• Asináronse acordos cos concellos de Betanzos, A Laracha, Rois e Outes
  • Ademais, na provincia da Coruña terán lugar outros Campos de traballo xestionados directamente pola Dirección Xeral en Ponteceso, Boqueixón, Curtis, Vedra, Ribeira e Coirós
  • Di que os campos de traballo “promoven a participación e implicación da xuventude na sociedade, afondando en materias que do seu interese e abríndolles novos camiños para a súa realización persoal”
  • Este ano Galicia conta con 958 prazas para que participen rapaces e rapazas de entre 18 e 30 anos en campos de traballo, das que 370 son de envío a outras comunidades autónomas (120 prazas) e a outros países (250 prazas) e 588 de acollida, nos campos que organiza a nosa comunidade
  • Os mozos e mozas galegos poderán escoller entre participar nos campos de traballo que se organizan en Galicia, ou ben ir aos que se celebran noutras comunidades españolas ou en 34 países de Europa, Asia, África e América

sedsewsde 1O conselleiro de Política Social, José Manuel Rey Varela, acompañado pola directora xeral de Xuventude, Participación e Voluntariado, Cecilia Vázquez, e polo delegado territorial da Xunta de Galicia, Diego Calvo, asinou na mañá de hoxe os convenios que permitirán a organización dos Campos de traballo 2016 na provincia da Coruña aos que definiu como “unha excelente ferramenta de educación non formal para a mocidade, xa que engloban experiencias de participación, de voluntariado e de mobilidade”. Concretamente, a Delegación Territorial da Xunta na Coruña acolleu a firma dos acordos cos concellos de Betanzos, A Laracha, Rois e Outes. Ademais, na provincia da Coruña terán lugar outros Campos de traballo xestionados directamente pola Dirección Xeral en Ponteceso, Boqueixón, Curtis, Vedra, Ribeira e Coirós. O conselleiro agradeceu a presenza dos alcaldes dos concellos coruñeses que “comparten a preocupación conxunta de ofertar actividades para os mozos de entre 18 e 30 anos o que axuda a dinamizar a vida xuvenil dos concellos galegos”.

O responsable de Política Social asegurou no seu relatorio que estes campos de traballo “son accións voluntarias, que os mozos e mozas realizan de xeito altruísta e solidario, poñendo o seu gran de area para mellorar a nosa sociedade”. Rey Varela destacou tamén que os campos “promoven a participación e implicación da xuventude na sociedade, afondando en materias que do seu interese e abríndolles novos camiños para a súa realización persoal”.

Con respecto á mobilidade, o conselleiro dixo que era un dos valores fundamentais promovido por estes campos, xa que “ofrecen aos rapaces e rapazas a oportunidade de tomar parte en campos doutras comunidades axudando ao desenvolvemento de valores de convivencia, tolerancia ou o traballo en equipo”.

Catro convenios para catro campos de traballo
Os convenios asinados hoxe permitirán levar a cabo os campos de traballo nos concellos coruñeses de de Betanzos, A Laracha, Rois e Outes. Todos estes campos son de carácter internacional, para mozos e mozas de entre 18 e 30 anos e cada un conta con 20 prazas, salvo o da Laracha que ten 18.

En Betanzos levarase a cabo un campo de restauración do 15 ao 26 de xullo. Os voluntarios realizarán unha valoración e diagnose do estado da Fonte das catro estacións dos Xardíns do Pasatempo e redactarán un proxecto de restauración, con limpeza e consolidación preventiva da fonte, limpeza e acondicionamento dos xardíns que a rodean e actividades de difusión e divulgación do proxecto.

En Laracha organizarase un campo medioambiental, etnográfico e patrimonial do 1 ao 15 de agosto na conca dos ríos Badroso e Acheiro. Os traballos medioambientais que se van realizar son a limpeza dun roteiro, a mellora e mantemento de paneis de sinalización, a identificación da flora do roteiro e o adecentamento de zonas de lecer. Os traballos etnográficos e patrimoniais serán os de coñecer o funcionamento e as partes dun muíño de río e as costumes e tradicións arredor deste elemento da pre industria.

