En portada (1146)

CAMPOSA conselleira de Traballo e Benestar, Beatriz Mato, e o director xeral de Xuventude e Voluntariado, Ovidio Rodeiro, visitaron hoxe o campo de traballo da localidade coruñesa

A titular do departamento autonómico resaltou os programas de mobilidade da Xunta que forman parte da Estratexia para a Xuventude 2010-2013

A Xunta ofertou un total de 8.000 prazas destinadas á mocidade en accións de mobilidade en 2010

Mato indicou que Galicia foi a primeira comunidade autónoma en poñer en marcha un proxecto propio de mobilidade: ‘Xuventude no Mundo’ e explicou que é a cuarta rexión con maior número de proxectos aprobados no marco de ‘Xuventude en Acción’, que xa beneficiou a 1.000 persoas

A conselleira de Traballo e Benestar, destacou a importancia de poñer en marcha campos de traballo e campamentos dirixidos á mocidade, xa que explicou que os valores que nestas iniciativas se transmiten axudan aos participantes a adquirir “novas habilidades e coñecementos”.

A titular do departamento autonómico indicou, así,- no transcurso da visita que realizou hoxe ao campo de traballo de Narón- que, entre outros valores, estas actuacións proporcionan “un enriquecemento cultural e formativo” aos mozos e mozas.

“A aposta da Xunta polos campamentos e campos de traballo, enmarcada nas nosas políticas de xuventude, ten que ser entendida como unha oportunidade para que a mocidade galega amplíe horizontes e gañe habilidades dento das vías non formais”, apuntou.

Nesta aposta do Goberno galego por esta iniciativa, a Consellería de Traballo e Benestar ofertou este verán un total de 260 prazas en campos de traballo que se desenvolveron ou se están a realizar na actualidade, como é o caso de Narón. Ademais, a esta cifra súmanse os 400 mozos e mozas que se beneficiaron de programas de intercambio noutras comunidades.

No campo de traballo de Narón, especializado en ornitoloxía, están a participar un total de 16 voluntarios. O obxectivo principal da actuación é que os mozos e mozas aprendan os procesos migratorios das aves ou a coñecer os censos de especies acuáticas, entre outros.

No eido da mobilidade, a conselleira resaltou que a Estratexia para a Xuventude 2010-2013 inclúe numerosas accións destinadas á mobilidade xuvenil ou ao intercambio de experiencias culturais.

Neste senso, sinalou que a Xunta ofertou en 2010 preto de 8.000 prazas a través de algún programa de mobilidade. Como exemplo, Mato expuxo que a Consellería de Traballo e Benestar foi o primeiro executivo autonómico en poñer en marcha o proxecto propio de mobilidade ‘Xuventude no Mundo’, un programa destinado a fomentar a aprendizaxe e aplicación doutras linguas, coñecemento doutras formas de vida e reforzo da autonomía persoal a través da oferta de estancias dunha semana en 7 países europeos. Desta iniciativa beneficiáronse ao longo de 2010 ao redor de 200 mozos e mozas.

Así mesmo, Mato explicou que o departamento autonómico tamén puxo en funcionamento o programa Mogal 2010-2011, que chegará este ano a preto de 200 persoas, que poderán realizar prácticas laborais en 5 países europeos.

Por último, a conselleira lembrou que Galicia é a carta comunidade autónoma con maior número de proxectos aprobados no marco de ‘Xuventude en Acción’, unha actuación da que xa se beneficiaron 1.000 persoas.

Campos de Traballo
As 260 prazas ofertadas pola Xunta en campos de traballo este verán están distribuídas en 11 quendas e sete campos de traballo distintos, o que supón aumentar en 40 as prazas dispoñibles con respecto ao ano anterior. Estas prazas van dirixidas a mozos e mozas galegos, doutras comunidades autónomas e, cando o campo de traballo é internacional, para a mocidade de países estranxeiros.

As actividades comezaron en xullo coa celebración do campo de traballo de Cabana de Bergantiños. En agosto están a ter lugar en distintas quendas un total de dez campos de traballo, ademais de en Narón, nas Illas Cíes; en Rois (A Coruña); Palas de Rei (Lugo); Vilar de Barrio (Ourense) e Ourense.

