Lingua de namorar 2020: mensaxes da categoría A

1 O ladrón de corazóns

Alto! Isto é un atraco, vouche roubar o corazón!

 

2 As leis e o amor

Onde manda o amor, sobran as leis.

 

3 Vida

A miña vida e a túa levan moito tempo querendo ser unha soa.

 

4 Sabe a pouco

Es tanto que todo o que escriba sobre ti vai saber a pouco.

 

5 Paso do tempo

Pouco a pouco pasa o tempo e sei que che podo perder.

 

6 Namorarme

Namorarme? Ninguén logrou namorarme tanto coma ti... Dende pequena eu estiven preto de ti; na escola todos te rexeitaban, mais eu por ti sempre enloquecida estiven. Cando tiven que ir lonxe estudar, añoraba escoitar o teu sonido,e outras quixéronme engaiolar. Mais o meu amor por ti nunca ninguén derrubará,só ti me namoraches, miña lingua galega.

 

7 Amor galego

Cheguei a Galicia fai moito, dunha terra esquecida, e namorei dunha fermosa rapaza. Mais entre ela i eu, palabras non podiamos intercambiar, xa que linguas distintas falabamos. A muiñeira e as cantigas, ensináronme a galego falar, e con dita lingua de campesiños, poetas, amantes e pescadores, ó meu amor puiden cautivar. Galego grazas a ti por todo

 

8 Cantos de serea

Todo aconteceu nunha noite fría de outono. Antón estaba preto dun acantilado. Clara berrou con todas as súas forzas "non o fagas", pero xa era demasiado tarde. Antón só escoitaba os cantos de Perséfone, que o chamaban e o encadilaban coa súa dozura. Disque atoparon o seu corpo nunha praia cercana, e que na súa faciana tiña debuxado un sorriso.

 

9 Filoloxía

E que son os idiomas cando as fronteiras se fan difusas? Por que non dicirche “Ich liebe dich” no canto de “I love you”, “Je t’aime” ou “Maite zaitut”? Porque te quero aquí e te quero ti. Porque cheiras a bosque, mar e muiñeira. E sobre todo porque nunca te quererei escura, agochada ou diglósica.

 

10 Retórica

Sei que ditongamos ás veces e outras somos hiato irrexuntábel, e que aínda que imposíbel, a nosa rima é libre, asonante e consonante ao mesmo tempo; de arte maior e menor, sen importar se somos lira ou soneto, pareado ou sirventés. As antíteses véndannos os ollos, pero creme que confío a cegas no noso poema.

 

11 Meu Kenzo

Querido Kenzo: Xa fai dez anos desde aquel encontro debaixo daquela cerdeira. Teño moi nítido o día que apareciches na miña clase. Un ano despois ninguén sabía que ti e eu coñeciámosnos pero supoñían que entre nós existía un vínculo especial. A emoción daqueles días foi o mellor de toda a miña vida.

 

12 Como diría: Quérote!

Eu teño un segredo escondido dun amor incomprendido. O meu corazón impacienta unha resposta verdadeira. Non sei como explicalo, é algo moi estraño. Un sentimento tan fondo e verdadeiro. Todo é tan complicado, non sei como solucionalo.Todos estes anos, e ti estiveches calada. Un día gustaríame, nunha noite estrelada, dicirche: quérote miña namorada!

 

13 Amor de familia

A familia é o máis importante na nosa vida e tela é o mellor que che pode pasar. Todo comeza ao nacer, a nai chorando de ledicia e o pai con cara de felicidade ao verte. Os tíos e os avós comezan a vir ao hospital para ver que outra persoa máis forma parte da familia. A familia fai que cada día sea unha nova aventura e estarán contigo ata o final.

 

14 O amor

Cando nos coñecemos souben o difícil que sería se xurxía unha relación pero decidín intentalo e de iso se trata o amor verdadeiro, coñecer os riscos e aínda así tomalos e perseverar no nome do amor.

