Novas e actividades (1315)
Encontro informativo aberto aos albergues galegos por parte da Rede Española de Albergues Xuvenís
A Dirección Xeral de Xuventude e Voluntariado vai desenvolver un encontro informativo aberto a todos os albergues xuvenís existentes en Galicia, coa finalidade de dar a coñecer os beneficios derivados de pertencer á REAJ (Rede Española de Albergues Xuvenís).
Neste Encontro vaise contar coa presenza do director xeral de Xuventude e Voluntariado e de D. Sergio Montoya (xerente da REAJ), que fará entrega nese mesmo día ao Albergue Xuvenil das Corcerizas (Vilar de Barrio) do premio Fondo de Sustentabilidade que outorga Hostelling International, grazas ao seu proxecto de soberanía enerxética.
Data: 29 de maio de 2014
Lugar: Sede da Delegación Territorial da Xunta de Galicia en Ourense, sito na Avenida da Habana, 79.
Programa:
- 12:45 h. Apertura do encontro a cargo de Ovidio Rodeiro Tato, director xeral de Xuventude e Voluntariado
- 13:00 h.- Intervirá Sergio Montoya, xerente da REAJ, que explicará:
- Que é a Reaj?
- Para que sirve?. Beneficios derivados de pertencer á REAJ
- O carné de alberguista
- Programas da REAJ: MOVIC II.Intercambios xuvenís nos albergues, Unesco-Reaj, concursos
- Difusión e promoción
- Nova web e perfís sociais
- Hostelling Internacional, os beneficios de pertencer a unha rede mundial.
- HI 360º. Novo motor de reservas
- Programa de grupos, Big Blog Exchange, Fondo de sostenibilidade
- 14:15 h.- Turno de debate e preguntas.
Calquera albergue interesado en asistir (forme parte ou non da Rede de Albergues Xuvenís de Galicia e da REAJ) deberá inscribirse enchendo o seguinte formulario. O prazo de inscrición estará aberto ata o día 26 de maio inclusive.
Campo de traballo en Becerreá
A Asociación Castaño y Nogal organiza, do 15 ao 30 de agosto de 2015, a VI edición do seu campo de traballo internacional, que ten por destinatarios a mozos e mozas de 22 a 35 anos.
No campo realizaranse tarefas de conservación e limpeza do sendeiro tradicional ao longo do río Donsal. As tarefas inclúen a rehabilitación dos antigos elementos arquitectónicos existentes ao largo do sendeiro, cortar maleza, reparar pequenas pontes de madeira, pintar sinais indicadoras da ruta... O campos incluirá tamén, como actividades complementarias, encontros con familias da zona, obradoiros, visitas e excursións a lugares de interese da zona e de Galicia.
Podedes consultar as bases da convocatoria nos seguintes enlaces:
ENGLISH: http://www.asociacioncastanoynogal.com/InternationalVoluntaryCamp.html
Contacto e inscrición:
As persoas voluntarias que queiran inscribirse deberán cubrir o formulario dispoñible na web da asociación: http://www.asociacioncastanoynogal.com/blog/wp-content/uploads/2015/04/Formulario_Inscripcion_CTI_CyN_2015.pdf
O formulario debe remitirse por correo electrónico ao enderezo: contacto@asociacioncastanoynogal.com ou por correo postal urxente ao enderezo que figura no mesmo formulario de inscrición.
Sitios Web:
Web: http://www.asociacioncastanoynogal.com
Blog: http://www.asociacioncastanoynogal.com/blog
Facebook: https://www.facebook.com/pages/Asociacion-Casta%C3%B1o-y-Nogal/77062553646
Xuventude.Novas, a revista dixital da dirección xeral de Xuventude, entrevista no seu novo número os gañadores do certame de debate Parlamento Xove, que celebrou a súa final a pasada fin de semana. O equipo gañador na categoría da ESO, do IES A Pinguela de Monforte, que se estreaba este ano e xa quere repetir, afirma que o fundamental é ir con seguridade aos debates e argumentar con convicción e naturalidade.
