V CONCURSO DE INICIATIVAS UNIVERSITARIAS "Por unha mobilidade segura" As Xefaturas Provinciais  de Tráfico da Coruña, Lugo, Ourense e Pontevedra, a ONG Stop Accidentes e as Universidades da Coruña, Vigo e Santiago de Compostela convocan  por quinto ano consecutivo o Concurso de Iniciativas Universitarias "Por unha mobilidade segura", no que colaboran a Secretaría Xeral de Universidades, a Dirección Xeral de Xuventude e Voluntariado da Xunta de Galicia, Audasa S.A. e o Colexio Oficial de Xestores Administrativos de Galicia. Este concurso pretende implicar á comunidade educativa universitaria a colaborar activamente no desenvolvemento de iniciativas ou proxectos relacionados coa seguridade viaria que sirvan para contribuír a unha mobilidade máis segura. No Concurso poden participar todos os estudantes  matriculados nalgunha das universidades galegas ou na UNED. Os traballos ou proxectos que se presenten deberán desenvolver iniciativas ou ideas relacionadas coa seguridade viaria que contribúan a unha mobilidade no tráfico máis segura. O prazo de presentación dos traballos finaliza o 12 de novembro de 2010. Os autores de os 3 traballos premiados recibirán 1.000, 750 ou 500 euros segundo sexa o 1º, 2º ou 3º premio, ademais dun computador portátil cada un. Toda a información sobre o V Concurso pode consultarse en www.stopaccidentes.org e www.dgt.es e nas Xefaturas  de Tráfico situadas en Galicia Triptico

Xuventude Crea 2010

 A Dirección Xeral de Xuventude convoca o o Programa Xuventude Crea nas especialidades de teatro, artes plásticas, moda, música, relato breve, poesía, videocreación, banda deseñada, graffiti, carteis, deseño de xoias e monólogos.

Poderán solicitar a participación os mozos ou mozas galegos ou residentes en Galicia, non profesionais, con idades comprendidas entre os 16 e os 30 anos de idade cumpridos no ano 2010, nos grupos teatrais e nos musicais admitirase que ata un 25% dos compoñentes do grupo supere os 30 anos ou teñan entre 14 e 16 anos.

O prazo de presentación rematará o día 31 de agosto de 2010.

Premios: Establécense os seguintes premios por especialidade (teatro, artes plásticas, moda, música, relato breve, poesía, videocreación, banda deseñada, graffiti, carteis, deseño de xoias e monólogos):

-Un primeiro premio de 3.000 €.

-Un segundo premio de 1.500 €.

-Un terceiro premio de 1.000 €.

Ademais dos premios anteriores, os gañadores nas especialidades de teatro, música e monólogos, farán dúas actuacións no caso dos primeiros premiados e unha actuación para os segundos e terceiros, nos lugares que determine a Dirección Xeral de Xuventude e Voluntariado.

Impresos de Solicitude

O sábado 3 de xullo celebrarase o II Festival do Humor de Xove, que onte foi presentado en Santiago coa presenza do director do evento, o presentador e humorista Roberto Vilar (ex dos Tonechos), o actor Manuel Manquiña e o director Xeral de Xuventude, Ovidio Rodeiro. Festival do Humor de Xove . Será ás 22.30. Nesta segunda edición do festival xovense actuarán David Amor, Edu Soto, Manuel Manquiña, Luis Zahera, As Cantareiras de Ardebullo e un artista belga que está entre os mellores clowns, Elliot. Trala intervención dos humoristas, a noite continuará coa actuación dunha banda en directo formada por por dez membros e coa que cantarán Edu Soto e Manquiña.A gala rematará cunha sesión dun picadiscos, na praza local. Tamén está previsto entregar o premio 'Harold Lloyd'. Ou ano pasado concedéuselle ao programa dá TVG Luar, este ano será para ou espazo de humor 'Corre Carmela que chove', emitido en Radiovoz e V Televisión, que recollerá Xacobe Pérez en Xove. Este ano a escenografía será unha homenaxe ao xovense Tomás Mariño, precursor dá navegación aérea. O aforo é de 1.200 persoas

