Premios e concursos (121)
A Universidade da Coruña por medio da Unidade de Divulgación Científica e Cultural, e en colaboración co Círculo Escéptico, convocan a V edición dos premios ISABEL ZENDAL de Promoción do Pensamento Crítico en Educación Secundaria e Bacharelato coa finalidade de promover o pensamento crítico e a cultura científica.
O xénero literario será o artigo xornalístico, a exposición divulgativa dun experimento desenvolvido polo alumnado, o conto ou o relato curto. Os traballos integrarán os valores do pensamento escéptico e científico, a difusión do coñecemento, a perspectiva de xénero, a ciencia e os seus métodos e a refutación das pseudociencias, a loita contra a difusión de enganos e noticias falsas, así como a loita contra as diferentes violencias que se perpetúan a través de bulos que atentan contra a dignidade das mulleres, colectivos LGTBI+ ou inmigrantes, entre outros.
O prazo de presentación das solicitudes finaliza o día 21 de abril de 2023 ás 14:00 h.
Requisitos
Establécense dúas categorías de participación:
- Categoría A: alumnado de 1.º a 3.º de ESO e FP básica
- Categoría B: alumnado de 4.º de ESO a 2.º de bacharelato e ciclos formativos de grao medio.
Dotación
Tres premios por cada categoría
1º premio: 300 euros e unha colección de libros editados polo Servizo de Publicacións da UDC.
2º premio: 200 euros e unha colección de libros editados polo Servizo de Publicacións da UDC.
3º premio: 100 euros e unha colección de libros editados polo Servizo de Publicacións da UDC.
Máis Información en divulgacion.vicd@udc.gal - Bases da convocatoria - Sede Electrónica UDC
Concurso de relatos "Montañas de contos"
O Concello de Cortes de Arenoso (Castelló) e o Club de Lectura de San Vicente de Piedrahita e Cortes de Arenoso convocan a primeira edición do Concurso de relatos "Montañas de contos".
Este concurso ten como obxectivo promover a cultura e a creación literaria na e sobre a contorna rural.
Cada relato deberá ter un título e tratar, xeral ou especificamente, sobre un dos seguintes temas:
a) A vida nunha contorna rural.
b) As montañas e a natureza.
c) O despoboamento, o éxodo rural e a "España baleirada".
d) As masías e os masoveros/as.
e) O respecto ao medio ambiente desde unha óptica rural.
Só se poderá presentar un relato por persoa.
Os traballos enviaranse en formato .pdf á dirección clublecturasv@yahoo.com e serán admitidos ata as 20:00h do día 12 de abril de 2023.
Premios:
1º premio: 600€, diploma acreditativo e dúas noites de aloxamento en Cortes de Arenoso ou en San Vicente de Piedrahita, Castelló (non inclúe o desprazamento).
2º premio: 300€, diploma acreditativo e dúas noites de aloxamento en Cortes de Arenoso ou en San Vicente de Piedrahita, Castelló (non inclúe o desprazamento).
III Concurso Nacional de Podcast Escolar de RNE
O concurso está impulsado por RNE en colaboración con Eloquenze e está destinado a colexios e institutos situados en territorio español. Unha idea que potencia o traballo en equipo, a creatividade e a comunicación dos alumnos. Tres valores importantísimos para o seu futuro.
Poden participar o alumnado e o persoal docente de calquera CEIP, CEE ou IES público ou concertado (privado) de España.
A participación realízase mediante a presentación dun arquivo de audio (podcast) que pode ter formato de programa, informativo, reportaxe, documental ou ficción sonora (contos, fábulas, recreacións históricas...). Pode ser real ou inventado, serio ou divertido; gravado en directo ou con postproducción, cunha duración máxima de 5 minutos e en castelán.
Cada centro pode presentar un podcast por cada aula incluída en cada unha das categorías:
Categoría 1: 1º, 2º e 3º de Primaria
Categoría 2: 4º, 5º e 6º de Primaria
Categoría 3: 1º, 2º e 3º de ESO
Categoría 4: 4º de ESO, 1º e 2º de Bacharelato e FP.
O prazo para presentar proxectos está aberto ata o 17 de abril de 2023.
Outorgarase un premio por categoría que consistirá en:
A visita dun equipo de RNE ao colexio gañador en cada categoría para a gravación/emisión dun programa de radio de emisión nacional.