En Rois realizarase un campos arqueolóxico do 1 ao 12 de agosto. O Castro de Socastro atópase na parroquia de San Pedro de Herbogo e está configurado por un recinto principal de planta oval, delimitado por un parapeto de terreo exterior. A intervención arqueolóxica no castro de Socastro consistirá principalmente na escavación, prácticas de limpeza, siglado e debuxo arqueolóxico. É a novena edición deste Campo de Traballo.

En Outes levarase a cabo o campo medioambiental, etnográfico e patrimonial do17 ao 28 de xullo. Os voluntarios realizarán tarefas de limpeza e acondicionamento exterior da Rota do Añón, acondicionamento dun muíño e visualización da ruta natural mediante o emprego de novas tecnoloxías.

24 campos de traballo, 588 prazas en Galicia
Os mozos e mozas galegos poderán escoller entre participar nos campos de traballo que se organizan en Galicia, ou ben ir aos que se celebran noutras comunidades españolas ou en 34 países de Europa, Asia, África e América.

A Consellería de Política Social organiza un total de 24 campos de traballo na comunidade galega nos meses de verán, que ademais dos concellos coruñeses de Outes, A Laracha, Ponteceso, Boqueixón, Rois, Betanzos, Curtis, Vedra, Ribeira e Coirós, celebraranse nos municipios lucenses de Folgoso do Courel, Portomarín, Becerreá, Pantón, Quiroga e Xermade, nos concellos ourensáns de Muíños, Celanova, Vilamarín, Ourense e A Peroxa, así como nos municipios da provincia de Pontevedra como as Illas Cíes (4 quendas), Cotobade e Vilanova de Arousa.

Este ano Galicia conta con 958 prazas para que participen rapaces e rapazas de entre 18 e 30 anos en campos de traballo, das que 370 son de envío a outras comunidades autónomas (120 prazas) e a outros países (250 prazas) e 588 de acollida, nos campos que organiza a nosa comunidade. Con estes datos, Galicia é a comunidade española con máis prazas en campos de traballo. O pasado ano, Galicia organizou o 34% dos campos de traballo internacionais que se celebraron en toda España, segundo o balance remitido polo Injuve ás comunidades autónomas.

Os campos de traballo enmárcanse dentro da Campaña de Verán 2016 que organiza a Dirección Xeral de Xuventude, Participación e Voluntariado. Esta campaña é a máis inclusiva e importante dos últimos anos no que se refire a número de prazas ofertadas. En total, son 9.046 as prazas que se ofrecen, o que significa incrementar nun 6% as prazas dispoñibles no ano pasado.

Ademais destes campos, a campaña de verán inclúe albergues, campamentos e actividades de ocio e tempo libre para a mocidade. A Consellería de Política Social destina un orzamento de 2,6 millóns de euros a esta campaña.

Cómpre destacar que, outro dos aspectos positivos da campaña está no impulso ao emprego que leva aparellada. Grazas ao desenvolvemento destas actividades, as empresas de ocio e tempo libre de Galicia darán traballo a máis de 900 monitores/as e directores/as de campamentos.

Os interesados e interesadas nesta campaña, xa poden consultar toda a información relativa á mesma enhttp://xuventude.xunta.es.

  • Esta iniciativa estivo estruturada en dúas fases que buscaron o enriquecemento e o desenvolvemento de habilidades directivas, centradas no liderado, a motivación, a comunicación, a xestión de emocións e a organización propia e produtiva dos colaboradores
  • Cecilia Vázquez destacou a heteroxeneidade de perfís, xa que “permitiu unha gran retroalimentación de ideas dende puntos de vista moi diferentes, o que incrementou e potenciou as diferentes capacidades de cada un dos participantes”

imaxe lideres do futuroOs 31 mozos e mozas finalistas do programa formativo de educación non formal Líderes de Futuro, organizado pola Consellería de Política Social, recibiron hoxe os seus diplomas da man da directora xeral de Xuventude, Participación e Voluntariado, Cecilia Vázquez. Os participantes, con idades comprendidas entre os 18 e os 30 anos, están inscritos no Sistema de Garantía Xuvenil; ou ben son líderes de grupos xuvenís que participaron en proxectos de educación non formal; ou ben teñen emprendido algunha actividade profesional por conta propia no ano 2015.