Nove proxectos emprendedores resultaron premiados na primeira convocatoria do Programa IDEA, correspondente ao curso académico 2009-2010, convocados polas Consellerías de Educación e Ordenación Universitaria, e de Economía e Industria. O conselleiro de Educación e Ordenación Universitaria, Xesús Vázquez Abad, entregou os premios, acompañado do director xeral de Educación, Formación Profesional e Innovación Educativa, Jose Luis Mira Lema, e do director xeral do Instituto Galego de Promoción Económica (IGAPE), Joaquín Varela de Limia Cominges. O acto desenvolveuse no marco dos eventos do Día do Emprendedor organizados pola Consellería de Economía e o IGAPE.Nesta primeira edición do certame foron convocadas dúas categorías. Na modalidade A, ‘Proxecto de empresa’, á que se presentaron 28 proxectos, o primeiro premio foi para o proxecto ‘CEE Asesoría Cosmos’, desenvolvido polos alumnos Marcos Rodríguez Freigedo e Ainhoa Fernández Escribano, do IES Portovello (Ourense), un traballo titorizado polo profesor Abel Ocampo Sánchez. Nesta mesma categoría o segundo posto foi para ‘Altrote’, das alumnas do IES Politécnico de Lugo Ruth Méndez López, Jessica Conde González, Paula Fernandez Castro, e Isabel Aldariz López, titorizadas por Jesús González Amillo. O terceiro premio foi para ‘Refugallos’, un traballo realizado baixo a titoría da profesora do Centro Integrado de FP de Someso (A Coruña) Carmen López Viña, polos alumnos Mónica Varela Foz e Pablo Rodríguez Capelet. Os galardoados nesta categoría recibirán un premio en metálico de 3.000; 2.000 e 1.000 respectivamente por cada unha das categorías e asemade poderán desenvolver os proxectos presentados e recoñecidos nos viveros de empresa da Consellería de Educación.Na modalidade B, de ‘Idea innovadora para o desenvolvemento de proxectos’, á que se presentaron 15 proxectos, concedéronse seis premios, un por cada unha das áreas da convocatoria. Cada unha das ideas seleccionadas recibe un premio en metálico de 1.000 euros, e tamén a poderán desenvolver nos viveros de empresas dependentes da Consellería de Educación.Deste xeito, na área de medio rural ou marítimo resultaron galardoados os alumnos Noé Fernández Fernández, Iván López Cabaleiros, e Marcos Fernández Sante, do IES As Mecedes (Lugo ), polo proxecto ‘Ecolactis’, realizado baixo a titoría de Alberto Pereira López. No mesmo IES, foi premiado ‘Hybrid cars’, proxecto de protección ambiental desenvolvido por Juan Andrés Pérez Sánchez e Gonzalo Rodríguez Francisco, titorizados pola profesora Guadalupe López Rodríguez. Por último neste centro tamén resultaron galardoados Luis Miguel Saa García, Diego Besteiro Mendoza e o profesor Manuel Pérez Álvarez, polo proxecto de pequeno comercio ‘Casa O Mosteiro, SL’.Na área de Tecnoloxías da información e da comunicación, o traballo premiado foi ‘Dispositivos de seguridade en pasos de peóns’, titorizado pola docente do CIFP de Someso María Sanz Vázquez, e desenvolvido por Javier Carrión Rodríguez e Andrea Álvarez Lorenzo. Tamén na Coruña foi galardoado o proxecto de contorno industrial ‘Venda e reparación de táboas de surf’ , de Mónica Tuset Riotorto e Tania Puente LamasIES de Sabón, baixo a titoría de Eladio Suárez Debén. Respecto do sector servizos, recibiu o premio ‘Indecisos’, traballo de Manuel Chadi Hamade Longarela, e Diego Padilla Díaz, do IES Politécnico de Lugo, baixo a supervisión de Alicia Couso Arias.O Programa IDEA, é unha actuación enmarcada no Proxecto FP-Plus. Articúlase como un concurso dirixido ao alumnado do derradeiro curso dos ciclos formativos de Formación Profesional de grao superior de Galicia. Con este programa, e mediante a concesión destes premios, a Consellería de Educación e o IGAPE potencian a realización de proxectos e impulsar o desenvolvemento de novas ideas empresariais, entre o alumnado da Formación Profesional.A Consellería de Educación participa de forma activa neste Día do Emprendedor, cunha serie de actividades en materia de formación e de difusión para dar a coñecer as actuacións que desde a Dirección Xeral de Educación, Formación Profesional e Innovación Educativa se están a desenvolver para o fomento da cultura emprendedora entre o alumnado.Deste xeito, os interesados poderán acudir ao stand informativo sobre FP, que conta con todo o material divulgativo dos recursos que o alumnado dos ciclos formativos teñen á súa disposición. Así mesmo, durante a xornada haberá tres mesas de asesoramento sobre a rede de viveiros de empresas nos centros educativos, baixo o título ‘Emprende desde a rede de viveiros dos centros de FP’. Nelas os titores destes viveiros resolverán as dúbidas de alumnado e profesorado referentes ao seu funcionamento, recursos e requisitos de acceso.Ademais, ao longo do día de hoxe impartiranse dous relatorio dirixidos ao colectivo docente, que xirarán arredor da 'Orientación sobre avaliación de proxecto emprendedores feitos polo alumnado de FP' e 'O método de proxectos en Empresa e Iniciativa Emprendedora'.

