1 Cando sorrís
Cando sorrís e pintas o tellado
da miña infancia
fasme lembrar que namora máis o
esquecemento cá memoria.
Cando suspiras, e as paredes se esconden para non derrumbarnos,
levantemos murallas
matando o ruído que cala
o bico que precisa
a comisura dos nosos beizos.
2 Cura
Chegas á casa despois de estar todo o día traballando sen enerxía, abres a porta e ves unha bóla de pelo mexendo o rabo, saltando; aí sentes como a fatiga se transforma en amor e felicidade.
3 Cando te miro
Sempre que te miro
empezan a voar os merlos,
o mundo cesa o xiro,
para o momento.
Non me concentro
por pensar en ti contento.
Es a razón do meu alento.
Contigo o meu corazón non torna lento.
No meu querido fogar,
ti e a Terra Chá,
será eternamente onde quero estar.
Parece que me volves afable
coa túa fala amable,
fas que a vida sexa estable.
4 Amor desde os meus ollos
Hai quen pensa que so te podes namorar unha vez, pero é mentira.
Podes namorarte mil veces e, se tes sorte, o fas da mesma persoa en diferentes momentos da túa vida.
5 Amor nos teus
Azul,
no ceo cheo de paxaros que voan sen rumbo.
Azul,
nas ondas revoltosas.
Azul,
nas orquídeas que brotan e tornan todo fermoso.
Azul,
nos teus ollos.
Onde podería perderme e bailarte con cada mirada.
6 Reflexos
Que son aos teus ollos?
Chispas de inverno
Folerpas de verán.
Que fun para ti?
Murmurios do vento
Silencio do mar.
7 Paixón
Un agarimo do sol
Un bico da lúa
Un corazón cheo
Baleira a miña vida.
Se algún día morres
Que eu xa non estea,
Que murchen todas as flores
E choren as estrelas.
8 Que fixeches
Non sei que fixeches, pero estaba perdida ata que te encontrei, e polos teus olos namorei.
9 Se te viras cos meus ollos
Os teus ollos como o sol,
e o teu sorriso como o alcohol.
Se non estás comigo,
sinto que me falta o abrigo.
Se eu fose a túa muller,
iría contigo a ver o amencer.
Do meu corazón ábroche a porta directa,
asegúroche que será a correcta.
10 Pa miña rapaza
Es a estrela que me ilumias. O teu sorriso fai que o meu corazón se acelere.Quero un bico deses que fan que a dor non exista. Dentro de min só existes ti.
11 Amor
Bos días meu amor.Brillas tanto como o sol do amencer.Quero que me des moitos bicos, deses que pola mañá me dás para espertarme.O meu corazón estaba baleiro ata que viñeches ti para enchelo.
12 Para mi
Boto a vista atrás e pregúntome se me seguirías querendo. Cambiaron moitas cousas e, ás veces. aínda nos custa entendernos, pero es o único que permanece. Mírote no espello.
13 Ineludiblemente unidas
Galicia. Cantabria. Francia. Cambiou o lugar, cambiou a xente, a lingua e por suposto o tempo. Pero ti permaneces, e mentres ti permanezas, eu permanezo. Mamá.
14 As túas cores
Loiro o cabelo que vía de espaldas
azuis os ollos que voltaron a me mirar
pálidas mans que logo xuntamos
vermellos os beizos que aos meus bicaron
negra a noite que nos tapaba
mais branca a lúa que observaba.
15 Volve
Onte soñei contigo, co teu sorriso, coa túa mirada,
con esa alma namorada.
Soñei que che recuperaba, que che abrazaba e bicaba sen parar.
Soñei que me rumoreabas e dicíasme o moito que me estabas a estrañar.
Soñei que espertaba ao teu lado e o meu corazón excedía de alegría.
Soñei que me casaba contigo e que xuraba ante Deus que sempre che amaría.
16 Os teus ollos
Eses ollos que resplandecen como o máis bonito amencer,
un amencer tan cálido.
Eses ollos que me dan alegría e toléanme.
Onte á noite soñei contigo, e estráñoche.
Ven e converte o meu soño nunha bonita realidade.
17 Miradas que falan
Cada mirada túa, cos teus ollos verdes hipnotizando a quen os mire, dáme anos de vida logrando que entenda linguas que non falo, co teu acento estranxeiro roubando o meu corazón, que imaxina cada canción cantada pola túa voz.
18 Sentimiento Sorpresa
O amor é o único tesouro que se multiplica cando se comparte.O amor é o fume enxendrado pola chama do corazón.Deixate levar polo amor,é o único sentimento que de primeiras te sorprende.
19 A miña nena
Chica de ollos castaños, a quen lle conto as miñas verdades e os meus pésames, os meus sentimientos van hacia ti e non podo paralos, pero quero que cheguen para florecer todos os días, de ti son os frutos porque túas foron as semillas porque pensar en ti aullenta as pesadillas, porque nada chea máis cas túas sonrisas, non vaias con presa porque quero un amor lento que resista o paso da vida.
20 Venus calmante
Venus que calmas a miña guerra interna, que desfais a miña tristeza duradeira, por ti non podo asentar cabeza, por ti daria todo o que poidera, non serei Marte pero crieime en guerra, non sain dela ata que lle puxeches fin a esta, porque a guerra sempre sucumbe ao amor, porque verdade son os sentimentos do meu corazon, porque por ti dou a vida, porque no amor hai razon, pasion e valentia.
