Outros cursos (98)

Adoita pensarse a utopía como unha quimera, como unha proxección irrealizable desde un presente escuro cara a algún futuro mellor pero inalcanzable, unha ambivalencia entre o desexo e a imposibilidade da súa realización. Utopía é unha promesa, un bo lugar que non existe… aínda. Este curso achegaranos, desde o cinema, á procura da utopía individual- pero transferible- de autores como Charles Chaplin, Agnès Varda ou Carla Simón.

Programa

29 setembro. O HORIZONTE: Tempos modernos (Charles Chaplin, 1936)

6 outubro. O RECORDO (E A ANTICIPACIÓN) DO SUR: O sur (Víctor Erice, 1983)

13 outubro. A MEMORIA IMPOSIBLE: Que verde era o meu val (John Ford, 1941)

20 outubro. O PASADO RECUPERADO: As praias de Agnès (Agnès Varda, 2008)

27 outubro. O VELLO “NOVO MUNDO”: O novo mundo (Terrence Malick, 2005)

10 novembro. O SOÑO DO OESTE: First Cow (Kelly Reichardt, 2019)

17 novembro. A CASA FAMILIAR: Verán 1993 (Carla Simón, 2017)

24 novembro. A INFANCIA: O verán de Kikujiro (Takeshi Kitano, 1999)

1 decembro. O VERÁN: Aquel querido mes de agosto (Miguel Gomes, 2008)

15 decembro. A NATUREZA: Cara a rutas salvaxes (Sean Penn, 2007)

Horario: mércores de 19:00 a 20:30 h. Auditorio do CGAC

Persoas destinatarias: persoas interesadas no cinema
Prazas: 60
Matrícula: 30 €
Inscrición: ata o 27 de setembro de 2021 en cgac.educacion@xunta.gal indicando nome completo, DNI, estudos, área de traballo ou interese, un enderezo electrónico e un teléfono de contacto. Unha vez aceptada a solicitude, informarase as persoas rexistradas sobre como realizar o pago
Certificación: o CGAC expedirá un certificado a todas aquelas persoas que asistan, como mínimo, ao 70 % das sesións.

O curso será presencial. No caso de que o aforo do auditorio se vexa reducido pola situación sanitaria o curso pasará á modalidade en liña.

http://cgac.xunta.gal/GL/actividad-detalle/271/eutopias_gl 

O Festival de Contidos Dixitais Carballo Interplay celebrará a súa oitava edición do 8 ao 11 de setembro.

O Festival inclúe un Taller Kamikaze de creatividade audiovisual "extrema" de tres días completos para 12 persoas durante os días 30 e 31 agosto e 1 setembro, en horario intensivo de 10:00 a 20:00 horas. As persoas que participen no obradoiro deberán idear, gravar e postproducir capítulos de serie Dinosauro, os cales se estrearán unha semana máis tarde no festival. As persoas interesadas poderán preinscribirse antes do 16 agosto.

Tamén inclue un Obradoiro de creación de contido dixital para as xeracións Y e Z con responsábeis do medio de alcance global Freeda. Esta actividade desenvolverase o xoves 9 de setembro de 17:00 a 20:00 no Pazo da Cultura de Carballo e nela poderán participar un máximo de 20 persoas.
As persoas que participen neste obradoiro coñecerán todos os recursos que emprega Freeda para crear o contido inspiracional e feminista que difunde a través das redes sociais.
As persoas interesadas poderán inscribirse antes do 23 de agosto.

https://carballointerplay.com/#

A Asamblea de Cooperación pola Paz abre o prazo de inscrición para a formación: Emocións, corpos e sexualidades. Unha viaxe de autocoñecemento e aprendizaxe a través da fotografía

Trátase dunha formación en liña que impartirá @Ffotoeduca, entre o 24 de agosto ao 28 de setembro.

Está orientada con preferencia para persoas que se identifican como mulleres e impartirase todos os martes, en horario de 19:00 - 20:30 .

