Outros cursos (143)

A Xunta de Galicia convoca con carácter voluntario e gratuíto, cursos de lingua galega preparatorios das probas para obter os certificados de lingua galega Celga 2, Celga 3 e Celga 4.

Os cursos poden ser presenciais ou en liña.

Os cursos preparatorios para os certificados de lingua galega (Celga) poderán ser solicitados por todas as persoas maiores de 16 anos, ou por aquelas que os fagan no ano natural da convocatoria.

O prazo de presentación de solicitudes estará aberto ata o día 8 de marzo de 2024.
As solicitudes están dispoñibles en https://formacion-lingua.xunta.gal

Máis información no DOG do 16 de febreiro de 2024 e en http://www.lingua.gal

A Escola Galega de Administración Pública (EGAP), convoca en colaboración coa Axencia para a Modernización Tecnolóxica de Galicia xornadas de formación práctica dixital (E-martes) que abordará o seguinte contido:
- Sede electrónica da Xunta de Galicia.
- Proxecto Chave365.
- Sala electrónica de sinaturas.

Desenvolvemento:
Lugar: Escola Galega de Administración Pública (EGAP), rúa Madrid, 2-4, Santiago de Compostela.
Data: o martes 5 de marzo de 2024.
Horario: de mañá e tarde.
Duración: 7 horas lectivas.
Número de prazas: 50.

A inscrición nesta actividade formativa realizarase por vía telemática accedendo ao enderezo https://egap.xunta.gal/matricula.

O prazo para a inscrición nesta actividade estará habilitado ata as 23.59 horas do día 29 de febreiro de 2024.

Poderá obterse calquera outra información, das 8.30 ás 14.30 horas, nos teléfonos 981 54 62 39 e 981 54 62 41.

Máis información no DOG do 16 de febreiro de 2024 e en https://egap.xunta.gal

A Industriosa, centro de cultura maker e colaborativa de Vigo, celebrará un ciclo de obradoiros de robótica orientados a xuventude.

O Obradoiro de Robótica é unha actividade destinada a alumnado de ESO/Bacharelato, entre 12 e 16 anos cuxo propósito é utilizar esta solución tecnolóxica para familiarizarse coa programación, o pensamento computacional e a robótica educativa.

mBot-2 é un robot baseado en tecnoloxía ESP-32 que se pode programar con mBlock-5, software derivado de Scratch e que permite empregar programación visual con bloques ou textual con Python. Contén motores, LEDs RGB, pantalla a cor (con joystick e botóns), sensor de luz, altofalante, micrófono, xiróscopo/acelerómetro, sensor de distancia e sensor segue-liñas e capacidades de comunicación via WiFi/Bluetooth.

O obxectivo do taller é formar aos participantes, en robótica, programación e actividades de competición tecnolóxica utilizando ferramentas libres e tamén preparar un equipo para participar na 7ª edición da Competición de Robots da EEI (eei.robots.webs.uvigo.es/) que se celebrará o 19 de abril na Escola de Enxeñería Industrial da Universidade de Vigo

A actividade será os luns, do 19 de febreiro ao 15 de abril, de 17:00 a 18:30 no local da Industriosa en Vigo

O custo da participación no taller é gratuíta (prazas limitadas) e para formalizala debe de facerse por email no enderezo directiva@aindustriosa.org achegando cuberta a autorización de menores.

https://aindustriosa.org/RoboticaXuvenil/ 

O Centro Galego de ArtE Contemporánea, CGAC, organiza o curso Div@s na rúa. A moda no século XXI

A cultura contemporánea abrangue un amplo espectro de teimas que aparecen mesturadas baixo o poder da imaxe nos medios de comunicación.

O mundo do pop-rock e do techno, a arte manga, a cultura do hip-hop, a intelixencia artificial e a tecnoloxía constrúen uns universos estéticos onde a fronteira entre realidade e a invención se esvaece.

Os ídolos dos medios de comunicación de masas están moi presentes nas nosas vidas, chégannos continuamente a través de canles e soportes moi diversos e a súa proximidade é tal que nos sentimos compelidos a vestir e a actuar coma eles.

As artes, as modas, as culturas contemporáneas fan parte de nós. Desde a creación da MTV e a popularización dos vídeos musicais que mataron a estrela da radio, ata a recente irrupción da intelixencia artificial e do metaverso, o certo é que nós xa non somos nós.

