Curso para obter o certificado de aptitude de Profesor de Formación Viaria

A Dirección Xeral de Tráfico convoca un curso para obter o certificado de aptitude de Profesor de Formación Viaria.

Requisitos:

a) Estar en posesión do título de Educación Secundaria Obrigatoria ou de Técnico (Formación Profesional de Grao Medio) ou acreditar documentalmente que se posúen estudos equivalentes ou superiores.

b) Ser titular do permiso de condución da clase B, polo menos, en vigor, que habilita para conducir vehículos con cambio de marchas manual, cunha antigüidade mínima de dous anos.

c) Posuír as condicións psicofísicas e psicotécnicas que actualmente se esixen ao grupo 2 de condutores, segundo o disposto no artigo 45 do Regulamento Xeral de Condutores. Prazo de solicitudes; O prazo de presentación de solicitudes será dun mes, contado a partir do día seguinte ao de publicación da presente Resolución no Boletín Oficial do Estado (BOE Núm. 4 Xoves 4 de xaneiro de 2018).

Máis información:

http://www.boe.es/boe/dias/2018/01/04/pdfs/BOE-A-2018-159.pdf

A  Confederación de Empresarios da Coruña (CEC) organiza o proxecto formativo de emprendemento e inserción laboral "Descobre ou teu talento"

Está dirixido ao colectivo de mozos menores de 30 anos en situación de desemprego, inscritos no  Sistema de Garantía Xuvenil na data de entrada no proxecto, coa finalidade de que a súa incorporación sexa unha fonte de coñecementos e ideas que vertebre na adquisición das ferramentas e estratexias necesarias que lles faculten para dar o salto ao mercado laboral mediante a fórmula do autoemprego e/ou a inserción laboral por conta allea.
 
"Descobre o teu Talento 2017" conta coa colaboración da Fundación INCYDE e cofinanciamiento do Fondo Social Europeo (FSE), desenvolverase en tres fases estratéxicas das que se beneficiarán cinco grupos de participantes, distribuídos ao longo da xeografía galega.

Máis información:
Confederación de Empresarios da Coruña, teléfono 981 133 702
descubre.talento@cec.es

https://talento.cec.es/

Co fin de facilitar a inserción ao emprego das mulleres, Fundación Mujeres ofrece un servizo integral de intermediación laboral.
Durante os meses de xullo a setembro, a Fundación Mujeres realizará diversas actividades: formación online e presencial, charlas e grupos de debate no marco do Servizo de orientación laboral.
O obxectivo destas accións é o apoio e orientación laboral para a procura de emprego por conta allea ou mediante o autoemprego. Traballarase o desenvolvemento das habilidades persoais e sociais para a mellora da empregabilidade e as competencias dixitais.

Este servizo ofrécese o Programa para o emprego e emprendemento de mulleres en situación de especial vulnerabilidade financiado pola Secretaría Xeral de Igualdade da Xunta de Galicia e o Fondo Social Europeo

Máis información: http://www.fundacionmujeres.es/

estefania.abelenda@fundacionmujeres.es / tamara.conesa@fundacionmujeres.es
Teléfono: 981 29 40 97  e  663 20 23 80
Avda. Monelos 121, 1º dta. A Coruña