Pola parte galega, os autores das obras de arte expostas son: a pintora Beatriz Suárez Saa, coa obra Autorretrato; Rodrigo Currás Torres, coa escultura Monte queimado, monte fechado; e a fotógrafa Julia Arnada Girón, con tres instantáneas sen título.En conto aos artistas casteláns, o Instituto de la Juventud organizou esta exposición de fotografía artística de novos creadores baixo o título "Jóvenes Fotógrafos de Castilla y León en los Hitos del Camino de Santiago". A exposición será inaugurada o luns 14 de xuño pola conselleira de Traballo e Benestar da Xunta de Galicia, Beatriz Mato e polo consejero de Familia e Igualdad de Oportunidades de Castela e León, César Antón Beltrán. Estará aberta ata o 14 de xullo.As obras de Pintura, Escultura e Fotografía de autores galegos que se expoñen pertencen aos gañadores da especialidade de artes plásticas do Certame Galego de Creadores Novos 2009 da Dirección Xeral de Xuventude, que contou cun total de 11 especialidades e con máis de 300 obras a concurso.O certame contou coas especialidades de teatro, artes plásticas, moda, música, relato breve, poesía, videocreación, banda deseñada, graffiti, carteis e deseño de xoias.A dirección xeral de Xuventude e Voluntariado marcouse coma un dos obxectivos para esta lexislatura a promoción e difusión da creatividade xuvenil, como expresión do enorme talento que atesoura a mocidade galega.Promover aos xóvenes valores emerxentes non só en Galicia, senón tamén no resto do ámbito nacional e mesmo internacional. Este é un primeiro paso que marcará a nosa tendencia futura.En canto ao programa Arte Joven de Castilla y León é una iniciativa pioneira en España, que está moi ben dimensionada para favorecer a creatividade xuvenil, xa que non se queda nunha mera convocatoria de premios anuais, senón que tamén se programan cursos, unha rede de exposicións por toda a comunidade e un gran centro "Hangar de Arte Joven" en Miranda de Ebro, que se concibe como un lugar de traballo, encontro, formación, creación e promoción para os artistas novos Castelán-Leoneses.

O concurso para a prevención do tabaquismo Clases sen Fume entregou hoxe os galardóns aos gañadores. Na edición deste curso 2009-2010 participaron un total de 5.732 escolares, pertencentes a 268 aulas e 115 centros educativos. Con este concurso educativo, o departamento que dirixe Pilar Farjas Abadía persegue evitar o inicio do consumo de tabaco nas mozas e mozos galegos, ou, cando menos, retrasar a idade dese inicio. Este ano, a Consellería de Sanidade destinou un orzamento de 61.051 euros para facer realidade esta iniciativa.Neste acto, a directora xeral de Saúde Pública e Planificación, Sagrario Pérez, sinalou que "o tabaco é unha das substancias máis aditivas que se coñece e iniciarse nel é iniciarse na escravitude. Cando fumamos estamos a comprometer o noso futuro porque nos condenamos a unha enfermidade que se cura pero con gran dificultade, e que pode ter recaídas que nos fan ter que volver a empezar".Segundo a representante da Consellería de Sanidade, "hoxe en día o maior investimento en saúde é aquel que se centra na prevención, en evitar que apareza o problema. Traballar na promoción de estilos de vida saudables, dende idades temperás, na escola, conseguirá que podades decidir sobre o voso futuro sen ataduras e adiccións como o tabaco, que comprometen a vosa saúde e o voso proxecto de vida. O noso lema é o futuro como obxectivo", rematou Sagrario Pérez.Pola súa banda, o director xeral de Educación, Formación Profesional e Innovación Educativa, José Luis Mira, destacou que "a alguén pode soarlle raro que se traballe a prevención do tabaco nas aulas; sen embargo, isto é vital, xa que a medida que se vai achegando a adolescencia, logrando unha progresiva autonomía conductal, é preciso manter un enfoque máis amplo e introducir contidos máis específicos que permitan aos nosos nenos e nenas decir non ao tabaco, non ao alcohol, e non as drogas".Clases sen Fume é un concurso educativo que organiza a Consellería de Sanidade, en colaboración coa de Educación e Ordenación Universitaria, para a prevención do tabaquismo. Está dirixido a escolares de 1º e 2º da ESO, é dicir mozas e mozos de entre 12 e 14 anos, que é a idade na que se dan os primeiros contactos co tabaco, tendo a Administración ás comunidades educativas como instrumento indispensable para a execución do proxecto.O concurso baséase no compromiso individual e colectivo de toda a aula (escolares e titor), de non fumar durante, polo menos, seis meses. A través desta iniciativa refórzase o carácter voluntario da decisión de non fumar, facilítase a presión de grupo positiva xerada pola complicidade dun grupo de adolescentes e dun adulto, que é o titor ou titora, e, ademais, fortalécese a confianza nun mesmo e nos demais, ao tempo que se utiliza a recompensa/premio como incentivo.O primeiro premio á actividade creativa foi para o curso 2º A, do Colexio Amor de Dios de Vigo. O segundo premio foi para o curso 2º C do IES Frei Martín Sarmiento, de Pontevedra. O premio especial da Dirección Xeral de Xuventude e Voluntariado foi para as aulas 2º A IES Val do Asma de Chantada, 2º A Seminario Menor María Inmaculada de Ourense, e, ademais, para 2º B do Colexio Padre Feijoo Zorelle, tamén de Ourense.Os accésits foron para as aulas: 1º D do IES A Sangriña de Ferrol, 1º A do IES Laxeiro de Lalín, 1º B do IES Canido de Ferrol, 2º C do IES Eduardo Blanco Amor de Ourense, e, 2º A do IES Fontem Albei de A Fonsagrada.O apartado do premio ao mellor slogan ("Se xogas, perderás"), foi para o curso 2º C do IES Ramón Otero Pedraio de Ourense.O premio Clases sen Fume 2009-2010, foi para o curso 1º A do CPI Mosteiro en Meis.Pola súa banda, o premio Fogares sen Fume, foi para Ricardo García, do curso de 1º B do Colexio Luis Vives de Ourense.As aulas gañadoras dos premios ao slogan, primeiro premio de mellor actividade creativa e Clases sen Fume 2009/2010, disfrutarán dunha viaxe de fin de semana ao parque temático da Warner Bross en Madrid.O premio especial da Dirección Xeral de Xuventude e Voluntariado consiste nun programa de multiaventura de cinco días no Albergue Marina Española de Sada. O segundo premio á actividade creativa é un reprodutor mp4 para cada un dos escolares da aula gañadora.Os gañadores dos accésits recibiron entradas para o parque acuático Aquapark de Cerceda, incluíndo o traslado dende o centro educativo. O premio fogares sen fume, consiste nunha viaxe de fin de semana a un parque temático á unidade familiar gañadora.Ademais, todos os escolares e titores que chegan ao final do concurso recibiron un diploma acreditativo da súa participación, así como material de recordo do programa, como premio ao esforzo realizado.A edición de Clases sen Fume 2009-2010 conta co patrocinio da Dirección Xeral de Saúde Pública e Planificación, que é a entidade organizadora, así como da Dirección Xeral de Xuventude e Voluntariado. Tamén ten cinco patrocinadores externos como son o Concello de Cerceda, Mombús, Puleva, Eroski, e a Fundación Feiraco.O acto estivo presidido pola directora xeral de Saúde Pública e Planificación, Sagrario Pérez Castellanos, quen estivo acompañada polo director xeral de Educación, Formación Profesional e Innovación Educativa, José Luis Mira Lema, e polo director xeral de Xuventude e Voluntariado, Ovidio Rodeiro Tato.

