnoloxía, manipulación informativa, as mulleres con poder da Idade Media, o mindfulness, as XV Leccións Xacobeas Internacionais da USC; dereito e música, xustiza climática e infancia, reimaxinar os territorios urbanos, Humanidades dixitais, o XII Curso de Divulgación da Química, creatividade e Camiño de Santiago, simulación clínica en situacións de urxencia, LaTeX, novas tendencias en medicina, unha proposta de iniciación ao audiovisual, a prestación de servizos sanitarios, matemáticas húngaras, os libros ilustrados de non ficción, bioimpresión en 3D, análise de datos con R e arquivos e museos.

No Campus de Lugo terán lugar propostas sobre o envellecemento na diversidade, a protección e o maltrato animal, a valoración nutricional e a abordaxe personalizada do deportista de alto rendemento e a prevención do risco cardiovascular.

A programación de verán da USC complétase con cursos sobre a inclusión das mulleres migrantes, na Coruña; o patrimonio inmaterial, en Ares; o cambio climático, en Guitiriz; a XIX edición do curso Novas fronteiras na igualdade de oportunidades 2.0, en Lalín; museos e educación, en Lugo, San Cibrao e San Xoán de Tor; a ficción fantástica, en Monforte; Álvaro Cunqueiro, en Mondoñedo; a fotografía documental, en Noia; oncoloxía integrativa, en Oia; a lingua galega no século XXI, en Ribeira; os viños galegos, en San Martiño de Meis; a biodiversiadde, en Seoane do Courel, e o sabugueiro, en Vilar de Santos.

Máis información:
www.usc.gal 

Obradoiro Creación Literaria e Natureza

Obxectivos
-Adquirir as ferramentas básicas necesarias para un achegamento literario creativo á natureza.
-Coñecer as claves do ensaio naturalista.
-Dar os primeiros pasos na composición de obras literarias naturalistas.

Dirixido a:
Escritores/as, lectores/as, naturalistas, ornitólogos/as, biólogos/as, educadores/as ambientais, monitores/as de actividades de tempo libre, persoas vinculadas a ONG's ambientalistas, estudantes de literatura, universitarios/as e público xeral interesado.

Data: venres, 24 Maio, 2024 a sábado, 25 Maio, 2024

Lugar:
-Centro de Documentación Ambiental Domingo Quiroga (antigas cabalarizas do Pazo de Lóngora, Oleiros).

Organiza: CEIDA

Patrocina: Dirección Xeral de Patrimonio Natural, Xunta de Galicia

Programa:
Venres tarde:Pazo de Lóngora. 17 – 20 h.
O xénero:
-A Literatura de Natureza.
-Un percorrido pola literatura de natureza: algunhas obras clásicas e recentes.
A escrita
-“Ferramentas de campo” para a escrita de natureza.
-O caderno de campo literario: como tomar notas.
-Como trasladar as túas experiencias ao papel.
-A Costa de Dexo - Serantes: algunhas claves para a creación literaria.

Sábado mañá.Costa de Dexo. 9:00 - 14:00 h.
-Visita ao Centro de Visitantes do Monumento Natural Costa de Dexo (Aula do mar) e percorrido guiado pola contorna.
-Exercicio de escrita no Monumento Natural.
-Posta en común: lecturas comentadas.

Na xornada de campo do sábado, ademáis: roupa e calzado axeitados, protección solar, comida e bebida para a media mañá, e unha manta ou similar para sentar con comodidade no campo, se fóra necesario.

Inscrición:
-Inscrición gratuita.
-Prazas limitadas por rigurosa orde de inscrición.

Formulario de inscrición

Máis información:
educacion@ceida.org 
981 630 618

Cursos de verán no Centro de Linguas da UDC

A UDC organiza cursos de verán no Centro de Linguas, no campus da Coruña.

Datas: Dende o 20/05/2024 ata o 15/07/2024

Requisitos:
-Acéptase alumnado a partir de 16 anos.
-Os exames finais dos cursos en liña realizaranse de forma presencial.

Máis información:
Centro de Linguas da Universidade da Coruña
Facultade de Filoloxía, baix. (Campus Zapateira) R/ Lisboa, 7. 15008- A Coruña
Tel.: 981 167 000 ext. 4751 / 4752
e-correo: centrodelinguas@udc.gal
www.centrodelinguas.gal