 

15 Todo o que sinto por ti

Aínda que agora xa é crecido sigo recordando cada día todo o que fixeches por min, e debereicho de por vida.Tes un corazón que non te cabe no peito,nunca che vou coñecer unha persoa tan boa .Todo o que conseguimos como familia foi grazas a ti e iso ten moito mérito.Teu valor é incalculable.Quérote,quérote e vou querererte sempre moito

 

16 Polo teu amor incondicional

Mamá, criáchesme con cariño e me fixeches comprender que non todo ía ser marabilloso, pero me ensinaches a superar todos. Todo o que eu son débocho a ti. Escríbote esta carta para darte as grazas. Sé que tivemos nostros mas e nostros menos e que aveces non te agradezco o suficente todo que fixeches por min. Déboche unha vida

 

17 Morena miña

Que ganas de verte, de que aparezas así como si nada, porque sí. Que ganas de que caigan sinales do ceo que me mostren o camiño e digan: - por aquí, anda ven, e coincidamos-''.

 

18 Tutu nadie como tutu

- ¿Os meus medos?

- Si.

- Dame medo olvidarte.

 

19 Desexo

Espero que coincidamos noutras vidas, xa non tan tercos, xa non tan mozos, xa non tan cegos nin testarudos, xa sin razóns senón pasións, xa sen orgullo nin pretensións. Oxalá.

 

20 Nunca che olvidarei

Grazas por todos os momentos que pasamos xuntos. Bótoche de menos. Non sabes o que eu daría por estar cinco minutiños contigo.... quérote.

 

21 Quérote amigo

Os malos momentos que pasamos en aldea Paleta loitando contra os pikachus agresivos da ruta 54,o snorlax dormido e o ratata da liga de campións. Bótote de menos

 

22 Merécelo

Mereces a alguén estable, con quen poder ir durmir, sen preocuparte se mañá seguirá amándote ou non. Alguén que opta por perder o seu orgullo que perderte. Alguén do que sexas prioridade e non opción, alguén que che dea a túa praza. Mereces sinceridade, amor e respecto.

 

23 Non sabes o que tes, ata que xa non dispós del

É ese intre no cal te das conta de que é o amor. Funme da miña terra, Galiza, pero non perdurei fóra máis duns meses.Agora entendo a miña avoa e ao seu “acabarás voltando”, e tiña razón. É imposible abandonar unha terra natal, e máis como a miña. Licor café, tarta de Santiago, pementos de Padrón, gaiteiros e foliadas...Galiza, tesme namoradiña!

 

24 Aí, xusto no corazón

Un bico cada noite, un “bos días, rapariga!” polas mañás. Un caldiño de repolo na mesa e un trociño de pan para acompañar. Unha aperta cando máis a necesitas e un “vai traballar, folgazana!” para espertar. Que tarde nos enteramos de que o mellor amor, é o dunha nai.

 

25 Pura tolemia

Fun navegar dende a beira do mar na miña lanchiña e vinte, vestida de nácara. E namoreime! Perdín os sentidos por ti! Os cinco, que tanto necesitaba! Hoxe só podo escoitar o recendo dos teus cabelos, contemplar o eco delicioso da túa voz, aspirar a suavidade do teu corpo, aloumiñar o sal da túa pel e saborear esa mirada túa, verde e traidora.

 

26 Non me chames

Non me chames. Por favor. Non me chames.

Se non te gusta o mea corpo. E vasme dicir o que taño que comer ou o que taño que ponerme.

Se non te gusta como falo. E vasme decir como contestar en cada entre.

Se non te gusta con quei ando. E vasme prohibir ver ós meus amigos o fin de semana.

Non me chames. Por favor. Non me chames.

Se non me queres así.

 

27 Parte de min

Que non podo falar así.

Que desta forma non chegarei lonxe.

Que son unha maleducada empregándoa en público.

Que cando marche ninguén me entenderá.

Que debería usar outra lingua.

 

Faladurías. De alguén. Que non entende.

Que non entende que o galego forma parte de mín.

Que non podo deixar fóra parte da miña esencia.

 

28 A vida

A vida é un barco. Un navío no que terás que remar xunto con outras moitas persoas. Algunhas delas quererán axudarte. Outras, en cambio, buscarán afundirte.

Pero sexa como sexa, veña quen veña ou póñanse as cousas como se poñan, eu só quero remar ao teu carón, á túa beira.