Ademais, a Dirección Xeral de Xuventude e Voluntariado ofertou prazas á mocidade galega en campos de traballo doutras comunidades autónomas, en concreto, da Rioxa, Andalucía, Aragón, Asturias, Baleares, Canarias, Cantabria, Castela e León, Cataluña, Ceuta, Estremadura, Madrid, Melilla, Navarra, País Vasco e Valencia.

Ofertáronse tamén prazas en campos de traballo de 19 países: Alemaña, Armenia, Austria, Corea do Sur, Estonia, Francia, Grecia, Islandia, Italia, Lituania, Marrocos, México, República Checa, Rusia, Serbia, Taiwan, Turquía, Ucraína e Xapón.

Santiago, 22 de xullo de 2011.- A Dirección Xeral de Xuventude e Voluntariado, en colaboración co Consorcio do Audiovisual de Galicia, organiza hoxe e mañá un workshop profesional para a arte dixital. Así, un total de 40 mozos e mozas, creadores e empresas deste sector, así como expertos neste ámbito, traballarán en Santiago en estratexias para revalorizar o patrimonio e o turismo a través de produtos dixitais.

A iniciativa forma parte do proxecto da Consellería de Traballo e Benestar ‘Imaxina Atlantica’ que, ao abeiro do programa “Espazo Atlántico” financiado con fondos FEDER, oferta 24 estadías noutras rexións de Europa para mozos e mozas profesionais de entre 18 e 30 anos centradas na arte dixital.

O director xeral de Xuventude e Voluntariado, Ovidio Rodeiro, acompañado polo director do Consorcio do Audiovisual de Galicia, Anxo Quintanilla, inaugurou hoxe este seminario no que se presentarán algunhas das actividades do proxecto ‘Imaxina Atlantica’ dirixidas aos mozos creadores e profesionais, así como ás empresas do sector. Entre elas cómpre salientar a presentación e lanzamento dun Concurso de Arte Dixital, as estadías para xoves profesionais ou un percorrido de luz e son que se desenvolverá en Santiago no 2012. Todas estas actividades conxugarán a revalorización do patrimonio e o turismo.

Ademais, técnicos, expertos e mozos galegos, galeses e franceses terán a oportunidade tamén de debater temas coma a comercialización e distribución de produtos audiovisuais, a promoción do turismo en Galicia ou a ferramenta dixital, concibida como rede social para a promoción cultural e artística, coñecida como People’s collection. Ao igual que coñecerán de primeira man as liñas de promoción turística de Galicia, o sector audiovisual galego e o patrimonio de Santiago.

Entre os asistentes ao workshop asisten, ademais do director xeral de Xuventude e Voluntariado, o director xerente do Consorcio Audiovisual de Galicia, Anxo Quintanilla; a directora xerente de Turgalicia, Carmen Pita; o director dos museos de Gales Rheinallt Foster Jones; o director de turismo do Goberno de Gales, Dawi Davies; e a directora de Technium Cast, Wales Karen Padmore, entre outros.

Na inauguración, Rodeiro incidiu no programa de estadías no estranxeiro, para o que xa está aberto o prazo de inscrición, En concreto, a iniciativa desenvólvese nos ámbitos da Comunicación Audiovisual, Publicidade, Produción Artística, cultural e visual, Multimedia, Patrimonio ou Turismo aplicado á arte dixital, en Porto (Portugal), Bangor (Gales, Reino Unido), e Angoulème (Francia) e os mozos interesados poderán enviar a súa candidatura a xuventude@xunta.es.

A iniciativa oferta doce estadías de quince a trinta días de duración que inclúen viaxe, aloxamento e manutención; e outras doce de tres ou catro días para asistir á certames internacionais, feiras internacionais ou exposicións.

O obxectivo desta actividade é fomentar a formación dos mozos profesionais, nun contexto europeo, axudando á realización de estadías en empresas, asociacións e institucións doutras rexións de Europa, con fin de favorecer o fortalecemento e a creación de redes empresariais desde o espazo atlántico e ofrecer aos participantes prácticas profesionais, adquisición e uso de coñecementos, competencias e cualificacións con vistas ao desenvolvemento persoal, a empregabilidade e a participación no mercado laboral europeo.

