Novas e actividades (1224)

Desde o Centros de Estudos Galegos de París achégannos esta iniciativa en liña, accesible a todo o alumnado de todos os Centros de Estudos Galegos e a todo o alumnado das etapas escolares de primaria e secundaria de diferentes colexios.

Un escape game centrado na figura de Xela Arias, a escritora galega homenaxeada co Día das Letras Galegas en 2021. Pódese acceder a el a través da web habilitada: https://cegaparis.wix.com/buscandoaxela.

Ademais, na zona de recursos atoparedes a biografía da poeta para poder descifrar, sen complicacións, as distintas preguntas que se presentan neste xogo: https://cegaparis.wix.com/buscandoaxela/recursos

Animádevos a xogar!

A Consellería de Educación convoca as probas de acceso ás ensinanzas artísticas superiores de Arte Dramática, de Conservación e Restauración de Bens Culturais, de Deseño, e de Música para o curso 2021/2022.

Requisitos de acceso: para o acceso aos estudos superiores, en calquera das súas especialidades, requirirase estar en posesión do título de bacharelato ou ter superada a proba de acceso á universidade para maiores de 25 anos, así como a superación da correspondente proba específica. Haberá unha proba para os/as aspirantes que non cumpran o requisito de titulación.

Acceso directo
Poderá acceder ás ensinanzas superiores de Deseño sen necesidade de realizar a proba específica de acceso quen estea en posesión dun título de técnico superior de Artes Plásticas e Deseño.
Poderá acceder ás ensinanzas superiores de Conservación e Restauración de Bens Culturais sen necesidade de realizar a proba específica de acceso quen estea en posesión dun título de técnico superior de Artes Plásticas e Deseño.

Prazo de inscrición nas probas: a inscrición realizarse ata o día 17 de xuño

As solicitudes deberán realizarse de maneira telemática cubrindo o formulario dispoñible en https://www.edu.xunta.gal/eas e empregando o certificado dixital ou sistema de usuario e clave Chave365 (https://sede.xunta.gal/chave365). Non obstante, tamén se poderá formalizar a inscrición directamente nas secretarías das escolas de arte e superiores de deseño.

Datas das probas específicas:
- As probas específicas de acceso ás ensinanzas superiores de Música darán comezo o día 6 de xullo en cada un dos conservatorios superiores de música de Galicia.
- As probas específicas de acceso ás ensinanzas superiores de Deseño desenvolveranse o día 6 de xullo nas catro Escolas de Arte e Superiores de Galicia (EASD).
- A proba específica de acceso ás ensinanzas superiores de Conservación e Restauración de Bens Culturais desenvolverase o día 6 de xullo na Escola Superior de Conservación e Restauración de Bens Culturais de Galicia.
- As probas específicas de acceso ás ensinanzas superiores de Arte Dramática darán comenzo o día 6 de xullo na Escola Superior de Arte Dramática de Galicia.

Proba para os/as aspirantes que non cumpran o requisito de titulación de bacharelato para acceder ás ensinanzas artísticas superiores:
A esta proba poderán presentarse os aspirantes que non estean en posesión do título de bacharel ou equivalente, e non teñan superado a proba de acceso á universidade para maiores de 25 anos, e cumpran os 18 anos no 2017, agás os aspirantes ás ensinanzas superiores de Música, para os que a idade mínima de acceso é de 16 anos.

Estas probas realizarase en Santiago de Compostela no IES As Fontiñas, rúa de Estocolmo, número 5; o día 28 de xuño

Máis información no DOG do 18 de maio de 2021

Escolas de Arte e Superiores de Deseño: http://www.edu.xunta.es/web/node/1604
Escola Superior de Arte Dramática de Galicia: http://www.esadgalicia.com
Ensinanzas superiores de Conservación e Restauración de Bens Culturais de Galicia: http://gradoconservacionbbcc.es/
Ensinanzas superiores de música: http://www.edu.xunta.gal/portal/taxonomy/term/113/all

Isabel Risco e Fran Rei convértense en Rosalía de Castro e Eduardo Pondal nun proxecto audiovisual que mestura humor e música e que propón unha revisión cómica de diversos aspectos que nos definen como galegos e galegas, así como dos fitos máis sobranceiros do noso patrimonio cultural.

