Novas e actividades (1308)
O campo de voluntariado ‘Centinelas do mar’ da Xunta impulsa o uso de drons para limpar o litoral galego
A Xunta de Galicia impulsa o uso de drons para a recollida de residuos no litoral da nosa comunidade a través do campo de voluntariado Centinelas do mar, unha actividade totalmente novidosa este ano que se celebra en Sanxenxo. Ata alí se achegou a directora xeral de Xuventude, Participación e Voluntariado, Cristina Pichel.
Os mozos, de entre 18 e 30 anos, recoñecerán a zona mediante drons para logo achegar-se por mar a recoller os residuos. Esta limpeza mellorará o acceso ás zonas máis complicadas da costa e evitará que o lixo chegue ás praias
Os voluntarios poderán gozar tamén das festas de San Roque, patrón da localidade de Portonovo, que comezarán este domingo coa tradicional sardiñada
Durante o seu encontro cos voluntarios, Cristina Pichel destacou a importancia de manter limpas as costas e praias de Galicia. Así, puxo en valor este campo de voluntariado, impulsado polo Goberno galego, como un excelente medio para conseguilo. Neste sentido, lembrou que esta experiencia, ademais de concienciar aos máis novos sobre o coidado da natureza, lles achegará habilidades fundamentais para o seu desenvolvemento.
Este programa é un dos nove novos campos de voluntariado que forman parte da campaña de verán do Executivo autonómico, que conta coa maior oferta da historia. Baixo o lema O verán que queres contar, ofrece máis de 10.800 prazas, que inclúen tamén campamentos, minicampamentos Coñece Galicia e prazas para a organización de actividades por parte de entidades sociais.
A Xunta de Galicia programa este verán 300 actividades familiares, xuvenís e infantís coa campaña Tece Redes en galego.
A nova campaña TeCe Redes acolle tanto os proxectos presenciais como dixitais, que complementan a oferta no Portal da Lingua, como os mixtos, nos que se mesturan ambas modalidades, ou os que se realizan presencialmente. Todos eles inclúense no coñecido programa de dinamización do uso da lingua galega FalaRedes, en activo durante o ano.
Entre as accións programadas, moi pronto poderemos gozar do cine na rúa con filmes como a produción galega Valentina ou Bella e o circo máxico, dirixido a nenas e nenos e no que se trata o tema da amizade no contexto da igualdade de xénero e a diversidade.
Os máis cativos tamén se divertirán cos espectáculos O tranvía Leonardo, con monicreques e música; Toupiciencia Show e Lendo a Ciencia: Festiencia & Festiletras, nos que se fomenta a divulgación científica en galego; O porco de pé, que leva ao teatro a novela de Vicente Risco, ou Xela contra o dragón Traga-verbas, espectáculo que trata a importancia do uso cotián da lingua galega e da conservación da nosa identidade.
Picadiscos Marifaltri, Festa Maimiña, Viaxe á prehistoria. Unha aventura inmersiva na procura das nosas orixes, As Armadanzas, Ghop! e Falando a música chegan con espectáculos de música, baile, contos, obradoiros e teatro para que toda a familia comparta, escoite e se divirta en galego.
E a familia de irmáns máis coñecida polos nenos e nenas galegos, Os Bolechas, percorrerán as nosas rúas con distintos shows de monicreques, pasacalles e actividades interactivas.
As rúas de Galicia encheranse de actuacións musicais da man de artistas galegos de renome como Lucía Pérez, Xacarandaina, SÉS, María do Ceo, Terbutalina, Susana Seivane, A Roda, A Banda da Loba, Roi Casal, Antonio Barros e Ialma, Antonio Luz, os grupos DOUS-Fernando Abreu & Pablo Carrera e o de Percusión ODAIKO e o espectáculo Queiman Folki do Bruxo Queiman.
Tamén se realizarán os concertos do xa coñecido ciclo Novas Músicas en Galego no marco do festival Go!Go!Zo! Xacobeo 21-22 que terá lugar este setembro no Monte do Gozo.