Como prioridades deste programa de mobilidade da mocidade creadora galega están o de apoiar as melloras da calidade e a innovación e a súa transferencia entre distintos países, promover a aprendizaxe de idiomas nun contorno empresarial, adquirir autonomía persoal e mellorar a capacidade de traballo con persoas de distintos contornos culturais.

O espazo de cooperación do territorio que cubre este programa comprende as rexións de Poitou-Charentes en Francia, norte de Portugal, País de Gales do Reino Unido, e Galicia. A prioridade do proxecto é a de promover redes transnacionais empresariais e de innovación, pero non só se centra na innovación científica e técnica, senón tamén noutros elementos da economía actual do coñecemento, como novos tipos de servizos empresariais ou técnicas de márketing innovadoras, con especial consideración pola dimensión transnacional destas prácticas.

A promoción da mobilidade internacional da mocidade galega é un dos eixos prioritarios da Estratexia Xuventude 2013 da Xunta de Galicia. De feito, máis de 6.400 mozos e mozas galegos participaron en 2010 nalgunha das accións de mobilidade que ofertaron os diferentes departamentos da Xunta de Galicia.

COMISIONA Comisión interdepartamental de xuventude reuniuse hoxe por terceira vez no que vai de lexislatura co fin de avaliar os resultados acadados durante 2010 polo plan “Xuventude 2013, unha estratexia para a mocidade galega”, que recolle as medidas transversais de todo o Goberno galego dirixidas á mocidade.

A conselleira de Traballo e Benestar, Beatriz Mato, presidiu hoxe esta xuntanza, na que estivo acompañada polo director xeral de Xuventude e Voluntariado, Ovidio Rodeiro. Ata o de agora, este órgano reuniuse xa en dúas ocasións anteriores (xaneiro e xullo de 2010), o que supuxo a reactivación desta comisión, que levaba os catro anos anteriores sen convocarse.

Na xuntanza estiveron representadas todas as consellerías da Xunta de Galicia, as secretarías xerais dependentes da Presidencia, e a Federación Galega de Municipios e Provincias (Fegamp).

Durante a súa intervención, a titular do departamento autonómico destacou a relevancia de contar cunha estratexia que constitúe unha ferramenta de “planificación das políticas autonómicas” dirixidas á mocidade e que ten en conta “a situación actual da mocidade galega, marcada especialmente pola falta de oportunidades de emprego”.

Así, apostou por impulsar á xuventude de cara á súa inserción laboral e por actuar en todos os ámbitos, tal e como se fai nesta estratexia “transversal, que implica a todos os departamentos do Goberno galego, e que busca outorgar á mocidade galega o acceso a unha vida independente digna e con oportunidades”.

Proba de que este é un “compromiso real”, é que durante 2010 xa se teñen executado o 93 por cento do total de 248 medidas previstas inicialmente para o longo da lexislatura, o que permitiu beneficiar directamente a máis de 360.000 mozos e mozas. Para poñer en marcha todas estas actuacións, o Goberno galego investiu máis de 297 millóns de euros.

Xa no que se refire ao fomento do emprego, Mato fixo fincapé no feito de que “2 de cada 3 euros investidos no primeiro ano de desenvolvemento da Estratexia foron destinados ao fomento do emprego entre o colectivo xuvenil”, o que favoreceu a máis de 27.000 mozos e mozas de cara o acceso a un emprego ou ao autoemprego.

Entre outras iniciativas, a conselleira salientou a necesidade de fomentar a implicación e a participación da mocidade, un aspecto no que se avanzou a través do novo modelo “Iniciativa Xove” –posto en marcha en 2010-, que está aberto tamén aos grupos informais de mozos e mozas deseñar as súas propias políticas. Este programa contou cun incremento de orzamento do 50 por cento desde 2009.

Ademais, destacou que durante 2010 unhas 14.000 persoas participaron en diversos programas do voluntariado, un aspecto “moi importante tendo en conta que este é o Ano Europeo do Voluntariado”.

