A Universidade de Málaga e a Academia Malagueña de Ciencias, convoca o V Concurso de Ilustración Científica.

As obras deben ser de carácter ilustrativo ou figurativo, seguindo as bases da ilustración científica. Aceptaranse tanto ilustracións a cor como en branco e negro. A técnica será libre, pero valoraranse aquelas con as que poidan obterse mellores resultados na reprodución posterior.

Todas as obras presentaranse exclusivamente en formato electrónico. O arquivo que conteña a obra deberá facilitar a reprodución en tamaño A3 (420 x 297mm) e non deberá incluír marcas de auga.

Cada concursante pode participar cun máximo unha obra. De entre todas as propostas recibidas, o xurado seleccionará un máximo de 10 ilustracións en base o seu rigor, innovación e capacidade divulgativa da obra. De entre estas decidirase o gañador e ata tres menciones especiais aos traballos máis destacados.

O prazo para presentar ilustracións estará aberto ata o 15 de maio de 2023.

Poderá participar calquera estudante matriculado/a nun grao, licenciatura ou enxeñería nalgunha das universidades españolas recoñecidas polo Ministerio de Educación ou nun ciclo de formación de grao medio ou superior.

Tamén poderán participar as persoas matriculadas en estudos de posgrao (máster, doutoramento, especialidade), o persoal docente e investigador (PDI) e de administración e servizos (PAS) das universidades españolas e o persoal dos organismos públicos de investigación (OPIs).

Haberá un primeiro premio dotado con 500 euros e diploma acreditativo. A criterio do xurado poderán outorgarse ata tres distincións de mención especial, obtendo un diploma acreditativo.

https://www.uma.es/facultad-de-ciencias/noticias/v-concurso-de-ilustracion-cientifica/ 

O Festival de Curtas, Agarra a Vida naceu para mostrar como, a pesar das dificultades, a dor ou a desesperación que nos poñen a proba, hai moitos motivos polos que merece a pena vivir, seguir adiante e emprender o camiño de descubrimento que supón afrontar as crises e as feridas emocionais aprendendo a crecer con elas.

O festival, que celebra a súa cuarta edición, é unha iniciativa do Teléfono da Esperanza e ten como obxectivo fomentar a creación de recursos audiovisuais que axuden a visibilizar a enorme importancia que ten na nosa sociedade o coidado da saúde emocional e a prevención do suicidio.

Temática: prevención de suicidio. O proxecto ten como obxectivo ofrecer unha mensaxe de esperanza a quen nalgún momento pensan en acabar coa súa vida chea de dor, e ás persoas da súa contorna.

As curtametraxes serán seleccionados tanto pola súa calidade técnica como pola adecuación ao obxectivo do festival, ofrecer razóns para vivir e/o experiencias de superación de situacións críticas.

Admitiranse obras de animación, documental ou ficción de imaxe real. As obras poden participar noutros certames ou festivais pero non en anteriores edicións deste festival.

As obras non superarán os 20 minutos de duración, créditos incluídos.

O prazo de presentación de curtos estará aberto ata o 31 de maio de 2023.

As curtas pódense presentar por calquera dos seguintes medios:
a) Por correo electrónico á dirección direccion@agarralavida.es
b) A través das plataformas Movibeta ou Clickforfestivals.

O festival está aberto a persoas de todas as idades e nacionalidades. Poderán participar aqueles produtores ou realizadores de calquera nacionalidade que posúan os dereitos sobre as obras que presentan. Aqueles que sexan menores de idade no momento da inscrición deberán contar coa autorización do seu pai/nai ou titor legal.

Dotación
- As curtas seleccionadas no festival formarán parte da campaña de sensibilización para a prevención do suicidio que o Teléfono da Esperanza organiza en torno ao 10 de setembro (Día Mundial para a Prevención do Suicidio).
- As curtas seleccionadas serán exhibidas, xunto coa presentación do director, durante un período máximo dun mes en formato en liña a través da páxina web do Teléfono da Esperanza e da canle de youtube do Teléfono da Esperanza.
- Premio Especial do Público: durante o período de emisión en liña das curtas, abrirase unha canle de participación para que o público poida valorar as obras exhibidas. A obra que obteña unha maior puntuación nesta votación popular será galardoada con este Premio Especial do Público.

https://www.agarralavida.es/

Queres ir de Marín a Cádiz no buque Juan Sebastián de Elcano?

A Armada convoca os premios Virxe do Carme correspondentes ao ano 2023, nas seguintes disciplinas:

Investigación histórica, Relato curto "Relatando a mar", Debuxo infantil, Mocidade, Pintura, Fotografía e Modelismo Naval.