1 ano de plataforma gratuíta en Eloquenze. com
Un lote de produtos de RTVE.
https://www.eloquenze.com/stations/iii-concurso-nacional-de-podcast-escolar
O Ministerio de Agricultura, Pesca e Alimentación convoca, en réxime de concorrencia competitiva, a XIV edición dos Premios de Excelencia á Innovación para Mulleres Rurais, correspondentes ao ano 2023, nas seguintes categorías:
a) Excelencia á innovación na actividade agraria.
b) Excelencia á innovación na actividade pesqueira ou acuícola.
c) Excelencia á innovación en diversificación da actividade económica no medio rural.
d) Excelencia á comunicación.
Á marxe do réxime de concorrencia competitiva convócase unha categoría de premio para o recoñecemento especial pola traxectoria vinculada ao apoio ás mulleres no medio rural e en zonas pesqueiras rurais.
Prazo de presentación de solicitudes aberto ata o 10 de abril de 2023
Requisitos
Persoas físicas ou xurídicas e os medios de comunicación participantes que cumpran cos requisitos establecidos na convocatoria.
Dotación
En cada unha das categorías a), b), c) e d), premiaranse tres iniciativas, concedéndose un 1º, 2º e 3º premio de 18.000 euros, 12.000 euros e 7.500 euros, respectivamente.
Máis información e inscricións en: www.mapa.gob.es
Concurso de Microrrelatos "Círculo Creativo"
A Fundación Círculo Burgos convoca o concurso de Microrrelatos "Círculo Creativo". Por quinto ano, o certame permitirá comprobar a habilidade narrativa e a imaxinación de centos de escritores de distintos lugares do mundo.
Poderán participar todos aqueles que o desexen, cunha obra escrita en castelán e un máximo de dous microrrelatos cuxa extensión non supere as duascentas palabras (título non incluído) en cada un deles. O tema dos microrrelatos é libre.
Os traballos presentaranse de forma dixital na páxina web.
Deberán incluír a seguinte información:
Datos persoais
Declaración do autor certificando que a obra é inédita, que non foi premiada en ningún outro concurso e que os seus dereitos non foron cedidos a ningún editor.
Microrrelato
Deberá facerse un envío por cada un dos microrrelatos que se presenten.
O prazo de entrega estará aberto ata o día 2 de abril.
Premios
1º premio: 600 €
2º premio: 200 €
3º premio: Lote de libros
https://elcirculo.es/circulo_creativo/5-concurso-de-microrrelatos-circulo-creativo/
VIII Concurso Nacional de Coros Escolares
O Ministerio de Educación convoca o VIII Concurso Nacional de Coros Escolares nos ensinos non universitarios correspondente ao curso escolar 2022-2023.
Poderán participar neste concurso centros públicos e privados que conten cunha agrupación coral formada por alumnado do centro pertencentes aos niveis de Educación Primaria (Modalidade A) e ESO (Modalidade B).
Premios:
Modalidade A.
Primeiro premio: 8.000 euros.
Segundo premio: 3.000 euros.
Terceiro premio: 1.000 euros.
Modalidade B.
Primeiro premio: 8.000 euros.
Segundo premio: 3.000 euros.
Terceiro premio: 1.000 euros.
O prazo para a presentación das solicitudes de participación estará aberto ata o 26 de abril de 2023.
Máis información no BOE do 8 de marzo de 2023.
https://www.educacionyfp.gob.es/servicios-al-ciudadano/catalogo/centros-docentes/premios.html
XVI Concurso Nacional de Teatro Clásico Grecolatino
O Ministerio de Educación convoca o XVI Concurso Nacional de Teatro Clásico Grecolatino nos ensinos non universitarios correspondente ao curso escolar 2022-2023.
Poderán participar en leste concurso centros públicos e privados:
Modalidade A: todos os grupos de teatro, nos que só actúen alumnos matriculados en ESO, Bacharelato e Formación Profesional.
Modalidade B: poderá participar unicamente alumnado matriculado en ESO.
Premios:
Modalidade A.1. Premios na categoría de traxedia grega/latina ou comedia grega:
Primeiro premio: 8.000 €.
Segundo premio: 3.000 €.
Modalidade A.2. Premios na categoría de comedia latina:
Primeiro premio: 6.000 €.
Segundo premio: 2.000 €.