FORMACION_PROFESIONAL

O conselleiro de Educación e Ordenación Universitaria, Xesús Vázquez Abad, participou hoxe na inauguración do programa formativo “Outra maneira de fomentar o espírito emprendedor na aula”, organizado pola Cámara de Comercio de Ourense, onde destacou a necesidade de impulsar o espírito emprendedor entre o alumnado de Formación Profesional. “Fomentar elementos como a creatividade, a capacidade de resolución de problemas ou o traballo en equipo –dixo- logrará que vexan o autoemprego como unha opción profesional, que saiban como converter unha boa idea nun proxecto de empresa viable”. No acto estivo presente tamén o director xeral de Educación, FP e Innovación Educativa, Jose Luis Mira.

Coa súa colaboración nesta iniciativa, o departamento educativo da Xunta de Galicia quere impulsar a formación do profesorado de FP ao longo da súa carreira, co fin de que estes poidan ofrecer as mellores ensinanzas ao seu alumnado.

Tal e como explicou o conselleiro, o obxectivo do curso é que os profesores sexan quen de “orientar e sensibilizar sobre o espírito emprendedor ao seu alumnado, darlles ferramentas para que poidan dar os pasos cara á creación dunha empresa e pautas para evitar o fracaso”.

Neste sentido Vázquez Abad destacou a necesidade “de dar un empuxón a esa mocidade con inquedanzas empresariais que será, sen dúbida, a semente na que prenderá o noso futuro”.

Sesións teórica e visitas a empresas
O curso que hoxe comeza ten por obxectivo a orientación e sensibilización sobre o espírito emprendedor nas ensinanzas de FP. No programa desenvólvense os diferentes pasos para a creación dunha empresa e a promoción e o fomento económico, achegando ademais pautas para evitar o fracaso, e enriquecer as propostas que garantan o éxito das posibles iniciativas que o alumnado de FP poida emprender.

Para complementar as sesións teóricas os asistentes ao curso visitarán empresas creadas por estudantes de Formación Profesional, e organismos e institucións centradas no apoio e a creación e consolidación de proxectos empresariais. Ademais realizaranse dinámicas de grupo para desenvolver a capacidade de traballo colectivo.

 

Fomento da cultura do emprendemento
O programa formativo entronca co Plan Eduemprende, a iniciativa da Consellería de Educación que funciona como marco de fomento do espírito emprendedor e establece a estratexia de fomento da cultura emprendedora que a Consellería quere transmitir á comunidade educativa.

Deste xeito, Educación fai unha aposta clara e firme pola implantación na comunidade educativa dos niveis non universitarios da cultura do emprendemento, necesaria na procura da mellora da competitividade das empresas e da empregabilidade dos galegos e das galegas.

LEI_XUVENTUDE_LUGOA primeira Lei de Xuventude de Galicia incluirá a creación do Instituto Galego de Xuventude como órgano técnico especializado, adscrito ao departamento competente, e que terá como misión a materialización dos principios de información á xente nova, formación continua en materia de mocidade e asesoramento técnico en políticas públicas de xuventude.

O director xeral de Xuventude e Voluntariado, Ovidio Rodeiro, referiuse hoxe á creación deste Instituto -que non suporá a creación dun ente administrativo, senón que será unha configuración orgánica co nivel de subdirección xeral- durante a presentación do anteproxecto desta Lei nun encontro provincial celebrado en Lugo.

Na súa intervención, Rodeiro explicou que son funcións do Instituto da Xuventude de Galicia a coordinación da Rede Galega de Información Xuvenil; a planificación e supervisión das actividades formativas desenvolvidas pola Escola Galega de Xuventude; planificación, promoción, organización e coordinación de actividades destinadas á xuventude, directamente ou en colaboración con asociacións xuvenís ou outras Administracións públicas, institucións e organismos públicos e privados; a coordinación, vixilancia e rexistro das instalacións xuvenís; e a xestión da Rede de Albergues Xuvenís de Galicia.

Ademais inclúe a coordinación das axudas para o acceso da xente nova a determinados bens e servizos a través do carné xove, entre outros instrumentos; o fomento e a promoción de intercambios e mobilidade dos mozos e mozas con outras comunidades autónomas e países estranxeiros; a emisión de cantos informes lle sexan solicitados polo departamento de adscrición; e todas cantas lle sexan atribuídas expresamente por disposicións de carácter legal ou regulamentario.

