A Coruña, Ferrol e contorna (A Coruña)

Estadías de 4-5 días realizando diferentes probas nas que, por grupos e parellas, os diferentes participantes teñan que retarse e acadar obxectivos tendo que superar exercicios de intelixencia, esforzo físico, etc., desfrutando do contorno cultural, natural e patrimonial da zona.

Aloxamento:

A Coruña Express. As Mariñas: Albergue Xuvenil Gandarío (Bergondo).

A Coruña Express. Ferrol: Albergues,cámpings, pavillóns.

O Barbanza (A Coruña)

O obxectivo deste programa é fomentar e impulsar a navegación en dorna de vela mediante unha actividade de tempo libre e aproximar os seus participantes aos costumes e culturas dos diferentes paraxes nos que se faga terra.

Realizar a navegación mariña con coñecemento dos métodos e costumes na navegación tradicional.

Equipamento necesario:
Cómpre que traiades lentes de sol, viseira, roupa de baño, chancletas con peche ou fanequeiras, saco de durmir e esteira, chuvasqueiro lixeiro, lanterna, cantimplora e crema solar de factor alto.

Apuntamento:
É necesario saber nadar.

Aloxamento:
Farase noite en pavillóns, albergues e zonas de cámping.

Nota: é necesario saber nadar.

Actividades:

Navegación a vela tradicional, snorkel, banana acuática, aperitivos no Galeón durante a navegación, birdwatching, cata de mexillón en Cabo de Cruz, visita ás dunas de Corrubedo e aos cascos antigos mariñeiros (casas de Patín, cruceiros) e actividades alternativas.

Ruta Embarcacións Tradicionais: O Barbanza

Costa da Morte (A Coruña)

Neste programa coñeceredes a contorna a través de actividades náuticas e de aventura. Convidámosche a navegar por este programa e desexamos que teñas unha boa marea.

Equipamento necesario:

Crema de protección solar, gorra, lentes de sol e roupa de baño, útiles de aseo persoal (incluída toalla), algunha peza de abrigo e de choiva, botas de montaña, calzado deportivo cómodo e unha mochila pequena.

Aloxamento:

Casa Rural Montur Carnota (A Coruña).

Entrada o venres ata as 12:00 horas e saída o domingo ás 19:00 horas.

Actividades:

Surf, paddleboard, rutas en bicicleta de montaña, kaiaksurf, ruta de sendeirismo.

Outeiro de Rei e a Mariña Lucense

Preténdese darlle un coñecemento á xuventude de dous referentes na cultura da auga galega, o mar Cantábrico e o Río Miño, a través de actividades deportivas e de coñecemento do medio. Actividades de surf, escalada, xeocaching.

Equipamento necesario: Saco de durmir, útiles de aseo persoal (incluído toallas), algunha peza de abrigo e choiva, chanclas para a ducha, botas de montaña, calzado deportivo cómodo e mochila pequena.. Para as actividades náuticas é recomendable crema de protección solar, gorra, lentes de sol e roupa de baño. Tamén convén levar escarpíns e se tedes neopreno podedes traelo tamén.

NAVEGANDO POLO MIÑO

Programa de achegamento á cultura do Río Miño a través de actividades deportivas e de coñecemento do medio a través da Reserva da Biosfera “Terras do Miño”.

Aloxamento:

Complexo xuvenil LUG2

Actividades:

Singradura polo Miño en kaiak, visita a insuas do Miño que non se poden ver por terra, escalada en rocha no Monte Segade, ruta en BTT polo Miño e xeocaching nocturno.

SURFEANDO NO CANTÁBRICO

Programa de achegamento á cultura do mar a través da Mariña Lucense e o seu maior atractivo: a Praia das Catedrais, unha xoia que a mocidade galega debería de coñecer; descubriremos os segredos da auga salada.

Aloxamento:

Campamento Xuvenil A Devesa en Ribadeo (bungalós).

Actividades:

Surf, ruta de sendeirismo por riba dos arcos das Catedrais, escalada en rocódromo e rapell nas Catedrais, ruta en BTT polas cetáreas de Rinlo, xeocaching nocturno.

Muíños (Ourense)

Goza do contacto coa natureza e dos deportes naúticos no marco incomparable do Parque natural Baixa Limia-Serra do Xurés.

Equipamento necesario:
Teredes que vir provistos de roupa de baño, útiles de aseo persoal, cantimplora, botas, mochila pequena, saco de durmir, lanterna, bolsas de plástico para a roupa sucia, pantalón curto, chándal (recomendable), algunha peza de abrigo e choiva (recomendable), calcetíns e calzado de descanso (tenis).

Aloxamento:

 Albergue do Corgo (Muíños)

Actividades:
Actividades náuticas: piragüismo, remo, vela lixeira. Percorridos con itinerarios pola zona, ata o Parque natural Baixa Limia-Serra do Xurés.

Excursión ao centro de interpretación Aquis Querquenis (Santa Comba-Bande).

Illa de San Simón

Ruta en kaiak de mar a través da Ría de Vigo. Trátase de fomentar o respecto polo medio mariño, as rías e costas e achegarlle á mocidade a riqueza cultural e costumes do mundo mariñeiro e das vilas que se visitarán. Visitas e actividades culturais.

Equipamento necesario:

Cómpre que traiades lentes de sol, viseira, roupa de baño, chancletas con peche ou fanequeiras, saco de durmir e esteira, chuvasqueiro lixeiro, lanterna, cantimplora e crema solar de factor alto.

Aloxamento:

Fundación Illa San Simón

Nota: é necesario saber nadar.

Actividades:

Navegación en kaiak de mar (k1 e k2), snorkel, banana acuática, sendeirismo, práctica de esquimotaxe, dinámicas de rol playing e actividades alternativas.

RUTA EN KAIAK DE MAR: ILLA DE SAN SIMÓN – RÍA DE VIGO

A CORUÑA, VIGO E OURENSE

Programa rotatorio de convivencia entre participantes galegos e procedentes da Galicia exterior, coa finalidade de dar a coñecer a realidade galega de xeito lúdico a través de xogos nos que sexan protagonistas. Excursións, Olimpíada Inter-Ruta, viaxes en catamarán, xeocaching, visitas culturais.

Aloxamento:

Rotatorio. Residencia Xuvenil Altamar, Residencia xuvenil F.L. Cuevillas e Albergue Xuvenil de Gandarío.

Nota: Só de 18 a 22 anos.