A Comisión do Centenario da Sociedade Parroquial de Vedra de Mutualidade e Cultura de Buenos Aires invita a participar nos seguintes concursos , con motivo do centenario da Institución.Concurso composición para gaitaConcurso debuxo e pinturaConcurso fotografiaConcurso de relatos curtos.

O grupo de 1º de Bacharelato do Instituto de Ensino Secundario (IES) Leiras Pulpeiro de Lugo proclamouse vencedor do concurso de stop-motion organizado pola Secretaría Xeral de Medios co obxectivo de conmemorar os 25 primeiros anos de vida da Compañía de Radio Televisión de Galicia (CRTVG). O grupo, composto por 25 rapaces con idades comprendidas entre os 14 e os 18 anos, foi o que realizou -o pasado 26 de abril na aula da Rede CeMIT (Centros para a Modernización e a Inclusión Tecnolóxica de Galicia) da capital luguesa, situada no Centro Social Lamas de Prado-, a mellor das animacións das sete presentadas por cada un dos grupos de rapaces que participaron nestes cursos desde as aulas da Rede CeMIT das sete principais cidades galegas.O premio entregarase o vindeiro mércores, 9 de xuño, no Centro Multimedia de Galicia (CMG). Durante o acto farase entrega tamén dos galardóns correspondentes aos gañadores dos outros dos concursos desenvolvidos no marco das actividades organizadas pola Secretaría Xeral de Medios con motivo dos 25 anos da CRTVG, "As mellores frases da dobraxe na Galega", no que a emblemática frase "A rañala, raparigo", de Terminator, resultou ser a máis votada e "Que esta a pasar nas aulas da Rede CeMIT con motivo dos 25 anos da CRTVG".Aos cursos de stop-motion asistiron en total, 225 rapaces de entre 14 e 18 anos, procedentes de institutos de educación secundaria das sete principais cidades galegas.Coa organización e posta en marcha destas actividades destinadas a celebrar o 25º aniversario do ente público galego, a Secretaría Xeral de Medios e a CRTVG pretendían potenciar os avances tecnolóxicos cos que conta Galicia no ámbito das comunicacións ademais de facer partícipe á cidadanía desta celebración.