 

29 Soñando

Cando os soños van facendo camiño na miña vida,

cando o tempo pasa sen sentimentos,

cando o amor aparece de repente.

Cando a vida vai facendo o seu sendeiro,

cando os soños van e veñen,

cando o amor chega á miña vida.

Cando vivo soñando,

e esperto soñando

pensando no amor.

 

30 Larpeira

Quixen buscar larpeira,

tarta de chocolate,

batido de fresa,

flan de café.

Cousas doces

para esquecer

non pensar no amor.

Mais o recordo

dunhos ollos verdes.

A ilusión dunha mensaxe,

a alegría de escoitar unha voz.

Nada cambia o amor,

nada fai esquecer ao amado.

Larpeira doce

coma os teus beizos.

ailusión do wasap

 

31 Sempre

Fai moito que non nos vemos e a verdade non me olvidei de ti, nin creo que o faga nunca. Pensar no importante que te fixestes para min en tan pouco tempo...

Só quería dicir que aínda que todo cambie e non nos vexamos sempre me terás para todo.

Vivimos moitas cousas xuntos e para mín significou algo, por iso aínda que o negue, sempre te quererei.

 

32 Declaración de amor

Escribo esta mensaxe porque non sei fabricar bombas, e algo quería lanzarche. Demasiado cobarde para dicircho á cara e moi valente para que sexa unha indirecta

 

33 Ausencia

Crin en todo o que saía pola túa boca e nunca pensei en que algún día eses beizos serían os mesmos que mentirían mentres me mirabas aos ollos. Crin todas as promesas e deixei de lado os meus principios de pedra. A día de hoxe só eles me perdoaron afastarme e seguen comigo, ti fai tempo que non estás aquí.

 

34 A ti, miña cousiña pequena

Aínda recordo ese 13 de novebro de 2016, cando vin esa cariña por primeira vez, nunca me imaxinei que algo tan pequeno podería facerme tan feliz, tamén recordo a emoción que me deu ser a túa madriña e escoitar ese 'nana' da túa boca tan pequena e deses labios tan delgadiños. Es a persoa que me pon feliz todos os días. Quérote, quérote moito

 

35 Nun anaco de papel

É posible plasmar un sentimento nun anaco de papel? Por máis letras, por máis tinta e caracteres, nunca chegarás.. oír o latexo do meu corazón, o dilatar das miñas pupilas, ese suor nas mans, esas bolboretas a brincar no meu interior... non, por máis liñas que te escriba, nunca saberás do meu amor se non o ves nos meus ollos pegada ó meu carón.

 

36 Quérote

Non sei se este é o momento adecuado, trato de pensar nas palabras adecuadas, pero todo é confuso. Tantos sinónimos que recitar para unha persoa tan única coma ti, é irónico. Supoño que saberás por onde vou, así que, irei directo ao gran: Quérote. Quérote demasiado

 

37 Unha mensaxe especial

Ola, xa sei que ultimamente non me estou portando moi ben, pero aínda así ti sigues axudándome e mimándome coma sempre. Porque sempre serás ti, miña nai. Como di a canción que tanto cantamos "quérote máis que a tortilla de patacas con xamón". Bicoss! Gracias por todo o que fas por mi.

 

38 Olladas

Vinte ao lonxe

Como cada día…

Fitei os meus ollos en ti

Que valentía!

Pensei en como dicirche

O que por ti sentía…

E de súpeto

Sentín a túa mirada

Que me dicía:

Pensei que nunca te atreverías…

 

39 Nai

Nai, naiciña, a primeira palabra que aprendín,

Que amor máis fermoso hai que o cariño dunha nai,

Que lingua máis bonita para chamarte,

Nai, naiciña es o máis grande que hai.

 

40 Amor da miña vida

Aínda recordo aquel marabilloso día que te vin por primeira vez, cando a túa mirada se atopou coa miña, naceu en min unha sensación enorme, era como se vise un anxo fermoso, a persoa máis fermosa que vin nunca na miña vida.Nese momento apuntabas ao meu corazón e sabia que ti eras para mi e eu para ti.

