Boletín Eurodesk

O CMIX da Coruña ofrece dous novos servizos informativos para a mocidade: un servizo de asesoramento de iniciativas xuvenís e un servizo de orientación legal.
O servizo de asesoramento de inciativas xuvenís estará dispoñible no horario de atención ao público do CMIX. O servizo de orientación legal estará aberto de luns a xoves de 17 a 20 h., e permanecerá pechado no mes de agosto.
Ademais o servizo de asesoramento ás iniciativas xuvenís do CMIX xestiona a cesión de espacios a asociacions e grupos non formais no edificio Fórum Metropolitano.

Servizo de asesoramiento de iniciativas xuvenís
A través deste servizo preténdese ofrecer un servizo de asesoramiento integral a asociacións e grupos non formais de mozos. Deste xeito no CMIX poderase:
Recibir apoio durante todo o proceso de creación dunha asociación.
Ser informados sobre axudas, subvencións e de como se realizan os procesos de solicitude destas convocatorias.
Difundir a través das canles do CMIX as iniciativas de interese xuvenil realizados por estas entidades.
Ademais tamén se cederán espazos no Fórum Metropolitano a entidades xuvenís ou entidades que realicen eventos de interese xuvenil e que non teñan ánimo de lucro. Estes espazos poderán solicitarse no Centro Municipal de Información Xuvenil.

Servizo de orientación legal:
Este servizo, atendido por unha licenciada en dereito, ten como obxectivo informar de forma personalizada e gratuita sobre diversos temas de ámbito xurídico que afectan habitualmente ás persoas novas: dereitos da mocidade, como facer un recurso ou unha reclamación, temas relacionados coa vivenda, multas, etc.
Destinado preferentemente á mocidade en horario de luns a xoves de 17 a 20 h. Esta aberto todo o ano, excepto o mes de agosto.
Este servizo non inclúe, en ningún caso, defensa legal, e o usuario deberá recurrir aos servizos dun avogado/a, particular ou de oficio, cando se plantexa unha demanda xudicial.

Máis información
Centro municipal de información xuvenil
R/ Río Monelos 1
15006 A Coruña

Teléfono: 981 184 294
cmix@coruna.es
www.coruna.es/nex

A nova edición de Xuventude.Novas leva á súa portada o proxecto ‘Carmeliña’, unha fotonovela creada por un equipo dirixido por Alberto Ardid e que contou co apoio do programa Iniciativa Xove, da dirección xeral de Xuventude e Voluntariado. O traballo supón recuperar un xénero que estaba en desuso. Cunha perspectiva moi creativa e cun resultado de elevada calidade, reflicte o conflicto social e sobre todo o choque cultural que supuxo a chegada dos primeiros nudistas á zona do Morrazo.

Sen abandonar os contidos relacionados coa creatividade xuvenil, o boletín interactivo da dirección xeral ofrece tamén unha entrevista con Brais Rodríguez Trigo, o gañador do certame Xuventude Crea na súa categoría de graffiti. Rodríguez explica algunhas características de ‘Estilo Salvaxe’, o traballo co que gañou, comenta a crecente valoración social desta modalidade artística e reflexiona sobre o graffiti, que para el debe manter a súa condición de “ilegal”.

Outro contido destacado deste número é unha reportaxe sobre o Laboratorio de Radio impulsado por dous xóvenes xornalistas desde a comarca de Betanzos. En centros educativos e en instalación como o Espazo Xove betanceiro, desenvolven clases e obradoiros para que os máis novos aprendan a elaborar programas radiofónicos e á vez descubran a que chaman ‘radio de contido’, da que perciben que cada vez ten menos oíntes xóvenes. A experiencia destaca pola súa boa acollida e os resultados, coa rápida asimilación da linguaxe radiofónica por parte dos participantes.

A victoria no certame de emprendemento Yuzz dos galegos Adrián Canedo e Víctor Álvarez tamén merece un espazo destacado nesta edición. O seu proxecto Situm, que facilita a localización en interiores con teléfonos móbiles e que ten interesantes aplicacións en centros comerciais e en infraestruturas públicas, recibe 30.000 euros. Con esta contía, poderán dar novos pasos como iniciativa empresarial.

Por último, o Xuventude.Novas detalla algúns dos beneficios que terá o novo programa de garantía xuvenil, asinado pola Xunta e os axentes sociais. Suporá o investimento de 48,8 millóns de euros e favorecerá a empregabilidade de mozos e mozas de entre 16 e 25 anos, con medidas de formación, apoios á consecución de experiencia laboral e incentivos á contratación, ás altas como autónomos e á incorporación xuvenil a proxectos cooperativos.

A habitual axenda de espectáculos e de actuacións musicais por toda Galicia para as vindeiras semanas completa esta edición.

Xuventude.Novas de xaneiro de 2015

Nota: para unha correcta visualización en determinados navegadores de internet, recomendamos descargar o arquivo pdf en vez de abrilo noutra pestana.