Técnicos da Dirección Xeral de Xuventude e Voluntariado asisten hoxe en Anangouleme (Francia) ao arranque oficial do programa europeo "Imaxina Atlántica", que traballará ata finais de 2012 a creatividade e a innovación de mozos e mozas en materia audiovisual. Ademais da Xunta de Galicia, participan neste programa outras administracións rexionais e locais de Francia, Reino Unido e Portugal. O custo total do proxecto é de 1.600.000 euros, dos que máis de 200.000 serán empregados para realizar accións en Galicia. O Cluster do Audiovisual Galego colabora coa Dirección Xeral de Xuventude neste proxectoO desafío principal do proxecto será reunir actores internacionais nun contexto onde as novas tecnoloxías da imaxe terán un lugar preferente. Situado no campo da innovación e fortemente marcado por actividades de investigación e desenvolvemento, o proxecto tamén realizará actividades de promoción do patrimonio do Espazo Atlántico."Imaxina Atlántica" ofrecerá aos novos creadores a oportunidade de realizar prácticas con realizadores de prestixio e de difundir as súas producións, priorizando os recursos existentes e dando lugar e creación e promoción de emprego xuvenil neste ámbito.Tamén facilitará o deseño de programas de intercambio de estudantes e profesionais e seminarios técnicos internacionais, así como está prevista a creación de produtos e circuítos turísticos e culturais utilizando os recursos, mobilidades e as capacidades de expresión dos territorios.Outra acción que destaca dentro do programa de actividades de "Imaxina Atlántica" será un concurso de obras de arte numérica que implique unha posta en común de recursos do espazo atlántico e a circulación dos creadores a través de accións colectivas de produción orientadas á valorización do patrimonio histórico.Por último, crearase unha plataforma virtual para a publicación e difusión dos novos creadores de cara á sociedade e a Europa en xeral e a porase en marcha un espazo común de colaboración entre os profesionais, estudantes, novos creadores e formadores.

 

 

Todos os afeccionados que queiran dar a coñecer Galicia a través das súas fotografías poderán participar, ata o 15 de xuño, no concurso Galicia... como a ves?, organizado por Turgalicia. As fotografías gañadoras neste certame servirán de referencia para a realización da creatividade dunha campaña turística que se desenvolverá entre os meses de xullo e agosto para promocionar o destino turístico de forma xeral entre os visitantes que se acheguen a Galicia, co obxectivo de convidalos a descubrir o territorio galego.No concurso establécense catro categorías e catro gañadores: mellor fotografía de costa; mellor fotografía de contorno urbano; mellor fotografía do interior de Galicia; e mellor fotografía de patrimonio cultural galego. Cada concursante poderá enviar un máximo de tres fotografías, a través dun arquivo dixital e con boa resolución, para cada unha das categorías, ata un máximo de doce imaxes, aínda que non é necesario participar en todas as seccións.PremiosOs catro gañadores ademais de ver a súa imaxe referenciada nunha campaña de promoción turística, poderán gozar dunha semana para dúas persoas, en réxime de media pensión, no establecemento que elixan de Galicia, con data límite a 31 de decembro de 2010.O xurado estará constituído por profesionais e valorará as características técnicas así como a creatividade dos traballos e o aspecto artístico-fotográfico. As fotos deben enviarse nos formatos: GIF, JPG ou JPEG. Se se envía máis dunha foto debe facerse nun ZIP ou RAR. As imaxes deben enviarse a través do sitio web www.galiciacomolaves.com onde tamén se poden descargar as bases e toda a información do concurso. Así mesmo, tamén se poden enviar os datos e imaxes a concurso@galiciacomolaves.com co asunto: Concurso Fotográfico 2010.

A Radio Galega pon en marcha por vez primeira o seu certame musical Vas Sacar Nota? 2010. Un concurso destinado a fomenta-la creación musical dotado dun bo feixe de premios.Para participar envía unha canción con letra en galego que non estea editada nin explotada comercialmente. O público seleccionará entre as que nos cheguen 15 finalistas. Haberá un gañador final escollido por profesionais da música que terá a oportunidade de gravar unha maqueta nas instalacións da Radio galega así como unha serie de premios dos que se irán informando a medida que transcorra o concurso.Moi importante será tamén as notas que saquedes en tres materias fundamentais: Frescura na letra: Cantas historias por contar e cantar! Localízaas e sorpréndenos. Ritmo na música: A base dun bo tema está nas sensacións que transmite! Imaxe impecable: Unha boa envoltura fala ben de ti! Ponte guapo para a foto! En breve teredes na web www.crtvg.es un sistema dinámico de subida de cancións para que poidades subir os vosos temas directamente na nosa rede. Pero xa podedes ir enviando, se tedes présa, as vosas cancións por correo electrónico (Audio comprimido cun bitrate mínimo de 256 kbps e formato MP3, MP2 ou WAV) acompañado dunha foto do grupo ou solista e unha minibiografía a: vas-sacar-nota@radiogalega.esOu por correo nun CD de audio, tamén con foto e minibiografía a:Concurso Vas Sacar Nota? 2010.Programa Somos quen.Radio galega. Bando. San Marcos. 15820.Santiago de Compostela.Podes consultar aquí as bases do concurso

