Seminario 'Cruzando camiños na oncoloxía. Cancro animal e humano dende a perspectiva One Health'
A catedrática de Anatomía Patolóxica Veterinaria Laura Peña Fernández, considerada unha das maiores expertas internacionais en cancro de mama nas especies canina e felina, imparte o vindeiro 7 de maio, a partir das 18.00 horas, no centro universitario lugués, o seminario ‘Camiños na oncoloxía. Cancro animal e humano desde a perspectiva One Health'.
Esta acción coordinada pola profesora Maribel Quiroga e incluída no plan de formación complementaria do Campus Terra, está orientada á participación de alumnado de grao e mestrado.
A inscrición xa está aberta en liña.
A celebración deste seminario encádrase no marco do proxecto de aprendizaxe e servizo ‘OncoVet-Sapiens: descubrindo a oncoloxía veterinaria en YouTube’, que pretende “democratizar” a información e facela accesible e comprensible para estudantes, titores de animais, investigadores, profesionais veterinarios e público xeral, a través dunha canle aberta de Youtube.
O seminario, aberto ao público interesado e para o que se ofrecen 80 prazas, busca destacar a importancia da oncoloxía veterinaria en medicina animal e humana, ao tempo que trata de dar a coñecer a canle de YouTube xa activa.
Máis información:
www.usc.gal
Semana da Creatividade 2024. 'Linguaxe e creatividade'
A Facultade de Belas Artes acolle Linguaxe e creatividade, unha actividade enmarcada na Semana da Creatividade 2024, un programa centrado nas principais liñas do proxecto de especialización do campus pontevedrés, organizadas polo Campus Crea co apoio da Deputación de Pontevedra e o Consello Social da Universidade de Vigo.
Esta iniciativa combina dúas conferencias abertas ao público con dous obradoiros, con inscrición previa.
A actividade arranca co relatorio De Tolkien ao Klingon: a aventura de inventar linguas, a cargo do profesor da Facultade de Ciencias da Educación e do Deporte Carlos Valcárcel, e complétase coa conferencia Graffiti Writing, do artista e investigador da Facultade de Belas Artes Alberto Santos.
Data de celebración: 24 de abril ás 16:00
Dirixido a: Entidades Colaboradoras , Estudantes , Medios , PAS , PDI e Público externo
Organiza: Campus Crea
Lugar:
Facultade de Belas Artes
Rúa Maestranza 2
36002 Pontevedra
Máis información:
www.uvigo.gal
Programa formativo `Muller, a Cooperativa é para Ti´
A Unión de Cooperativas EspazoCoop impulsa o programa formativo "Muller, A Cooperativa é para Ti", consta de cursos de teleformación, gratuítos, para mulleres, que se imparten na Aula Virtual de EspazoCoop.
-Habilidades e competencias para o traballo en equipo nas cooperativas
25 h. Teleformación. Do 25 de abril ao 12 de abril de 2024
-Desenvolvendo a idea cooperativa
25 h. Teleformación. Do 13 ao 29 de maio de 2024
A fórmula cooperativa é unha eficaz ferramenta para conseguir a integración e a igualdade no mundo laboral para as mulleres, en condicións dignas e estables, e con amplas posibilidades de desenvolvemento profesional.
Son empresas de base democrática, asemblearia, e participativa, na que se poden dar xeitos para a conciliación persoal, e exercer a cogobernanza xunto a máis persoas e socias.
Información e inscricións:
https://espazo.coop/rede-eusumo/programa-muller-a-cooperativa-e-para-ti
Obradoiro de Percusión Tradicional e utilidades educativas no Campus de Lugo.
A Facultade de Formación do Profesorado do Campus de Lugo da USC organiza un obradoiro de percusión tradicional e utilidades educativas que se desenvolverán os días 23 e 30 de abril, en quenda de 10.00 a 12.00 horas, así como os días 6 e 13 de maio, en horario de 16.00 a 18.00 horas.
A musicoterapeuta, e educadora en igualdade Ana Fernández será a encargada de impartir as sesión presenciais deste obradoiro na Aula de Música de Formación do Profesorado.
A inscrición nesta activade socioeducativa é libre pode formalizarse de xeito gratuíto ata o 19 de abril través do formulario dispoñible en liña. As prazas son limitadas.
O obradoiro de percusión tradicional é unha actividade gratuíta aberta á participación de toda a comunidade universitaria da USC.
