Novas e actividades (948)

Se tes dúbidas, preguntas ou desexas falar con Quérote+ para recibir asesoramento, xa sabes, podes poñerte en contacto a través do 647 018 752

http://xuventude.xunta.es/querote-mais 

A Consellería de Política Social, mediante a Dirección Xeral de Xuventude, Participación e Voluntariado en colaboración coa Axencia Turismo de Galicia, poñen en marcha un novo programa “Voluntariado no Camiño”.

Este programa é unha iniciativa que busca dar a coñecer, por parte das persoas voluntarias, o rico patrimonio artístico e cultural existente ao pé das diferentes rutas do Camiño de Santiago, co obxectivo de favorecer o seu coñecemento de cara ao Xacobeo 2021.
Deste xeito, promoverase a apertura de igrexas e monumentos que reflicten a riqueza do legado histórico e relixioso do Camiño de Santiago, durante a época de maior afluencia de peregrinos ao longo dos diferentes Camiños de Santiago.
Ademais, promocionará o patrimonio cultural existente como castros, cruceiros, lavadoiros ou mámoas, e informará aos peregrinos dos servizos dos que dispoñen na súa andaina tales como albergues, oficinas de información ou centros de saúde.

O programa “Voluntariado no Camiño” facilita que as persoas voluntarias participantes leven a cabo actividades de información en dous ámbitos de actuación:

Voluntariado Cultural: Acompañamento aos peregrinos para as visitas as igrexas, e outros monumentos da zona.

Voluntariado informativo: Informar aos peregrinos e visitantes sobre aspectos culturais e de servizos (albergues, oficinas de información, centros de saúde, …) que existan no ámbito territorial.

Sen dúbida, estas actividades teñen unha incidencia e beneficios directos na contorna local, na que se desenvolven, ademais de contribuír ao enriquecemento persoal das persoas voluntarias participantes.

As actividades de voluntariado levaranse a cabo nas localizacións específicas en función das súas características peculiares, que determinan a necesidade da actuación e que fan que un determinado ámbito deveña como exclusivo para a consecución de determinados fins.

VÍA DA PRATA

A primeira ruta na que se aplicará será na Vía da Prata, e as igrexas nas que se poderá colaborar son as seguintes: Santa María de Retorta (Laza), Santa María de Mixós (Monterrei), Santa María de Xinzo (Xinzo de Limia), San Estevo de Sandiás (Sandiás), Santa María a Real (Xunqueira de Ambía), Igrexa de Santiago (Allariz), Santa Mariña de Augas Santas (Allariz), Santa María de Vilanova (Allariz), Beato Sebastián Aparicio (A Gudiña), San Cristobo de Cea (Cea), Santa María de Carballeda (Piñor), San Pedro de Vilanova (Dozón) e Santa Eulalia (Silleda).

Formulario de inscrición Vía da Prata

CAMIÑO PORTUGUÉS

No Camiño Portugués as igrexas nas que se poderá colaborar son as seguintes: Santo Domingo (Tui), San Bartolemou de Rebordáns (Tui), Santa María (Oia), San Salvador de Coruxo (Vigo), Igrexa de Santiago (Redondela), Igrexa de Santiago de Vilavella (Redondela), Igrexa de Santiago de Arcade (Soutomaior), Santa María de Alba (Pontevedra), Santa María de Carracedo (Caldas de Reis) e Santuario da Escravitude (Padrón).

Formulario de inscrición Camiño Portugués

CAMIÑO FRANCÉS

No Camiño Francés as igrexas nas que se poderá colaborar son as seguintes: Igrexa de Santiago de Barbadelo en Sarria e Igrexa de Santa Susana en Santiago de Compostela.

Formulario de inscrición Camiño Francés

As persoas voluntarias que participen estarán cubertas pola póliza de seguro de accidentes e responsabilidade civil que ten subscrita a Dirección Xeral de Xuventude, Participación e Voluntariado.

Os gastos de desprazamento das persoas voluntarias dende o seu domicilio ata o punto de encontro correrán pola súa conta.

Ao finalizar a súa acción voluntaria, a Dirección Xeral de Xuventude, Participación e Voluntariado inscribirá de oficio a experiencia voluntaria no Rexistro de Acción Voluntaria de Galicia.

O alumnado que o precise terá á súa disposición en toda Galicia un conxunto de aulas nas que co seu equipo portátil poderá conectarse con seguridade á Rede e realizar as súas probas de avaliación. Para facer uso delas so é preciso solicitalo con antelación.

En virtude a un acordo entre as universidades de Santiago e da Coruña, o alumnado de cada unha delas poderá utilizar instalacións destas dúas institucións en función das súas necesidades. No caso das Aulas da USC, estarán dispoñibles na Sala Norvet da Facultade de Veterinaria de Lugo e na Sala de Lectura da Facultade de Dereito de Santiago. Na UDC, o alumnado poderá achegarse a calquera dos puntos de acceso nos campus de Riazor, Elviña ou Esteiro.

Tamén hai unha oferta de postos realizada pola Axencia para a Modernización Tecnolóxica (AMTEGA), quen xunto coa FEGAMP e as propias universidades galegas poñen a disposición dos estudantado universitario as aulas CeMIT de diversos concellos para a realización das probas de avaliación.