O IES Laxeiro de Lalín resultou gañador da primeira edición do Parlamento Xove, logo de participar o sábado nunha rolda de debates sobre o uso das redes sociais que se celebraron no hemiciclo galego. Á final desta mañá chegaron un total de oito equipos dos institutos galegos que se presentaron a esta competición. O equipo do Instituto Rosalía de Castro de Santiago elaborou o mellor dossier de investigación e o autor individual do mellor artigo elaborado por Ana Sánchez Vázquez, do IES A Pinguela de Monforte .O director xeral de Xuventude e Voluntariado, Ovidio Rodeiro, presidiu esta actividade e entregou o premio aos equipos vencedores. Así, o equipo vencedor recibiu unha viaxe sorpresa, valorada en 7.000 euros, e un notebook para os membros do equipo, mentres que o grupo semifinalista, o SEK Atlántico de Pontevedra, foi premiado cun notebook.Por outra banda, o equipo que elaborou o mellor dossier de investigación, o Instituto Rosalía de Castro, recibiu unha videconsola para cada un dos membros, mentres que o autor individual do mellor artigo, titulado "Uso, non abuso" e elaborado por Ana Sánchez Vázquez do IES A Pinguela recibiu un notebook e os seus cinco compañeiros, un disco duro portátil.O obxectivo deste proxecto é potenciar o diálogo como ferramenta para argumentar as ideas propias entre a mocidade galega. Trátase dunha competición entre centros de ensino da comunidade autónoma, na que os participantes de cada equipo (seis alumnos e un profesor) tiveron que investigar, escribir e, finalmente, debater sobre o tema proposto pola organización: se o uso das redes sociais separa ou une á xuventude.Na fase inicial,os centros educativos realizaron dous artigos de opinión _un favorable e outro contrario- sobre o uso das redes sociais, e un dossier de investigación. Logo da suma das puntuacións obtidas nestes traballos, clasificáronse os oito mellores centros para a fase final.Deste xeito, hoxe estiveron no hemiciclo galego equipos dos seguintes centros educativos: IES David Buján, de Cambre; IES Menéndez Pidal, de A Coruña; IES A Pinguela II, de Monforte de Lemos; Colexio SEK Atlántico, de Pontevedra; Colexio La Salle, de Santiago; IES Rosalía de Castro, de Santiago; IES A Xunqueira I, de Pontevedra; e o IES Laxeiro I, de Lalín.

O grupo European People's Party do Comité das Rexións que, con motivo do Ano Europeo contra a Pobreza e a Exclusión Social, convoca un concurso dirixido a mozos e mozas europeos/as de entre 15 e 30 anos para a elaboración dun curto co lema "Imaxina unha vida de pobreza- poderías deseñar unha saída?"Os mozos e mozas concursantes terán a oportunidade de ver os seus traballos publicados nunha páxina especial de YouTube e gañar un premio e unha viaxe a Bruxelas no mes de outubro. A data límite para o envío dos traballos é o 15 de xullo.Para máis información sobre este concurso os interesados poden entrar na páxina www.eppcompetition.eu

O Grupo European People's Party do Comité das Rexións con motivo do Ano Europeo contra a Pobreza e a Exclusión Social, convoca un concurso dirixido a mozos e mozas europeos/as de entre 15 e 30 anos para a elaboración dun curto co lema "Imaxina unha vida de pobreza- poderías deseñar unha saída?" Os mozos e mozas concursantes terán a oportunidade de ver os seus traballos publicados nunha páxina especial de YouTube e gañar un premio e unha viaxe a Bruxelas no mes de outubro. A data límite para o envío dos traballos é o 15 de xullo.

Para máis información sobre este concurso os interesados poden entrar na páxina www.eppcompetition.eu .

Coa presente convocatoria o Consorcio para la Presencia y Promoción del Alberguismo Juvenil - Red Española de Albergues Juveniles pretende promocionar e estimular a creatividade artística dentro dos parámetros do arte actual preferentemente en distintas disciplinas.Bases da convocatoria

 

O Encontro galego de Música Xove celebrouse o pasado sábado 6 de marzo no IES Rosalía de Castro, despois do seu aplazamento a causa do temporal. Os encargados de inaugurar o evento foron Ovidio Rodeiro, Director de Xuventude e Voluntariado, e Ignacio Santos, Director Xerente da SA Xestión do Plan Xacobeo. A rapeira Aíd, que recentemente foi portada do iTunes en Estados Unidos e Latinoamérica, participou de xeito activo neste evento e foi a encargada de presentar aos músicos noveis e semiprofesionais durante a inauguración do acto.Durante a presentación oficial, os centos de rapaces que asistiron a este evento tiveron a oportunidade de presentar a súa música diante de todos os asistentes. Este momento serviu como espazo de encontro e coñecemento, para que os grupos noveis atoparan novos músicos e se deran a coñecer ante todos. Ao longo do día, os asistentes participaron en obradoiros e masterclasses , e pola tarde sucedéronse os showcases (concertos de pequeno formato). En resumo, un encontro que foi moi desfrutado por todos no que houbo espazo para a diversión, pero tamén para a aprendizaxe.Os encargados de abrir a charla coloquio foron Eva Perales, Directora do selo discográfico Blu Sens music, Ovidio Rodeiro, Director Xeral de Xuventude, Salva Rouco, da cadena SER Vigo, Xose Manuel Rodríguez Abella, técnico de Xuventude, e Fran Pérez "Naf", músico. Esta mesa redonda serviu como espazo de intercambio de experiencias e opinións entre os músicos e os poñentes.Eva Perales foi a encargada de abrir o coloquio cun potente discurso acerca da industria discográfica. Creou controversia entre os asistentes afirmando que as institucións non eran as responsables do fracaso dos músicos, xa que "non teñen a responsabilidade de financialos, non máis que unha empresa privada ou os propios pais do artista". O seu obxectivo con estas palabras era facer pensar aos novos músicos presentes, e crear debate. Afirmou que ser músico non era " a profesión chollo", e que ningún músico podía "culpar do seu fracaso a ninguén máis que a sí mesmo".Ao longo desta mesa redonda, os asistentes recurriron ás palabras de Eva para reafirmar os seus discursos. Fran "Naf", que participou no proxecto "rock parrulo" da Sala Nasa, explicou a súa experiencia como músico profesional, recalcou a importancia de todo o "traballo que está por detrás da pura música" e enfatizou a importancia de buscar unha "identidade musical".As distintas visións dos poñentes conseguiron que se aunaran os mundos do artista e os organismos oficiais. Rodríguez Abella falou dende o punto de vista das institucións públicas, e da "súa obriga a dar subvencións aos músicos novos". Recalcou a importancia do papel da Dirección Xeral de Xuventude á hora de traballar cos mozos e impulsar este tipo de iniciativas musicais. Ao respecto, Ovidio Rodeiro, recordou que a Dirección Xeral de Xuventude conta cos medios necesarios para axudar ao sector, e anunciou a apertura próxima de sete locais de ensaio en Vigo, para a mellora dos grupos galegos apuntados á iniciativa.

