En portada (1152)
Xornadas Galicia Gamer
- martes 23 de novembro: Espazo Xove de Vilagarcía. Xogarase ao Fifa21.
- xoves 25 de novembro: Espazo Xove de Betanzos. Xogarase a Dragon Ball ZFighters e Rocket League.
- venres 26 de novembro: Espazo Xove de Lalín. Xogarase a Smash Bros, Fifa21 e Age of Empires 2.
Final de Cociña
Nesta edición de 2021, seleccionáronse como finalistas as 4 receitas presentadas, o que supón a participación de 6 persoas mozas (3 mulleres e 3 homes).
O sábado 6 de novembro, as persoas finalistas elaborarán as súas obras dende as 10,30 horas na Aula Gastrocultural do Mercado de Abastos en Santiago de Compostela.
Os e as finalistas disporán dun tempo máximo de elaboración de dúas horas para confeccionar a súa proposta, que consistirá na elaboración dun prato salgado ou doce na que a base do mesmo será a utilización de produtos avalados polas diferentes denominacións de orixe de Galicia ou pola Federación de Prazas de Abastos de Galicia.
Unha vez rematadas as obras darase a coñecer, por parte da Dirección Xeral de Xuventude, Participación e Voluntariado, as obras gañadoras desta especialidade.
Obras finalistas
Trisquel (Santiago), co prato “Tartaleta de castañas con cremoso de queixo San Simón e coulis de pera e mostaza”
Sapoconchos (Lugo), co prato “Esencia da fraga”
Lettergrettel (Ourense), co prato “Entroidallo”
Ovella que berra, bocado que perde (Lugo), co prato “Nube de albaca e xeado de tomate de Carmen, sobre sopa fría de queixo do Cebreiro”
... e os premios son:
1º premio:
Francesca de Nigris, coa receita “Tartaleta de castañas con cremoso de queixo San Simón e coulis de pera e mostaza”
2º premio:
Andrea Maseda Prado e Miguel Morán Gueimonde, coa receita “Nube de albaca e xeado de tomate de Carmen, sobre sopa fría de queixo do Cebreiro”
3º premio compartido:
Michael Cebral López e Pablo Torreira Pardo, coa receita “Esencia da fraga”
Ainhoa Martínez Álvarez, coa receita “Entroidallo”
Mavedeus, grupo de teatro de Santiago de Compostela, son os premiados na modalidade de teatro de Xuventude Crea 2021, con Agro 5g. O segundo premio foi para As catro, de Vigo, coa obra Que rima con Chomsky?, e o terceiro foi para o tamén vigués grupo Xebra, con Irremediablemente soa.
Brais Lamela Gómez, de Vilalba, e Alba Guzmán Falcón, de Ourense, son as persoas gañadoras do certame Xuventude Crea 2021 nas modalidades de poesía e novela curta, respectivamente.
Recibirán 3.000 euros e o apoio na difusión dos seus traballos galardoados. Brais Lamela presentou ao certame A linguaxe dos outros, un poemario no que o xurado distinguiu «a profundidade filosófica, a modernidade e o manexo dos recursos literarios». Pola súa banda, Alba Guzmán fíxose co premio coa narración Xoaniña de deus.
Na modalidade de poesía tamén obtiveron premios Judith Ruso Pereiro, de Negreira, con Hábitat hostil, e Navia Rivas Castro, de Santiago, con Aprender a respirar.
En total, presentáronse 38 propostas. O segundo e terceiro premio no apartado de novela curta corresponderon ao santiagués Adrián Noia Vázquez, con O país dos raposos, e Aarón Barreira Diz, de Culleredo, con Indicios esferoides. Os segundos clasificados recibirán 1.500 e euros e os terceiros, 1.000.
Na modalidade de videocreación o primeiro premio foi para Aarón Vilariño Figueiras, de Santiago de Compostela, pola obra Peixe; o segundo, para Vulgaris, de Mario Fernández Filloy, do Carballiño; e o terceiro foi compartido entre Juan Rodríguez Bas, de Gondomar, con O principio do movemento e Alba Rodríguez Villar, de Cedeira, con Quebec delta.
Na categoría de creación de videoxogos o primeiro premio recaeu en Misery, de Hopless Productions, de Manuel Silva e Pedro Peteiro, de Oleiros; o segundo foi para Valico, the grim world de Team Valico, de Iván Fernández e Luis D.Lobo de Vigo; e o terceiro foi para Underworld de Osfados, por Alba Paz e Alison Dieste, de Cambados.