Desde a costura de Azzedine Alaïa, Thierry Mugler e Kansai Yamamoto ata a cor rosa de Valentino ou o spray-on dress de Coperni, nós xa non somos nós.

Desde Karl Lagerfeld en Chanel ata Demna Gvasalia en Balenciaga, desde Yayoi Kusama e Virgil Abloh en Louis Vuitton ata Barbie en Zara e Manu Ríos en Loewe, nós xa non somos nós.

Este curso debuxa o pasado, o presente e o futuro das culturas contemporáneas e das modas, ao tempo que transita pola fina liña que separa o divismo na arte do divismo na rúa.

Programa:
16 de abril. Cultura contemporánea. Ao bordo do baleiro. Cando o mundo xira cara a un discurso de indiferenza, eterna sedución, violencia das imaxes e narcisismo. Revistas e desfiles. A era do baleiro

23 de abril. Primeiro a forma, logo a función. Cando as formas retóricas quebran o racionalismo da función. Posmodernismo. Os imperios efémeros. Xuntanzas de arquitectos para cambiar o mundo e imaxes en movemento

30 de abril. Visión e son. É o espectáculo da moda. Estrelas no night club, da pantalla global e da pasarela. O prêt-à-porter e o feito internacional

7 de maio. A conversión estética do planeta. As sombras das vangardas. As proxeccións das interpretacións. A cuestión global. Hipermodernidade

21 de maio. Hiperobxecto, sneakers e hip-hop. Gustar e emocionar. A sociedade da conciencia

28 de maio. Decepcionadas e lixeiras. O valor absoluto da imaxe no corpo. Tatuaxes e roupas sensacionais. O consumo é o rei. Divas das artes e das rúas

Inscrición:
O prazo de inscrición estará aberto ata o 12 de abril de 2024. As persoas interesadas poden enviar un correo electrónico a cgac.educacion@xunta.gal.

https://cgac.xunta.gal/gl/actividades/divs-na-rua-moda-no-seculo-xxi 

O Centro Galego de Arte Contemporánea, CGAC, organiza o curso Arte na aula ler, crear e comunicar a través de imaxes

Vivimos rodeados de imaxes e temos, máis ca nunca, acceso a ferramentas que nos permiten crear mensaxes visuais ou audiovisuais e compartilas. A linguaxe visual proponnos un achegamento espontáneo ao mundo, a través do cal consumimos, gozamos e mesmo xeramos imaxes de forma instintiva.

Pero, coma calquera outra linguaxe, a nosa capacidade para interpretar e crear de forma coherente, libre e autónoma está directamente ligada ao coñecemento e á práctica dese código de expresión e comunicación. Este curso achegaranos de forma práctica ás ferramentas que nos permiten planificar e deseñar unha mensaxe, compoñela e darlle forma, expresar unha idea e comunicarnos coa contorna de forma visual.

As persoas que asistan ao curso en calquera das súas dúas modalidades poderán observar, reflexionar e experimentar por medio de diferentes soportes: álbums ilustrados, fotografías, storyboard, carteis, arte urbana, pintura, cinema, publicidade…

Datas da modalidade presencial:

9 de marzo de 10:00 a 14:15 e de 16:00 a 19:30 h
Prazo de inscrición: 28 e 29 de febreiro de 2024

6 de abril de 10:00 a 14:15 e de 16:00 a 19:30 h
Prazo de inscrición: 26 e 27 de marzo de 2024

26 de outubro de 10:00 a 14:15 e de 16:00 a 19:30 h
Prazo de inscrición: 15 e 16 de outubro de 2024

23 de novembro de 10:00 a 14:15 e de 16:00 a 19:30 h
Prazo de inscrición: 12 e 13 de novembro de 2024

Persoas destinatarias:
Docentes de calquera das etapas da educación formal (infantil, primaria, secundaria e bacharelato, ciclos formativos ou graos de educación), profesionais da educación artística, persoas interesadas na didáctica da arte e estudantes de Belas Artes ou Ciencias da Educación.

