Outros cursos (139)

A Deputación da Coruña colabora no proxecto "Reto Empleo 30 días" impulsado por Eva Porto, psicóloga especialista en recursos humanos.
 
O proxecto ten por obxecto acadar que as persoas participantes consigan un emprego no prazo de 30 días a través da realización dunha serie de retos diarios.
 
Durante os primeiros 30 días de xaneiro as persoas participantes recibirán no seu enderezo electrónico pequenos desafíos que lles guiarán na súa procura de emprego. Neles afondarase en todos os aspectos esenciais para ter éxito na procura de emprego: currículum, entrevistas de traballo, LinkedIn, portais de emprego, etc. Ademais contarase coa participación de empresas como Endesa, Michael Page, Accenture, JD Sport, Sprinter, Minsaint, ... que irán publicando as súas vacantes a través dos distintos retos.
 
As inscricións realizaranse a través da seguinte páxina web: https://evaporto.com/reto-empleo-30-dias/

A Escola de Organización Industrial e Fundación Generation Spain co cofinanciamento do Fondo Social Europeo a través do Programa Operativo de Emprego Xuvenil, ofertan un programa formativo gratuíto, enfocado ao emprego, no que se dotará aos participantes das habilidades técnicas e profesionais necesarias para incorporarse a un equipo de automatización de procesos.

En que consiste RPA?

É un sistema de automatización de procesos, tecnoloxía de rápido crecemento que permite ás empresas implementar sistemas de software intelixentes ou ¨robots¨ de software, que imitan as accións dos usuarios humanos. Pódese instaurar nunha ampla gama de industrias, nas que as persoas realizan tarefas repetitivas de gran volúmen, liberando a estas para que poidan realizar tarefas de maior valor.

Duración: 10 Semanas.

Formato: Presencial Virtual co profesor en directo. Clases de luns a venres. Horario de mañá 9.00 – 15.00 e titorías individuais e grupais algunhas tardes. Data de inicio o 30 Xaneiro 2023.

Requisitos
Ter entre 18 e 29 anos
Ser beneficiario do Sistema Nacional de Garantía Xuvenil
Titulación mínima recomendada: FP superior ou universidade
Dispoñer de equipo informático con micrófono-altofalante incorporado e boa conexión a internet, recomendable con cámara para as sesións en liña

Finalizada esta formación farase entrega dun diploma: Robotic Process Automation

 

Páxina web

 

O Concello da Coruña, a través da Concellería de Emprego, oferta un novo curso de formación en Big Data, gratuíto para persoas desempregadas. No marco do programa 'Actualízate', impartirase un curso en Big Data no Centro Municipal de Emprego dos Rosales co obxectivo de facilitar o acceso a persoas desempregadas a postos de traballo que dispoñan dunha estratexia de transformación dixital.

Este curso é froito do convenio asinado coa UTE Innova Next, SLU e The Valley Digital School SL para o desenvolvemento da formación para o emprego e intermediación no sector da tecnoloxía e a comunicación, avanzando no obxectivo do Goberno de Inés Rey de dar formación en sectores con alta demanda de persoal cualificado.

O programa conta con 253 horas de formación gratuítas que se desenvolverán entre o 19 de xaneiro e o 17 de febreiro de 2023, en horario de 9.00 a 18.00 horas. Ademais da formación específica sobre Big Data, o curso complétase con 12 horas de orientación laboral por persoa en formación xunto cun compromiso de inserción laboral de seis meses para un mínimo do 25% do alumnado que finalice o programa.

As persoas interesadas xa poden realizar a súa inscrición a través da web www.actualizateprograma.es. Pode inscribirse calquera residente no municipio da Coruña en idade de traballar demandante de emp, rego no Servizo Público de Emprego de Galicia. 

 

Máis información

Páxina web

Formulario de inscrición

A Escola de Organización Industrial e Fundación Generation Spain, ofrecen a posibilidade de formarte en competencias para facilitar a procura de emprego e de forma gratuita, grazas a que está cofinanciado polo Fondo Social Europeo a través do Programa Operativo de Emprego Xuvenil. Sen necesidade de coñecementos previos, este é un programa formativo, enfocado ao emprego, no que desenvolverás todas as habilidades técnicas e profesionais necesarias para incorporarte a un equipo de automatización de procesos.