Quérote de todo corazón

 

41 Carta de amor

Non podo sequera explicar o que ti me fas sentir, porque o que eu te amo é tan grande, que me resulta inexplicable.

Dende o día en que chegaches, fúcheste metendo aos poucos no meu corazón, sempre me sacabas un sorriso e sempre estabas ao meu carón e iso chegou a tal punto de que agora é todo teu e cada latexado leva consigo teu nome.

Quérote

 

42 Si quero

Mensaxe na pantalla. Non, non quero!! berrou. O que non queres?

Non quero que traduzas as miñas verbas cando as busco na rede

Non quero que elixas por min o idioma no que me teño que expresar

Non quero que cambies o que quero dicir

Non quero que cambies a miña voz

Si quero a miña lingua, a de namorar

 

43 Nai

Este poema

Bo non será

Pero desde o meu corazón

Seguro que sairá.

Por seu amor

por seu cariño

este poema dedico

a alguén que admiro. Miña nai

Que para min

E para todos só

Unha hai.

Estivo sempre alí

Pra facerme rir

E sempre algo conseguía

Que era facerme feliz.

O único que arrepíntome

É que ela

Eu fixen sufrir

Coas pelexas que temos

Porque eu

Son un memo.

 

44 Meu amigo, bótoche de menos

Saltamos as ondas

polo San Xoán,

polo Santiago fuches en cas...

Chorar, chorei.

 

45 Un espertar doce

Cando espertei

os meus soños de moza

continuaban intactos,

porque o meu espertador telefónico foi un Whatsapp:

Quérote!

 

46 Verán'18

Lembro os días nos que todos rimos

Lembro todas as tardes que compartimos

Lembro todas as veces que nos bañamos

nese verán no que nos xuntamos

e dende aquela non nos separamos.

Lembro todas as veces que nos enfadamos.

Todas as veces que choramos

e todas as veces que xuntos o amañamos

nese verán no que nos xuntamos

e dende aquela non nos separamos.

 

47 Paranoia

Sinto medo, pavor. Estou aterrorizado. Teño medo, si, a que deixes de quererme. Horror só de pensar en que poida chegar o día no que canses dos meus innumerables defectos. Sinto arrepíos cando considero a posibilidade de que eu mesmo che faga dano e chegues a odiarme. Que podo facer? Quizais só sexas parte dun soño que está na miña cabeza.

 

48 Volver a...

Un abrazo cálido

dos que non esquecerás

fará que sexa o meu refuxio

nos meses máis solitarios.

 

Os teus beizos recórdanme,

que esa noite na que a comodidade

dunha verdadeira amizade,

puido haber acabado en inimizade.

 

49 Cedeira

E aínda que xa non queiras saber nada de min, sempre quedarán no meu recordo aquelas tardes na praia da Madalena cando cantabamos xuntos a Guadi Galego.

 

50 Polos opostos

Ti eras máis de vestir a saia de Carolina e eu a "chupa" de Queen. Gustábanche as filloas con chocolate e a min, con mel. Sempre me levabas a Cedeira, aínda que eras máis dos atardeceres de Doniños. Ninguén comprendía como estabamos xuntos, pero é certo que os polos opostos se atraen, e non hai sensación mellor no mundo que a que teño ao teu carón.

 

51 Leite con mel e fillas con azucre

Bos días miña rula!

Hoxe erguinme máis cedo do normal e como vin que treboaba abondo deixeite unha cunquiña de mel con leite e unhas filloas con azucre. Espero que pases bo día no traballo.

Quérote a rabiar! Biquiños!

Firmado: O teu amor

 

52 Ti es

Se ti es o meu soño,

quero facelo realidade.

Se ti es a miña fantasía,

quero cumprila toda.

Se ti es o meu destino,

quero rematalo ao teu lado.

Se ti es a miña historia,

quero escribila ata o final.

Se ti es o meu todo,

quero todo de ti.

 

53 Coco do amencer

Confundiuse en ti

A seiba da cerdeira

A elegancia da cala

A nostalxia solar do coco

E a cor que abarca todas as cores...

 

54 Bótote de menos

Ola, quería decirche que te boto de menos que me fas falta e por iso te escribo e te lembro. Para min non es unha persoa normal debido a que ti es demasiado perfecta. Quérote.

