Novas e actividades (953)

Na AECC, seguen co programa “Ciencia para todos”, agora desde a casa. Debido á actual situación de confinamento, os seus obradoiros de divulgación científica para escolas foron cancelados, pero levan a ciencia aos máis pequenos e pequenas da casa a través do programa #CienciaEnCasa.
Obradoiros e actividades para toda a familia con materiais que todos temos á man, levados a cabo por científicos e acompañados polos seus SuperCiencias.

Os obradoiros compartiranse todos os xoves ás 17 h, na conta da AECC en Instagram e Facebook.
Na súa páxina web atoparedes os obradoiros realizados ata o de agora e materiais extra,escúbreos!: https://www.aecc.es/es/investigacion/ciencia-para-todos

Cómics...

Abr 21, 2020

Aira Editorial liberou en pdf o seu último lanzamento no campo da novena arte. Carriandola, asinada por Eloysius e Simón Blanco, narra as aventuras da nena Mariña nun ano 2020 alternativo con toques apocalípticos.

carriandola    

  Carriandola  

 

 

 

 

O guionista David Braña compilou e lanzou na rede un documento con cen páxinas de historias curtas que realizou para diferentes publicacións. Co título Historietas para el confinamiento a publicación pretende contribuír a pasar este período de feche no fogar.

davidabraña

 

 Historietas para el confinamiento

 

 

A Consellería de Educación publica orientacións provisionais para o desenvolvemento do terceiro trimestre do curso 2019/2020 (Á espera da publicación da normativa estatal correspondente)

Continuidade do calendario escolar
Durante o terceiro trimestre os centros docentes continuarán coa atención educativa ao alumnado, desenvolvendo actividades que permitan aos alumnos e alumnas manterse incorporados á aprendizaxe continua e suscitar o seu interese por aprender, de modo non presencial ou, de ser o caso, presencial, en función das recomendacións que diten as autoridades sanitarias.

Avaliación
A avaliación das aprendizaxes desenvolvidas a partir da suspensión das actividades lectivas presenciais será continua e acentuará o seu carácter diagnóstico e formativo en todas as etapas, ciclos e ensinanzas, para valorar os avances realizados e os atrasos que se teñan podido producir, con obxecto de planificar as medidas de recuperación que sexan necesarias e programar o vindeiro curso.

A avaliación final das aprendizaxes do alumnado durante o curso 2019-2020 considerará en conxunto as avaliacións de todo o curso, valorando especialmente o grao de desenvolvemento das aprendizaxes e das competencias imprescindibles previamente definidas.

https://www.edu.xunta.gal/portal/node/30850

A Xunta de Galicia pon en marcha esta semana na Cidade da Cultura o programa Aventuras no monte das artes, unha actividade en liña que achegará ás familias contidos para que a cativada explore as súas habilidades artísticas a través de xogos e divertidos desafíos. Trátase de ofrecer recursos culturais e de lecer neste momento de confinamento e no marco da campaña da Consellería de Cultura e Turismo #aculturasegue.

A través da personaxe a Raposa Fedella iráselles presentado ás familias –no Facebook, Instagram ou Twitter da Cidade da Cultura- desafíos e retos vencellados coa pintura, coa arquitectura, coa fotografía ou con outras disciplinas artísticas. O Servizo de Educación, Mediación e Atención ao Visitante do Museo Centro Gaiás deseñou este programa adaptando os contidos dun xeito pedagóxico para rapaces e rapazas de Educación primaria.

O obxecto é que esta aproximación ás artes sexa unha experiencia dinámica, estimulante e divertida na que os máis pequenos e pequenas poñan en práctica o seu enxeño e habelencias, á vez que lles supoña unha aproximación desde o xogo e as tecnoloxías.

https://www.cidadedacultura.gal/gl/evento/aventuras-no-monte-das-artes-resolve-os-retos-da-raposa-fedella 

Santiago de Compostela pode percorrerse virtualmente estes días a través das audioguías de Turismo de Santiago, que poden consultarse gratis na web https://www.santiagoturismo.com/audioguias. As audioguías de Turismo de Santiago suman máis de catro horas de narración arredor dos principais puntos turísticos da cidade, que ademais se sinalan nun mapa de Santiago.