A Dirección Xeral levou a cabo ao longo desta semana a presentación do borrador a través de catro encontros provinciais e trece foros de debate con técnicos, entidades xuvenís, asociacións xuvenís, escolas de tempo libre, grupos informais de mozos e mozas interesados en participar e aportar propostas de mellora ao mencionado borrador.

Ademais, a longo do mes de xuño realizaranse 13 foros de debate nos espazos xove da Rede Galega de Centros de Xuventude de Carballo, Curtis, Noia, Pontedeume, Ourense, Vilagarcía, Tui e Chantada, así como no Centro Coordinador de Información e Documentación Xuvenil de Galicia en Santiago, o día 27 de xuño as 20.00 horas. Á mesma hora, o día 28 os foros celébranse nos espazos xove de Betanzos, Lalín, Vilalba e Viveiro.

Todos os interesados en asistir a estes encontros participativos poden dirixirse aos Servizos Territoriais de Xuventude da súa provincia e aos espazos xove da Rede galega de centros de xuventude mencionados anteriormente.

A primeira Lei de Xuventude de Galicia garantirá la transversalidade administrativa das políticas da Xunta dirixidas á mocidade, así como a participación directa dos mozos e mozas nas mesmas, segundo lembrou o director xeral de Xuventude e Voluntariado, Ovidio Rodeiro, que presentou hoxe a iniciativa nun encontro provincial no Espazo Xove de Ourense.

O anteproxecto de Lei busca a acción unitaria de goberno e a coordinación dos diferentes departamentos da Administración á hora de poñer en práctica medidas que afecten á xuventude. Esta planificación das políticas de mocidade efectuarase a través da elaboración en cada lexislatura dun plan estratéxico de xuventude, que pasará a ter un carácter vinculante xa que se deberá tramitar como orde da Consellería de Traballo e Benestar.

Rodeiro indicou que a mocidade de Galicia está chamada a liderar unha sociedade inmersa en profundos cambios e transformacións, na que existía a necesidade técnica de unificar a dispersión normativa e organizativa actual. Nesta materia, é necesario reforzar a transversalidade e coordinación das políticas públicas destinadas á xuventude.

Así explicou que o anteproxecto de lei conta con dez eixos básicos de transversalidade vinculados ás directrices europeas e ao actual Plan estratéxico da xuventude e que deben ser potenciados a través da coordinación entre todos os axentes implicados. Estes eixos relaciónanse coa educación; emprego; creatividade e espírito emprendedor; vivenda; saúde e deporte; participación e asociacionismo; voluntariado; información e formación; mobilidade e turismo xuvenil; e normalización lingüística.

Doutra banda, o texto propón a creación do Consello Asesor e Consultivo de Xuventude de Galicia, un órgano colexiado, independente e aberto a todas as asociacións xuvenís e grupos informais de mozos e mozas, que reforza e impulsa a participación da mocidade e da sociedade civil nos temas de interese para a xuventude.

Tamén se facilita e se promove a creación dos consellos locais de xuventude, co obxectivo de achegar o novo modelo de participación e dar máis protagonismo aos concellos. As asociacións xuvenís e mais os consellos locais terán garantido con este anteproxecto unha representación de, polo menos, o 51% dos votos do Consello.

A Dirección Xeral levará a cabo ao longo do mes de xuño a presentación do borrador a través de catro encontros provinciais e trece foros de debate con técnicos, entidades xuvenís, asociacións xuvenís, escolas de tempo libre, grupos informais de mozos e mozas interesados en participar e aportar propostas de mellora ao mencionado borrador.

Despois de presentar esta iniciativa en Gandarío e Ourense, mañá xoves presentarase no Edificio Administrativo da Xunta en Vigo; e, o venres, no LUG II en Lugo. Así mesmo realizaranse 13 foros de debate nos espazos xove da Rede Galega de Centros de Xuventude de Carballo, Curtis, Noia, Pontedeume, Ourense, Vilagarcía, Tui e Chantada, así como no Centro Coordinador de Información e Documentación Xuvenil de Galicia en Santiago, o día 27 de xuño as 20.00 horas. Á mesma hora, o día 28 os foros celébranse nos espazos xove de Betanzos, Lalín, Vilalba e Viveiro.