O grupo compostelán integrado por acordeón, saxo e batería fixo un folk distintivo que levou ó xurado a darlle o premio de 1.500 euros en metálico. Enorme nivel musical nesta gala da décima edición que se celebrou o pasado venres pola noite nun Teatro Principal ateigado de público. O concurso foi organizado conxuntamente polo Grupo Correo Gallego e a Dirección Xeral de Xuventude e Voluntariado da Consellería de Traballo de Benestar.Tras unha votación enormemenre reñida tal e como é habitual, o grupo compostelán Vou Trío, de Santiago alzouse no Teatro Principal de Santiago coa vitoria na gala final do X Certame Folk Radio Obradoiro, que lles deu un premio en metálico de 1.500 euros, no concurso organizado conxuntamente polo Grupo Correo Gallego e pola Dirección Xeral de Xuventude e Voluntariado da Consellería de Traballo de Benestar.Ante un aforo ateigado de público, o acto foi conducido por Paulo Gacio -director e presentador do programa radiofónico En clave de folk, da emisora compostelá- e Sandra Romero, os vencedores interpretaron tres temas basados nunha nova concepción do folk e obtiveron o fallo favorable do xurado que estivo integrado polo crítico musical Óscar Losada; Patricia Hermida, da productora Maré; Ramón Feáns, integrante de Ophiusa; Roi Casal, antigo arpista de Milladoiro e Patricia López, membro de Coanhadeira, gañador da pasada edición.Como é habitual, a final estivo moi reñida pola enorme calidade dos catro grupos seleccionados, que fixeron gala dun directo distinto Atamais, de Verín; cunha fusión de outras musicas; Keympa, de Barcelona; cunha posta en escea extraordinaria que levantou moitísimos aplausos entre o público; a Patriband Folk Orllestra de Asturias, que tamén aportou o seu concepto do folk e, por suposto os Vou Trío de Santiago cun inusual terceto de acordeón, batería e saxo que reventaron o Teatro Principal cos aplausos. Máis que en ningunha outra ocasión, o certame abriuse a fora de Galicia o que, dalgún xeito, mostra a súa definitiva consolidación como referencia do folk no noroeste peninsular.Neste sentido, Paulo Gacio, un dos principais artífices dixo que este certame que chega a súa décima edición, responde a un proxecto que se marcou como obxectivo hai unha década apostar pola música de raíz.Gacio agradeceu, en nome da organización os apoios que recibeo o certame nesta edición. Cito, neste sentido, á Dirección Xeral de Difusión da Cultura, o Concello de Santiago, a xa citada Dirección xeral de Xuventude, coorganizadora do certame, e firmas comerciais como Estrella Galicia, Amboa Cerámica ou Pazo Valdoviño, entre outros.TELEVISADAA gala, o luns íntegra en Correo TVO certame naceu do programa En clave de folk que se sigue a emitir máis dunha década despois da mán de Paulo Gacio. A gala de onte tal como ven sendo habitual nas últimas edicións será emitido verse o luns por Correo TV, a cadea do Grupo Correo Gallego que onte gravou íntegro o concurso musical, nun programa especial con entrevistas ós grupos e que recollerá todas as actuacións e o momento das votacións.

