Novas e actividades (1290)

casa-para-recortarSe estás a buscar aloxamento para o próximo curso, podemos axudarche:

http://xuventude.xunta.es/uploads/docs/ensino/Residencias_para_estudantes.pdf

Pasaporte Eures en Hostelería

é unha nova ferramenta multilingüe de EURES  que permite aos solicitantes de emprego crear o seu pasaporte persoal de competencias elixindo dunha lista as competencias que posúen. Cada unha delas ha de estar vinculada a experiencias laborais ou actividades e centros de formación, as cales poden estar opcionalmente avaladas por empresas para as que traballen ou con diplomas.

As competencias elixidas tradúcense inmediatamente a calquera lingua europea que desexe o candidato, de modo que as empresas entenderán exactamente o que leste fixo e apreso nos seus anteriores postos de traballo ou coa formación recibida.
Máis información: http://www.injuve.es/empleo/noticia/nuevo-pasaporte-eures-en-hosteleria

No BOE do 5 de xullo de 2014 publícase o Sistema Nacional de Garantía xuvenil e outras medidas para favorecer a ocupación

Garantía Xuvenil

A Garantía Xuvenil é unha iniciativa europea que pretende facilitar o acceso dos mozos menores de 25 anos ao mercado de traballo. En España enmárcase na estratexia de Emprendimiento Nova aprobada en febreiro de 2013 polo Ministerio de Emprego e Seguridade Social. A Recomendación sobre a Garantía Xuvenil establece que os mozos menores de 25 anos poidan recibir unha oferta de emprego, de educación ou formación tras finalizar os seus estudos ou quedar desempregados.

Quen poden ser beneficiarios?

Os mozos que cumpran os seguintes requisitos:

Ter nacionalidade española ou ser cidadáns da Unión ou dos Estados parte do Acordo Económico Europeo ou Suiza que se atopen en España en exercicio da libre circulación e residencia. Tamén poderán inscribirse os estranxeiros titulares dunha autorización para residir en territorio español que habilite para traballar.
Estar empadronado en calquera localidade do territorio nacional español.
Ter máis de 16 anos e menos de 25, ou menos de 30 anos no caso de persoas cun grado de discapacidad igual ou superior ao 33 por cento, no momento de solicitar a inscripción no Fichero do Sistema Nacional de Garantía Xuvenil.
Non traballar nos 30 días naturais anteriores á data de presentación da solicitude.
Non recibir accións educativas que conleven máis de 40 horas mensuais nos 90 días naturais anteriores á data de presentación da solicitude.
Non recibir accións formativas que conleven máis de 40 horas mensuais nos 30 días naturais anteriores á data de presentación da solicitude.

Presentar unha declaración escrita de ter interese en participar no Sistema Nacional de Garantía Xuvenil, adquirindo un compromiso de participación activa nas actuacións que se desenvolvan no marco da Garantía Xuvenil.

Máis información:

BOE do 5 de xullo de 2014  (páx. 92 do pdf)

http://www.empleo.gob.es/es/garantiajuvenil/queesGJ.html

Teléfono 060

Correo electrónico: info.garantiajuvenil@meyss.es

portada_xunoO boletín interactivo da dirección xeral de Xuventude e Voluntariado, Xuventude.Novas, inclúe no seu número deste mes unha reportaxe sobre o récord acadado polo xoven coruñés Ernesto Fernández. Este 'speedcuber' montou en 35 horas 4.664 cubos de rubik para compoñer un mosaico de 41.976 píxeles coa cara de Neldon Mandela. Trátase ademais dunha acción solidaria coa Cruz Vermella. O récord coincide cos corenta anos da invención do popular xoguete, polo que Xuventude.Novas complementa a reportaxe con información sobre a orixe do cubo de rubik e recomendacións para resolvelo.

Ademais, a publicación ofrece unha entrevista con Alexis Parada, o gañador do concurso de talento artístico Xuventude Crea 2013, convocado pola dirección xeral, na modalidade de graffiti. Parada explica o traballo co que gañou o certame, fai un percorrido pola súa traxectoria nesta disciplina, na que recibe o alcume de O Ras, e reflexiona sobre a aceptación social, crecente pero aínda insuficiente, que recibe o graffiti.

Outro dos contidos destacados deste mes en Xuventude.Novas tamén ten que ver coa arte e coa técnica, neste caso coa do deseño. Trátase da reportaxe sobre o proxecto de Iniciativa Xove acometido polo grupo informal 'elpuntodelai'. Denominado Creactivarte, serviu para intervir co deseño en espazos públicos e con colectivos que precisan apoio á integración social. A intención deles é facer ver a utilidade de repensar as cousas, redeseñalas, para dinamizar a nosa contorna máis inmediata.

Por outra parte, a revista dixital de Xuventude ofrece a información sobre como facerse co carné de alberguista, recoñecido internacionalmente, e repasa as últimas novidades neste eido. Destaca a recepción do premio 'Hostelling International' por parte do albergue xuvenil As Corcerizas e a incorporación á Rede Española de Albergues Xuvenis do Art Camp Surf de Carballo.

Un repaso polo proxecto de voluntariado 'Cultura no Camiño', o traballo dos voluntarios ambientais contra o lume, a convocatoria de prazas para estudantes nas residencias que dependen de Xuventude e o percorrido da carpa informativa Xplora Xuventude por toda Galicia nas vindeiras semanas, completan esta edición do Xuventude.Novas, que por suposto non esquece a habitual axenda de concertos e actuacións para os vindeiros días, marcados pola proliferación de festivais musicais.

XUVENTUDE.NOVAS de xuño de 2014

Nota: para unha correcta visualización en determinados navegadores de internet, recomendamos descargar o arquivo pdf en vez de abrilo noutra pestana.

ERASMUS_PLUSNo BOE do 26 de xuño de 2014 publícanse as axudas concedidas para a realización de actividades financiadas pola Comisión Europea no marco de capítulo de Xuventude do Programa Erasmus+

BOE do 26 de xuño de 2014