 

55 A miña avoa

Miña avoa, como te boto de menos, acórdome daqueles días de cariño e alegría.

Sempre coindándome e ensinándome nas túas terras.

Nunca esquecerei aqueles abrazos teus, e por suposto das túas mans na cociña, facendo as túas obras profesionais.

 

56 Un clásico

Se me pides algo bonito, diría que non hai nada máis bonito que ti. Si, xa sei que iso é un clásico. Así que agora vai algo da miña propia colleita... Ben, non che podo dicir algo bonito, mais sei que algo fermoso sería agarrarche da man e non soltala nunca.

 

57 Amor deportivo

O fútbol é o único amor que non defrauda.

 

58 Amor matemático

O meu amor por ti é infinito. A suma do noso amor sempre vai ser positiva.

 

59 Amor á brevidade

Brevidade, de todas as razóns da vida, es a máis abrazable, porque fas a miña vida máis pasable.

 

60 Carta de amor

Ola, Xoán dende que te coñecín sinto ledicia e amor por ti. Ti es a miña esperanza e tamén o agarimo da miña vida e unha parte do meu corazón. Adeus Xoán, ata pronto.

 

61 Costuras de namorar

Da costura do liño no teu abrazo rebento en amapola azul cada noite.

 

62 Futgal

Cando defendo a miña portería estou ledo, pero máis cando defendo o galego.

 

63 Sempre

Sempre serás o home da miña vida, sempre serás o meu heroe favorito, sempre te pensarei por todo o que me ensinaches e sempre serás esa estrela á cal miro todos os días porque sempre estás no meu corazón, avó.

 

64 Es ti

Aínda que non o creas, es ti; es ti o que me gusta, es ti quen me alegra os días, es ti co que soño, es ti no que penso. Es ti o que elixín e aínda que nunca te darás de conta, es ti polo que me derreto.

 

65 Boas noites

- Boas noites

- Separarnos é docemente penoso. Con tal de estar ao teu carón eu repetiría "Boas noites" ata os primeiros raios do sol.

 

66 Gabanzas aos teus ollos

Adornas a miña man cada vez que ma dás,

con cada paseo namórome máis.

Se comparas os teus ollos cós do resto de rapaces,

verás como os teus merecen máis gabanzas.

 

67 Raízes de amor

Es o candil que ilumina o meu camiño. Enraizácheste no meu corazón como un castiñeiro bravo!

 

68 Bombóns Lindor

- Non pises ese papel!  

- Cal?

- No que viñas envolto, bombón

 

69 Dozura

A túa dozura prodúceme diabetes como un xeado de verán baixo o sol.

 

70 Camisasssss

Quen puidera ser a túa camiseta para estar pegado a ti!

 

71 Felicidade

O sorriso é teu, mais o motivo é meu.

 

72 Primavera

Hai margaridas

crecendo no meu peito,

xogas con elas cando me ispo

e escápaselles que te quero.

 

Non somos espellismos;

só un oasis no deserto.

Esfollando margaridas

volvo a agosto e ao mar,

á calor e á roupa no chan,

a dou corpos nun abismo.

 

Traes co vento a primavera

e fas mudar as estacións.

 

73 Coma os caracois

Deixas as persianas abertas,

eu espreito entre as fiestras

e sempre quero volver.

 

Os caracois levan a casa ás costas

e eu a ti no corazón

 

74 Non me fagas...

Non me fagas escribir versos que non entendo,

debuxar bosquexos que invento

nin atrapar estrelas que morreron.

 

Non quero ver o amor onde en realidade non hai nada,

nin pintar bolboretas onde hai follas mortas.

Tampouco disfrazar os prantos con cancións de piano,

nin buscar alegría detrás dunha alma murcha

e escribir letras que non serán lidas.

 

75 Ti

Eterno sentimento,

sentimento puro.

No meu recuncho escuro

abro os ollos e tamén os pecho,

pois a túa mirada secuestrou o meu corazón,

a túa voz enmeigou a miña alma,

o teu sorriso amarrou a miña vida…

 

E neste momento pregunto:

Estarás pensando en mi?

Porque eu en ti, si.

