Sustinea é unha entidade sen ánimo de lucro de ámbito estatal que fixa o desenvolvemento sostible como alternativa á degradación natural e como saída ás necesidades locais. Esta iniciativa xorde dun grupo de persoas relacionadas coa defensa e posta en valor dos recursos naturais, que preocupadas pola súa situación quere afrontar os seus problemas achegando a súa experiencia e coñecementos.
Os fins da Asociación Sustinea son o estudo, a divulgación e a defensa do medio, a promoción dun cambio posible e necesario, da relación do ser humano coa natureza nun modelo sostible.
Innova na educación ambiental: novas ferramentas e técnicas para a educación ambiental foi a proposta de Sustinea para levar a cabo unha iniciativa onde prime a creatividade, o espírito empresarial e a empregabilidade enfocada á defensa e protección do medio.
O encontro, de tres días de duración, foi dirixido a mozas e mozos galegos con inquedanzas respecto da educación e do desenvolvemento sostible. Ao longo dos días combináronse obradoiros, grupos de traballo, relatorios e debates dirixidos polos propios participantes para deseñar novas fórmulas de comunicación ambiental na educación non formal, así como concienciar e identificar alternativas reais para un desenvolvemento respectuoso co medio e sostible no futuro no Parque Natural Baixa Limia Serra do Xurés.
Accións prácticas sobre o terreo para cada un dos temas tratados: comunicar a importancia da biodiversidade e da educación ambiental no público infantil.
O obxectivo principal desta iniciativa era deseñar novas técnicas para que os mozos e mozas poidan comunicar as problemáticas medioambientais e promover novas ferramentas de comunicación e difusión das súas experiencias para o desenvolvemento sostible.
Como obxectivos específicos, podemos destacar os seguintes:
- Mellorar a práctica pedagóxica dos educadores ambientais
- Crear as condicións axeitadas para o método de indagación e a aprendizaxe baseada no contexto actual
- Minimizar os recursos materiais empregados na educación ambiental para adaptalos á situación económica actual
- Crear un espazo de intercambio para mozas e mozos con inquedanzas similares sobre a educación ambiental e comunicación para o desenvolvemento sostible
- Detectar as liñas comúns de traballo que teñen maior interese para a promoción da educación ambiental en Galicia e acordar a forma para levalas a cabo
- Dotar as/os participantes de coñecementos e ferramentas para levar adiante accións e programas de carácter educativo nos seus ámbitos habituais de traballo
- Xerar espazos para a reflexión e o intercambio de ideas, experiencias, métodos de traballo e resultados no campo das accións de carácter ambiental na xestión de espazos e programas educativos
- Fomentar a interrelación e a creación de redes entre actores fundamentais dos procesos de educación ambiental no sistema educativo non formal relacionados coa educación ambiental
- Fomentar o desenvolvemento persoal e profesional dos e das asistentes e do persoal involucrado
As xornadas Innova na educación ambiental tiveron lugar os días 26, 27, 28 e 29 de setembro, no Complexo do Corgo, Muíños (Ourense), reserva da biosfera transfronteiriza Gerês – Xurés.
Máis información sobre Innova na educación ambiental:
Xornadas Innova na Educación Ambiental
Encontro de educación ambiental Sementando para o cambio
Celebrado o encontro Sementando para o cambio
Iniciativa Xove destina 100 000 euros a financiar na provincia de Ourense un total de 29 proxectos de mozos e mozas
Sustinea organiza un encontro de educación ambiental en Muíños. La Voz de Galicia
Facebook: https://es-es.facebook.com/sustinea/