Podes reservar a túa praza a través desta ligazón: https://acortar.link/gaKXMY

https://ffotoeduca.com/escola/

https://es-es.facebook.com/AcppGalicia/

Se es menor de 30 anos e actualmente nin estudas nin traballas podes participar nun dos Programas Formativos da Cámara de Comercio enfocados a impulsar o emprendemento e a xeración de emprego.

Reactiva o teu futuro é un proxecto que se vai a desenvolver en diferentes rexións do territorio español e que está enmarcado dentro dos Itinerarios de Emprendemento Xuvenil.

O programa é en liña e totalmente gratuíto

Animación 2D e 3D

Inicio: 13 de setembro de 2021
Duración: 6 semanas.
10 horas á semana.
Clases en liña a través de ZOOM e unha hora de titoría individual á semana.
Requisitos: Ser menor de 30 anos, non estar a estudar nin traballando e ser beneficiario/a de garantía xuvenil.

Inscrición: https://www.camaracompostela.com/gl/evento/2594/programa-animacin-2d-e-3d/

Cámara de Comercio de Santiago de Compostela
Viveiro de Empresas. Polígono de Costa Vella.
R/ República Checa nº 40
15707 Santiago de Compostela
Teléfono: 981 596 800
http://www.camaracompostela.com 

O Departamento de Mocidade do Consello de Europa, en colaboración coa División de Dereitos do Neno e no marco do programa da Presidencia húngara do Comité de Ministros do Consello de Europa, organiza o curso de formación Compasito para a educación en dereitos humanos con nenos, que terá lugar no Centro Europeo da Mocidade de Budapest, do 17 ao 24 de outubro de 2021.

O curso ten como obxectivo motivar e desenvolver as capacidades dos axentes multiplicadores claves na implementación de actividades de aprendizaxe e formación sobre educación en dereitos humanos con nenos, empregando unha metodoloxía centrada no diálogo, a participación activa e a cooperación. O programa e os métodos baséanse na combinación de aprender acerca de, aprender a través de e aprender dos dereitos humanos e os dereitos dos nenos.

A quen vai dirixido?
Mozos e mozas educadoras, activistas ou voluntarios/as de entre 16 e 30 anos que traballen directa ou indirectamente na educación en dereitos humanos con nenos e que busquen ferramentas prácticas coas que debater sobre valores e problemas sociais cos nenos.

Prazo: As persoas interesadas deben enviar as súas solicitudes de participación directamente ao Consello de Europa, ata o 7 de setembro de 2021.

MÁIS INFORMACIÓN

 

A Asociación de Empresas Galegas de Software Libre (AGASOL) e a Axencia para a Modernización Tecnolóxica de Galicia (AMTEGA) chegarán a unha vintena de concellos galegos co nova edición do programa Girl STEAM, dirixido a incentivar novas vocacións TIC entre a rapazada (facendo especial fincapé nas mozas e avanzando deste xeito na loita contra a fenda tecnolóxica de xénero) coa implicación directiva dunha rede de profesionais de recoñecido prestixio.

As xornadas celebraranse nos meses de xullo, agosto e setembro a través de obradoiros formativos prácticos presenciais en 18 concellos galegos. En cada concello faranse dúas quendas por idades, unha para a rapazada de 8-11 anos e outra para idades comprendidas entre os 12-15 anos.

Máis información e inscricións: https://cemit.xunta.gal/es/iniciativa-girl-steam

O  Concello de Lugo -  CEI  NODUS e a Fundación INCYDE organiza o curso de NEGOCIOS DIXITAIS aplicando ECONOMÍA CIRCULAR e que comeza o 13 de setembro de 2021.

Trátase dun programa en liña e totalmente GRATUÍTO.

Duración: 6 semanas. Só 10 horas á semana. (luns, mércores e xoves de 16:00 a 19:00 hs ) Clases EN LIÑA a través de ZOOM e unha hora de titoría individual á semana segundo a vosa dispoñibilidade.

Requisitos: Ser menor de 30 anos, non estar a estudar nin traballando e ser BENEFICIARIO/A do Sistema Garantía Xuvenil.