Nesta edición de 2021, presentáronse un total de 79 obras na especialidade de fotografía e 58 obras na especialidade de artes plásticas (45 pinturas e 13 esculturas), o que supón a participación de 137 persoas mozas, 81 mulleres e 56 homes.
De todas as obras presentadas, seleccionáronse como finalistas un total de 29: 15 na especialidade de fotografía e 14 na especialidade de artes plásticas (1 escultura e 13 pinturas).
O día 5 de novembro, ás 12:00 horas, inagurarase a exposición destas 29 obras finalistas, na Igrexa da Universidade de Santiago de Compostela, situada na Praza de Mazarelos, 2.
No acto, daranse a coñecer, por parte da directora xeral de Xuventude, Participación e Voluntariado, Cristina Pichel Toimil, acompañada da vicerreitora de Igualdade, Cultura e Servizos da Universidade de Santiago de Compostela, María do Mar Lorenzo Moledo, as obras premiadas ou que recibirán mención de honra nas devanditas especialidades.
Esta exposición estará aberta ao público, con todas as medidas de seguridade, ata o venres 26 de novembro, de luns a sábado, en horario de 11 ás 14 horas, pola mañá, e de 17 a 20:30 horas, pola tarde.
OBRAS FINALISTAS
Escultura:
We are all alike.
Pintura:
Arquipélago.
A velada literaria.
Da cidade ilexible ao rural ficcional. Geppetto
De corpo presente.
De las tareas de Penélope.
Fragmentos de una erosión. Mg
Galicia esperta e herbas ledas.
Idealización dun prognóstico difuso. Chorima
Maquetas do territorio.
Quería traerte flores.
Rumor de fuga. A.r.r
The daily me. Ahatetxoa
22 de la serie kòsmos.
Fotografía:
Berros. Genn studio
Diversas. Adra pallón
Fértil
Humidade
Imaxinario de corentena
Mares doutros
Meridiano. Salgueiro
O patio do monxe. Davizucho
Pare. Rita
Realidade aumentada. Oli
Spectra.
Tempestade. Dt
Volaré bien. Carballo
Wicca. Blooper
X-posed dolls. Dalinda
http://xuventude.xunta.es/xuventude-crea
O artista Honey, de Baiona, coa súa creación titulada Bo Camiño, gaña o primeiro Xuventude Crea 2021 na gategoría de Graffiti. A directora xeral de Xuventude, Participación e Voluntariado, Cristina Pichel, acudiu onte á fase final deste certame, que tivo lugar no corredor central do Parque da Alameda de Santiago de Compostela.
A esta fase final da modalidade de graffiti chegaron seis creadores que realizaron en directo as súas propostas. Aos galardoados, ademais do gañador, acompañárono Ares, de Tui, coa súa obra titulada As dúas en punto, en segundo lugar; o terceiro posto logrouno Seek, tamén de Baiona, coa súa peza Galaxia animal; e houbo unha mención de honra para a artista Maldita, natural de Ribadavia, pola súa obra 37 min.
Cada un destes premios ten unha gratificación económica: o primeiro, de 3.000 euros; o segundo, de 1.500; e o terceiro, de 1.000 euros.
http://xuventude.xunta.es/xuventude-crea
No DOG do 27 de outubro publícase a relación definitiva de persoas beneficiarias das prazas e bolsas, lista de espera e relación de persoas excluídas no Centro ResidenciaL LUG da Dirección xeral de Xuventude para o curso académico 2021/22.
Podes seguir o encontro Mo_Cidade na canle de youtube
Encontro do venres: https://youtu.be/f5zE0JydJKg 
Encontro do sábado: https://youtu.be/foFyLzisAGk 
Premios Galicia de Acción Voluntaria
A Dirección Xeral de Xuventude, Participación e Voluntariado convoca os Premios Galicia de Acción Voluntaria, que teñen a finalidade de recoñecer publicamente o labor daquelas persoas físicas e xurídicas que, de xeito cotián, desenvolvan programas, accións ou proxectos de voluntariado na Comunidade Autónoma de Galicia.
Cos Premios Galicia de Acción Voluntaria preténdese recoñecer o exercicio da acción voluntaria a nivel individual e colectivo e dos beneficios que esta achega ao conxunto da sociedade.
