A Tarxeta Xente Nova é a tarxeta de transporte metropolitano de Galicia que te permite realizar viaxes interurbanas gratuítas EN TODA GALICIA!!!.

Quen a pode utilizar? Mozos e mozas de entre 4 e 20 anos. Cando cumpras 21 poderás seguir usando a tarxeta ata que se esgote o saldo.

En que liñas de transporte se pode usar? Os/as menores de 21 anos poderán viaxar gratis no transporte público interurbano que depende da Xunta de Galicia, calquera que sexa a súa orixe e destino. 

Como conseguila?
Solicita cita nesta páxina: https://solicitudonline.abanca.com/Tarjetas/gl/txn
Ao facilitar os datos que se solicitan xerarase unha cita na oficina Abanca máis próxima. Non é necesaria unha conta asociada.
Unha vez alí, só necesitarán o teu DNI. A tarxeta é gratuíta. Lembra que, se aínda non cumpriches os 18 anos, deberá solicitala o teu representante legal, que, xunto co teu DNI, só terá que levar o seu DNI e o libro de familia ou documentos equivalentes.
Hai que cargar a tarxeta antes de poder viaxar con ela.

Como recargala?
En todas as oficinas e caixeiros de Abanca.
En efectivo ou con tarxeta de dédito de Abanca. Con tarxetas de crédito ou doutras entidades poden existir comisións bancarias.
Banca Móbil e/ou Banca Electrónica de Abanca: podes recargala desde o móbil ou o ordenador, e introducila en calquera caixeiro Abanca para que a carga se faga efectiva.

Como viaxar con ela?
Para recibir a túa bonificación só deberás introducir a tarxeta en calquera caixeiro Abanca e automaticamente recibirás o aboamento das viaxes realizadas.
Todas as viaxes interurbanas reembolsaranse cada 15 días, ata un máximo de 60 viaxes mensuais.
Para recibir a túa bonificación só tes que introducir a túa tarxeta en calquera caixeiro de ABANCA e aceptar o reintegro. Automáticamenete recibirás o aboamento das viaxes realizadas.
O importe dos reembolsos cargaranse segundo a tarifa aplicada en cada momento.

Se queres aclarar algunha dúbida podes facelo no enderezo tmg@xunta.gal ou no teléfono 988 687 800

Máis información en https://www.bus.gal/gl/xente-nova

A Axencia Galega das Industrias Culturais (Agadic) selecciona persoas e entidades participantes no Programa da aceleradora cultural de proxectos musicais.

O obxectivo principal da aceleradora cultural de proxectos musicais é iniciar un proceso de vertebración sectorial, poñendo á disposición das persoas seleccionadas ferramentas que lles permitan desenvolver a súa carreira co fin de:
- Acelerar o crecemento do tecido empresarial e profesional das industrias culturais no ámbito musical.
- Definir e analizar as prioridades e necesidades dos proxectos musicais emprendedores.
- Formar, titorizar e mentorizar a artistas emerxentes con proxectos musicais.
- Fomentar e consolidar a carreira profesional de artistas emerxentes co fin de acadar unha presenza notoria nos mercados nacionais e internacionais.
- Favorecer as sinerxías entre diferentes artistas, coa industria musical e con outros sectores da economía.
- Mellorar o acceso ao mercado e ao financiamento dos proxectos musicais.
- Garantir o cumprimento e respecto ao principio de DNSH (Do no significant harm).

As persoas beneficiarias deberán:
- Ter a condición de empresa no ámbito musical con menos de seis anos de antigüidade e desenvolver a súa actividade profesional e/ou empresarial de forma habitual e maioritariamente en Galicia.
- Desenvolver un proxecto musical que non leve máis de 6 anos no mercado da música.
- Estar dadas de alta nas epígrafes do IAE 032 (intérpretes de instrumentos musicais) ou 033 (actividades relacionadas coa música, cantantes).
- Realizar o seu traballo habitual e maioritariamente na Comunidade Autónoma de Galicia.

Os formularios de solicitude estarán dispoñibles en https://sede.xunta.gal co código CT402H
O prazo para presentar as solicitudes estará aberto ata o 16 de outubro de 2023
Máis información en http://agadic.gal e nos teléfonos 881 996 077 e 881 996 078.

Un ano máis, a Fundación María José Jove, en colaboración con ACLAD, presenta "La Brújula", actividade gratuíta dirixida a adolescentes de centros educativos de toda Galicia con alumnado entre 11 e 18 anos, que ten como obxectivo sensibilizar en torno ao consumo de drogas e alcol a través de talleres grupais dirixidos por especialistas na materia. Aberto o prazo de inscrición ao longo de todo o curso escolar desde o día 11 de setembro de 2023.

Este programa é gratuíto e diríxese a adolescentes de centros educativos de toda Galicia con alumnado entre 11 e 18 anos.

"La Brújula" adestra aos participantes na toma conciencia da importancia de adquirir habilidades sociais e recursos que lles capaciten e lles achéguen competencias para a vida cotiá. Así mesmo, promove estilos de vida saudables libres de adiccións, tanto comportamentales como a substancias, xerando actitudes positivas e sas no tempo de lecer e tempo libre. Os profesionais fomentan entre a mocidade un pensamento crítico na capacidade de toma de decisións, así como unha adecuada xestión emocional en resposta á presión grupal.

"La Brújula" desenvólvese na sede da Fundación, en horario lectivo. Cunha duración máxima de 90 minutos, diríxese a adolescentes de centros educativos de Galicia, de 5º, 6º de EP, ESO e Bacharelato e FP.

Actividade gratuíta previa inscrición.

Prazo de inscrición aberto ata o final do curso, en maio de 2024.

https://www.fundacionmariajosejove.org/actividades-con-inscripcion/programa-juvenil-la-brujula-curso-2023-2024/