As inscricións pódense realizar neste ENLACE ou no teléfono 663064806.

CALENDARIO

Se tés interese en deseñar e lanzar unha cooperativa de plataforma, ou en transformar a túa empresa neste modelo, apúntate á 3ª edición do curso "Cooperativas de Plataforma Xa!"

A seguinte edición comeza o 30 de Agosto.

Con este curso aprenderás a incubar unha Cooperativa de Plataforma Dixital. Paralelamente esta formación promove estratexias de construcción de "poder cooperativo" nas plataformas dixitais dentro da Economía Dixital. Aprenderás sobre o capitalismo de plataforma, a economía dos gig e a economía dixital cooperativa. Saber máis

Que son as cooperativas de plataforma?
As cooperativas de plataforma pretenden ofrecer unha alternativa ás economías de plataforma dixital. Os seus obxetivos: crear traballo digno, estruturas de decisión horizontais e tecer redes, basadas na copropiedade e a cogobernanza.

Que iniciativas hai en marcha como cooperativas de plataforma?
Algúns exemplos de cooperativas de plataforma son:
- CoopCycle: plataforma europea de software libre para ciclomensaxería, adicada unicamente a cooperativas para a xestión de entregas en bicicleta.
- Som Movilitat: proxecto que xestiona a movilidade en coche eléctrico.
- Fairmondo: mercado en liña para bens e servizos éticos (en Alemaña e Reino Unido)

Quen promove e colabora neste curso?
Cooperativas de Plataforma Xa! é un curso promovido pola Universidade de Mondragon – Mondragon Team Academy co Instituto para a Economía Dixital Cooperativa de The New School (Nova York)

https://espazo.coop/novas-do-coperativismo/cooperativas-de-plataforma-xa/ 

Se estás interesado no tema da Dinamización Xuvenil, en Coruña tes varios cursos dende o Servizo Público de Emprego impartidos por Cruz Vermella.

Título: "Dinamización de Actividades de tempo libre educativo infantil e xuvenil"

Contido:
- Actividades de educación no tempo libre infantil e xuvenil
- Procesos grupais e educativos no tempo libre infantil e xuvenil
- Técnicas e recursos de animación en actividades de tempo libre
- Dinamización de actividades de tempo libre educativo infantil e xuvenil

Lugar de impartición: Rúa Médico devesa Núñez 1. Coruña
Teléfono información: 981 169 163

Datas de inicio:
20 de maio de 2021. Horario: 9.30-14.30
1 de xuño de 2021. Horario: 9.30-14.30
5 de xullo de 2021.  Horario: 9.30-14.30
6 de setembro de 2021. Horario: 15.30-20.30

https://emprego.xunta.gal/portal/es/buscador-formacion.html 

"Emprendemento e Drons" e un programa en liña e gratuíto para menores de 30 anos, convocado pola Cámara de Comercio de Santiago en colaboración coa Fundación INCYDE e o Concello de Santiago.

O obxectivo fundamental do curso é proporcionar unha visión global das distintas áreas funcionais da empresa para poder determinar oportunidades de mercado e desenvolver o Plan de Empresa / Plan de Mellora, sempre coa axuda das ferramentas de xestión para favorecer a súa posta en marcha.


O programa está orientado a:
•Xente nova menor de 30 anos, inscrita no Sistema Nacional de Garantía Xuvenil, e que queiran emprender ou empregarse en actividades que utilicen os drons como ferramenta de traballo, permitíndolles incrementar a súa calidade profesional e mellorar a súa empregabilidade.
•Emprendedores/as que conten cunha idea de negocio e desexen realizarun proxecto viable de creación de empresa cultural para a súa posteriorposta en marcha.

Duración do Programa: Do 28 de xuño ao 6 de agosto de 2021 (6 semanas na modalidade en liña e unha semana de traballo de campo).

Datas: do 28/06/2021 ao 07/08/2021.

Máis información e Inscricións: Cámara de Comercio de Santiago de Compostela

PROGRAMA