Este programa impartirase en formato presencial virtual en quenda de mañá e con formación síncrona co profesor en directo.
A data de inicio da formación é o 23 de Xaneiro de 2023, cunha duración de 16 semanas.

Requisitos
Estar desempregado e rexistrado no Sistema de Garantía Xuvenil
Ter entre 18 e 29 anos
Estudos mínimos recomendados de formación profesional e universidade
Dispoñibilidade completa con alta esixencia de estudo
Necesario dispoñer de computador de mesa ou portátil con procesador i5, 8GB RAM e micrófono-altofalante incorporado.
Dispoñer de equipo informático con micrófono-altofalante incorporado e boa conexión a internet (ADSL, fibra ou equivalente), recomendable con cámara para as sesións en liña

Finalizada a formación farase entrega dun diploma de Programación Web.

 

Máis información

Páxina web

Formulario inscrición 

O Concello de Cangas a través das Concellerías de Servizos sociais, Igualdade e a de Xuventude e Voluntariado, ten previsto realizar nos meses de decembro e xaneiro, en colaboración coa Fundación Esplai, un proxecto para promover que as nenas e adolescentes tamén elixan vocacións relacionadas coa Ciencia e a Tecnoloxía.

Este programa de capacitación inclúe formación intensiva no ámbito da programación, a resolución de problemas a través da Intelixencia Artificial e a Nube e capacitación sobre ODS e os retos da Axenda 2030. Non son necesarios coñecementos previos en programación.

A formación ten un total de 35 horas divididas en 5 módulos:

- Introdución á programación básica con Python - Intelixencia artificial e aprendizaxe autónomo - ODS, Axenda 2030 e aplicacións éticas da IA - Creación dun espazo web interactivo - Competencias transversais, desenvolvemento do proxecto grupal e implementación.

O prazo de inscrición está aberto do día 05 ata o 16 de decembro de 2022. As prazas son limitadas, polo que as prazas destinaranse en función da orde de inscrición na Casa da Xuventude 986392171 xuventude@cangas.gal. Débese entregar o consentimento expreso das familias xa que está dirixido a mozas de 12 a 17 anos.

 

Páxina web | Consentimento para participar no curso

YesEuropa organiza a VIII Edición do curso en liña "Xestión e redacción de proxectos europeos".

CANDO: dende o 09/01/2023 ata o 05/03/2023

DURACIÓN: 50 horas en liña

PREZO:
-390€: bonificable ao 100% para empregados/as activos/as (excepto empregados/as públicos/as) e persoas en ERTE.
-350€ se es autónomo/a, desempregado/a, becario/a e matricúlaste antes do 15 decembro.

PÁXINA WEB: cursos.yeseuropa.org / https://cursos.yeseuropa.org/cursos/curso-gestion-redaccion-de-proyectos-europeos/

CONTACTO:673 402 139 / erasmus@yeseuropa.org

Programa:
-A programación de subvencións a proxectos europeos 2021-2027.
-Dinamizar a túa realidade local con programas europeos.
-Presentar os principais programas europeos de xestión directa e indirecta.
-Descubrir as técnicas e metodoloxías de proxectos europeos.
-Aprender a xestionar e executar correctamente proxectos europeos.
-Crear e xestionar de maneira eficiente os orzamentos dos teus proxectos europeos.

YoEmprendo en economía social 2.0 Galicia é un proxecto de emprendemento en economía social dirixido a favorecer e promover a creación de emprego sostible e de calidade no cal se desenvolverán accións gratuítas entre aquelas persoas desempregadas que queiran emprender un proxecto para a creación dunha empresa e/o entidade de economía social, fomentando á súa vez o uso e aproveitamento dos recursos dixitais.

Accións ofertadas

Tutorización e mentoring: Realizaranse entrevistas individuais de diagnóstico inicial para coñecer como é a situación de inicio, desenvolver a idea de negocio e elaborar o plan de empresa.
Asesoramento grupal sobre emprendemento e creación de empresas de economía social.
Networking : Encontros virtuais con outros participantes e/o empresarios interesados no mesmo sector de traballo para a posta en común de ideas e creación de sinerxias
Formación: Actividades formativas para a adquisición de coñecementos e habilidades necesarias para emprender en economía social.
Asesoramento Covid-19: Gabinete de atención telemática para dúbidas relacionadas á situación COVID-19.
Asesoramento tras a creación da empresa: Ás persoas participantes que cren a súa empresa ofreceráselles asesoramento gratuíto durante os 6 primeiros meses.
Posicionamento virtual: Publicidade na web das novas empresas, unha vez creadas.
Posibilidade de bolsa para gastos de constitución: Notario e rexistro.