21 Non sei como fas
Non sei como fas, pero cada vez que me miras, o meu sorriso ilumínase dunha maneira inexplicable, os meus ollos brillan cando me contas unha desas bonitas historias e o meu corazón latexa máis rápido cando te achegas a min e me colles da man para levarme a un dos teus sitios especiais.
22 Astros perdidos
Atoparamos dous astros perdidos no ceo estrelado. Ao meu redor a multitude berraba abraiada, mais eu só atopaba seguridade nesa mirada resplandecente. So sentín como atraía o meu corazón, coa mesma forza que a lúa exerce sobre o océano. Só sentín como unha luz medraba en min, un faro que me amosaba o camiño ata o meu destino, aquela mirada fugaz.
23 Un, dous, tres
Un, dous, tres.
Tres bicos nos meus beizos.
Tres pencas na túa fazula.
Tres chimpos do meu corazón.
Tres palabras que só che dedico a ti: miña media laranxa.
24 Amor pra casar
Nun solpor de verán
Funche coller da mán.
Aquel día na mar
Quixenche namorar.
Vinte a bailar na orquestra
E pensei en casar
Cousa pouco vista
Coma ti que parecias de revista.
25 Esto que sinto
Cada vez que te vexo sempre penso o mesmo, como un meniño tan fermoso non se ve con eses ollos,cada vez que me dis que hai algo de tí que non che gusta e coma se me pareceses chosco; porque eu vexote guapo a rabiar, xa que te vexo como os lostregos nunha noite de decembro brillar.
26 Razón e emoción
Quizais, a maior traxedia de todas ocorre cando se cruza unha mente racional cunha alma emocional. Cando penso en ti sinto que a miña alma quere romper as reixas da súa cela con ímpeto, ser libre e amarte incondicionalmente. Porque eu no fondo sei que ti contradís a parte racional do meu ser.
27 Perecer no intento
Por que a vida é tan caprichosa? No noso camiño crúzanse flores que nin tan sequera podemos ulir. Cultivamos o froito da vide e temos prohibido saborear o seu zume. Por que contemplamos a lúa no firmamento e nin podemos rozala coa punta dos dedos? A vida está chea de imposíbeis, e o maior logro é perecer intentando alcanzalos.
28 Protexéndote das sombras
Os auveantes con dentes de ferro te desexan mentras eu sufro. Xogas con eles coma con cadelos verdes que rematarán por morder.
Cor en días grises, lume en noites frias, andanzas na rutina. Es máis que un corpo feito, ti es a indomable lúa.
A que protexo aínda que non me corresponda.
29 Amor no defecto, amor puro
Pai e nai, amor puro, máis aló do enamoramento loitan por estar xuntos.
En contra das ondas sacan adiante unha familia, cos seus fillos coma razón de existir.
Humildes de todo, apañan a sua casiña, non precisan máis. El a ela, ela a el, a pesar das imperfeccións elixen amarse nos seus defectos.
Iso é amor, amor puro, de nai e pai.
30 O faro do noso amor
Meu amor,
Neste mar de palabras, ti es o meu faro. Nos teus ollos atópanse os segredos do universo e no teu sorriso, o meu destino. O meu corazón fala en galego porque es a lingua do noso amor. Contigo, cada día é unha nova poesía escrita coas letras do noso sentir. Amochece e anhelo perderme nos teus brazos, onde atopo o meu lar. Ti es a melodía que acouga a miña alma. Neste concurso de amor, a miña mensaxe é simple: ti es o meu mundo enteiro, o meu eterno amor. #LinguaDeNamorar
31 Estrelas do noso ceo
Meu amor,
Como as estrelas que iluminan o ceo, así é o teu amor na miña vida: eterno e radiante. Cada momento xuntos é unha constelación de felicidade, onde os nosos corazóns bailan ao ritmo da paixón. Contigo, cada día é unha aventura na que descubrimos novos segredos do universo. O teu amor é a estrela que brilla no meu ceo.
32 Primavera de Abelás
E cando vin os seus ollos cor abelá mirarme por primeira vez, foi como ver o solpor máis bonito do mundo, un primeiro día de primavera, un verán nas illas Cíes.
Mil bolboretas espertaron en min, e estoume decatando de que grazas a el
voarán toda a miña vida.
33 Unha persoa
Meu querido, belo, amoroso
meu moi lindo amor fermoso
quérote como unha princesa
unha princesa ben preciosa.
34 Miña Paz
Ese sorriso tan bonito fixo que eu puidese sorrir despois de varios anos estando mal. Cando te puxeches a falar comigo a barriga revolvíaseme, sabia que eran as bolboretas que bailaban na miña estomago. Cando empezamos a camiñar xuntos da man, estaba tan nerviosa que as mans me suaban, pero eu estaba tranquila contigo esquecíame de todos os malos pensamentos que frecuentemente tiña.
35 Eu
Moitos anos pasei para entender
que a ninguén debo complacer,
o único que verdadeiramente importa é
o amor que eu mesma pódome ofrecer.
Estou moi contenta de atoparme
pois ninguén tanto cariño darame,
así que se o amor queres atopar
mirate nun espello, pois ese é o lugar.
36 Medo
Teño medo, medo a sentir algo tan forte como o é o amor. Ese sentimento que te abraza de repente e fai que nazan bolboretas no ventre. Ese sentimento que fai que os defectos vólvense algo precioso e que na escuridade podas atopar luz. Fai que esa vida escura se encha de luz e cores.