As audioguías divídense en 24 partes que poden escoitarse en calquera orde. Non obstante, están numeradas para seguir unha posible ruta que comeza na praza do Obradoiro e que percorre os principais atractivos turísticos da cidade: a Catedral, as prazas que a rodean, as rúas e prazas do Casco Histórico, o Mercado de Abastos, o CGAC, o Museo do Pobo Galego, o Parque de Bonaval, a Casa da Troia, San Martín Pinario, e remata no Parque da Alameda.

As audioguías están dispoñibles en sete idiomas: galego, castelán, inglés, alemán, italiano, francés e portugués. A aplicación actívase automaticamente no mesmo idioma que o dispositivo da persoa usuaria.

https://www.santiagoturismo.com/audioguias 

Galicia, un relato no mundo explora a interacción entre o territorio histórico galego e o resto do mundo nun percorrido que nos leva desde a prehistoria ata a actualidade. Concibida como a primeira de tres grandes exposicións da Xunta con motivo do Xacobeo 2021, centrouse nas relacións internacionais de Galicia e a súa presenza no mundo.

GALICIAEXPO

A exposición agrupou numerosas pezas de alto valor simbólico para a historia e a cultura do noso país, conservadas en prestixiosas coleccións museísticas de todo o mundo como a Cambridge University- Parker Library, as Bibliotecas Bodleian da Universidade de Oxford, o Museo do Prado, a Biblioteca Vaticana, a Biblioteca de Arezzo en Italia ou o Museu Nacional de Arqueologia de Portugal. En moitos casos, chegaron a Galicia por vez primeira para seren exhibidas nesta mostra

VISITA VIRTUAL Á EXPOSICIÓN

A Asociación cultural Olloboi, tras convocar o seu 10º Festival Audiovisual escolar, pon á vosa disposición os seguintes recursos educativos en galego:

  • Montaxe dunha curta: presentación para aprender paso a paso a editar con Corel Video Studio (30 días gratis), Premiere Clips (para móbil, gratuíta), PiTiVi (para Linux).
  • Charlas e actividades Aprendo con Olloboi para aprender sobre cine da man de cineastas e películas galegas. Un capítulo adicado a cada área da produción: guión, son, fotografía, edición… cunha breve clase online, impartida por artistas, e logo actividades en galego, para afondar.

Poden servos útiles tamén os enlaces da canle educativa Educlip, a páxina de realizadores/as de Galicia CREA ou a de Novo Cinema Galego.

Corren tempos inauditos: narrémolos coa nosa mirada e así construiremos colectivamente o relato do que pasou. Está nas nosas mans que froito desta crise se reforcen ou deterioren os lazos sociais, e nós apostamos por facelos máis sólidos, fermosos e solidarios que nunca. O cine pode ser a ferramenta.

Europa dache unha axuda económica para o teu proxecto solidario

Que é un proxecto solidario?
Un proxecto solidario é unha actividade que un/ha mozo/a pode realizar nun grupo de cinco ou máis persoas para impulsar un cambio positivo na súa comunidade local. Créano e poñeno en práctica os propios mpzos/as no lugar onde viven.

Pensa nos retos da túa localidade e nas causas que che importan. O proxecto debe dedicarse a retos existentes na túa comunidade, pero tamén pode axudar a facer fronte a problemas rexionais ou mesmo nacionais. Ademais de facer fronte aos retos locais, os proxectos solidarios deben demostrar tamén o seu valor europeo asumindo as prioridades identificadas a nivel europeo como, por exemplo, a inclusión, o cambio climático, o compromiso democrático, a cidadanía ou a igualdade de xénero.

O proxecto pode durar entre 2 e 12 meses, principalmente a tempo parcial, para que poidas dedicarte a el no teu tempo libre.

Quen pode participar?
Calquera que teña entre 18 e 30 anos de idade e resida en calquera dos países participantes no Corpo Europeo de Solidariedade (todos os países da Unión Europea, Islandia, Turquía e Macedonia do Norte). Os grupos deben estar formados por un mínimo de 5 persoas dun mesmo país. Non hai un número máximo de participantes no grupo.

Con que apoio financeiro conto?
Podes esperar recibir 500 euros ao mes en apoio do proxecto, é dicir, para os custos vinculados á súa xestión e execución. Tamén se sufragan os custos relacionados coa participación dun titor no proxecto en caso necesario.

Como se pode solicitar?
A solicitude de apoio para proxectos solidarios é un proceso simple que se realiza a través de formularios web. A túa solicitude será avaliada pola axencia nacional do país no que resides. Podes preparala ti mesmo ou, se o prefires, podes recorrer a unha organización experimentada cando solicites financiamento.
No formulario de solicitude, deberás responder a preguntas tales como por que queres levar a cabo este proxecto, como beneficiará á túa comunidade e que actividades tes previsto realizar durante a preparación e a execución da idea.

