Premios Talento Mozo Galicia. Xurado.

04 Mai 2021

 

Premios Talento Mozo Galicia. Membros do xurado

De conformidade co establecido no artigo 13 da Orde do 16 de marzo de 2021 pola que se aproban as bases que rexen os premios Talento Mozo Galicia e se procede á súa convocatoria para o ano 2021 (DOG nº 60 do 30 de marzo), o día 3 de maio de 2021 ditouse a resolución de nomeamento do xurado por parte da directora xeral de Xuventude, Participación e Voluntariado, que desempeña a súa presidencia conforme ao citado artigo.

Conforman o xurado dos premios Talento Mozo Galicia as seguintes persoas:

Presidenta: Cristina Pichel Toimil, directora xeral de Xuventude, Participación e Voluntariado da Consellería de Política Social.

José Alberto Díez de Castro, secretario xeral de Universidades da Consellería de Cultura Educación e Universidade e Eva López Barrio, responsable do programa Women Emprende e membro da asociación de mulleres investigadoras e tecnólogas de España, na modalidade de Ciencia.

Inés Santé Riveira, directora xeral de Desenvolvemento Rural da Consellería do Medio Rural e Martín Alemparte Vidal, director-xerente do Grupo de Desenvolvemento Rural Ribeira Sacra Courel, na modalidade de Rural.

José Ramón Lete Lasa, secretario xeral para o Deporte e Belia Méndez Rial, xefa do servizo do deporte en idade escolar, na modalidade de Deporte.

Fernando Guldrís Iglesias, director xeral do Instituto Galego de Promoción Económica da Vicepresidencia segunda e Consellería de Economía, Empresa e Innovación e Luciano Covelo Fandiño, presidente de AJE (Asociación de Jóvenes Empresarios) Galicia, na modalidade de Empresa.

Anxo Manuel Lorenzo Suárez, secretario xeral de Cultura da Consellería de Cultura, Educación e Universidade e Susana González Martínez, consultora de arte, xestora cultural e comisaria de exposicións, na modalidade de Cultura e Creación.

María Begoña Mosteiro Blanco, subdirectora xeral do Instituto da Xuventude de Galicia, como secretaria do xurado.