A directora xeral destacou esta heteroxeneidade de perfís, xa que “permitiu unha gran retroalimentación de ideas dende puntos de vista moi diferentes, o que incrementou e potenciou as diferentes capacidades de cada un dos participantes”. Cecilia Vázquez tamén afirmou que “este programa ofreceu a oportunidade de mellorar de xeito individualizado as habilidades para ensaiar e liderar un proxecto que facilite a empregabilidade, a través do desenvolvemento de habilidades persoais e directivas”.

Líderes de Futuro estivo estruturado en dúas fases que buscaron o enriquecemento e o desenvolvemento de habilidades directivas, centradas no liderado, a motivación, a comunicación, a xestión de emocións e a organización propia e produtiva dos colaboradores.

A primeira fase abrangueu tres etapas nos meses de febreiro e marzo. A primeira delas, correspondeu ao seminario “Liderar na xuventude. Motivación para o éxito”, dividido en dúas sesións de catro horas. A segunda abrangueu tres obradoiros: “Sacar o máximo partido do meu estilo de comunicación”, “A xestión de emocións con intelixencia” e “A organización: sacando o máximo partido dos meus colaboradores e de min mesma/o”.

Durante o desenvolvemento destas etapas, fíxose unha avaliación sistemática e continua de cada participante e en función dos resultados, 25 deles pasaron á segunda fase do programa baseada na mentorización e coaching personalizado. Mediante esta actividade desenvolveron as habilidades adquiridas ao longo das sesións xa realizadas.

Os mentores acompañarán a cada alumno na consecución dos seus obxectivos particulares, axudándolles a planificar os seus pasos e completar o camiño de mellora e crecemento profesional. Este proceso facilitou a aprendizaxe dos participantes e promoveu cambios cognitivos, emocionais e de conduta. Estas sesións de coaching personalizado tiveron lugar no mes de abril e na primeira semana de maio.

  • Estas axudas teñen un orzamento conxunto de 145.245 euros e permitirán subvencionar programas e actuacións nas áreas de sensibilización, que inclúe xornadas, campañas e estudos, formación e coordinación para fomentar o traballo en rede das entidades
  • A directora xeral de Xuventude, Participación e Voluntariado, Cecilia Vázquez, lembrou esta información durante a visita que realizou hoxe ás dúas voluntarias procedentes de Bélxica e Romanía que participan nun proxecto de nove meses de duración do Servizo Voluntario Europeo na Confederación Galega de Persoas con Discapacidade (COGAMI)

tyukyujnfug 1O Diario Oficial de Galicia publica hoxe a nova orde de subvencións dirixidas a entidades privadas inscritas no Rexistro de Acción Voluntaria de Galicia para o fomento e realización de actividades de voluntariado durante 2016. Estas axudas, que se outorgarán en réxime de concorrencia competitiva, teñen un orzamento conxunto de 145.245 euros e permitirán subvencionar programas e actuacións nas áreas de sensibilización, que inclúe xornadas, campañas e estudos, formación e coordinación para fomentar o traballo en rede das entidades.

A directora xeral de Xuventude, Participación e Voluntariado, Cecilia Vázquez, lembrou hoxe esta información durante a súa visita ás dúas voluntarias procedentes de Bélxica e Romanía que participan nun proxecto de nove meses de duración do Servizo Voluntario Europeo na Confederación Galega de Persoas con Discapacidade (COGAMI) en Santiago. No acto, Cecilia Vázquez destacou que esta nova orde, xunto coa do Servizo de Voluntariado Xuvenil, supoñen un investimento de máis de 500.000 euros no soporte das actividades das entidades de acción voluntaria, un 5% máis que en 2016.