Antes de presentar a solicitude...

1. Crea o teu grupo: ponte en contacto con outros mozos/as da túa comunidade e crea o teu grupo ao redor dunha idea ou un tema común.

2. Fai que todos se inscriban: todos os membros do Grupo deben inscribirse no portal do Corpo Europeo de Solidariedade.

3. Obtén un identificador da organización: un membro do grupo debe asumir a función de "xefe de grupo" e inscribirse no sistema de rexistro de organizacións para obter un identificador da organización. Para rexistrarte, pediráseche que crees unha conta EU Login. Non esquezas que podes identificar a unha organización que estea disposta a presentar unha solicitude no teu nome (tanto se xa está inscrita no portal do participante e ten un identificador da organización coma se ten aínda que obtelo). É importante sinalar que podes empezar a preparar os seguintes pasos tan pronto como te inscribiras e obtiveses o identificador da organización, mesmo antes de que se aprobou.

4. Fai os deberes: le as orientacións específicas, a Guía do Corpo Europeo de Solidariedade (páxinas 58-63) e a información na web da túa axencia nacional. Se necesitas máis información, podes poñerte en contacto coa túa axencia nacional para solicitar axuda. A axencia nacional guiarache e axudarache a preparar a solicitude. Consulta esta copia do formulario web para saber que información terás que facilitar cando cumprimentes o formulario.

5. Crea o teu proxecto: estrutura as túas ideas (pensa sobre os obxectivos do proxecto, quen formará parte do grupo, que resultados esperas lograr, que orzamento require o proxecto e que actividades levarán a cabo) e cumprimenta o formulario web.
E por último...

6. Presenta a solicitude: preséntaa online a través do formulario web "ESC31 Solidarity Projects". Os prazos para as próximas convocatorias péchanse o 7 de maio de 2020 ás 12:00 horas, hora central europea, e o 1 de outubro de 2020 ás 12:00 horas, hora central europea. Non esquezas os prazos e, boa sorte!

Aquí podes ver proxectos solidarios desenvolvidos en diferentes países por mozos e moas coma ti:
https://europa.eu/youth/solidarity/solidarity_projects_es 

A Estratexia de igualdade de xénero da UE cumpre co compromiso da Comisión von der Leyen de lograr unha Unión de Igualdade. A Estratexia presenta obxectivos e accións políticas para lograr un progreso significativo para 2025 cara a unha Europa con igualdade de xénero. O obxectivo é unha Unión onde as mulleres e os homes, as nenas e os nenos, en toda a súa diversidade, sexan libres de seguir o camiño elixido na vida, teñan as mesmas oportunidades para prosperar e poidan participar e liderar igualmente a nosa sociedade europea.

A obxectivos clave son terminar coa violencia de xénero; desafiando os estereotipos de xénero; pechar brechas de xénero no mercado laboral; lograr a participación equitativa en diferentes sectores da economía; abordar as brechas salariais e de pensións de xénero; pechar a brecha de atención de xénero e lograr o equilibrio de xénero na toma de decisións e na política.

Como un dos primeiros resultados da Estratexia, a Comisión propoñerá medidas vinculantes de transparencia salarial para finais de 2020.

https://eur-lex.europa.eu/legal-content/ES/TXT/PDF/?uri=CELEX:52020DC0152&from=EN 

RTVE Dixital lanza o portal ‘Somos cinema’ no que podedes ver gratuitamente máis de 60 das mellores películas do cinema español recente. Cintas como ‘Campións’, ‘Julieta’, ‘O autor’ ou ‘Ninguén quere a noite’ están xa á vosa disposición.

Ao longo do mes de abril o catálogo ampliarase con películas de directores e actores consagrados do noso país, as máis premiadas nos últimos anos e algunhas das máis taquilleras, como ‘A chamada’.

Recomendables e divertidas:

Campións: Un adestrador de baloncesto é condenado a adestrar a un grupo de mozos discapacitados intelectuais. O que comeza sendo un traballo forzado, acaba axudándolle a saír da súa crise existencial.

Vivir é fácil cos ollos pechados: nos anos 60 un profe de inglés viaxa a Almería para coñecer a John Lennon e aclarar as letras das súas cancións, xa que as usas para impartir clases.

https://www.rtve.es/television/somos-cine/