Gabinete de Recolocación Industrial, S.L. convoca o curso para a obtención certificado de profesionalidade "Dirección e coordinación de actividades de tempo libre educativo infantil e xuvenil (SSCB0211)"
Curso Gratuíto. Presencial. 428 horas.
Inicio o 8 de abril en horario de 15:00 a 20:00 h de luns a venres.
Certificado de profesionalidade de nivel 3.
Dirixido prioritariamente a persoas desempregadas inscritas na oficina de emprego (posibilidade de incluír a persoas traballadoras). Requisitos de acceso: ESO, FP2, Ciclo formativo de grao superior. Prácticas non laborais en empresas no sector do ocio e con alta na seguridade social. Posibilidade de axudas e becas. A maiores do temario oficial incorporaranse contendidos especializados tanto sobre administración: contratación pública, xestión de subvencións, emprendemento.... ; como de intervención: manualidades, seguridade en actividades de aventura, deportes alternativos..
Localidade: Vigo. R/ Serafín Avendaño 18, int.
Máis información e inscrición:
Gabinete de Recolocación Industrial, S.L.
correo: formacion.vg@e-gri.com
Teléfono: 986 900 618
whatsapp/telegram: 698 17 94 94
A Xunta de Galicia, xunto co Servizo Público de Emprego Estatal convocan os seguintes cursos 100% subvencionados para os profesionais da Comunidade Autónoma de Galicia, destinados a mellorar as súa competencias e desenvolvemento profesional.
Os cursos se imparten en modalidade 100% en liña, sen horarios e a través dun campus virtual que estará dispoñible as 24 horas: https://www.cursosfemxa.es/ocupados-xunta
- 6 Sigma. Ferramentas de seguridade, eficiencia y productividade (70 horas)
- Análises de custos para a toma de decisións (66 horas)
- Avaliación do impacto ambiental (130 horas)
- Cociña creativa e de autor (85 horas)
- Competencias dixitáis básicas (70 horas)
- Estratexias de servizos: calidade e orientación ao cliente (110 horas)
- Habilidades comerciais (70 horas)
- Negocios en liña e comercio electrónico (90 horas)
- Planificación e xestión do tempo (70 horas)
- Posicionamento en buscadores (55 horas)
- Posicionamento na web para o emprendemento (100 horas)
- Programa avanzado en agile project management. Scrum (160 horas)
- Redes sociais e márketing 2.0 (70 horas)
- Xestión da seguridade informática na empresa (110 horas)
- Xestión de comunidades virtuais (110 horas)
- Xestión loxística (160 horas)
A inscrición para estes cursos pode realizarse desde a seguinte páxina web: https://www.cursosfemxa.es/ocupados-xunta
Máis información:
Teléfono gratuíto:900100957
Correo electrónico: atencionalumno@femxa.com
A Universidade de Santiago de Compostela convoca un Curso de habilidades comunicativas.
Na actualidade todo o alumnado debe redactar e defender oralmente e con presentacións dixitais traballos académicos de curso e TFG, e moitos tamén un TFM ou unha tese. Este curso pretende ser unha grande axuda para iso.
Convócase dúas veces ao longo do ano académico:
- Unha primeira convocatoria, para os meses de setembro, outubro e novembro.
- Unha segunda convocatoria, para os meses de febreiro, marzo e abril.
Consta de 3 módulos de 25 horas cada un, pódese realizar completo ou só aqueles que sexan do seu interese.
A cada un dos módulos recoñéceselles 1 ECTS para todas as titulacións da USC.
A redacción científica
Módulo 1 do Curso de Habilidades Comunicativas
Falar en público
Módulo 2 do Curso de Habilidades Comunicativas
Presentacións dixitais eficientes
Módulo 3 do Curso de Habilidades Comunicativas
Campus Dual TIC, entidade de capacitación do Agrupación industrial TIC Galicia, convoca un novo curso con Bootcamps 100% gratuítos.
Durante os meses de febreiro a xuño teremos os seguintes bootcamps todos 100% en remoto e gratuítos:
- Bootcamp programación Fullstack desde 0:
Do 26 de febreiro ao 31 de maio. De 8:30 a 15:10 de luns a venres
-Maquetador de páxinas web& e-commerce:
De abril a xuño. De 15h a18h de luns a venres.
-Bootcamp en Ciberseguridade en ERPs e GRC:
Do 2 de abril ao 12 de xuño. De 9h a 15h de luns a venres.
FP DAM/DAW/ASIR ou graduados en ADE/Económicas ou relacionados co ámbito de negocio.