Todos os interesados en asistir a estes encontros participativos poden dirixirse aos Servizos Territoriais de Xuventude da súa provincia e aos espazos xove da Rede galega de centros de xuventude mencionados anteriormente

leiA primeira Lei de Xuventude de Galicia ampliará e garantirá a participación directa da xuventude nas mesmas, segundo lembrou o director xeral de Xuventude e Voluntariado, Ovidio Rodeiro, que presentou hoxe a iniciativa nun encontro provincial no albergue de Gandarío, en Bergondo (A Coruña).

Rodeiro indicou que unha das características máis salientables do anteproxecto de Lei de Xuventude de Galicia é o cambio do actual modelo de participación xuvenil cara “un verdadeiro” sistema de representación xuvenil. O texto propón a creación do Consello Asesor e Consultivo de Xuventude de Galicia, un órgano colexiado, independente e aberto a todas as asociacións xuvenís e grupos informais de mozos e mozas, que reforza e impulsa a participación da mocidade e da sociedade civil nos temas de interese para a xuventude.

O novo texto facilita a incorporación de todas as asociacións xuvenís ao Consello, xa que se elimina o requisito actual polo que unha asociación non podía formar parte deste órgano sen contar co visto e prace das entidades preponderantes. Tamén se facilita e se promove a creación dos consellos locais de xuventude, co obxectivo de achegar o novo modelo de participación e dar máis protagonismo aos concellos. As asociacións xuvenís e mais os consellos locais terán garantido con este anteproxecto unha representación de, polo menos, o 51% dos votos do Consello.

Ademais de fomentar a participación xuvenil, o anteproxecto tamén dota de máis competencias ao Consello, ao asumir este as funcións do Observatorio Galego de Xuventude, que na actualidade depende directamente da Dirección Xeral de Xuventude e Voluntariado.

Ovidio Rodeiro incidiu en que Galicia ten a necesidade e urxencia de dispor dunha lei específica que mostre o compromiso da Xunta coa xuventude. Así mesmo, existe unha necesidade técnica de unificar a dispersión normativa y organizativa que hai actualmente co obxectivo de reforzar a transversalidade e coordinación das políticas públicas e redefinir os sistemas de participación actuais, impulsando a participación directa dos mozos e mozas, cun documento non pechado, senón aberto á participación para enriquecelo e melloralo.

A Dirección Xeral levará a cabo ao longo do mes de xuño a presentación do borrador a través de catro encontros provinciais e trece foros de debate con técnicos, entidades xuvenís, asociacións xuvenís, escolas de tempo libre, grupos informais e mozos e mozas interesados en participar e aportar propostas de mellora ao mencionado borrador.

Despois do encontro de Gandarío, as reunións continuarán mañá na Casa da Xuventude de Ourense; no Edificio Administrativo da Xunta en Vigo, o xoves; e no LUG II en Lugo, o venres.

Así mesmo realizaranse 13 foros de debate nos espazos xove da Rede Galega de Centros de Xuventude de Carballo, Curtis, Noia, Pontedeume, Ourense, Vilagarcía, Tui e Chantada, así como no Centro Coordinador de Información e Documentación Xuvenil de Galicia en Santiago, o día 27 de xuño as 20.00 horas. Á mesma hora, o día 28 os foros celébranse nos espazos xove de Betanzos, Lalín, Vilalba e Viveiro.

Todos os interesados en asistir a estes encontros participativos poden dirixirse aos Servizos Territoriais de Xuventude da súa provincia e aos espazos xove da Rede galega de centros de xuventude mencionados anteriormente.

VIHDende o dia de hoxe luns, a Consellería de Sanidade vai poñer en marcha, nos centros Quérote+ da Dirección Xeral de Xuventude e Voluntariado, e nalgunhas asociacións antisida, o proxecto de realización das probas rápidas de detección do VIH.