Datas 

A execución do proxecto abarca desde maio do 2021 a agosto de 2023.

A quen vai dirixido o proxecto?

A todas aquelas persoas, que estando rexistradas como demandantes de emprego, estean interesadas en poñer en marcha un proxecto de emprendemento en economía social (cooperativas, asociacións, sociedades laborais, empresas de inserción, centros especiais de emprego)

Inscrición

A través do formulario de inscrición (pica aquí)

 

Máis información

Tlf.:988 39 15 15

yoemprendo@empleoenred.org

 

Estás desempregado/a? Estás a buscar unha formación curta que che axude na procura de emprego en liña?

A asociación Rede Araña organiza módulos formativos de catro horas cada un cos seguintes contidos:

Marca persoal 2.0
Redes sociais para a procura de emprego
Selección de persoal 2.0: os novos procesos de selección de persoal.

Estas formacións versan sobre os novos procesos de selección de persoal e como se foron adaptando as redes sociais e as ferramentas dixitais na procura de emprego.

Realízanse en horario de mañá ou tarde, dependendo da túa dispoñibilidade. Todos os módulos son gratuítos e independentes entre si, podes asistir a un ou varios. Os talleres teñen como obxectivo fomentar e mellorar a empregabilidade das persoas que participen na actividade.

Está dirixido a mozos de entre 18 e 30 anos que se atopen desempregados. O prazo de insrición xa está aberto, podes enviar a túa solicitude mediante o seguinte formulario.

 

Máis Información

Páxina web

info@empleoenred.org

Tlf.: 91 5255099

Whats App: 623 207 656

A Casa da Cultura de Boiro acolle este xoves 24 de novembro ás 10.30 horas a xornada de presentación de Muller Dixital, programa formativo con cursos gratuítos en competencias dixitais para mulleres.

O programa achegará capacitación en competencias dixitais básicas ao longo de 40 horas de actividade formativa. Permitirá aproveitar as posibilidades que ten o acceso á información, o procesamento e uso para a comunicación, a creación de contidos, a seguridade e a resolución de problemas base.

Tamén vai incluír formación en competencias dixitais avanzadas que posibiliten o aproveitamento da riqueza das novas posibilidades asociadas ás tecnoloxías dixitais; e tamén formación en iniciación en competencias dixitais para o emprendemento, co que se busca a adquisición das habilidades tecnolóxicas dixitais necesarias que promovan, faciliten e melloren a empregabilidade e o desenvolvemento de negocios existentes ou novos, promovidos por mulleres conciliando a súa vida familiar e profesional.

Máis información sobre o programa e inscricións na web de mullerdixital.gal, no teléfono 621 180 896 e en promotor@mullerdixital.gal.

A Aula de Audiovisuais da Escola Universitaria de Deseño Industrial (EUDI) acolle, o vindeiro venres 25 de novembro, ás 11:00 horas, o obradoiro “Huawei Mobile Service: Desenvolvemento de Aplicacións” impartido polo enxeñeiro do Soporte Técnico ao Desenvolvedor en Huawei CBG España, Fran Almeida. A directora do Campus Industrial de Ferrol, Ana Ares, e a coordinadora do máster en Deseño, Desenvolvemento e Comercialización de Videoxogos, Luz Castro, presentan unha actividade formativa dirixida a toda a comunidade universitaria e ao público xeral interesado.

Ao longo da xornada, o alumnado e persoal investigador participante afondará na plataforma Huawei Mobile Services (HMS) onde se pode atopar a AppGallery así como outras aplicacións e servizos propios desta compañía chinesa. A maiores, neste espazo, inclúense tamén aqueles compoñentes dirixidos especificamente aos desenvolvedores e desenvolvedoras chamados HMS Core e que conteñen APIs, SKDs e outros servizos que poden ser empregados para crear e mellorar aplicacións que funcionen nos smartphones de Huawei.

Todas aquelas persoas interesadas en participar neste obradoiro terán que inscribirse chamando ao 881 01 3621 ou enviando un correo electrónico cos seus datos persoais a comunicacion.campus.industrial@udc.gal antes das 14:00 horas do xoves 24 de novembro.