Formulario de solicitude da USC

Formulario de solicitude da UDC

Formulario de solicitude de aulas CeMIT

Xorde o Festival Virtual do Libro de Galicia, cuxa primeira edición nace coa intención de que “o libro e a literatura do país non fiquen parados polas circunstancias que vive o mundo”.
A primeira convocatoria celebrarase de maneira virtual entre os días 26 e 28 de xuño no portal web www.fliv.gal que será o punto de encontro deste novo festival literario.

O FLIV é un “punto de encontro virtual” que terá apartados para a literatura e as peregrinacións e fará un repaso por todos os xéneros literarios: novela, ensaio, poesía, teatro e literatura infantil e xuvenil, sen descontar o cómic ou a presenza doutras literaturas na literatura galega por medio da tradución.

No soportal do FLIV desenvolveranse distintas actividades relacionadas co libro: presentacións, debates, clubs de lectura e tamén encontros entre autores coa vantaxe, segundo explican os organizadores, de que “estes contidos permanecerán na web e seguirán sendo accesíbeis unha vez pasadas as datas do festival”.

https://www.fliv.gal/index.php/gl/ 

É un xogo de pistas virtual feito por tres voluntarios europeos que realizan o seu proxecto no Alaquàs (Valencia). Este particular escape room lévate por varias cidades europeas a través de enigmas e misterios para resolver. Se queres gañar, deberás prestar especial atención aos detalles. Sorte!

En busca da Mona Lisa

 

Xa podes consultar as novas publicadas no boletín Eurodesk do mes de xuño

Boletín Eurodesk do mes de xuño de 2020

A Xunta de Galicia, dentro da súa campaña de lecer e formación #aculturasegue, pon en marcha polas redes sociais e páxina web da Cidade da Cultura, Cociñeiras ilustradas.

Trátase dun curso de cociña en liña para que as familias preparen coa cativada divertidas e sinxelas receitas, que lles serán explicadas en vídeos de animación cos debuxos de cinco recoñecidas ilustradoras galegas: Ana Varela, Ángeles Díaz --alias 'Axóuxeres e chisqueiros'--, Nuría Díaz, Laura Tova e Dani Padrón.

Cociñeiras ilustradas. Divertidas receitas animadas para preparar e papar coa cativada comezará a emitirse en liña pola páxina web da Cidade da Cultura e polas súas redes sociais (Facebook, Instagram e Twitter) a partir do sábado 13 de xuño.

https://www.cidadedacultura.gal/gl/novas/videoreceitas-para-cativada-con-cocineiras-ilustradas 

Desenvolver e difundir unha serie de contidos formativos e informativos, dirixidos ás familias e centrados en promover un uso seguro de internet por parte das e os menores, así como amosar tamén a pais e nais as oportunidades que achega a rede, ese é o obxectivo central de Sentidiño na rede, que levou a cabo o grupo Cies (Colaboración, Innovación e Investigación para a Equidade Socio-educativa), integrado por investigadores e investigadoras da Facultade de Ciencias da Educación e do Deporte do campus de Pontevedra e da Facultade de Ciencias da Educación de Ourense.

https://proyectoriies.com/proyecto/sentidino-na-rede/ 

O Instituto da Mocidade, INJUVE, convoca subvencións para o mantemento, funcionamento e equipamento de asociacións xuvenís, organizacións xuvenís e entidades prestadoras de servizos á mocidade de ámbito estatal, para o ano 2020.

Beneficiarios:
Entidades e organizacións de carácter non gobernamental que estean legalmente constituídas e no seu caso, debidamente inscritas no correspondente Rexistro administrativo de ámbito estatal como:
a) Asociacións xuvenís, Federacións ou Confederacións de Asociacións Xuvenís.
b) Seccións Xuvenís de entidades sociais ou organizacións non gobernamentais, integradas polos membros novos da entidade, que teñan recoñecidos nos seus Estatutos autonomía funcional, organización e goberno propio para os asuntos especificamente xuvenís.
c) Entidades prestadoras de servizos á mocidade, dedicadas con carácter exclusivo á realización de actividades en favor da mocidade segundo previsión expresa nos seus Estatutos.

As entidades e organizacións non gobernamentais deberán reunir entre outros, os seguintes requisitos:
- Ter ámbito de actuación estatal segundo os seus Estatutos.
- Acreditar documentalmente ter sede aberta e en funcionamento no ámbito de varias Comunidades Autónomas. En atención ás súas especiais circunstancias, poderán participar na presente convocatoria as entidades ou organizacións non gobernamentais cuxo ámbito territorial de actuación sexan Ceuta, Melilla e Canarias.
- Carecer de fins de lucro

Finalidade:
Fomentar o movemento asociativo xuvenil de ámbito estatal contribuíndo ao mantemento e funcionamento das sedes e infraestruturas centrais das asociacións xuvenís e as entidades prestadoras de servizos á mocidade de ámbito estatal.

O prazo para presentar solicitudes estará aberto ata o 24 de xuño de 2020.
Máis información no BOE do 27 de maio de 2020 e www.injuve.es 

A Consellería de Educación publica o novo calendario de datas para a celebración das probas de acceso de grao medio e de grao superior.
Grao Superior:  11 de xuño de 2020
Grao Medio:  10 xuño de 2020

https://www.edu.xunta.gal/fp/novas-datas-para-celebracion-das-probas-acceso-grao-medio-grao-superior-convocatoria-2020