O que Sanidade pretende con esta medida é diminuír o retraso diagnóstico do VIH en poboacións con prácticas de risco, e que non acoden con frecuencia ao sistema sanitario, facilitando, ademais, o acceso ao diagnóstico definitivo e ao tratamento antirretroviral. Xunto con todo o anterior, téntase incrementar as prácticas preventivas nas persoas que acoden a realizar a proba.

En consecuencia, estas probas, que dende mañá pon en marcha a Administración sanitaria galega, están destinadas a facilitar a detección polo VIH en persoas de 16 anos en diante, con prácticas de risco altas, que non foron diagnosticadas previamente.

Preferentemente, ofertaráselle a persoas que manifesten prácticas de risco sexuais, así como prácticas de compartir materiais para inxectarse drogas. Son pois, un complemento das probas estándar, e conseguen que se poida obter, nun prazo de 20 a 40 minutos, un primeiro resultado que deberá ser confirmado, posteriormente, cunha proba diagnóstica de laboratorio.

As características destas probas rápidas fan posible que non teñan que realizarse dentro da estrutura do sistema sanitario, senón que se poden facer en diferentes entidades, como é o caso dos centros de informacion sexual ou as asociacións antisida.

As probas se realizarán sobre unha mostra de fluído oral do interesado, xa que permite unha recollida da mostra moi sinxela.

So o persoal das entidades colaboradoras que estea acreditado será o autorizado para a realización da proba rápida do VIH. Deste xeito, a Consellería de Sanidade, por medio da súa Dirección Xeral de Innovación e Xestión da Saúde Pública, facilitará ás entidades colaboradoras, de modo gratuito, as probas rápidas de VIH en fluído oral.

O proceso da proba inclúe, necesariamente, tres procesos, entre os que están, o consello asistido e consentimento previo á realización da mesma; a realización da proba rápida en fluído oral segundo as especificacións técnicas do produto; e, ademais, o consello asistido posterior a levala a cabo.

Se a persoa non é reactiva, reforzarase o consello asistido sobre prácticas seguras. Se a persoa é reactiva, procederase a recomendar a necesidade de establecer un diagnóstico de certeza e, se está de acordo, derivarase a un centro sanitario. Xunto con todo o anterior, remarcaranse os beneficios dun control e tratamento precoz, e a necesidade de adoptar prácticas seguras para evitar a reinfección e a transmisión a outras persoas.

Sinalar, así mesmo, que a proba será totalmente gratuita para as persoas solicitantes da mesma.

Importancia do diagnóstico precoz
Sanidade lembra que un dos piares básicos da loita contra a sida é a detección precoz dos novos casos de infección VIH. Asemade, o diagnóstico precoz ofrece a posibilidade de beneficiarse da terapia antirretroviral nas etapas precoces da infección, así como modificar as condutas que favorecen a transmisión do virus a outras persoas.

As probas rápidas de detección do VIH ofrecerán, ademais da vantaxe de facilitar unha detección precoz, a posibilidade de chegar a colectivos con escaso contacto cos servizos de saúde ou reticentes a acudir a eles. Deste xeito, as probas rápidas poden ter un importante atractivo para estas persoas, pola accesibilidade dos lugares onde se fan e a inmediatez de resultados que proporcionan.

Sinalar, por último, que as entidades colaboradoras e lugares onde se poderá solicitar a proba rápida anónima de VIH en fluído oral, a partir de mañá, son; Centros Quérote+ de Santiago, Lugo, A Coruña, Vigo, Ferrol e Ourense; CCANVIHAR (Asociación cidadán de loita contra o VIH e a sida (Vigo); Lazos Pro Solidariedade (Ferrol), Comité Antisida de Coruña Casco (A Coruña), Colega Galicia (A Coruña e Santiago), Comité Cidadán Antisida de Ourense, Comité Cidadán Antisida Galego (Santiago), e ONGD Ecos do Sur (A Coruña).

banner_lei_xuventudeA Consellería de Traballo e Benestar, a través da Dirección Xeral de Xuventude e Voluntariado, está a traballar na elaboración do borrador de Anteproxecto de Lei de Xuventude. Co obxecto de acadar un texto que recolla as suxestións de todos e todas os mozos e mozas galegos, así como de colectivos e entidades afectados, poñemos á vosa disposición o texto do borrador, para que poidades facer aportacións ao mesmo a través do correo electrónico subdireccion.programas@xunta.es, ata o venres, 15 de xullo, indicando no asunto “alegacións Lei de xuventude”.