A Dirección Xeral de Xuventude e Voluntariado ultima a organización do Parlamento Xove, unha iniciativa que pretende fomentar entre a mocidade o diálogo como ferramenta para argumentar razoadamente as ideas propias.No Parlamento Xove poderán participar os alumnos de 4º da ESO e de 1º e 2º de Bacheralato dos centros de ensino de Galicia. Atentos a esta mesma páxina porque dentro de moi pouco tempo publicaremos as bases desta competición e o modelo de inscrición.Parlamento Xove está concibido coma unha competición na que os diversos equipos investigarán, escribirán e debaterán sobre un tema proposto pola organización. A actividade distribuirase nunha fase inicial de investigación e argumentación de ideas na rede e unha fase final de debate dialéctico.Nun principio, poderán inscribirse un máximo de 48 equipos, 12 por cada unha das provincias de Galicia. Cada un dos equipos estarán formados por 6 alumnos e un profesor. Con esta iniciativa potenciarase habilidades a nivel persoal e de grupo, entre as que destacan o desenvolvemento da capacidade de selección de información, a expresión escrita, a expresión oral, a orixinalidade, o traballo en equipo e a convivencia.

O director xeral de Xuventude e Voluntariado, Ovidio Rodeiro, inaugurou en Santiago a exposición das obras finalistas nas especialidades de Deseño de Xoias e Artes Plásticas do Certame Galego de Creadores Novos 2009. Destacou que un dos obxectivos do Goberno galego é a promoción e a difusión da creatividade xuvenil "como expresión do enorme talento que atesoura a nosa mocidade"As obras finalistas nas especialidades de Deseño de Xoias e Artes Plásticas do Certame Galego de Creadores Novos 2009 expóñense desde esta fin de semana no centro comercial de Compostela. A mostra, organizada pola Dirección Xeral de Xuventude e Voluntariado, pode verse ata o próximo 22 de novembro en horario de 10.00 a 22.00 horas.Á inauguración da exposición acudiu o director xeral de Xuventude e Voluntariado, Ovidio Rodeiro Tato, quen destacou a alta participación acadada nesta edición do certame, xa que máis de 500 mozos e mozas entre 16 e 30 anos presentaron as súas obras. Por cada especialidade do concurso, un total de 11, entregaranse tres premios. O primeiro está dotado con 3.000 euros, o segundo gañador recibirá 1.500 euros e o terceiro 1.000 euros.As categorías, ademais de deseño de xoias e artes plásticas, son escultura, fotografía, instalacións, pintura, carteis, graffiti, música, poesía, relato breve, videocreación, banda deseñada e moda.O director xeral de Xuventude e Voluntariado destacou a calidade de todas as creacións presentadas ao certame e, de feito, resaltou que o xurado de cada unha das categorías está a ter "verdadeiras dificultades" para nomear aos gañadores.Así mesmo, considerou que "desde a Xunta de Galicia debemos facilitar os medios que fomenten a creatividade xuvenil" e, por iso, sinalou que "un dos obxectivos do Goberno galego para esta lexislatura é a promoción e difusión da creatividade xuvenil, como expresión do enorme talento que atesoura a mocidade galega".

Os grupos teñen de prazo até o 31 de decembro para enviar as súas maquetas. A gala final será o 22 de xaneiroFomentar a creatividade músical é dar unha oportunidade aos músicos novos. Co mesmo espírito co que se creou hai unha década, hoxe presentouse o 'X Certame Folk Radio Obradoiro', organizado conxuntamente pola Dirección Xeral de Xuventude e Radio Obradoiro, e que ao longo da súa xa dilatada traxectoria converteuse nun certame polo que pasaron os principais grupos que hoxe conforman o panorama folk galego.Todos os grupos que desexen participar nesta edición do certame deberán enviar as súas maquetas antes do 31 de decembro á sede central de Radio Obradoiro, podendo consultar as bases en www.radioobradoiro.com/folk. O gañador do certame, que recibirá un premio en metálico de 1.500 euros, coñecerase na gala que se celebrará o 22 de xaneiro no Teatro Principal de Santiago, que todos os anos rexistra un cheo absoluto para presenciar as actuacións en directo do catro finalistas.O director xeral de Xuventude, Ovidio Rodeiro Tato, destacou hoxe na presentación no Club Internacional de Prensa, o feito de que este certame xurdise da iniciativa de dous mozos que en 1999 apenas superaban os 20 anos: María José Gómez e Paulo Gacio, que contaron co apoio de Radio Obradoiro. "Unha idea que foi apoiada por unha empresa privada, como o Grupo Correo Gallego, para recuperar a música tradicional galega e manter a galeguidade", explicouOvidio Rodeiro destacou que neste certame "valórase a música folk e foméntase a creatividade", xa que os grupos que desexen participar no certame terán que entregar unha maqueta con 3 temas, dos que "dous teñen que ser inéditos". Ademais, o catro grupos que se clasifiquen para disputar a final terán que "tocar en directo dous temas tamén inéditos", que non teñen porqué coincidir cos presentados previamente na maqueta. Rodeiro Tato sinalou que a Dirección Xeral de Xuventude decidiuse a apoiar e coorganizar o X Certame Folk, que se celebra no Ano Europeo da Creatividade, polo feito de que a música folk, até o momento, non estaba contemplada no Certame Galego de Creadores Novos. "A Dirección Xeral de Xuventude marcouse como un dos seus obxectivos para esta lexislatura a promoción e a difusión da creatividade xuvenil", e este certame encaixa neste obxectivo explicou Ovidio Rodeiro.Bases do certame.