O proxecto componse de cinco audiovisuais que inclúen cadanseu videoclip do Dúo Vaguedades, a primeira banda tecno da historia, formado nada máis e nada menos que polos mesmísimos Rosalía de Castro e Eduardo Pondal.

O proxecto Dúo Vaguedades forma parte do Fondo de Proxectos Culturais Xacobeo 21-22

Dubidar

Pondal e Rosalía pasan unha tarde de choiva na casa. A conversa, aparentemente intrascendente, agocha moita poesía, culta e popular. Nesta entrega podermos escoitar un tema do Dúo Vaguedades sobre unha das características que disque define os galegos e galegas: a dúbida.

 

V1

Falar por falar

Titorial para explicar como se debe ligar en distintas zonas de Galicia, algo para o que é fundamental a dialectoloxía. Complétase cunha canción que nos anima a falar os sete falares, falar por falar, falar sen parar, falar sen cancelas e falar en galego.

V2

 

Rexurdimento

Como auténticos visionarios, Rosalía e Eduardo propoñen crear un programa de variedades nunha televisión pública os venres ao serán. Ha ter éxito seguro. Sobre todo se lle poñen un nome sacado dun verso de Pondal. Cal pode ser? Despois, o Dúo Vaguedades participa nun casting onde mostra a súa valía cunha canción sobre o Rexurdimento.

V3

Verbos compostos

As novas tecnoloxías e as redes sociais chegan ás mans do Dúo Vaguedades, mais semella que Pondal non se amaña moi ben con elas. O videoclip, desta volta, lémbranos que “o galego é un idioma moi ben dotado”. E iso que non ten tempos compostos.

V4

Cultura nas verbenas

Rosalía e Eduardo charlan sobre a música das orquestras que percorren as verbenas galegas. Pero a cultura galega vai moito máis aló... como se pode ver no primeiro videoclip do Dúo Vaguedades.

V5

A Deputación da Coruña e AGALURE lanzan a campaña Non xogues co xogo. Aposta pola vida. nonxogues2

Aposta pola vida para loitar contra a ludopatía na mocidade e, nun ámbito máis específico poñer o foco nun uso racional das novas tecnoloxías e dos servizos de xogos e apostas online.

A campaña apóiase directamente nun vídeo que se está a difundir nas redes sociais dende este primeiro de maio. Está protagonizado por Xosé Antonio Touriñán, María Mera, David Perdomo, Eva Iglesias e o dúo Verto.

No vídeo lánzanse dúas mensaxes ben claras: “As apostas deportivas non son un xogo” e “cada vez son máis os casos de ludopatía entre a mocidade”.
O vídeo desta campaña, coa que se pretende concienciar á mocidade dos problemas de adicción que carrean as apostas e os xogos de azar desde as idades máis temperás, difúndese nas redes sociais (Facebook, Instagram e Twitter) da Deputación da Coruña e tamén nas de AGALURE para “chegar directamente ao público obxectivo desta acción a través das canles de comunicación que máis empregan”.

https://www.dacoruna.gal/novas/ficha-noticia-reducida?id_evento=9376 

Que sabes de María Casares, Maruja Mallo, Emilia Pardo Bazán, Margarita Nelken, Federica Montseny, Victoria Kent, Rosalía de Castro, Concepción Arenal, Clara Campoamor...?

As mulleres foron silenciadas pola Historia e o rueiro das nosas cidades é unha boa proba diso, porque ata ben pouco, os únicos nomes femininos que recollían as nosas rúas eran os de santas ou virxes, e aínda hoxe, é unha materia pendente ese recoñecemento ao papel da muller.

O Ateneo de Santiago de Compostela, a través de Radio Ateneo dedícalle un programa, Mulleres no rueiro de Santiago pretende falar daquelas mulleres que están para dalas a coñecer, pero tamén de mulleres que hoxe non están, pero que polas súas achegas moitas veces descoñecidas, deben optar a ese recoñecemento.