Alar Galicia, subvencionada por la Consellería de Sanidade da Xunta de Galicia, pon en funcionamento o Proxecto Voitheia; un gabinete de prevención, sensibilización e asesoramento de persoas con tendencias suicidas e apoio profesional aos grupos máis próximos.
O proxecto ten por obxectivo reducir a prevalencia das condutas suicidas entre os mozos e mozas de entre 12 e os 30 anos. Con este fin, levaranse a cabo acción gratuitas, profesionais e confidenciais en toda Galicia.
As liñas de acción abarcan:
a) Sesións individuais a persoas con tendencias suicidas ou factores de risco asociados ao suicidio e a súa contorna sociofamiliar inmediata.
b) Sesións de mediación familiar para as persoas con tendencias suicidas ou factores de risco asociados ao suicidio e a súa contorna sociofamiliar inmediata.
c) Sesións grupais con persoas con tendencias suicidas ou factores de risco asociados ao suicidio.
d) Talleres de prevención e sensibilización en centros educativos e outros recursos de atención a menores (centros sociais, centros de menores, etc.).
e) Prevención e sensibilización a través de redes sociais como Instagram e Facebook (@alargalicia).
A frecuencia e duración dos servizos seguirá o criterio profesional do técnico a cargo do proxecto e estarán dirixidos en todo momento a mozos e mozas de entre 12 e 30 anos, residentes da comunidade galega e que presenten, ou podan chegar a presentar pola presenza de factores de risco, condutas suicidas (ideación, planificación, autolesións, tentativas ou ameazas suicidas, etc.), así como a súa contorna sociofamiliar inmediata. Asímesmo, recoñecerase a preferencia daquelas persoas en risco ou situación de exclusión social.
O servizo, completamente gratuito, pódese solicitar contactando a través do correo electrónico alargaliciasocial@gmail.com ou nos teléfonos 982 243 316 e 608 803 171.
Premios Nacionais de Mocidade 2022
O Ministerio de Dereitos Sociais e Axenda 2030 concede os Premios Nacionais de Mocidade para o ano 2022:
Premio de 5.000 euros, en cada unha das seguintes categorías:
- Compromiso Social a Carles López Picó.
- Cultura a M.ª Magdalena Sánchez Moreno.
- Medio Ambiente a Marco Maynar Ros.
- Deporte a Inés Rosado García.
- Ciencia e Tecnoloxía a M.ª Isabel Álvarez Vergara.
- Dereitos Humans a Ernesto García Maleno.
Mención honorífica, sen dotación económica, nas seguintes categorías:
– Bernabé Villalba Silva en Compromiso Social.
– Yeison Fernando García López en Cultura.
– Lucía Sainz Escudero no medio Ambiente.
– Marta de Diego García en Deporte.
– Alejandro Fernández Muñoz en Ciencia e Tecnoloxía.
– Marta Borrell Fijo en Dereitos Humanos.
BOE do 20 de xullo de 2022
A Axencia Galega da Calidade Alimentaria dispón de varios centros de formación da familia agroforestal, entre os cales, o Centro de Formación e Experimentación Agraria (CFEA) de Lourizán (Pontevedra), o CFEA de Sergude (Boqueixón), o CFEA Pedro Murias de Ribadeo e o CFEA de Becerreá dispoñen de residencias de estudantes que prestan un servizo complementario ao desenvolvemento educativo da poboación do medio rural, que permite potenciar o acceso á formación continua e aos dos ciclos de formación profesional agraria de grao medio e grao superior seguintes:
CFEA Lourizán:
Ciclo Formativo de Grao Medio en Aproveitamento e Conservación do Medio Natural.
Ciclo Formativo de Grao Superior en Xestión Forestal e do Medio Natural.
CFEA Sergude:
Ciclo Formativo de Grao Medio en Aproveitamento e Conservación do Medio Natural.
Ciclo Formativo de Grao Medio en Produción Agropecuaria.
Ciclo Formativo de Grao Superior en Gandaría e Asistencia en Sanidade Animal.
Ciclo Formativo de Grao Medio en Produción Agroecolóxica.
CFEA Pedro Murias:
Ciclo de Grao Medio en Aproveitamento e Conservación do Medio Natural (FP Dual).