Os conceptos subvencionables dos proxectos de voluntariado que se acollan a esta orde, serán os gastos correntes das actividades dos proxectos, a contratación de persoal técnico, a adquisición de material funxible, os servizo de comunicacións e os seguros de responsabilidade civil e de accidentes das persoas voluntarias.

A contía máxima de axuda por proxecto será de 4.000 euros e non poderán exceder do 75% do orzamento total. Co fin de que a falta de financiamento non sexa impedimento para levar a cabo os proxectos, a orde tamén contempla a posibilidade de realizar pagamentos anticipados de ata o 80% da axuda. O prazo de presentación de solicitudes é dun mes e os criterios de valoración serán a coherencia xeral do proxecto, a súa viabilidade e sustentabilidade, a innovación e o emprego da lingua galega.

  • A Consellería de Política Social destina preto de 600.000 euros a esta liña de subvencións da que se poderán beneficiar concellos e mancomunidades de Galicia
  • A directora xeral de Xuventude, Participación e Voluntariado, Cecilia Vázquez, informou desta publicación durante a súa participación nunha xornada informativa sobre os programas de Galeuropa e Deseñando o teu futuro en Vila de Cruces

A directora xeral de Xuventude, Participación e Voluntariado, Cecilia Vázquez Suárez, participou hoxe nunha xornada informativa sobre os programas de Galeuropa e Deseñando o teu futuro organizadas polo departamento de Xuventude do concello de Vila de Cruces. Cecilia Vázquez aproveitou o encontro para anunciar a publicación hoxe no Diario Oficial de Galicia da convocatoria de axudas destinada ás entidades locais para a promoción da información xuvenil e á realización de proxectos dirixidos á xuventude no ámbito da educación non formal e da participación.

A esta liña de subvencións, para as que a Consellería de Política Social destina 592.754 euros, van dirixidas a concellos e a mancomunidades de Galicia, así como tamén aos municipios que, pertencendo a unha mesma zona, acorden desenvolver programas conxuntos de actuación sen constituír unha mancomunidade.

A orde sinala que as solicitudes individuais de concellos contarán cun importe máximo de 3.000 euros; mentres que si son dous os municipios, a axuda será de 8.000 euros; e, se son tres ou máis, a subvención chegará aos 15.000 euros. Deste xeito, preténdese incentivas os proxectos conxuntos co obxectivo de favorecer a presentación de proxectos máis ambiciosos e de maior calidade.

Os beneficiarios das subvencións deberán participar no financiamento cun mínimo do 25% do orzamento total. O período subvencionable abranguerá dende o 1 de xaneiro ata o 15 de outubro de 2016. O prazo de presentación de solicitudes será dun mes, contando a partir de mañá.

Poderán ser obxecto destas axudas os custes derivados do funcionamento normal dun servizo de información xuvenil, así como as actividades de dinamización da información que se levan a cabo. Tamén se subvencionan as actividades formativas e educativas, as relacionadas co espírito creativo e emprendedor da mocidade, os programas de información e asesoramento e, en xeral, os que faciliten a participación xuvenil en actividades de educación non formal e os relacionados co asociacionismo e liderado xuvenil, todos eles destinados á mocidade de idades comprendidas entre os 12 e os 35 anos.

Grazas a esta orde, en 2015 desenvolvéronse un total de 219 proxectos xuvenís, dos que 215 foron solicitudes individuais, unha procedente de fusión municipal e tres de agrupacións de concellos. Entre estes últimos estaba o de Vila de Cruces, que xunto cos de Boqueixón e Vedra, desenvolveron un proxecto conxunto que contou con actividades de formación, de tempo libre e de ocio educativo nos meses de verán.

LOGO RIXA Dirección Xeral de Xuventude e Voluntariado convoca axudas ás entidades locais de Galicia, para apromoción da información xuvenil e para a realización de actividades dirixidas á xuventude, no ámbito da educación non formal e da participación para o ano 2016.

