A Fundación Atresmedia lanza a convocatoria “Busca a túa causa e dálle Efecto MIL” co obxectivo de impulsar o uso positivo das redes sociais entre os mozos. Utilizando a creatividade e as habilidades de comunicación, pedímosche que elabores un vídeo que axude a sensibilizar en redes sociais sobre as oportunidades e os riscos do seu uso.

Os vídeos presentados deberán estar vinculados a un dos temas propostos:

Acoso en redes sociais.
Adicción ás redes sociais.
Discursos de odio.
Fake news.
Perigos dos retos virales.

Os vídeos deberán ser presentados en formato mov ou mp4, cunha duración máxima de 1 minuto, sen exceder 1 GB de tamaño e sempre axustándose ao formato requirido na rede ou redes sociais nas que o participante pretenda difundilo. Cada participante poderá presentar un único vídeo.

O prazo de presentación de candidaturas finaliza o día 28 de febreiro ás 23.59 horas.

Para a presentación dos vídeos, os/as participantes deberán rexistrarse na web, introducindo os seus datos (Nome, apelidos, DNI, data de nacemento, localidade, teléfono e correo electrónico) así como unha clave e un contrasinal.

O Xurado comunicará a candidatura gañadora no mes de xuño de 2023.

Requisitos
Ter entre 16 e 25 anos e residencia en España.
Presentación individual ou en grupos formados por un máximo de 3 persoas.
Ter inquietudes pola comunicación a través das redes sociais, desexar mellorar as habilidades creativas e querer crear e difundir vídeos en redes sociais asociadas a un tema relacionado cos seus riscos e oportunidades, para contribuír a concienciar á mocidade da súa contorna e á sociedade en xeral.

Dotación
O/a gañador/a do premio final recibirá un pack tecnolóxico (valorado en 3.000 €) así como a participación nunha experiencia Atresmedia.

Os/as finalistas, os creadores dos 10 vídeos seleccionados, terán tamén a oportunidade de formarse con expertos de Atresmedia no que poderán aprender técnicas de creatividade, de produción, márketing de contidos e de redes sociais.

Web Efecto Mil | Bases da convocatoria | efectomil@fundacionatresmedia.org 

A EGAP convoca o XXVI Premio Manuel Colmeiro para traballos de estudo e investigación sobre a Administración pública de Galicia

Poderán participar nesta convocatoria persoas individuais ou grupos de traballo de calquera nacionalidade dos Estados membros da Unión Europea.
Os traballos serán orixinais (isto é, provirán directamente do seu autor, sen ser imitación, tradución ou copia doutra obra), inéditos e non premiados con anterioridade.
Os traballos, escritos nalgunha das dúas linguas cooficiais da comunidade autónoma, presentaranse en formato A4, mecanografados a dobre ; e terán unha extensión mínima de 100 páxinas.
Os traballos poderán versar sobre a organización, estrutura, funcións e/ou ámbitos competenciais de calquera das administracións. A investigación poderá ser realizada desde calquera perspectiva, xa sexa histórica, xurídica, administrativa, política, sociolóxica ou económica.
A dotación económica do premio é de 3.500 euros

As solicitudes presentaranse en https://sede.xunta.gal co formualrio PR771A
O prazo estará aberto ata o o 16 de outubro de 2023.
Máis información no DOG do 23 de xaneiro de 2023 e en https://egap.xunta.gal/

The Challenge by EduCaixa é unha oportunidade para impulsar o talento e converter ao alumnado en worldshakers: mozos comprometidos cos retos do século XXI.  Trátase dunha proposta para que o alumnado —e os seus docentes—, a partir dos Obxectivos de Desenvolvemento Sostible (ODS) das Nacións Unidas, identifiquen unha causa que lles mova e que desenvolvan iniciativas que contribúan á súa consecución.

A partir do traballo desenvolvido na aula, os equipos poden presentar os seus proxectos a The Challenge e optar a dous premios —un Campus en Barcelona e unha Viaxe formativa a unha cidade dos Estados Unidos—, deseñados en forma de experiencias de aprendizaxe activa, colaborativo e vivencial entre pares, co recoñecemento de referentes, o apoio de mentores e unha facilitación e un acompañamento especializado.

Quen pode participar?

Poden participar docentes de toda España e Portugal co seu alumnado de 3º e 4º ESO, FPB, 1º e 2º Bacharelato ou CFGM.
Trátase de formar equipos de 3 ou 4 integrantes, traballar un proxecto aliñado cos ODS e presentalo antes do 1 de marzo.
Este ano, para participar na nova edición de The Challenge 2023, admítense proxectos traballados cos programas de EduCaixa (serviranche como orientación para aplicar as metodoloxías activas) ou por conta propia.

Dotación

De tódolos proxectos que se presentan á convocatoria, elíxense 100 para participar no Campus presencial de Barcelona. Un xurado avaliará cada un deles e premiará un total de 15 proxectos. Os estudantes dos devanditos proxectos viaxarán ata Estados Unidos para recibir orientación e consellos de referentes profesionais e innovadores.
Pero, aínda así, todos os participantes no Campus teñen a oportunidade de presentar as súas ideas á incubadora NEXT, onde poderán levar os seus proxectos máis aló e desenvolvelos no mundo real.

 Web EduCaixa | Guía de participación |  Bases da convocatoria | challenge@educaixa.org | Tlf.: 610 46 96 50