CFEA Becerreá:
Ciclo Formativo de Grao Medio en Aproveitamento e Conservación do Medio Natural.
Ciclo Formativo de Grao Superior en Xestión Forestal e do Medio Natural.
A oferta de prazas para o curso 2022/23 por centro é a seguinte:
Persoas beneficiarias:
a) Ser cidadás de calquera país da Unión Europea ou estranxeiros/as que acrediten a residencia ou estean dentro dun programa de cooperación internacional.
b) Ter feitos os 18 anos de idade o día de comezo do uso da residencia no caso das prazas en pensión completa do CFEA de Lourizán, ou ter feitos os 16 anos de idade no ano da convocatoria no caso das prazas en pensión completa que se ofertan no CFEA de Sergude.
c) Estar matriculado no centro solicitado durante o curso escolar.
Tipos de prazas:
a) Residencia en pensión completa.
b) Comedor para o curso completo.
As solicitudes presentaranse na sede electrónica da Xunta de Galicia https://sede.xunta.gal, co formulario MR207A
O prazo de presentación das solicitudes será do o 18 de xullo ao 29 de xullo de 2022.
Máis información no DOG do 15 de xullo de 2022
Viaxa con seguridade co teu carné xove
Sabías que o teu carné xove inclúe un seguro de viaxe gratuíto?.
As características principais das garantías de asistencia son as seguintes: 
Asistencia por accidente ou enfermidades durante a viaxe.
- Repatriación ou transporte sanitario de feridos ou enfermos.
- Transporte dos acompañantes.
- Inmobilizacións nun hotel.
- Repatriación ou transporte do asegurado falecido.
- Pago ou reembolso dos gastos médicos, cirúrxicos, farmacéuticos e de hospitalización no estranxeiro.
- Regreso anticipado por falecemento ou hospitalización dun familiar en España do asegurado.
- Servizos de información para viaxes ao estranxeiro.
- Anticipo de gastos de hospitalización no estranxeiro.
- Localización de intérprete en caso de accidente ou enfermidade no estranxeiro.
- Servizo de información sobre asistencia médica.
- Servizo de trámites administrativos para hospitalización.
- Billete de ida e volta para un familiar.
- Gastos de aloxamento para un familiar.
Asistencia por danos á equipaxe.
- Envío e/o reenvío de obxectos esquecidos e/o roubados no transcurso da viaxe.
- Roubos e danos á equipaxe.
- Retraso na entrega de equipaxe.
- Gastos de reposición da documentación de viaxe.
- Roubo na caixa forte do hotel.
- Roubo das chaves da vivenda habitual do asegurado.
Asistencia por retraso dos medios de transporte.
- Retraso na saída da viaxe.
- Cancelación da viaxe por folga.
- Perda da conexión por retrasos.
- Perda do medio de transporte por accidente "in itinere".
- Retraso por "over booking".
Asistencia por responsabilidade civil
- Responsabilidade civil no estranxeiro.
- Anticipo de gastos de defensa legal no estranxeiro.
- Anticipo de fianza xudicial no estranxeiro.
- Servizo de información legal.
- Procura de representante legal no estranxeiro.
- Obtención de salvocondutos.
Para consultar polo miúdo as coberturas e exclusións do seguro descarga o pdf coas coberturas.
Enquisa de información xuvenil
A terceira edición de Eurodesk Mobility and the Role of Youth Information Survey dirixiuse a mozas e mozos de 13 a 35 anos e tiña como obxectivo comprender os seus patróns de información e a súa percepción da mobilidade na aprendizaxe despois de dous anos da pandemia mundial de COVID-19.
O informe da enquisa proporciona unha mellor comprensión do impacto que a pandemia de COVID-19 tivo nos mozos en termos de mobilidade. A enquisa recompilou 4.061 respostas de 74 países.
https://eurodesk.eu/wp-content/uploads/2022/06/ED_survey_22_WEB_Final.pdf
O universo: unha fascinación en continua expansión
O Servizo de Normalización Lingüística da Universidade de Santiago e o Centro de Documentación Sociolingüística de Galicia, dependente do Consello da Cultura, compartiron en Proxector un especial adicado á astronomía, baixo o título O universo: unha fascinación en continua expansión.