Entidades locais beneficiarias:
1. Poderán solicitar estas axudas os concellos, agrupacións de concellos ou mancomunidades de Galicia.
2. Así mesmo, aqueles concellos que pertenzan a unha mesma zona sen constituír mancomunidade para estes efectos e acorden desenvolver programas conxuntos de actuación.
3. Ningún concello ou entidade local dos sinalados nos puntos anteriores poderá:
a) Presentar a solicitude de subvención se o fixo unha entidade local na cal estean integrados ou da cal dependan.
b) Figurar en máis dunha solicitude colectiva.
c) Figurar nunha solicitude colectiva e subscribir outra individual.

Finalidade da subvención:
1. Potenciar a información xuvenil a través dos servizos municipais de información xuvenil integrados na Rede galega de información xuvenil.
2. Fomentar as actividades de educación non formal dirixidas á mocidade e a participación xuvenil no ámbito local.

Período subvencionable e contía das axudas:
O período subvencionable abranguerá desde o 1 de xaneiro ata o 15 de outubro de 2016.
A contía máxima que se concederá será de 3.000 €, que poderá chegar ata 8.000 € para o suposto de agrupación de 2 entidades locais e de 15.000 €, se son 3 ou máis as entidades locais agrupadas.

Serán obxecto de axuda:
a) Os custos derivados do funcionamento normal dun servizo de información xuvenil, así como as actividades de dinamización da información que se leven a cabo desde este.
b) As actividades formativas e educativas, as relacionadas co espírito creativo e emprendedor da mocidade, os programas de información e asesoramento e, en xeral, os que faciliten a participación xuvenil en actividades de educación non formal e os relacionados co asociacionismo e liderado xuvenil, todos eles destinados á mocidade de idades comprendidas entre os 12 e os 35 anos.

O prazo para presentar solicitudes estará aberto ata o 3 de xuño de 2016.
As solicitudes poden tramitarse en https://sede.xunta.es/co procedementoTR305E
Máis información no DOG do 3 de maio de 2016.

A directora xeral de Xuventude, Participación e Voluntariado, Cecilia Vázquez Suárez, recordou hoxe que a Consellería de Política Social mantén aberto os prazos para a participación de mozos e mozas de entre 18 e 30 anos nos programas de mobilidade Galeuropa e Campos de Traballo. Vázquez Suárez fixo este recordatorio durante a súa participación na clausura da Conferencia de Abegondo do proxecto On Tour for Europe. Esta iniciativa enmárcase no programa europeo Europe for Citizens 2014-2020, que pretende fortalecer unha rede de cooperación entre as cidades participantes en temas vinculados á migración, os dereitos humanos e a cidadanía activa. Nel participan representantes de institucións e de entidades procedentes de Bélxica, Francia, Alemaña, Italia, Lituania, Países Baixos, Reino Unido e España.


A titular autonómica asegurou que o fomento da mobilidade xuvenil en Europa é un dos eixes preferentes do Plan Estratéxico de Xuventude 2014-2016, xa que “as políticas máis modernas de Europa teñen a mobilidade como un dos instrumentos para que os mozos e mozas poidan adquirir novas capacidades e competencias, ampliando deste xeito o currículo a través dunha experiencia internacional”.


O programa Galeuropa enmárcase no Programa Operativo de Emprego Xuvenil cofinanciado pola Iniciativa de Emprego Xuvenil e o Fondo Social Europeo e ten por obxecto a concesión de axudas para a realización de prácticas formativas de entre 8 e 16 semanas en entidades ou empresas públicas ou privadas de 31 países europeos. Este programa conta cun orzamento de 2 millóns de euros que permitirá sufragar en torno a 500 mobilidades. O prazo de solicitudes está aberto ata o 9 de maio.


Pola súa banda, os Campos de Traballo para este verán contan con 588 prazas de acollida, nos 24 campos que se organizan en Galicia, e outras 370 de partida. Deste xeito, os mozos e mozas galegos poden participar tanto nos Campos de traballo galegos como nos que teñen lugar noutras comunidades autónomas (para os que se ofrecen 120 prazas), e nos que se celebran en 31 países de todo o mundo (250 prazas).