Estruturado en oito horas, as persoas inscritas poderán abordar da man de Ana Fernández os principais patróns rítmicos típicos da música tradicional galega, xa a través da utilización de instrumentos propios da nosa cultura musical (pandeiretas, pandeiros, tarrañolas…) xa con elementos cotiás (culleres, latas grandes, conchas de vieira, botella de anís...), desde unha perspectiva educativa e de xénero.
Esta actividade servirá asemade para poñer en valor a presenza feminina na tradición musical popular galega e tamén as posibilidades que esta tradición posúe para o ámbito da educación.
Máis información:
www.usc.gal
Itinerario de Emprendemento Xuvenil. EN LIÑA Directo.
Taller “Atopa o match perfecto na túa marca e na túa audiencia”
Para persoas mozas de Garantía Xuvenil.
Información e inscricións: ilopez@accioncontraelhambre.org
Teléfono 616 884 394 #FSE+, #PEJ @Acontraelhambre
Data do taller: 24 de abril 2024 - 10h a 13h
A violencia sexual e xénero centra un ciclo de conferencias que terá lugar os días 18 e 30 de abril e o 2 de maio na Facultade de Educación e Traballo Social do campus de Ourense.
Nelas abordaranse temas como este fenómenos na adolescencia ou os instrumentos para a súa avaliación.
Datas e horario:
Xoves 18 de abril de 2024. De 11.30 a 13.45 h
Martes 30 de abril de 2024. De 16.00 a 16.45 h
Xoves 2 de maio de 2024. De 10.00 a 10.45 h
Dirixido a:Entidades Colaboradoras , Estudantes , Medios , PAS , PDI e Público externo
Lugar:
Na sala Emilia Pardo Bazán
Edificio de Ferro
Campus As Lagoas, Edificio de Ferro
32004 Ourense
España
Máis información:
www.uvigo.gal
A xornalista dos Servizos Informativos de RTVE Montserrat Rigall, experta en xornalismo móbil (mobile journalism –MoJo–, en inglés), e especialista en intelixencia artificial, impartirá un curso na Facultade de Ciencias da Comunicación da Universidade de Santiago de Compostela os próximos días 29 e 30 de abril. Nestas xornadas afondará na creación de noticias con dispositivos móbiles e en diferentes ferramentas e aplicacións para optimizar e posibilitar esta nova práctica profesional.
A iniciativa, organizada pola Cátedra RTVE-USC, o proxecto Valcomm, o grupo Novos Medios, o grupo de innovación docente IDESVIR e a Cátedra CIRCOM, será gratuíta para as 20 persoas participantes, que recibirán un certificado de participación. As persoas candidatas deberán ser graduadas en xornalismo e serán seleccionadas por orde de inscrición. Así mesmo, deberán acudir ás sesións con smartphones con cámara integrada e conexión a Internet. Con todo, as persoas asistentes poderán empregar libremente calquera ferramenta que mellore a calidade da gravación, como trípodes, estabilizadores de imaxe ou micrófonos de solapa adaptados a móbiles.
https://novosmedios.gal/2024/04/08/montserrat-rigall-curso-mobile-journalism/
A Academia Galega de Seguridade Pública convoca en Cervo e en Baiona un curso de formación específica de socorrismo en instalacións e espazos acuáticos naturais na Comunidade Autónoma de Galicia, destinado ás persoas interesadas no desenvolvemento do exercicio profesional do socorrismo.
Requisitos:
- Persoas maiores de idade en posesión do título de graduado/a en educación secundaria obrigatoria.
- Non estar inscrito/a de forma definitiva na sección ou seccións correspondentes do Rexistro Profesional de Socorristas Acuáticos de Galicia.
As persoas admitidas nos cursos deberán superar a proba específica «combinada con aletas», que constitúe o primeiro módulo formativo dos cursos convocados, e cuxo contido se poderá consultar na ficha específica do curso da páxina web da Agasp http://agasp.xunta.gal, na pestana Formación.
Lugar: Cervo
Datas: do 13 de maio ao 13 de xuño de 2024
Proba específica: 3 de maio ás 18:00 h.
Prazas: 27
Lugar: Baiona
Datas: do 3 de maio ao 15 de xuño de 2024
Proba específica: 3 de maio ás 16:00 h.
Prazas: 27
O prazo de inscrición estará aberto ata o 26 de abril de 2024
Máis información no DOG do 17 de abril de 2024 e en http://agasp.xunta.gal