É unha campaña de Fad Mocidade para previr o consumo de pornografía entre os e as menores de idade e tratar de alertar a pais e nais sobre as consecuencias que un acceso temperán á pornografía pode ter nos seus fillos e fillas.
https://www.youtube.com/watch?v=KUpHiK26hG0 Spot I
https://www.youtube.com/watch?v=uGu7NVu0dNU Spot II
https://www.youtube.com/watch?v=-4d5svPSWHU Spot III
Informe completo:
Presentación:
Máis información:
Recorda que o servizo Quérote+da Xunta de Galicia ofrece asesoramento gratuíto á xuventude nas áreas máis vinculadas ao entendemento social e o crecemento persoal
Tes 18 anos de idade? Prepárate para descubrir Europa! DiscoverEU enorgullecese de formar parte da familia do programa Erasmus+ e de contribuír a túa mobilidade con moitos máis bonos de viaxe e novas oportunidades.
DiscoverEU é unha acción do programa Erasmus + que che ofrece a posibilidade de explorar a diversidade de Europa, aprender sobre o seu patrimonio cultural e a súa historia e conectar con persoas de todo o continente.
Ofreceráseche un bono de viaxe e unha viaxe predominantemente en tren. Consulta as normas aplicables ás persoas que viven en illas ou en zonas remotas.
Como viaxeiro seleccionado, recibirás un Carné Xove Europeo de DiscoverEU para obter numerosos descontos en visitas culturais, actividades de aprendizaxe, deportes, transporte local, aloxamento e comida.
A próxima rolda de candidaturas estará aberta desde o 16 de abril de 2024 ás 12.00 ata o 30 de abril de 2024 ás 12.00 h.
Para poder participar, tes que:
- Ter nacido entre o 1 de xullo de 2005 e o 3 de xuño de 2006 (ambos inclusive),
- Encher o formulario de candidatura en liña cun número de documento de identidade, de pasaporte ou de tarxeta de residencia legal válido,
- Ser cidadán ou residente legal de longa duración dun dos seguintes países:
un dos Estados membros da Unión Europea, incluídos os países e territorios de ultramar (PTU), ou un dos terceiros países asociados ao programa Erasmus+: Islandia, Liechtenstein, Macedonia do Norte, Noruega, Serbia ou Turquía.
A continuación, terás que responder a un cuestionario (salvo se presentas a túa candidatura como membro dun grupo).
Se resultas seleccionado, poderás facer unha viaxe de entre 1 e 30 días de duración entre o 1 de xullo de 2024 e o 30 de setembro de 2025.
Se viaxar resúltache complicado porque tes unha discapacidade ou un problema de saúde, recibirás asistencia e apoio para poder participar nesta acción.
A Xunta de Galicia convoca premios extraordinarios de formación profesional para o alumnado que realizou estudos de formación profesional de grao superior no curso 2022/23 nos centros docentes da Comunidade Autónoma de Galicia e que os rematou no ano 2023.
Poderanse conceder ata 23 premios extraordinarios, un por cada familia de formación profesional de grao superior que se imparte na Comunidade Autónoma de Galicia, e non poderán exceder os 1.000 € por premio.
Requisitos:
1. Ter cursados estudos de formación profesional de grao superior durante o curso 2022/23 nalgún centro educativo de Galicia, ben na modalidade presencial ou na modalidade a distancia, e ter rematado os seus estudos no ano 2023.
2. Ter obtido unha cualificación final do ciclo formativo igual ou superior a 8,50.
A dotación para os premios será de 1000 € por premio.
O prazo para optar aos premios estará aberto ata o 29 de abril de 2024.
A inscrición pode facerse en https://sede.xunta.es co procedemento ED311B
Máis información no DOG do 25 de marzo de 2024 e en https://www.edu.xunta.gal/premiosedu/
O Proxecto Zero é unha iniciativa de formación e empoderamento da mocidade en España, co ambicioso obxectivo de crear a Primeira Xeración Libre de Tabaco para o ano 2030.
Se tes entre 15 e 21 anos este programa ofréceche formación específica e técnica sobre o tabaquismo, habilidades de liderado, comunicación e innovación orientada á acción e ao impacto social.
A Sesión de Benvida será o 31 de maio e o programa de formación realizarase do 18 de setembro ao 22 de novembro, culminando cun evento en decembro no que se medirá o impacto e se fará o seguimento dos futuros líderes do Movemento de Espazo Sen Tabaco.
Construamos un futuro máis saudable para todos!
Máis información
https://proyectozero.loquedeverdadimporta.org/
Inscrición
A Deputación Provincial de Lugo e o Museo Provincial de Lugo presentan as VII Xornadas de Divulgación Científica do Patrimonio Arqueolóxico Lucense, que levan por título "As villae na Gallaecia. Establecementos agrícolas-señoriais de época romana" e que se celebrarán os vindeiros días 5 e 6 de abril en formato presencial e en liña. Os obxectivos destas Xornadas son:
-Abordar, desde diferentes perspectivas, o contexto das villae romanas na Gallaecia.
-Visualizar estratexias de difusión e divulgación científica para un correcto coñecemento do patrimonio romano da nosa contorna.
-Relacionar a transferencia do coñecemento coas sinerxías de valor social, a nivel local e xeral, desde formulacións interdisciplinares e transversais.
-Contribuír ao estudo e difusión das villae para xerar novos contidos e transferirllos á sociedade.
-Dar a coñecer os materiais e pezas, procedentes de villae, que forman parte do patrimonio arqueolóxico do Museo Provincial de Lugo.
-Darlles visibilidade aos estudos históricos e arqueolóxicos realizados no eido patrimonial das villae.