 

76 Que é o amor...?

Amor é iso que suma, que aporta, que recibes dende que naces polos que máis te queren.

Amor é quen nunca te abandona, quen te apoia, quen te respecta, quen te coida, quen te fai sentir libre e complet@. Amor é quen sempre logra sacarche un sorriso, quen converte as que eran bolboretas en titáns...

Amor é todo iso, e amor... Es ti.

 

77 Esa mirada...

Non quero esaxerar nin facer disto unha novela, pero mentiría se digo que me es indiferente. Cando te miro aos ollos sinto como se tentaras mostrarme que sintes o mesmo que eu. E como xa dixo Bécquer, "a alma que pode falar cos ollos, tamén pode bicar coa mirada". Esa mirada na que non podo evitar perderme e que me atrapou cando menos o esperaba.

 

78 Amor olvidado

Ela dorme, envolvida na noite,

nunha cova de víboras que só a súa dor coñece,

envelenada por traizóns e recordos que a atormentan,

atrapada está por mans xélidas e mortas.

 

Buscando un amor indiferente,

en persoas que o seu corazón non merecen,

conformándose con mentiras que a embauquen,

para esquecerse doutras promesas rotas.

 

79 Lume fatuo

Ardes como os lumes da guerra,

e brillas como a luz da alba,

queimas as miñas bestas avernas

e iluminas o meu interior con calma.

 

80 Gardo o teu agarimo

Levántome

vou á cociña

preparo o almorzo

e aínda sigo

aínda

sacando dúas cuncas do armario.

 

Só que neste caso unha énchese de café e

a outra queda sen o que te levaches nos teus ollos.

 

81 E te quedas

"Marcho que teño que marchar"

dis mentres camiñas cara a min

lentamente

en dirección contraria

á saída

deixando as maletas

na rúa:

 

que as desfaga a brétema do inverno.

 

82 Ás de bolboreta

non podo voar navegando polo ceo porque non teño plumas nas miñas ás de terciopelo

inspecciónasme de corpo a alma

sacando da túa manga de mago barato un ramo de rosas brancas

e coa delicadeza dun anxo poeta

cubres pétalo a pétalo

os ocos das miñas ás de bolboreta

mais non son eu a que voa

senón as palabras

que na túa presenza

a miña mente atesora

 

83 Un "algo" especial

Cando te vin por primeira vez na rúa sentín algo que nunca sentira antes. Ese "algo" síntoo cada vez que te vexo e é unha sensación que repetiría todos os días da miña vida.

 

84 Segues sorprendéndome

Todas as mañás véxote. A túa imaxe vén a min, de forma inevitable, instantes despois de levantarme. Que beleza, que cara tan ben feita, que personalidade tan única. Día a día deslúmbrasme, sorpréndesme cunha nova faceta que non coñecía de ti. Ámote, reflexo do meu espello.

 

85 Infinito

Infinito é o amor que sinto por ti, tan infinito como mirar o ceo estrelado nunha noite de San Xoán.

 

86 O meu porto

Es a marea que me leva á boa orela,

es o sal que conforma o meu mar,

es a luz dun faro que se ve entre as estrelas,

e que dá vida a un barco a punto de naufragar.

Miña capitá, nesta noitiña,

pensarei en ti mentres aprecio o luar.

 

87 Amor ás apalpadelas

Moita xente cre que debe ter amor para que a xente o vexa, pero o importante do amor é vivilo, non contalo.

 

88 Destino

O primeiro amor non chega sempre nesa orde.

 

89 A segunda estación

A calor densa, as piscinas veraniegas, as festas de cada vila, saídas cos amigos, xeados e refrescos, roupa veraniega, praias e ríos espectaculares, risos e bos momentos...

Grazas por todo isto e por todo o que nos dás cada ano.

Grazas verán.

 

90 O meu amor

Meu amor, xa non estás aquí,

o tempo vai a ralentí,

o meu corazón latexa freneticamente,

a vida pasa lentamente,

e non te quero ver así.

Ven comigo, Ilaí,

viviremos tranquilamente.

Por favor, teno en mente.

 

91 Ausencia

Por que estou aquí,

neste mundo tan cruel,

tan lonxe de ti

e sen poderte ver?