Así mesmo vos comunicamos que ao longo do mes de xuño levarase a cabo a presentación do borrador de Lei de Xuventude de Galicia a través de catro encontros provinciais e trece foros de debate con técnicos, entidades xuvenís, asociacións xuvenís, escolas de tempo libre, grupos informais e mozos/as interesados en participar e aportar propostas de mellora ao mencionado borrador de Lei.

Os encontros provinciais terán lugar durante o mes de xuño, ás 12:00 horas o día 21 no albergue xuvenil de Gandarío; na Casa da Xuventude de Ourense o día 22, no Edificio Administrativo da Xunta en Vigo o día 23, e no Albergue Xuvenil LUG II en Lugo o día 24 a esa mesma hora.

Así mesmo realizaranse 13 foros de debate nos espazos xove da Rede Galega de centros de xuventude de Carballo, Curtis, Noia, Pontedeume, Ourense, Vilagarcía, Tui, Chantada, así como no Centro Coordinador de Información e Documentación Xuvenil de Galicia, o día 27 de xuño as 20,00 horas, e ás 20,00 horas do día 28 nos espazos xove de Betanzos, Vilalba, Viveiro e Lalín.

Podes descargarte o borrador aqui

Invitámosvos a todos a participar.

casaxuvribadaviaO Director Xeral de Xuventude, Ovidio Rodeiro e o Delegado Territorial da Xunta en Ourense, Rogelio Martínez, inauguraron a Casa da Xuventude de Ribadavia, acompañados do Conselleiro de Educación Jesús Vázquez e o tenente de alcalde, Anxo Colarte. A Casa da Xuventude de Rivadabia levántase nun estreito edificio de tres plantas na zona medieval da vila ourensá. Os representantes da Xunta de Galicia, aproveitaron tamén para visitar as instalacións do Albergue Xuvenil de Vilar de Ordelles en Esgos, onde se está a desenvolver un campamento multiaventura.

Na Campaña de Verán 2010, que deu comezo o pasado 1 de xullo, e no que a Consellería de Traballo e Benestar, a través da Dirección Xeral de Xuventude e Voluntariado, investiu máis de 3.5 millóns de euros. Ademais, estas actividades permiten a creación de mais de 1.100 postos de traballo, especialmente de monitores e directores de tempo libre, pero tamén de cociñeiros, limpadores ou vixiantes.

A gran maioría das actividades levanse a cabo en 18 instalacións distribuídas por toda Galicia, aínda que tamén se reservaron prazas para que os mozos e mozas galegos puideran participar en campamentos doutras comunidades autónomas, cos que a Xunta estableceu convenios de intercambio.

En Ourense participan oito instalacións na Campaña de Verán da Dirección Xeral de Xuventude e Voluntariado, dúas propias da Dirección Xeral e cinco concertadas, repartindo da seguinte forma, máis de 1000 prazas ao redor de toda a provincia:

- Campamento Xuvenil Penedos de Xacinto: 400 prazas

- Residencia Xuvenil Florentino Cuevillas: 45 prazas

- Colexio Gillerme Brown: 55 prazas

- Centro de Educación Ambiental Equal: 135 prazas

- Universidade Laboral: 80 prazas

- Albergue Xuvenil Vilar de Ordelles (Esgos): 90 prazas

- Actividades para Maiores de 18 anos: 188 prazas en:

  • Albergue O Corgo (Muíños)
  • Albergue Xuvenil Vilar de Ordelles (Esgos)


- Campo de Traballo Social na cidade de Ourense: 20 prazas

Cabe destacar tamén, que as prazas dos campamentos para menores de idade están todas cubertas, pero inda quedan prazas para participar en Ourense nos programas de actividades para mozos e mozas de entre 18 e 35 anos no mes de agosto, concretamente no programa de aventura e deporte de Muíños (práctica de remo, vela ou piragüismo); e no programa de multiaventura de Pereiro de Aguiar, que inclúe actividades como rutas en quad, kaiak, paintball ou bicicleta de montaña.