Os espermicidas son produtos que teñen capacidade para destruír os espermatozoides. Na actualidade pódelos atopar en cremas e óvulos vaxinais. Noutras Comunidades Autónomas tamén os hai en forma de obleas.
A eficacia do espermicida é considerada baixa cando se utiliza só e por este motivo é recomendada a súa utilización asociándoo a outro método como é o diafragma, por exemplo. O seu prezo varía entre 6 e 7 euros (valor aproximado) e pode atoparse en forma de crema ou óvulos.
Para máis detalle, verás como se usa de seguido, ao falarmos do diafragma e da esponxa.
