"Unha viaxe polo patrimonio e os albergues REAJ da miña Comunidade" é un concurso de vídeos organizado pola REAJ e dirixido a clases de 6º de primaria de calquera escola pública, privada ou concertada.

Para participaren, as escolas terán que presentar un vídeo en que amosen o patrimonio mundial e os albergues xuvenís da súa Comunidade. O vídeo deberá ter unha duración máxima de 4 minutos e non é preciso trasladarse ata o ben "patrimonio mundial" nin ata os albergues. O formato é totalmente libre: Pode ser unha explicación, entrevista, spot, representación teatral, baile, canción...

Hai 2 premios:

- Para a escola gañadora, 5.000 € (IVE incluído) para visitar bens declarados patrimonio mundial, con aloxamento en albergues REAJ.
- Por sorteo entre todas as escolas participantes, unha equipación deportiva valorada en 1.000 € (IVE incluído).

A fase de recepción de vídeos estará aberta ata o 1 de marzo de 2024 ás 15 horas.

Podes baixar as bases da convocatoria, instrucións e formulario de participación, así como dar unha ollada a vídeos de edicións anteriores, na seguinte ligazón.

Como continuación da campaña de Bonos REAJ da Rede Española de Albergues Xuvenís, informámosvos da abertura dun novo lote de BONOS REAJ para estes últimos meses do ano.

Deste xeito, o vindeiro martes 5 de setembro, abrirase o novo lote de Bonos na páxina web de REAJ. Este dividirase en duas quendas, é dicir, abriranse bonos esta semana e a seguinte e terán duración ata final de ano, 31 de decembro do 2023.

Lembramos e resumimos:

- Bonos Individuais de 30€

- Bonos de Grupos de 200€

- Ata o 31 de diciembre deste ano para trocalos e usalos en calquera albergue REAJ.

- Os devanditos bonos serán postos ao dispor dos usuarios na páxina de REAJ de maneira graduada. Así mesmo, a cada persoa/grupo que se lle envíe un Bono Albergue faráselle chegar tamén por email un Carné de Alberguista Dixital de forma gratuíta.

Requisitos:

Os Bonos Albergues REAJ individuais poderán ser solicitados por calquera persoa física que teña entre 18 e 30 anos e teña residencia legal en España. No momento da solicitude do bono o usuario deberá ser menor de 31 anos. Unha vez cumpridos os 31 anos, non poderá ser solicitante do bono (aínda que si que poderá trocalo no caso de que o solicitase antes de cumprir os 31).

Só se emitirá un bono por persoa, que irá ligado ao seu número de DNI / NIE e será persoal e intransferible, non podendo ser cedido a terceiros baixo ningunha circunstancia.

Os Bonos Albergues REAJ de grupo poderán ser solicitados por calquera grupo legalmente constituído que teña CIF e estea recoñecidos por algunha administración como grupo.

Só se emitirá un bono por cada CIF e só poderá ser utilizado polo grupo ao que lle foi concedido, non podendo ser cedido a terceiros baixo ningunha circunstancia.

 * Páxina web para adquirir os bonos

 * Vídeo promocional

A Rede Española de Albergues Xuvenís (REAJ) lanza de novo este ano a campaña de Bonos Albergues REAJ, co fin de incentivar o uso dos albergues da rede, dala a coñecer xunto co Carné de Alberguista, fomentar o movemento alberguista e que os mozos, mozas e grupos coñezan novos destinos.

As persoas e grupos posuidores dun bono poderán facer uso del en calquera albergue da rede para estancias que teñan lugar ata o 31 de maio de 2023. Por tanto, as persoas usuarias ou grupos deberán asegurarse de que as súas estancias (pernoitas) teñen lugar antes de dita data, xa que non poderán ser utilizados a partir dela.

A campaña Bonos Albergues REAJ componse de:
- Bonos Individuais de 30 euros (IVE incluído).
- Bonos Grupais de 200 euros (IVE incluído).

Os devanditos bonos serán postos ao dispor dos usuarios na páxina web de REAJ cada semana de maneira graduada.

REQUISITOS

Bonos individuais:

Os Bonos Albergues REAJ individuais poderán ser solicitados por calquera persoa física que teña entre 18 e 30 anos e teña residencia legal en España. No momento da solicitude do bono o usuario deberá ser menor de 31 anos. Unha vez cumpridos os 31 anos, non poderá ser solicitante do bono (aínda que si que poderá trocalo no caso de que o solicitase antes de cumprir os 31).

Só se emitirá un bono por persoa que irá ligado ao seu número de DNI / NIE e será persoal e intransferible, non podendo ser cedido a terceiros baixo ningunha circunstancia.

Bonos de grupo:

Os Bonos Albergues REAJ de grupo poderán ser solicitados por calquera grupo legalmente constituído que teña CIF e estea recoñecido por algunha administración como grupo.

Só se emitirá un bono por cada CIF e só poderá ser utilizado polo grupo ao que lle foi concedido, non podendo ser cedido a terceiros baixo ningunha circunstancia.

Tes toda a info e o formulario de solicitude nesta ligazón