Modalidade B. Premios na categoría de representacións breves:
Primeiro premio: 4.000 €.
Segundo premio: 1.000 €.
O prazo para a presentación das solicitudes de participación estará aberto ata o 26 de abril de 2023.
Máis información no BOE do 8 de marzo de 2023.
https://www.educacionyfp.gob.es/servicios-al-ciudadano/catalogo/centros-docentes/premios.html
20º Edición dos Premios "Buero" de Teatro Novo
Fundación Coca-Cola e o Ministerio de Cultura convocan a 20º Edición dos Premios "Buero" de Teatro Novo destinada a grupos de teatro formados por mozos entre 14 e 21 anos que queiran presentar ao concurso as súas montaxes teatrais.
Grupos e obras
- Máximo de 20 integrantes por grupo. Pódense sumar ata 2 Responsables do Grupo, que serán quen inscriban ao grupo, o representen e actúen no seu nome á hora de aceptar os premios.
- Os grupos deberán presentar unha gravación en vídeo das montaxes teatrais que queira presentar ao concurso.
- Obra representada en calquera das linguas oficiais do Estado e deberá ter unha duración comprendida entre 40 e 120 minutos.
- Liberdade de tema, xénero e forma. Especial valor ás montaxes que partan de textos de creación propia ou de autores españois contemporáneos.
O prazo para presentar solicitudes está aberto ata o 2 de maio de 2023
Requisitos
Compoñentes dos grupos, a excepción do Coordinador/Responsable, deberán estar a cursar 2º, 3º, 4º de Educación Secundaria Obrigatoria, Bacharelato, Grao de Formación Profesional, e/ou estudos superiores
Ter cumpridos os 14 anos e non superar os 21 anos
Dotación
Trofeo e diploma acreditativos para o grupo no seu conxunto.
Experiencia teatral: Entradas para un espectáculo teatral profesional para o grupo ao completo, na súa cidade ou cidade próxima, acompañados de membros do xurado e representantes da organización do concurso.
Traslados (se fose necesario saír da cidade de localización do centro gañador).
Máis información en www.fundacioncocacola.com
XV Premio de Poesía Nova de RTVE
RTVE e a Fundación Montemadrid, convoca o XV Premio de Poesía Nova RNE-Fundación Montemadrid para autores/as que non teñan máis de 30 anos na data de peche da convocatoria. A obra premiada será editada por primeira vez e distribuída pola editorial Pre-Textos, e entregaránselle ao gañador 25 exemplares da súa obra.
- Poderán participar escritores/as de nacionalidade española ou hispanoamericana que non teñan máis de 30 anos na data de peche da convocatoria, cunha ou máis obras orixinais e inéditas en castelán, que non fosen premiadas anteriormente noutros concursos.
- As obras, de tema libre, deberán contar cun mínimo de 500 versos. Presentaranse obrigatoriamente en formato escrito e dixital (é obrigatorio o envío das obras nos dous formatos: escrito e dixital), segundo as seguintes especificacións:
- En formato escrito en papel, grampadas ou encadernadas debidamente, por duplicado, en DIN-A4, escritas a máquina ou en computador a dobre espazo e por unha soa cara. Na portada deberá constar o nome da obra e o pseudónimo.
A convocatoria queda aberta ata o día 20 de abril de 2023
Só se admitirán os que fagan constar no cuño o seu envío antes das 24 horas do 20 de abril de 2023.
Enviaranse nun sobre pechado á dirección:
Programa 'A estación azul'
Radio Nacional de España
Avda. da Radio e Televisión nº 4
Prado del Rey
28223 Pozuelo de Alarcón (Madrid)
Neste sobre deberá figurar claramente que opta ao Premio de Poesía Nova RNE-Fundación Montemadrid. No exterior do sobre deberá constar o nome da obra e o pseudónimo.
No interior do mesmo sobre deberá ir outro sobre pechado coa plica, que é un sobre pechado, en cuxo exterior debe consignarse o nome da obra e o pseudónimo e no interior deben constar os datos persoais do autor: nome e apelidos, dirección e teléfono de contacto, fotocopia do DNI e unha breve nota biobibliográfica.
En formato dixital (pdf), co título da obra e o pseudónimo, e sen ningún tipo de dato persoal, á seguinte dirección: concursopoesia.rnemontemadrid@rtve.es