 

Son coma un monicreque

movido polo teu amor.

Isto que me acontece

prodúceme unha intensa dor.

 

Por que te tiveches que ir?

Por que tiveches que deixarme tan só?

Agora que marchas, eu sinto

como a miña vida perde a cor.

 

92 Verán

As mañás na praia , os atardeceres na beira , as noites vendo as estrelas...

Que bonito es e que pouco duras.

 

93 Eclipse

Eses escuros cabelos

Eses beizos que namoran

Esa pel morena

E eses ollos que non choran.

A miña alma espera

A túa pel de seda O

meu corpo anhela

Ese sorriso ledo.

Rógoche de todo corazón

E en efecto namorado

Que me aprobes esta ilusión

De poder ser teu amado.

Norur

 

94 Meu amor

Meu amor:  

Quíxente, quérote e querereite toda a vida aínda que xa non esteas neste mundo, sempre estarás no meu corazón.  

A primeira vez que nos vimos non pensei que te puidese querer desta maneira tan aloucada como agora, e xa me ves, escribíndoche esta carta para poder despedirme de ti e darche o meu último adeus, amor, meu amor.

 

95 Laranxa intenso

Non o entendo pero cando entras en min o único que ven os meus ollos é un laranxa profundo, borroso, intenso, suave. O laranxa existe e expándese en todos os recunchos do meu corpo, por todos os recunchos nos que o aire escapa. Non o entendo, pero se é laranxa debe ser porque toda a queima e paixón é a cor do lume.

 

96 Aparezo

Fasme desaparecer por segundos do meu corpo, só tes a capacidade de desfacerse de min e recrear a convivencia das túas palmas.  

Desaparezo esperto nos teus brazos, esperto ao teu lado. Esperto polas costas e entre os dedos. Sorría, porque hoxe podo dicir que xa non teño medo ao tempo.

 

97 Dos beizos ás mans

Os fermosos beizos que namoran coa preciosa lingua que os bicos gardan, ollos cor azul nos que un sorriso naufraga en busca do peito que acolla o seu pétreo corazón feito cachizas, unha tenra caricia que oculta todos os sentimentos que queiman; aprenderei a sucar os mares que tras as súas uñas se esconden e a navegar o ceo que a súas palmas cruzan.

 

98 Camiño

Solo fun con ela porque ía solo e ela ía sola, e íamos mais ou menos cara o mesmo sitio. Foi por falar de algo, pero eu solo te amo a ti. lévote no meu corazón e na miña cabeza. Qúerote, moitísimo. E tú es o único que quero neste mundo. Tú es o amor da miña vida.

 

99 Apetito carnal

Comezar bicando a marca da túa barriga e acabar recorrendo pouco a pouco o teu corpo, enchendo de amor os teus defectos, marcando os meus beizos en cada anaco de pel, alimentando o desexo. Sobran as ganas, só é comezar.

 

100 Amor misterioso

Meu amor é un misterio, en busca dun home tan bello coma a miña querida lúa oscura. As negras rosas maldicidas que o amor aclararán e destrozarán unha gran dor e soedade. Unha luz que poida rematar con séculos de oscuridade; Es ti ese amor verdade?

 

101 Pseudonó

Ser libre é decidir con quen te atas.  

E átaste ti soa, sabendo gozas de control. Decidas facelo ou non, será por amor a ti e á túa vontade. Mentres a túa corda non aperte deixarala posta, será como non tela, non a notarás.

Entregaraste, serás ti, plena, íntegra, en cru e en vivo. Compartida. E que bonito é atarse por alguén, sentindo que eres libre.

 

102 Das aulas ao altar

Compañeiro de clase, fixéchesme estudante eterna. Estudarte a ti leva, cando menos, unha vida.

 

103 Agarimo entre flores

O suspense das fervenzas xeadas,

o cantar ledo dos rousinois no alba.

Acubillo que non coñece distincións

e fogar de todos os nosos irmáns.

Personificamos á rosa do Principiño:

inxenuos confiamos nas nosas espiñas,

mais sen o biombo levaranos o vento.

Flores orgullosas a mercé dos volcáns.