Na categoría de Bacharelato, os vencedores, do Colexio La Salle de Santiago, explican que a final estivo moi equilibrada e que "puido gañar calquera", dado que a diferencia foi como moito "nun detalle, unha frase ou unha palabra" enunciadas no momento oportuno.
Ademais de ofrecer novos detalles sobre o Plan de Xuventude 2014-2016, que suma máis de 340 millóns de euros en recursos, Xuventude.Novas difunde nesta edición as principais características da convocatoria da Iniciativa Xove para 2014, que ten aberto o prazo de presentación de proxectos ata o vindeiro 15 de maio. Tamén ofrece unha reportaxe sobre o 'Rural Play and Dance', un proxecto de cultura urbana acometido no municipio coruñés da Baña ao abeiro deste programa por parte do grupo informal 'A Mocidade non Stop'.
A publicación recolle neste mes unha entrevista coa Asociación Cultural A Panadaría, gañadora do certame Xuventude Crea na modalidade de teatro. A entidade, composta por tres actrices, resalta as grandes posibilidades imaxinativas desta arte e anuncia que teñen a intención de dar o salto ao mundo profesional. En agosto prepararán un novo espectáculo, e con "Pan! Pan!", a función gañadora do certame creativo de Xuventude, teñen unha ampla axenda derepresentacións ata fin de ano.
Outra das reportaxes deste Xuventude.Novas dá conta do auxe da tendencia 'slow fashion', que promove un consumo máis racional e ético no eido da moda. Hai uns días este movemento celebrou o seu día e Vigo foi unha das doce cidades españolas nas que se desenvolveron actividades con ese propósito.
A reseña da entrega dos premios do concurso 'Lingua de Namorar' e a habitual axenda de concertos, actuacións e espectáculos musicais completan o novo número de Xuventude.Novas.
Nota: para unha correcta visualización en determinados navegadores de internet, recomendamos descargar o arquivo pdf envez de abrilo noutra pestana.
Cursos de idiomas no estranxeiro 2014
A Dirección Xeral de Xuventude e Voluntariado en colaboración cos organismos de xuventude das comunidades autónomas de A Rioxa, Andalucía, Canarias, Castela e León, Cidade Autónoma de Ceuta, Estremadura, Illas Baleares, Madrid, Murcia, Navarra e Valencia, pon en marcha o programa de CURSOS DE IDIOMAS NO ESTRANXEIRO 2014.
Bolsa Argo 2014-2017
A Secretaría de Estado de Educación, Formación Profesional e Universidades convoca o programa de bolsas ARGO dirixido a fomentar a mobilidade dos titulados universitarios, mediante unha estanza de formación en empresas de Europa, Estados Unidos, Canadá e en empresas españolas e multinacionais radicadas en Asia e Oceanía.
O número mínimo de axudas a conceder será de 600 e a duración das estanzas será de entre 5 e 8 meses.
As prácticas deberán realizarse en empresas ou entidades de ámbito internacional que actuarán como empresas de acollida e que, debidamente rexistradas no programa, realicen unha oferta para que os titulados poidan realizar unha estanza formativa con sede nalgún dos países integrados no Programa ARGO.
Requisitos:
Poderán solicitar estas axudas todos os titulados universitarios, españois e estranxeiros menores de 35 anos, con residencia legal en España e que obtivesen nos tres últimos anos unha titulación oficial nunha universidade española.
Non poderán participar os titulados de Master ou outro tipo de estudos de posgrao que non obtivesen o título previo a estes estudos nunha universidade española.
Os beneficiarios deberán estar en disposición, no momento da presentación da solicitude, dunha das seguintes titulacións oficiais: Licenciado, Enxeñeiro, Arquitecto, Enxeñeiro técnico, Arquitecto técnico, Diplomado, Graduado ou Máster Universitario e demostrar coñecementos do idioma do país ou países solicitados.