-Bootcamp Deseño UX/UI:
Do 11 de abril ao 21 de xuño. De 9h a 15h de luns a venres.
Graduados en Marketing/Publicidade ou con algún FP de deseño
-Bootcamp Product Owner- Xestión de proxectos con metodoloxías áxiles:
Do 16 de abril ao 26 de xuño. De 15h a 18:30h de luns a xoves.
Todas aquelas persoas que queiran introducirse na xestión de proxectos con metodoloxías áxiles ou ampliar a súa visión como Product Owner ou empezar a aplicar nos seus equipos estas metodoloxías.
Máis información: 881.189.754
info@campusdual.com
https://www.campusdual.com/
A Industriosa, centro de cultura maker e colaborativa de Vigo, celebrará un ciclo de obradoiros de robótica orientados a xuventude.
O Obradoiro de Robótica é unha actividade destinada a alumnado de ESO/Bacharelato, entre 12 e 16 anos cuxo propósito é utilizar esta solución tecnolóxica para familiarizarse coa programación, o pensamento computacional e a robótica educativa.
mBot-2 é un robot baseado en tecnoloxía ESP-32 que se pode programar con mBlock-5, software derivado de Scratch e que permite empregar programación visual con bloques ou textual con Python. Contén motores, LEDs RGB, pantalla a cor (con joystick e botóns), sensor de luz, altofalante, micrófono, xiróscopo/acelerómetro, sensor de distancia e sensor segue-liñas e capacidades de comunicación via WiFi/Bluetooth.
O obxectivo do taller é formar aos participantes, en robótica, programación e actividades de competición tecnolóxica utilizando ferramentas libres e tamén preparar un equipo para participar na 7ª edición da Competición de Robots da EEI (eei.robots.webs.uvigo.es/) que se celebrará o 19 de abril na Escola de Enxeñería Industrial da Universidade de Vigo
A actividade será os luns, do 19 de febreiro ao 15 de abril, de 17:00 a 18:30 no local da Industriosa en Vigo.
O custo da participación no taller é gratuíta (prazas limitadas) e para formalizala debe de facerse por email no enderezo directiva@aindustriosa.org achegando cuberta a autorización de menores.
O Centro Galego de ArtE Contemporánea, CGAC, organiza o curso Div@s na rúa. A moda no século XXI
A cultura contemporánea abrangue un amplo espectro de teimas que aparecen mesturadas baixo o poder da imaxe nos medios de comunicación.
O mundo do pop-rock e do techno, a arte manga, a cultura do hip-hop, a intelixencia artificial e a tecnoloxía constrúen uns universos estéticos onde a fronteira entre realidade e a invención se esvaece.
Os ídolos dos medios de comunicación de masas están moi presentes nas nosas vidas, chégannos continuamente a través de canles e soportes moi diversos e a súa proximidade é tal que nos sentimos compelidos a vestir e a actuar coma eles.
As artes, as modas, as culturas contemporáneas fan parte de nós. Desde a creación da MTV e a popularización dos vídeos musicais que mataron a estrela da radio, ata a recente irrupción da intelixencia artificial e do metaverso, o certo é que nós xa non somos nós.
Desde a costura de Azzedine Alaïa, Thierry Mugler e Kansai Yamamoto ata a cor rosa de Valentino ou o spray-on dress de Coperni, nós xa non somos nós.
Desde Karl Lagerfeld en Chanel ata Demna Gvasalia en Balenciaga, desde Yayoi Kusama e Virgil Abloh en Louis Vuitton ata Barbie en Zara e Manu Ríos en Loewe, nós xa non somos nós.
Este curso debuxa o pasado, o presente e o futuro das culturas contemporáneas e das modas, ao tempo que transita pola fina liña que separa o divismo na arte do divismo na rúa.
Programa:
16 de abril. Cultura contemporánea. Ao bordo do baleiro. Cando o mundo xira cara a un discurso de indiferenza, eterna sedución, violencia das imaxes e narcisismo. Revistas e desfiles. A era do baleiro
23 de abril. Primeiro a forma, logo a función. Cando as formas retóricas quebran o racionalismo da función. Posmodernismo. Os imperios efémeros. Xuntanzas de arquitectos para cambiar o mundo e imaxes en movemento
30 de abril. Visión e son. É o espectáculo da moda. Estrelas no night club, da pantalla global e da pasarela. O prêt-à-porter e o feito internacional
7 de maio. A conversión estética do planeta. As sombras das vangardas. As proxeccións das interpretacións. A cuestión global. Hipermodernidade
21 de maio. Hiperobxecto, sneakers e hip-hop. Gustar e emocionar. A sociedade da conciencia
28 de maio. Decepcionadas e lixeiras. O valor absoluto da imaxe no corpo. Tatuaxes e roupas sensacionais. O consumo é o rei. Divas das artes e das rúas
Inscrición:
O prazo de inscrición estará aberto ata o 12 de abril de 2024. As persoas interesadas poden enviar un correo electrónico a cgac.educacion@xunta.gal.