Os Campos de Traballo constitúen unha excelente ferramenta de educación non formal para a mocidade, xa que engloban experiencias de participación, de voluntariado e de mobilidade. Son accións voluntarias, que os rapaces e rapazas realizan de forma altruísta e solidaria, poñendo o seu gran de area para mellorar a nosa sociedade. Tamén promoven a participación e implicación da xuventude na sociedade e fomentan a mobilidade, pois ofrecen aos mozos e mozas a oportunidade de tomar parte en campos doutras Comunidades e países e viceversa.

A directora xeral de Xuventude, Participación e Voluntariado, Cecilia Vázquez, inaugurou hoxe en Ourense o quinto ÁgoraXove, un programa da Consellería de Política Social que forma parte das accións de participación da mocidade nos temas do seu interese, buscando renovar o enfoque do traballo coa xuventude a través da animación e da dinamización.

No evento, Cecilia Vázquez explicou aos mozos e mozas participantes que “esta iniciativa nace co obxectivo de coñecer de primeira man cales son as vosas inquedanzas e demandas, e nada mellor que facelo mediante a participación directa, para que as nosas propostas se adapten cada vez mellor ás vosas preferencias”.

A temática e o programa de actividades de cada un dos foros está deseñado en función do ámbito territorial no que se desenvolva. Deste xeito, o ÁgoraXove de Ourense contou cunha temática baseada nas artes e na música.

O evento comezou cunha mesa redonda sobre “Competencias e habilidades para o éxito”, onde participaron a presidenta da Federación Galega de Xoves Empresarios, Carmen José López, a directora xeral de Xuventude, Participación e Voluntariado, Cecilia Vázquez Suárez, e o director do IES Maruxa Mallo de Ordes e coach, José Manuel Dopazo Mella.

O programa ÁgoraXove de Ourense tamén contou cunha reflexión en clave biográfica e unha actuación de Daniel Minimalia, premio á mellor canción Word Music do Ano e cunha entrevista ao actor e productor ourensán Rubén Rodríguez Rodríguez (Rubén Ríos).

Tamén houbo lugar para un panel de experiencias de educación non formal coa intervención de participantes en programas dos Centros Xuvenís Don Bosco, de recuperación do folclore tradicional, do programa Galeuropa, de innovación educativa, da entidade Ideas for Ourense, ou dos promotores da app Whimlist, así como gañadores do concurso XMMINT de Unicef. Este ÁgoraXove finalizou cun concerto da banda ourensá de indie, rock e pop Connectica. 
O perfil dos participantes nos ÁgoraXove son membros de entidades, asociacións xuvenís ou grupos informais, antigos participantes nos programas de Xuventude, técnicos de xuventude e de emprego, concelleiros de xuventude, monitores e mozos e mozas en xeral. Estes foros tamén contan cunha área de asesoramento sobre asociación e participación nos programas de educación non formal da Dirección Xeral de Xuventude, Participación e Voluntariado.

Os ÁgoraXove xa se teñen celebrado en Vilalba, na Universidade de Santiago, na Universidade de Vigo, en Palas de Rei e Ourense. Este programa tamén terá lugar nas vindeiras semanas en A Estrada, Betanzos, Bergondo, Marín, Vilanova de Arousa, Curtis e Ferrol.

A directora xeral de Xuventude, Participación e Voluntariado, Cecilia Vázquez, inaugurou hoxe en Ourense o quinto ÁgoraXove, un programa da Consellería de Política Social que forma parte das accións de participación da mocidade nos temas do seu interese, buscando renovar o enfoque do traballo coa xuventude a través da animación e da dinamización.

No evento, Cecilia Vázquez explicou aos mozos e mozas participantes que “esta iniciativa nace co obxectivo de coñecer de primeira man cales son as vosas inquedanzas e demandas, e nada mellor que facelo mediante a participación directa, para que as nosas propostas se adapten cada vez mellor ás vosas preferencias”.