Inscrición:
O curso é de balde. As persoas interesadas poden enviar unha mensaxe electrónica a cgac.educacion@xunta.gal na que deberán indicar os apelidos e o nome, DNI, estudos, área de traballo ou interese, un enderezo electrónico e un teléfono de contacto.

https://cgac.xunta.gal/gl/actividades/arte-na-aula-ler-crear-e-comunicar-traves-de-imaxes 

O centro de formación El Ábaco convoca en Zas cursos gratuítos, para desempregados e ocupados, de calquera sector, sempre que sexa compatible co seu horario laboral, que imos impartir no noso centro para partir do mes de Abril.
 
-FCOV32 COMPETENCIA CLAVE NIVEL 2 PARA CERTIFICADOS DE PROFESIONALIDADE CON IDIOMA GALEGO (265 HORAS) EN HORARIO DE 16:00 A 21:00
 
-FCOV06 COMUNICACIÓN EN LINGUAS ESTRANXEIRAS (INGLÉS) N3 (180 HORAS) EN HORARIO DE 09:00 A 14:00
 
Máis información:
El Abaco
Av. Xeneral Vidal Ríos, 12 Baixo - 15150 Baio-Zas
Tel. 981 71 83 99 - 620 96 99 19

O Centro Galego de Arte Contemporánea, CGAC, organiza a actividade A arte como plataforma para a igualdade. Mulleres artistas, dirixida a alumnado de segundo ciclo de ESO, bacharelato e ciclos formativos.

O obxectivo desta actividade é achegar a arte contemporánea aos centros educativos e estimular o interese das novas xeracións pola creación artística do seu tempo.

A idea destas sesións monográficas é introducir temas transversais á educación, como a ecoloxía, a igualdade, a identidade ou a emigración, co fin de que o alumnado poida comprender o mundo que o rodea a través da expresión artística.

Sesións presenciais
Duración: 90 minutos / Prazas: máximo 25 persoas
Os grupos que visiten o CGAC realizarán, ademais, un taller creativo arredor dos contidos propostos durante a conversa.

Sesións en liña
Duración: 50 minutos / Prazas: máximo 25 persoas
Aos grupos que participen nas sesións a distancia, propómoslles a realización dunha creación colectiva no seu centro educativo.

Requisitos técnicos: O centro educativo deberá dispor do equipo técnico preciso para participar nunha reunión telemática (aula equipada cun ordenador con cámara e micro, altofalantes e pantalla).

Inscrición: As actividades son de balde e, para participaren, os centros interesados deberán enviar unha mensaxe electrónica a onlinecgac@gmail.com coa seguinte información: nome do centro educativo, curso ou idade das persoas participantes, día e hora en que desexan realizar a actividade, un número de teléfono e un enderezo electrónico de contacto e mais o nome da persoa responsable.

https://cgac.xunta.gal/gl/actividades/sesions-didacticas-presenciais-e-en-lina-para-eso-bac-e-ciclos-formativos-arte-como 

O Centro Galego de Arte Contemporánea, CGAC, organiza o obradoiro "Fotografía e identidade: o autorretrato"

O obxectivo deste actividade é achegar á arte contemporánea aos centros educativos e estimular o interese das novas xeracións pola creación artística do seu tempo.

A idea destas sesións monográficas é introducir temas transversais á educación, como a ecoloxía, a igualdade, a identidade ou a emigración, co fin de que o alumnado poida comprender o mundo que o rodea a través da expresión artística.

Que é o autorretrato? Vai máis alá da representación física? Que conforma a nosa identidade? Que faría que deixásemos de ser nós?. A través do autorretrato, diferentes artistas reflexionan sobre a identidade: a propia, a do seu contorno, a identidade social e familiar, a alteridade e o simulacro.

Persoas destinatarias: Segundo ciclo de ESO, bacharelato e ciclos formativos

Sesións presenciais
Duración: 90 minutos / Prazas: máximo 25 persoas.
Ao rematar a conversa realizarase un taller onde se afondará nalgúns dos conceptos tratados durante a sesión. O alumnado poderá crear un autorretrato obxectual que funcionará como unha cápsula do tempo da súa identidade.

Sesións en liña
Duración: 50 minutos / Prazas: máximo 25 persoas
Tras a presentación, proporáselles aos grupos que opten pola sesión á distancia a creación de autorretratos obxectuais nos seus centros educativos.
Requisitos técnicos: o centro educativo deberá dispor do equipo técnico preciso para participar nunha reunión telemática (aula equipada cun ordenador con cámara e micro, altofalantes e pantalla).