https://cgac.xunta.gal/gl/actividades/divs-na-rua-moda-no-seculo-xxi
O Centro Galego de Arte Contemporánea, CGAC, organiza o curso Arte na aula ler, crear e comunicar a través de imaxes
Vivimos rodeados de imaxes e temos, máis ca nunca, acceso a ferramentas que nos permiten crear mensaxes visuais ou audiovisuais e compartilas. A linguaxe visual proponnos un achegamento espontáneo ao mundo, a través do cal consumimos, gozamos e mesmo xeramos imaxes de forma instintiva.
Pero, coma calquera outra linguaxe, a nosa capacidade para interpretar e crear de forma coherente, libre e autónoma está directamente ligada ao coñecemento e á práctica dese código de expresión e comunicación. Este curso achegaranos de forma práctica ás ferramentas que nos permiten planificar e deseñar unha mensaxe, compoñela e darlle forma, expresar unha idea e comunicarnos coa contorna de forma visual.
As persoas que asistan ao curso en calquera das súas dúas modalidades poderán observar, reflexionar e experimentar por medio de diferentes soportes: álbums ilustrados, fotografías, storyboard, carteis, arte urbana, pintura, cinema, publicidade…
Datas da modalidade presencial:
9 de marzo de 10:00 a 14:15 e de 16:00 a 19:30 h
Prazo de inscrición: 28 e 29 de febreiro de 2024
6 de abril de 10:00 a 14:15 e de 16:00 a 19:30 h
Prazo de inscrición: 26 e 27 de marzo de 2024
26 de outubro de 10:00 a 14:15 e de 16:00 a 19:30 h
Prazo de inscrición: 15 e 16 de outubro de 2024
23 de novembro de 10:00 a 14:15 e de 16:00 a 19:30 h
Prazo de inscrición: 12 e 13 de novembro de 2024
Persoas destinatarias:
Docentes de calquera das etapas da educación formal (infantil, primaria, secundaria e bacharelato, ciclos formativos ou graos de educación), profesionais da educación artística, persoas interesadas na didáctica da arte e estudantes de Belas Artes ou Ciencias da Educación.
Inscrición:
O curso é de balde. As persoas interesadas poden enviar unha mensaxe electrónica a cgac.educacion@xunta.gal na que deberán indicar os apelidos e o nome, DNI, estudos, área de traballo ou interese, un enderezo electrónico e un teléfono de contacto.
https://cgac.xunta.gal/gl/actividades/arte-na-aula-ler-crear-e-comunicar-traves-de-imaxes
O Centro Galego de Arte Contemporánea, CGAC, organiza a actividade A arte como plataforma para a igualdade. Mulleres artistas, dirixida a alumnado de segundo ciclo de ESO, bacharelato e ciclos formativos.
O obxectivo desta actividade é achegar a arte contemporánea aos centros educativos e estimular o interese das novas xeracións pola creación artística do seu tempo.
A idea destas sesións monográficas é introducir temas transversais á educación, como a ecoloxía, a igualdade, a identidade ou a emigración, co fin de que o alumnado poida comprender o mundo que o rodea a través da expresión artística.
Sesións presenciais
Duración: 90 minutos / Prazas: máximo 25 persoas
Os grupos que visiten o CGAC realizarán, ademais, un taller creativo arredor dos contidos propostos durante a conversa.
Sesións en liña
Duración: 50 minutos / Prazas: máximo 25 persoas
Aos grupos que participen nas sesións a distancia, propómoslles a realización dunha creación colectiva no seu centro educativo.
Requisitos técnicos: O centro educativo deberá dispor do equipo técnico preciso para participar nunha reunión telemática (aula equipada cun ordenador con cámara e micro, altofalantes e pantalla).
Inscrición: As actividades son de balde e, para participaren, os centros interesados deberán enviar unha mensaxe electrónica a onlinecgac@gmail.com coa seguinte información: nome do centro educativo, curso ou idade das persoas participantes, día e hora en que desexan realizar a actividade, un número de teléfono e un enderezo electrónico de contacto e mais o nome da persoa responsable.