A temática e o programa de actividades de cada un dos foros está deseñado en función do ámbito territorial no que se desenvolva. Deste xeito, o ÁgoraXove de Ourense contou cunha temática baseada nas artes e na música.

O evento comezou cunha mesa redonda sobre “Competencias e habilidades para o éxito”, onde participaron a presidenta da Federación Galega de Xoves Empresarios, Carmen José López, a directora xeral de Xuventude, Participación e Voluntariado, Cecilia Vázquez Suárez, e o director do IES Maruxa Mallo de Ordes e coach, José Manuel Dopazo Mella.

O programa ÁgoraXove de Ourense tamén contou cunha reflexión en clave biográfica e unha actuación de Daniel Minimalia, premio á mellor canción Word Music do Ano e cunha entrevista ao actor e productor ourensán Rubén Rodríguez Rodríguez (Rubén Ríos).

Tamén houbo lugar para un panel de experiencias de educación non formal coa intervención de participantes en programas dos Centros Xuvenís Don Bosco, de recuperación do folclore tradicional, do programa Galeuropa, de innovación educativa, da entidade Ideas for Ourense, ou dos promotores da app Whimlist, así como gañadores do concurso XMMINT de Unicef. Este ÁgoraXove finalizou cun concerto da banda ourensá de indie, rock e pop Connectica. 
O perfil dos participantes nos ÁgoraXove son membros de entidades, asociacións xuvenís ou grupos informais, antigos participantes nos programas de Xuventude, técnicos de xuventude e de emprego, concelleiros de xuventude, monitores e mozos e mozas en xeral. Estes foros tamén contan cunha área de asesoramento sobre asociación e participación nos programas de educación non formal da Dirección Xeral de Xuventude, Participación e Voluntariado.

Os ÁgoraXove xa se teñen celebrado en Vilalba, na Universidade de Santiago, na Universidade de Vigo, en Palas de Rei e Ourense. Este programa tamén terá lugar nas vindeiras semanas en A Estrada, Betanzos, Bergondo, Marín, Vilanova de Arousa, Curtis e Ferrol.

  • Constitúen unha excelente ferramenta de educación non formal para a mocidade, xa que engloban experiencias de participación, de voluntariado e de mobilidade
  • O prazo de presentación de solicitudes abrirase o venres 22 de abril
  • Os campos enmárcanse na Campaña de Verán da Consellería de Política Social, na que se investirá 2,6 millóns de euros

A Dirección Xeral de Xuventude, Participación e Voluntariado, abrirá este venres día 22 o prazo de inscrición nos campos de traballo da Campaña de Verán da Consellería de Política Social. Os mozos e mozas galegos poderán escoller entre participar nos campos de traballo que se organizan en Galicia, ou ben ir aos que se celebran noutras comunidades españolas ou en 31 países de Europa, Asia, África e América.

Os campos de traballo constitúen unha excelente ferramenta de educación non formal para a mocidade, xa que engloban experiencias de participación, de voluntariado e de mobilidade. Son accións voluntarias, que os mozos e mozas realizan de xeito altruísta e solidario, poñendo o seu gran de area para mellorar a nosa sociedade. Tamén promoven a participación e implicación da xuventude na sociedade, afondando en materias do seu interese e abríndolles novos camiños para a súa realización persoal. Así mesmo, fomentan a mobilidade, pois ofrecen aos rapaces e rapazas a oportunidade de tomar parte en campos doutras comunidades e países, polo que participar nesta oferta de mobilidade e de intercambio de experiencias, axuda ao desenvolvemento de valores de convivencia, tolerancia ou o traballo en equipo.

A Consellería de Política Social organiza un total de 24 campos de traballo na comunidade nos meses de verán, que terán lugar en Outes, A Laracha, Ponteceso, Boqueixón, Rois, Betanzos, Curtis, Vedra, Ribeira, Coirós, Folgoso do Courel, Portomarín, Becerreá, Pantón, Quiroga, Xermade, Muíños, Celanova, Vilamarín, Ourense, A Peroxa, Illas Cíes (4 quendas), Cotobade e Vilanova de Arousa.