 

104 Aquelas cousas

Namorar… Amor… Esas cousas tan fermosas que desde cativos nos din que só cando cheguen sabremos o que son realmente. E pensar que levo namorada desta terra desde ben pequena… E que agora chegas ti, buscando un buraco no meu corazón, e ainda por riba atopándolo sen saber si é correspondido ou non.

 

105 A lúa abandonada

Vinte por primeira vez na rúa

e con aquel sorriso na miña mente

aquela noite pedinlle a lúa

poder volver a verte.

Que por ti agora estou perdida

e ti andas buscando o meu corazón.

Sempre me dixeron que nesta vida

é mellor a amizade que a falta de amor.

 

106 Querida avoa

Querida avoa,

es como a neve,

un día xogo contigo,

bícote,

abrázote...

Pero despois chega un día,

no que xa non te podo ver

como a neve

ela sempre volve

no inverno

pero ti non,

quérote.

 

107 A nosa querida distancia

Querida distancia,

ti déchesme o amor da miña vida,

uniches un corazón pontevedrés

e un corazón ourensán.

Sempre recordarei como a través

do Instagram, comezamos a ser mozos.

Querida distancia, co amor 200 quilómetros

convértense nun metro.

 

108 Quérete

Como nunca o fará ninguén.

Mírate ao espello sentíndote a persoa máis bela do mundo. Por dentro e por fóra.

Non teñas medo de mostrarte ao mundo tal e como es.

Non pases moito tempo castigándote. Invísteo en momentos para ti. Pero sobre todas as cousas,

Quérete.

 

109 Fóra da realidade

Eu non quero que sexas a miña Lúa ou Sol, non quero que sexas o meu cliché de amor. Tampouco quero unha historia real que remate, só quero que sexamos dous tolos que se amen.

 

110 Farta de nada

Xa non te considero necesario,

Farteime de mirar o calendario.

Pensando nos poemas que che escribo a diario,

Gastando todas as letras do abecedario.

Non podo negarche que foras quen amei,

Sen darme contar da dor que me causei.

Pero esta historia xa máis sei

E decidín que eu mesma a rematarei.

 

111 R.I.P.

Vaite de aquí, non quero verte

non quero bicarte, tampouco terte

mataches miña arte, tiraches miña sorte

cando acariñarte facíame máis forte

E agora. Qué queres? QuE volva rezarte?

despois dEste dano non podo abrazarche

non podo nombarte, non podo mirarte

somos dous estranos que antes foron arte

mÍrome ao espello e dÍgome

que non eres a misma.

 

112 Miña Nai

Miña nai ten o ego altísimo, ela ten vinte dende que eu teño cinco.

Eu doulle a razón,

coma ela non hai dous.

 

113 Teño fame

Cando penso nela ruborízome, míroa, síntoa, rózoa

e cando quero dar,e conta, atópome preto dela, achégome

ela está quente, empapada, os seus fluídos escorréganlle por enriba

aproximo a ela os meus beizos, sinto o seu calor,

abro a miña boca nun éxtases final.

Adoro a tortilla de patacas da miña avoa.

 

114 Efémero

O meu corpo bótate de menos, cada vez que pecho os ollos vexo o teu rostro sorrindo, cando esperto sinto ese medo de esquecerte. Esquecer as túas caricias e o sabor dos teus beizos. O teu olor impregnado na niña pel xa non está e con el vaise o teu recordo.

 

115 Auga salgada

A salmoira dos feridos

O mel das moscas

A cal dos cadáveres

O anzol dos peixes

A trampa dos osos

A luz das polillas

O león das gacelas

O inferno en sabor chicle

Ti non es máis que unha estrela, mortal e inalcanzable.

Con todo, querida, non teñas dúbida de que eu son idiota.

 

116 Aprender a desaprender

Aprendéronme a buscar unha vida estable, estudar algo de proveito, atopar unha moza xeitosa. Despois comecei a desaprender. Talvez a vida estable, o prestixio e a moza non fosen a miña felicidade. Botei fóra os prexuízos e os estereotipos. Quería unha vida emocionante, un traballo gratificante e un mozo. A reaprender... aprendín só contigo.