As sesións desenvolveranse ata o 28 xuño 2024.

Inscrición: a actividade é de balde e, para participaren, os centros interesados deberán enviar unha mensaxe electrónica a onlinecgac@gmail.com coa seguinte información: nome do centro educativo, nome da persoa responsable, número de persoas de que consta o grupo, curso ou idade das persoas participantes, día e hora en que desexan realizar a sesión, un número de teléfono e un enderezo electrónico de contacto

https://cgac.xunta.gal/gl/actividades/sesions-didacticas-presenciais-e-en-lina-para-eso-bac-e-ciclos-formativos-fotografia-e

Obradoiros do 2º cuadrimestre do curso 2023/2024 na UDC
 
Obradoiros presenciais en NORMAL:
-Danza contemporánea
-Interpretación. Avanzado
-Interpretación. Iniciación ao teatro
-Guionistas en serie
-Creación musical e novas tecnoloxías
-Escrita creativa
-Introdución á fotografía: técnica, luz e linguaxe visual
 
Obradoiros presenciais no Centro Cultural Universitario do Campus de Esteiro (Ferrol):
-A danza desde o movemento consciente
-Fotografía. Imos contar
 
Información sobre a matrícula:
 
O prazo de matrícula abrirá ata o 23 de febreiro de 2024. A matrícula farase en liña.
 
As persoas que sexan novas usuarias terán que facer o proceso de rexistro, para o que terán que premer en "comunidade universitaria", para os membros dos diferentes colectivos da UDC, ou en “persoas externas”, para o público xeral. 
O colectivo "persoas externas" deberá introducir os seus datos se ten unha conta xa creada. De non tela, é preciso premer en "crear unha nova conta" e encher o formulario que aparecerá, finalizando o proceso de rexistro premendo en "rexistrar". 
Logo do proceso de rexistro, recibirán no seu enderezo electrónico os datos necesarios para se matricularen.
 
A Área de Cultura resérvase o dereito de suspender algún curso se a ocupación mínima non chegase a cinco persoas.
 
O alumnado da UDC terá dereito ao recoñecemento de créditos, segundo establece a normativa de aplicación (Resolución reitoral do 17/02/2022)
 
Importante:
 
Os prezos nos colectivos de persoas desempregadas ou con discapacidade, así como para o público xeral, inclúen seguro de accidentes.
 
As persoas desempregadas ou que tiveren acreditada discapacidade igual ou superior ao 33% deberán enviar ao correo electrónico normal@udc.es (ou no seu caso ao correo cultura.ferrol@udc.es), previamente á súa matriculación, a documentación que acredite a súa situación. 
Unha vez recibida e validada daránselles as instrucións necesarias para formalizar a matrícula.
 
Para resolver calquera dúbida ou incidencia, deberase comunicar a mesma ao correo normal@udc.gal ou a través dos teléfonos 881 014 502 en quenda de mañá ou 881 014 511 en quenda de tarde para os obradoiros de NORMAL. 
Para os ofertados en Ferrol o correo é cultura.ferrol@udc.gal e o teléfono 881 013 697, en quenda de mañá. 
 
 

Cursos TIC

Feb 02, 2024

O Clúster TIC Galicia, en colaboración coa Consellería de Promoción do Emprego e Igualdade da Xunta, convocan a terceira edición do seu plan formativo, gratuíto e en liña, para promover o talento tecnolóxico e mellorar as competencias e habilidades, tecnolóxicas e transversais, de traballadores por conta allea, autónomos e desempregados.

Son máis de 100 cursos, que se desenvolverán entre febreiro e xuño de 2024, relacionados con diferentes áreas TIC: Intelixencia Artificial (IA), ciberseguridade, desenvolvemento de aplicacións, programación avanzada ou metodoloxías para a xestión de proxectos IT (siglas en inglés de Tecnoloxías da Información). Engadir que tamén haberá unidades formativas transversais, como cursos de Excel ou inglés.

As formacións impártense en dúas modalidades, a través de plataformas de teleformación e aulas virtuais en directo, con profesorado experto en cada unha das materias.
A finalidade destes cursos é incentivar a promoción profesional, reforzando as habilidades dos traballadores, e recualificar á poboación activa en sectores estratéxicos para dar resposta ás necesidades actuais do mercado e á demanda das empresas.

https://formacion.clusterticgalicia.com/