No marco do programa “A Xuventude no mundo”, a Dirección Xeral de Xuventude Participación e Voluntariado da Consellería de Política Social convoca un intercambio a Sicilia-Italia, enmarcado dentro das relacións bilaterais que mantén con distintas entidades noutros países
Obxectivo: Facilitar o coñecemento doutras realidades socioculturais,medioambientais e lingüísticas para a comprensión da diversidade cultural e medioambiental, e favorecer e potenciar a adquisición de habilidades e competencias non formais que faciliten o desenvolvemento persoal.
Datas de realización do intercambio: do 27 de abril ao 4 de maio de 2017
Prazas: 10 ( acompañados/as dun coordinador/a).
Lugar de realización do intercambio: No termo dos 13 municipios do Consorcio Intercomunale de Valli Joniche da provincia de Mesina.
Destinatarios: mozos e mozas galegos residentes en Galicia con idades comprendidas entre os 18 e 30 anos de idade no momento de celebrarse o intercambio e que non participaran nos tres últimos anos de A Xuventude no Mundo.
Prazo de inscrición: do 29 de marzo ao 5 de abril de 2017.
Inscrición: mediante envío de formulario electrónico dentro do prazo establecido. Só se admitirá unha solicitude por participante.
Os erros nos datos facilitados na solicitude de participación ou a omisión dalgún deles pode ocasionar a desestimación da solicitude.
Admisión: será por rigoroso orde de inscrición, ata cubrir a totalidade de prazas convocadas para o intercambio. Os/as solicitantes seleccionados/as recibirán un correo electrónico de confirmación da praza. De non recibir comunicación de confirmación da praza o último día de inscrición, entenderase que non obtivo praza para o intercambio.
Confirmada a praza nos 5 días (naturais) seguintes as persoas seleccionadas deberán remitir a documentación que a continuación se indica ao correo galeuropa@xunta.gal
- Unha copia do billete de transporte adquirido para desprazarse ata o aeroporto mais próximo da cidade do país do intercambio. Non é documento válido a reserva de voo.
- Unha copia da Tarxeta Sanitaria Europea
A non remisión destes documentos no prazo establecido supón a perda da praza no intercambio.
De darse baixas despois de ter sido adxudicadas as prazas, ofertaránselle aos seguintes da lista de espera, tendo que presentar estes os billetes e a documentación nos 3 días (naturais) seguintes da comunicación.
De ser o caso de que o billete de transporte adquirido fose anulado posteriormente a súa remisión, á Dirección Xeral de Xuventude Participación e Voluntariado, anulará a praza e será considerada non adxudicada.
Recibidos correctamente as copias dos documentos requiridos, posteriormente as persoas seleccionadas seralles facilitado o nome do/a coordinador/a que acompañará ao grupo, así como o lugar e a hora de encontro no aeroporto, e o nome do aloxamento de celebración do intercambio.
Realizarase o intercambio se existe un mínimo da metade mais unha das prazas convocadas
Cobertura do intercambio:
Aloxamento en réxime de pensión completa en cuarto de uso múltiple
Trasporte no ámbito do intercambio
Actividades organizadas pola entidade de acollida:
- Coñecemento da entidade de acollida (Consorcio de 13 concellos do Val Joniche).
- Workshops diversos sobre medio ambiente.
- Percorrido cultural polos principais monumentos dos concellos de Pagliara , Mandanici, Itala,Ali,Terme,Scaletta Zanclea, Nizza de Sicilia, Rocalumera,
- Visita as cidades de Taormina , Giardini Naxos e Castelmola.
- Tour polo volcán Etna.
- Conferencia sobre aforro de enerxía.
- Visita a unha Fiandeira.
- Cea internacional siciliana- galega/española e italiana,
Será a cargo do/a participante:
Os gastos de desprazamento dende Galicia ata o lugar do intercambio.
A obtención da Tarxeta Sanitaria Europea ou seguro médico que dea cobertura equivalente durante a duración do intercambio.
Recomendación de aeroporto máis cercano: Aeroporto de Catania. Fontanarosa.
Máis información: galeuropa@xunta.gal