Os premios Virxe do Carme teñen por obxecto fomentar o interese e a afección polo mar e os asuntos navais, estimular na mocidade as vocacións polos oficios e profesións navais e difundir a cultura naval en todo o ámbito nacional.

Investigación histórica. Para o mellor traballo que, en calquera manifestación histórica, científica, literaria ou humanística contemple, analice ou relacione a vinculación de España co mar e coa Armada, no seu ámbito nacional ou na súa proxección ultramarina. Dotado con 5.500 euros

Relato curto “Relatando a mar”. Para o mellor traballo relacionado coa mar nalgún dos múltiples aspectos que incumben aos océanos e ás súas xentes (mariños, vida na mar, expedicións, etc.). Dotado con 2.000 euros

Mocidade.
Establécense tres modalidades:
  - Elabora o teu cartel.
Para o mellor traballo individual que deseñe un cartel anunciador que permita, dunha forma gráfica, identificar e personalizar a convocatoria dos Premios Virxe do Carmen 2024.
A súa temática deberá gardar relación co sistema de frotas que a Monarquía Hispánica estableceu para asegurar o tráfico económico e comercial necesario para manter os seus dominios e que deu lugar a dous grandes roteiros comerciais: a Carreira de Indias e o Galeón de Manila.
Dirixido a alumnado de 2º Ciclo de ESO, Formación Profesional de Grao Medio e Bacharelato, a través dos seus respectivos centros educativos e debidamente certificados polo seu director/a. Dotado con 750 euros para o alumno/a que realiza o traballo e 250 euros para o profesor/a que o dirixa.
  - Traballo escolar.
Para o mellor traballo en grupo no que se destaque a historia e contribución da Armada á sociedade e garde relación coa Mariña da Ilustración (Século XVIII), coincidindo co 250 aniversario da morte do eminente mariño, enxeñeiro naval e científico español Jorge Juan y Santacilia.
Os traballos poderán presentarse como proxecto creativo ou texto escrito.
Hai dúas categorías:
- Categoría ESO: Para alumnado de ESO, a través dos seus centros educativos.
- Categoría Bacharelato/FP: Para alumnado de Formación Profesional de Grao Medio e Bacharelato, a través dos seus centros educativos.
Dotado, en cada unha das categorías, con 1.250 euros para o alumnado que realiza o traballo e 250 euros para o profesor/a que o dirixa.
  - Mozo/a investigador/a.
Para o mellor traballo individual de investigación, en modalidade histórica ou documental, levado a cabo por alumnado de Bacharelato, directamente relacionado coa contribución da Armada á sociedade ao longo da historia.
Dotado con 1.750 euros para o alumno/a que realiza o traballo e 250 euros para o profesor/a que o dirixa.
O profesor/a e o alumno/a gañador/a realizarán o tránsito a bordo do B/E Juan Sebastián de Elcano desde Marín a Cádiz, previsto durante a segunda quincena do mes de xullo 2023.
O traballo gañador incluirase no programa educativo “Aprende a investigar” do Servizo Educativo e Cultural do Instituto de Historia e Cultura Naval. https://fundacionmuseonaval.com/SEC/

Pintura.
- Pintura Naval. Para a mellor obra en que, con creatividade pictórica, se plasme a actividade naval en calquera dos seus aspectos co fin de conseguir o acercamento entre a sociedade e a Armada. Dotado con 4.500 euros.
- Pintura histórica. Para a mellor obra cuxa temática estea relacionada coa Mariña da Ilustración (Século XVIII), coincidindo co 250 aniversario da morte do eminente mariño, enxeñeiro naval e científico español Jorge Juan y Santacilia. Dotado con 3.500 euros.

Fotografía. Para a fotografía que mellor plasme a vinculación da Armada coa súa contorna, recollendo motivos que reflictan os aspectos das súas múltiples facetas e actividades. Premio de 1.500 euros

Modelismo Naval. 
- Modelo Naval. Para o mellor modelo de nave, embarcación ou buque, sen distinción de época. Dotado con 4.000 euros
- Diorama. Para o mellor diorama de instalacións relacionadas coa historia e a arte da construción naval española, sen distinción de época. Dotado con 2.500 euros

Prazos

O prazo de presentación de solicitudes de participación nos premios estará aberto ata o 29 de marzo de 2023.

Prazos para a entrega das obras:
- Investigación histórica e Relato curto estará aberto ata o día 21 de abril de 2023.
- Debuxo Infantil estará aberto ata o día 2 de xuño de 2023.
- Mocidade estará aberto ata o día 26 de maio de 2023.
- Para os traballos que opten ao premio nas disciplinas de Pintura, Fotografía e Modelismo Naval, o prazo de presentación estará aberto ata o 2 de xuño de 2023.

Máis información no BOE do 15 de febreiro de 2023

BASES