-Fomentar as relacións institucionais, con entidades docentes e culturais doutras localidades de España, promovendo conexións recíprocas de colaboración e divulgación científica.
A inscripción realizarase cumprimentando e presentando no Rexistro Xeral da Deputación de Lugo (presencial ou telematicamente) o formulario de inscrición que se pode descargar desde a páxina web https://comunidadermpl.gal
O prazo de inscrición estará aberto ata o 4 de abril de 2024.
Máis información
https://comunidadermpl.gal
Xa se coñecen as regueifas premiadas na sétima edición do certame Enreguéifate, o proxecto impulsado polos concellos de Ames, Carballo, Pontevedra, Santiago de Compostela e Teo que apoia a difusión da improvisación oral en verso (regueifa) para contribuír por medio dela á promoción do uso da lingua galega.
Como en edicións anteriores, o certame contou con dúas categorías: unha xeral, para calquera persoa, e outra escolar, para o alumnado dos centros educativos galegos non universitarios.
A Secretaría Xeral de Política Lingüística convoca as probas para a obtención dos certificados de lingua galega, niveis Celga 1, 2, 3 e 4.
Persoas destinatarias: As persoas maiores de 16 anos ou que os fagan no ano natural da convocatoria, nacionais ou estranxeiras.
Datas: As probas dos distintos niveis Celga terán lugar en maio e xuño de 2024.
Lugares: As probas realizaranse en Santiago de Compostela e en Ponferrada.
Os formularios de solicitude estarán dispoñibles en https://sede.xunta.gal co código PL500C
O prazo para presentar as solicitudes estará aberto ata o 5 de abril de 2024
Máis información no DOG do 13 de marzo de 2024 e en www.lingua.gal
Chega o XIV Encontro de Artistas Novos, #EAN14, que se celebra do 25 ao 29 de agosto de 2024
O Gaiás convértese por décimo cuarto ano consecutivo nun espazo de encontro no que creadores e creadoras emerxentes teñen a oportunidade de dar a coñecer os seus traballos e debater ao redor da arte contemporánea durante catro días de convivencia e intercambio de coñecementos e ideas con outros axentes culturais.
O Encontro de Artistas Novos busca favorecer a convivencia entre artistas emerxentes de Galicia e procedentes doutros lugares e tamén permitirlles entrar en contacto con creadores e creadoras de recoñecida traxectoria e con axentes do sector de eidos como a crítica e o comisariado, que participan no encontro como art followers.
O EAN14 selecciona 40 artistas emerxentes que durante o encontro realizan unha presentación pública centrada no seu traballo e proxecto creativo persoal, servindo así de plataforma e escaparate das súas creacións. Teñen tamén a oportunidade de optar a realizar unha intervención artística nas Torres Hejduk da Cidade da Cultura, convertidas en espazo expositivo non convencional.
As persoas interesadas en participar deben enviar a documentación requirida ao enderezo electrónico que figura nas bases de participación antes das 14:00 horas do venres 24 de maio de 2024.
https://www.cidadedacultura.gal/gl/evento/xiv-encontro-de-artistas-novos-ean14
A Xunta de Galicia convoca exames teóricos para a obtención das titulacións que habilitan para o goberno das embarcacións de lecer e motos náuticas en Galicia.
O título de patrón/patroa para navegación básica poden obtelo os/as menores de idade que teñan cumpridos os 16 anos de idade no momento de realización das probas, sempre que acrediten, mediante a presentación por escrito do consentimento dos seus pais, nais ou titores/as legais.
Para obter calquera das outras titulacións náuticas de lecer os/as interesados/as deberán ter cumpridos os 18 anos de idade no momento en que se realicen as probas para a obtención destes títulos.
Prazos:
Convocatoria de abril de 2024. Matrícula do 11 ao 22 de marzo, ambos inclusive.
Convocatoria de setembro de 2024. Matrícula do 5 ao 16 de agosto, ambos inclusive.
As solicitudes están dispoñibles en https://sede.xunta.gal co procedemento PE616C
Máis información no DOG do 7 de marzo de 2024
Proxector é un espazo web dedicado a compilar, clasificar e difundir recursos audiovisuais en lingua galega de apoio a docentes e estudantes de ensino medio, bacharelato e ensino universitario. Na actualidade, conta con 1.544 materiais publicados dunha manchea de áreas temáticas diferentes.
Os vídeos están clasificados segundo a súa temática, o idioma no que foron gravados ou subtitulados e o nivel de ensino no que se considera que poden ser empregados. A maiores, ofrécese unha ficha descritiva coa información básica de cada recurso. Pódese acceder aos contidos a través da busca libre ou dos diferentes despregábeis, que permiten filtrar os resultados segundo os criterios de clasificación antes citados.
O cine, acción da ficción é o título do novo especial do portal divulgativo Proxector, especial adicado á sétima da arte e “en lembranza da presentación do cinematógrafo por estas mesmas datas en 1895, e tamén como escaparate do puxante cinema galego na actualidade”. Trátase de dez pezas audiovisuais que nos falan dos procesos técnicos e creativos, da accesibilidade, a dobraxe ou o poder da mensaxe, tamén a nivel científico.
O especial contextualízase en dúas datas clave: por unha banda, a do 28 de marzo de 1895, en París, cando os irmáns Lumière presentaron ao público o seu cinematógrafo; e nalgún punto de 1897, cando o aparello chega a Pontevedra, nunha xira que continuou por Vigo, Tui, A Coruña, Ferrol e Lugo.
https://consellodacultura.gal/especiais/proxector/especial.php?t=10492