O Instituto da Xuventude, Injuve, convoca as axudas para a Creación Nova, cuxa finalidade é fomentar a actividade creadora e investigadora dos mozos e mozas, facilitar a promoción e a difusión das súas creacións, á vez que propiciar a súa incorporación ao ámbito profesional, mediante a axuda a proxectos a desenvolver.

As Axudas terán as seguintes liñas de actuación:
a) Investigación.
b) Produción de obra.
b) Movilidad de obra producida e/o creadoras/es.
d) Comisariado da Sala Amadís do Instituto da Mocidade.
e) Emprendemento para a creación emerxente.

Requisitos das persoas beneficiarias:
Persoas maiores de idade, de nacionalidade española e todas aquelas con residencia legal en España, que non superen os 30 anos de idade, nos supostos de Investigación, Produción de obra, Movilidad e Comisariado para a Sala Amadís, ou os 35 anos no suposto de Emprendemento para a Creación Emerxente, na data límite de presentación de solicitudes.

A contía individualizada das axudas será de:
3.000 € para os proxectos de investigación
5.000 € para os proxectos de produción de obra e de mobilidade de obra ou creadoras/es
7.000 € para os proxectos de comisariado da Sala Amadís
10.000 € para os proxectos de emprendemento para a creación emerxente e, con independencia do custo total estimado do proxecto para desenvolver.

O prazo para presentar solicitudes estará aberto ata o 16 de maio de 2024
Máis información no BOE do 17 de abril de 2024 e en www.injuve.es 

A Xunta de Galicia convoca o programa Conecta con Galicia, que ten por finalidade facilitar á mocidade da Galicia exterior o contacto coa realidade galega e o encontro cos seus familiares.

Convócanse 50 prazas para mozos e mozas residentes no estranxeiro, con idades comprendidas entre os 16 e os 17 anos, para participar nun campamento xuvenil, do 15 ao 29 de xullo, no albergue Gandarío en Bergondo (A Coruña), para a realización dun programa dividido en dúas partes:

1ª. O mar de Galicia, en que realizarán actividades recreativas e deportivas relacionadas co mar, a náutica e o coñecemento do medio mariño, xunto con mozos e mozas residentes en Galicia.

2ª. «Cultura e Camiño»: desenvólvese os últimos días. Esta parte do programa está destinada unicamente aos participantes da Galicia exterior e as actividades que se realicen están orientadas a facilitarlles o contacto coa realidade da Galicia territorial actual e o encontro cos seus familiares: coñecerán o patrimonio cultural da zona da contorna, percorrerán algunha etapa do Camiño de Santiago e visitarán empresas punteiras de Galicia, ademais de dispor dun tempo para que as familias dos participantes que o desexen poidan estar con eles

Unha vez finalizado o programa, as persoas participantes que así o manifesten na solicitude poderán prorrogar a súa estancia en Galicia durante un período aproximado de 15 días máis contados desde o día 29 de xullo.

Requisitos das persoas participantes:
a) Ter unha idade comprendida entre os 16 e os 17 anos durante todo o programa, isto é, deberán ter feitos 16 anos ao inicio do campamento e non poderán cumprir 18 antes do 29 de xullo.
b) Non ter participado en edicións anteriores deste programa.
c) Ter nacido en Galicia ou ser descendente de persoa emigrante galega.
d) Ter a nacionalidade española.
e) Ter a súa residencia habitual no estranxeiro.
f) Atoparse vinculadas con calquera concello galego no padrón de españois residentes no estranxeiro (PERE), cunha antigüidade mínima de 12 meses.
g) Saber nadar.
h) Non padecer enfermidade transmisible con risco de contaxio.
i) Carecer de discapacidades que lle impidan realizar a viaxe e participar con normalidade nas actividades do programa.

Prezo:
Para optar ás prazas con financiamento do 100 %, o importe total dos ingresos e rendas que perciban todos os membros da unidade familiar do solicitante, non poderá superar o límite da cantidade que resulte do dobre da base de cálculo da prestación por razón de necesidade aprobada no ano 2024 para o país de residencia ou, no caso de residir en Europa, do salario mínimo interprofesional no país de residencia para o ano desta convocatoria, multiplicado polo número de persoas que convivan menos unha.

As persoas interesadas que entendan que os ingresos da unidade familiar do solicitante supere ese tope deberán optar por unha das prazas ofertadas na modalidade de copagamento, e aboar a cantidade de 800 €, se residen en América, ou de 250 € se residen en Europa, en concepto de custos de viaxe.

O prazo de presentación de solicitudes estará aberto ata o 17 de mario de 2024
As solicitudes poden tramitarse en https://sede.xunta.es co procedemento PR930A
Máis información no DOG do 17 de abril de 2024 e en http://emigracion.xunta.es

As mozas e mozos galegos con discapacidade poden decidir sobre a modalidade de participación á que desexan optar:
- prazas do procedemento xeral. (de 9 a 17 anos) Cunha discapacidade igual ou superior ao 33% farase constar esta circunstancia no formulario de solicitude, co fin de planificar os apoios persoais necesarios, se os precisase.
- prazas reservadas de inclusión. (de 9 a 17 anos)
- prazas de campamentos específicos para persoas con discapacidade. (de 11 a 50 anos)

Oferta de actividades específica para persoas con discapacidade. Este ano a oferta chega as 250 prazas nun total de 14 quendas en tres emprazamentos diferentes: no Albergue Xuvenil de Gandarío, e nas Residencias de Tempo Libre de Panxón (Nigrán) e O Carballiño.

Prazo de presentación de solicitudes do 17 ao 30 de abril.

Quen pode solicitar praza?
Poden solicitar praza nos campamentos quen teña recoñecida a condición de persoa con discapacidade, cunha idade comprendida entre os 11 e os 50 anos e presente calquera tipo de limitación ou necesidade especial.

Que servizos hai no campamento?
Os campamentos contan con aloxamento, manutención, un programa de actividades de animación sociocultural, material necesario para as actividades, equipo técnico de persoal especializado e atención sanitaria.

Requisitos para solicitar praza
Os requisitos para solicitar praza son: ter recoñecida unha porcentaxe de discapacidade igual ou superior ao 33%, ter unha idade comprendida de entre os 11 e os 50 anos, estar empadroado nalgún concello de Galicia; ou non padecer trastornos que poidan alterar a convivencia durante o transcurso da actividade, entre outros.

Como e onde presento a solicitude?
As solicitudes, acompañadas do informe médico, presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal/detalle-procedemento?codtram=PR004A, dirixíndoas á Dirección Xeral de Persoas con Discapacidade da Consellería de Política Social e Xuventude e indicando no asunto relacionado “CAMPAMENTOS DISCAPACIDADE 2024”

FOLLETO INFORMATIVO