Os Premios Galicia de Acción Voluntaria terán as seguintes modalidades:
- Premio voluntaria/o do ano: modalidade individual, para aquelas persoas voluntarias que desenvolvan a súa actividade e colaboren con entidades inscritas no Rexistro de Acción Voluntaria, públicas ou privadas, que se teñan distinguido polo seu sobresaínte labor na promoción e xestión do voluntariado social na nosa comunidade autónoma.
- Premio entidade de acción voluntaria do ano: modalidade colectiva, as entidades de acción voluntaria inscritas no Rexistro de Acción Voluntaria de Galicia que de xeito continuado e eficaz, desenvolvan actividades e/ou programas sociais ou de interese xeral que impliquen un compromiso social e comunitario a través de proxectos consolidados e normalizados no tempo e nos que a acción voluntaria e as persoas voluntarias asuman un especial protagonismo.
- Premio mellor proxecto de acción voluntaria do ano: aqueles proxectos elaborados por entidades de acción voluntaria inscritas no Rexistro de Acción Voluntaria de Galicia, presentados por unha entidade de xeito individual ou por varias entidades de xeito conxunto, vinculados a áreas de especial interese e que supoñan unha innovación social para a nosa comunidade autónoma.
Premios: outorgarase un premio en cada unha das modalidades de 4.000 euros.
As solicitudes presentaranse preferiblemente por vía electrónica a través da sede electrónica da Xunta de Galicia (https://sede.xunta.gal) co procedemento BS508D.
O prazo para presentar solicitudes estará aberto ata o 15 de novembro de 2021
Máis información o DOG do 14 de outubro de 2021 e en http://voluntariadogalego.org
Outono Xove 2021
Actividades de fin de semana en albergues xuvenís, para a mocidade de 14 a 30 anos.
A Xunta de Galicia pon en marcha o novo programa Outono Xove con actividades formativas e de lecer para a mocidade galega durante as fins de semana entre finais de outubro e comezos de decembro nos albergues xuvenís da Xunta de Galicia.
Os grupos de participación dividiranse en dous tramos de idade: de 14 a 17 anos e de 18 a 30.
Ofértanse 1.100 prazas nos 8 programas que conforman a actividade, cun máximo de 20 prazas en cada unha das opcións e fins de semana.
A cota de participación será de 25 euros. Por ser membro de familia numerosa ou monoparental e por ser titular do Carné xove, sempre e cando a tarxeta estea debidamente activada, aplicarase un desconto do 25% sobre o prezo. As persoas participantes aboarán, nestes casos, 18,75 euros.
O prazo de inscrición comezará o día 14 de outubro ás 11.00 horas.
No formulario só se poderá elixir unha quenda. As prazas asignaranse por estrita orde de chegada dos formularios.
Consulta aquí a toda a información do programa
A inscrición será unicamente en liña, mediante este formulario. Cumplimenta o que corresponda ao teu tramo de idade:
+ Formulario participantes de 14 a 17 anos
+ Formulario participantes de 18 a 30 anos
Modelos:
modelo declaración Covid-maiores de idade
Esta proposta, dirixida a persoas de entre 16 e 35 anos, ten como obxectivo difundir recursos pedagóxicos sobre a participación, a inclusión social, a educación ambiental ou o voluntariado
A directora xeral de Xuventude, Participación e Voluntariado, Cristina Pichel, participou no proxecto The paroleo, unha proposta innovadora de activismo social e ambiental da asociación Simbiose na que realiza podcasts e contidos audiovisuais cos que dar a coñecer accións levadas a cabo pola mocidade. Ademais, serve para reflexionar e difundir recursos pedagóxicos sobre a participación, a inclusión social, a educación ambiental ou o voluntariado, entre outros.
The paroleo, dirixido a mozas e mozos de entre 16 e 35 anos, está levado a cabo ao abeiro de Iniciativa Xove da Xunta de Galicia, que busca ofrecer á xuventude galega a oportunidade de desenvolver os seus propios proxectos.
Pola súa banda, Cristina Pichel, quen participou nunha entrevista enmarcada na programación desta actividade, puxo en valor que esta iniciativa permite traballar con propostas novidosas e dar visibilidade a cuestións de relevancia social.
A Administración autonómica financia a través de Iniciativa Xove 85 proxectos liderados pola xuventude, nos que a mocidade é a protagonista, a través da planificación e realización das actividades. O Goberno galego achega preto de 400.000 euros a este programa, ao que xa leva destinado 6 millóns de euros para financiar unhas 1.500 ideas desde que se puxo en marcha hai 11 anos.