San Simón e San Antonio son as illas maiores do arquipélago, que se completan cos illotes de Cobreiras e Pena Branca. Neste contexto, desenvólvese o programa 'Mergúllate en San Simón', promovido pola Dirección Xeral de Xuventude e Voluntariado da Xunta de Galicia en colaboración coa Fundación Illa de San Simón e a Universidade de Vigo.

Este programa de actividade consiste en cursos de iniciación ao mergullo sen bombona, a desenvolver durante dous días, coincidentes coa fin de semana, durante o período de outono do ano 2010, para xente moza de 18 a 35 anos.

A súa finalidade, a demais de adquir ir os coñecementos básicos de mergullo, pretende fomentar o coidado do ambiente e gozar da paisaxe e do contacto co a natureza nos distintos contornos privilexiados da Illa de San Simón.

Ademáis da información que atoparás neste apartado, podes descargar aquí o PDF informativo do programa.

Condicións xerais da actividade

Destinatarios

Persoas con idades comprendidas entre os 18 e os 35 anos.

Inscricións

Os interesados e interesadas neste programa poderán facer a reserva de praza a través de chamada telefónica, a partir do día 7 de setembro do 2010, aos números 981 545 937 / 981 541 689 / 981 541 688 e 981 545 822, en horario das 9:00 ás 14:00 h de luns a venres.

Unha vez reservada a praza, deberase efectuar o pagamento de cota de participación no prazo máximo de 48 horas.

No momento de facer a chamada darase a información oportuna sobre o xeito de facer o correspondente ingreso.

Cota de inscrición

A cota de inscrición será de 100 euros.

Os/as posuidores/as do Carné Xove pagarán 75 euros (un 25% menos).

A reserva de praza comunicarase oportunamente.

Documentación necesaria

Xustificante de pagamento e fotocopia do Carné Xove ou Máis, de ser o caso, que deberá ser remitido por fax á Dirección Xeral de Xuventude e Voluntariado.

O número de fax é 981 545843

(Non se considera confirmado ningún participante ao cal lle falte algún dos documentos mencionados con anterioridade).

Aclaracións de interese

• De non realizarse o pagamento da cota no prazo máximo de 48 horas, a Dirección Xeral de Xuventude e Voluntariado disporá da praza reservada.
• Procederase á devolución da cota cando, por causas non imputables ao interesado, o servizo non se preste ou cando a Administración anule a actividade de que se trate (Lei 6/2003, do 9 de decembro, de taxas, prezos e exaccións reguladoras da Comunidade
• Autónoma de Galicia, e Decreto lexislativo 172/1992, do 26 de xuño, polo que se ditan as normas para a xestión, da liquidación e recadación das taxas e prezos públicos da Comunidade Autónoma de Galicia).

Normas de desenvolvemento da actividade

Lémbrase aos/as participantes da necesidade de respectar o descanso do resto das persoas, tanto das inscritas na actividade como das alleas a esta.

• Os monitores solicitarán ao comezo da actividade a cada un dos participantes a presentación do DNI ou documento acreditativo semellante.
• Calquera persoa que non figure como participante nos datos da organización será excluído da actividade.
• Calquera cambio na titularidade na praza debe ser consultado e autorizado pola Dirección Xeral de Xuventude e Voluntariado, como mínimo, 10 días antes do comezo da actividade.
• É imprescindible saber nadar.
• As actividades poderán sufrir modificacións en función das condicións metereolóxicas.
• As actividades deste programa son obrigatorias e a súa non execución é motivo de expulsión, a non ser que exista causa xustificada.
• Non esquenzades a tarxeta sanitaria e os útiles de aseo.