Este ano Galicia conta con 958 prazas para que participen rapaces e rapazas de entre 18 e 30 anos en campos de traballo, das que 370 son de envío a outras comunidades autónomas (120 prazas) e a outros países (250 prazas) e 588 de acollida, nos campos que organiza a nosa comunidade. Con estes datos, Galicia é a comunidade española con máis prazas en campos de traballo.

Os campos de traballo enmárcanse dentro da Campaña de Verán 2016 que organiza a Dirección Xeral de Xuventude, Participación e Voluntariado. Esta campaña é a máis inclusiva e importante dos últimos anos no que se refire a número de prazas ofertadas. En total, son 9.046 as prazas que se ofrecen, o que significa incrementar nun 6% as prazas dispoñibles no ano pasado.


Ademais destes campos, a campaña de verán inclúe albergues, campamentos e actividades de ocio e tempo libre para a mocidade. A Consellería de Política Social destina un orzamento de 2,6 millóns de euros a esta campaña.

Cómpre destacar que, outro dos aspectos positivos da campaña está no impulso ao emprego que leva aparellada. Grazas ao desenvolvemento destas actividades, as empresas de ocio e tempo libre de Galicia darán traballo a máis de 900 monitores/as e directores/as de campamentos.

Os interesados e interesadas nesta campaña, xa poden consultar toda a información relativa á mesma enhttp://xuventude.xunta.es

agora331Ágora Noite é un dos doce foros de participación xuvenil que organiza a Consellería de Política Social a través da Dirección Xeral de Xuventude, Participación e Voluntariado; enmarcados dentro do programa Ágora Xove. Terá lugar oxoves 21 de abril, no Café Jam Session de Ourense a partir das 21:00h.
O obxetivo do evento é que a información xuvenil chegue aos mozos e mozas por unha canle o máis informal e desenfadado posible, rompendo así as barreiras que moitas veces separan á mocidade da administración. Para o cal deseñamos un programa de actividades nun local da zona de lecer nocturno da cidade, que inclúe rostros coñecidos do mundo cultural e asociativo, así como dinámicas que fomenten a interacción entre os participantes e os ponentes. Aquí o tedes:

21:00h. Presentación e inauguración.
21:15h. Mesa redonda: “Competencias e habilidades para o éxito”
Carmen José López, presidenta da Federación Galega de Xoves Empresarios.
Cecilia Vázquez Suárez, directora xeral de Xuventude, Participación e Voluntariado.
José Manuel Dopazo Mella, director do IES Maruxa Mallo de Ordes e coach.
21:45h. Reflexión en clave biográfica e actuación.
Daniel Minimalia, premio á mellor canción Word Music do Ano.
22:15h. Entrevista:Rubén Rodríguez Rodríguez (Rubén Ríos),o making of dun actor e productor ourensán.
22:45: Panel de experiencias de educación non formal.
Adrián Rodríguez, secretario da *Federación de Centros Xuvenís Don Bosco de Galicia.
Alexandre Sotelino, recuperación do folclore tradicional e aprendizaxe.
María Suárez e Adrián González, participantes no programa Galeuropa.
Aitor Barbosa, doutorando en equidade e innovación educativa pola Universidade de Vigo.
Iago Souto, Alba Martín, Ángel Rey, Marta Caeiro e Isabel Rey; promotores da app Whimlist e gañadores do concurso XMMINT de Unicef.
Paula Mozo Pereira, responsábel de comunicación en Ideas for Ourense.
23.30 Dinámica e sinerxias entre os participantes.
23.30 Concerto:Connectica, banda ourensá de indie, rock e pop.

Lugar de realización:Café Jam Session. Rúa Ramón Cabanillas, 18 baixo.

Data de realización: Xoves día21 de Abril.

Formulario de participación