O especial, que tamén se pode ver en formato presentación e nas redes sociais do SNL da USC, móstranos como iniciarnos na observación astronómica e lémbranos que en Galicis temos o privilexio de contar con importantes zonas sen contaminación lumínica e con espazos concretos, como por exemplo o Parque Nacional das Illas Atlánticas, Trevinca e Muras, que gozan da certificación oficial de "destino turístico Starlight", e polo tanto, achegan unha excelente calidade de ceo e son exemplos de protección e conservación.
Que podo ler este verán???
Se bucas algún libro ou cómic para ler este verán, o equipo de Correspondentes Xuvenís do IES Saturnino Montojo queren compartir convosco a aventura de ler e para iso recomendan libros que lles gustan. Neste enlace, se accededes mediante o código QR podedes ler breves fragmentos de cadanseu libro recomendado polos integrantes do equipo:
https://padlet.com/cxmontojo2021/4dkg4to35lsozg91
E se non son suficientes para este verán, ainda tes máis recomendacións de lecturas que foron facendo os/as Correspondentes Xuvenís ao longo deste cursos
Onde podes conseguir estes libros?
1. Biblioteca do teu centro educativo
2. Rede de Bibliotecas de Galicia: https://rbgalicia.xunta.gal/
3. Librarías onde fan desconto co carné xove.
O INJUVE pon en marcha un proceso participativo para identificar os principais retos e problemáticas que debe afrontar a mocidade europea, contribuíndo á construción dunha Axenda Europea de Xuventude que permita a formulación de políticas públicas ambiciosas, específicas e distintivas.
Queres contribuír?
O proceso lévase a cabo mediante un cuestionario web destinado a mozos e mozas de 13 a 30 anos entre o 20 de xuño e o 1 de agosto. Os resultados servirán como punto de partida para a elaboración dun documento estratéxico de posicionamento político sobre o que artellar as prioridades do Consello da Unión Europea en materia de mocidade durante a Presidencia de España, que terá lugar entre o 1 de xullo e o 31 de decembro de 2023.
Temáticas do cuestionario
Primeira parte: retos e problemáticas da mocidade en Europa
Selecciónanse cinco modalidades de violencia cuxa incidencia entre os mozos e mozas é crítica, xa que delimitan e condicionan o desenvolvemento da mocidade.
Segunda parte: a Europa que merecen os mozos e mozas
Composta de dúas preguntas abertas sobre a Europa que merece a xuventude. A UE do futuro, impulsada pola xeración actual de mozos e mozas, esixe de todos nós unha reflexión aberta, crítica, creativa e compartida que permita avanzar de forma realista e consciente das barreiras e ameazas que poden interferir no seu despregamento, pero tamén das fortalezas que debemos desenvolver e os resortes de cambio.
Terceira parte: valoración das políticas públicas europeas en materia de xuventude
Trátase de recoller unha valoración das políticas públicas europeas en materia xuvenil.
A Comisión Europea aprobou en 2018 unha Estratexia da Unión Europea para a Mocidade para desenvolver entre 2019 e 2027, constituíndose a través dun proceso de participación aberto ao diálogo entre repesentantes das persoas mozas, investigadores e responsables políticos, dando como resultado unha serie de metas para dar resposta aos retos aos que se enfronta Europa. Neste enlace exponse un resumo destas metas.
Sobre o cuestionario
A finalidade do cuestionario é inspirar as políticas da UE nos próximos anos, polo que sesolicita ter en conta este enfoque europeo á hora de responder o cuestionario.
O Instituto de Innovación, Desenvolvemento e Impacto Social (IIDIS) será o encargado da identificación, recompilación e sistematización da información, coñecemento e experiencia dispoñibles e da elaboración das recomendacións e propostas de futuro co obxectivo de inspirar a construción de políticas europeas e contribuír á suma de axentes clave. Os resultados da consulta daranse a coñecer nunha presentación pública no mes de outubro de 2022.
Dúbidas sobre o contido do cuestionario
Web do Consello da Unión Europea: Presidencia do Consello da UE