Prazos:
De momento soamente está aberto o prazo para que soliciten a xestión desta bolsas as Universidades Públicas, así como organismos ou entidades sen ánimo de lucro, vinculado ou dependente destas, que desenvolvan programas de mobilidade en cooperación internacional con empresas. Será ata o 17 de maio de 2014.
Os titulados universitarios poderán rexistrarse, durante os tres anos de vixencia do programa, na web www. mecd.gob.es, no enlace habilitado para a xestión do programa ARGO. Posiblemente o prazo abrirase no mes de setembro.
Máis información no BOE do 23 de abril de 2014 e en www.becasargo.es
PROGRAMA ACTIVA 2014
A Dirección Xeral de Xuventude e Voluntariado da Consellería de Traballo e Benestar, presenta por cuarto ano consecutivo os obradoiros Activa 2014, acordes ao eixo transversal de formación e información da Estratexia Xuventude 2016.
Importante: Normas de funcionamento dos Cursos Activa
O lugar de impartición son os concellos de Galicia que o soliciten.
- Só se pode solicitar un curso por concello.
- O prazo de solicitude dos cursos rematará o 16 de maio de 2014.
- Os cursos activa impartiranse entre os meses de setembro e decembro do ano 2014.
- Só recibirán diploma os asistentes menores de 30 anos e serán enviados despois do curso á Omix ou concello solicitantes.
- O número de persoas asistentes aos cursos debe ser como mínimo de 10 en cada un de eles. O Concello deberá enviar os datos das persoas participantes antes do inicio do curso.
Os obradoiros Activa 2014 nacen como continuación do programa Activa e desenvólvense en oito eidos clave, que son os seguintes:
1.-Obradoiro sobre os diferentes recursos que ofrecen as redes para promocionar, financiar e dar a coñecer os teus proxectos “Emprendendo dende a rede”.
2.-Monográfico de resolución de conflitos e comunicación (persoal e interpersoal). Deseño dun proxecto de crecemento persoal; análise da situación que leva a conflito, as metas e os medios existentes para logra o éxito. “Liderado para o éxito”.
3.- Obradoiro de análise das novas formas de consumo que a mocidade realiza de forma habitual e espontánea onde se descoñecen os posibles riscos que iso pode supoñer. Forma dinámica para establecer as distintas liñas de actuación nas formas de consumo. “Consumo Xeito”.
4.- Monográfico de motivación relacionada co emprego e o autoemprego. Análise das oportunidades de traballo e competitividade no mercado laboral. Aportar ferramentas para os mozos e mozas que lles permitan optimizar as súas habilidades e destrezas para a toma de decisións respecto o futuro ocupacional ou profesional. “Activando o teu futuro”.
5.- Obradoiro que ofrece a unha información completa e actualizada sobre os recursos dos que dispón a mocidade galega en materia de xuventude, unha condición básica para garantir a participación efectiva dos mozos e mozas na sociedade actual. “Xuventude con Iniciativa”.
6.-Monográfico de introdución ó coaching. Experiencias e ideas que invitan á acción e apoian o desenvolvemento persoal como o único camiño cara o éxito. “Introduccion ó Coaching”.
7.- Obradoiro de Oratoria. Ideal para calquera persoa que queira e que teña ganas de mellorar a súa capacidade persuasiva e as súas dotes para falar en publico. “Aprende a falar en Público”
A formación no ámbito da educación non formal é un claro valor en alza e ten unha relación clara na mellora da empregabilidade da mocidade, constituíndo un complemento valioso no eido curricular, tal e como testemuñan os estudos realizados por institucións como a Comisión Europea ou o CXE.
A duración estimada de cada un destes obradoiros é de dúas horas e de carácter presencial.
Seguindo o espírito iniciado en edicións anteriores, as accións formativas contidas en Activa 2014 ofertaránselles directamente aos concellos galegos, co obxectivo de facilitar a participación de todas aquelas persoas interesadas.
O prazo de solicitude estará aberto ata o 16 de maio de 2014.
Para máis información:
Teléfonos: 981 544 866/ 981 957 057
infoxuventude@rgdinamizacion.es