Podes oír os podcast en https://ateneodesantiago.gal/radio/programas/24/las-mujeres-en-el-callejero-de-santiago 

Penélope Alonso, psicóloga do centro Querote+ de Vigo, conversa con Mikel Resa de @sidalava sobre o valor universal dosquerote1 bicos

Podes ver a conversa na canle IGTV de Quérote+

Os concertos do 'Galicia Emerxe' son de 40 minutos de duración. Comezaron a emitirse o 13 de xaneiro nas 'Noites Temáticas' da TVG2 e, cada mércores, repiten cita ás 23.30h. Os espectadores tamén teñen a oportunidade de ver estes concertos na primeira canle da TVG os sábados ao redor das 10.40h. Unha vez finalizada esta emisión, cada recital estará dispoñible na web da CRTVG e tamén poderá escoitarse en Radio Galega Música a partir das 22.00h os sábados.

http://www.crtvg.es/tvg/programas/galicia-emerxe 

O Auditorio do Mar de Vigo acollerá o tradicional Concerto das Letras Galegas do Consello da Cultura Galega. Será presencial, o vindeiro 16 de maio, e poderase seguir en directo a través da web do CCG, e tamén a través da CRTVG, e no propio 17 de maio na segunda canle da TVG. O Concello de Vigo colabora na realización deste iniciativa que xuntará a experimentación musical de LauraLaMontagne e PicoAmperio coa poética de Xela Arias (1962-2003), figura á que se lle dedica nesta ocasión o Día das Letras Galegas.

As entradas do concerto serán de balde e pódense retirar a través da plataforma Teuticket.

http://consellodacultura.gal/especial/concerto-letras-2021/ 

O Instituto da Mocidade de España, Injuve, coa colaboración da Rede de Servizos de Información Xuvenil (RedSIJ), presenta un catálogo en liña de accións, proxectos e programas destinados ás persoas mozas no ámbito local e rexional. É o resultado da convocatoria de Experiencias Locais de Mocidade que o Injuve puxo en marcha este ano para recoñecer o labor das administracións locais e entidades do sector público no seu traballo con mozos.

As 111 experiencias que se recollen foron realizadas nos últimos anos ou se están levando a cabo polos distintos servizos de mocidade do noso país.

O obxectivo é facilitar o coñecemento de boas prácticas, compartir as metodoloxías empregadas nelas, e poñer en valor aspectos de innovación, co ánimo de que poidan ser reproducidas noutros ámbitos territoriais.

As experiencias recibidas foron agrupadas por áreas temáticas para facilitar a súa consulta:

http://www.injuve.es/conocenos/noticia/experiencias-locales-redsij-de-trabajo-con-jovenes

As letras galegas toman as redes da man da Deputación da Coruña e da iniciativa #Librosparasermoslibres

Unha parte relevante das celebracións do 17 de maio do departamento de Cultura da Deputación da Coruña vai ter lugar nas redes sociais. Nesta axenda destaca unha nova edición de Libros para Sermos Libres, co-impulsada pola área de Normalización e co punto de vista posto na celebración e reivindicación do legado de Xela Arias (homenaxeada no Día das Letras) e, por extensión, na nosa lingua e na nosa cultura.

A iniciativa #Librosparasermoslibres difundirá a través da Rede contidos relacionados co mundo editorial dirixidos a fomentar a lectura en galego. A campaña recollerá en vídeo mensaxes de apoio de caras recoñecíbeis ao noso mundo editorial. Asemade, farase referencia aos distintos premios cos que a Deputación fomenta a creación na nosa lingua.

Ao abeiro de #Librosparasermoslibres, sortearanse bonos-libros que as e os internautas poderán utilizar en calquera libraría da provincia da Coruña que elixan.

Para entrar no sorteo dos bonos tes que enviar fotos ou micro-vídeos (máximo 1 minuto). As persoas participantes recomendarán unha obra en lingua galega coas etiquetas #fiestrasabertas e #librosparasermoslibres. Sortearanse 21 bonos-libros de 100 euros que as persoas gañadoras poderán empregar en calquera libraría da provincia da Coruña.

https://es-es.facebook.com/hashtag/librosparasermoslibres?epa=HASHTAG