Empresas, investigadores e divulgadores que apostan pola innovación como solución ós problemas ambientais integran  o programa destas xornadas apoiadas por Iniciativa Xove e que están tendo lugar os días 7 e 8 de Outubro no salón de actos da Escola Técnica Superior de Enxeñería da Universidade de Santiago de Compostela .

 Visibilizar as accións que dende as empresas e Universidades galegas se están levando a cabo para buscar solucións innovadoras ós problemas ambientais e mostrar a importancia da divulgación para acercar a innovación e a ciencia á cidadanía. Estes son os obxetivos que perseguen as xornadas que o grupo informal de mozas e mozos Enxeñería Verde están a levar a cabo.

 O programa das (eco)Xornadas así como a convocatoria do concurso de ideas que tamén ten sido convocado dentro desta iniciativa financiada polo programa Iniciativa Xove da Dirección Xeral de Xuventude e voluntariado de la Xunta de Galicia, pode ser consultado na páxina web do evento  www.innovarenverde.com.

 A apertura das (eco)Xornadas tivo lugar este mércores 7 ás 10 horas. Ao longo de todo o día as persoas asistentes puideron coñecer ós responsables de diferentes empresas galegas que desenvolven a súa actividade no eido da ecoinnovación ou ben que recurriron a ela para buscar solucións a problemas derivados da súa actividade productiva. As xornadas pecharanse coa sesión da mañá do día 8, que estará dividida en dous bloques: un deles adicado á divulgación, como ferramenta fundamental para acercar la innovación e a ciencia á cidadanía; e outro orientado ao fomento da actitude emprendedora e o emprendemento empresarial.

 A asistencia ás (eco)Xornadas é  totalmente de balde e abierta a todo o público interesado ata completar aforo, previa inscrición na páxina web do evento

Os próximos días 8 e 9 de outubro terán lugar na facultade de Dereito da Universidade de Santiago de Compostela unhas xornadas sobre emprendemento feminino apoiadas e financiadas polo programa Iniciativa Xove da Dirección Xeral de Xuventude e Voluntariado.

No marco desta actividade participarán diferentes ponentes nacionais e internacionais que buscarán dar claves e interpretacións para coñecer e superar as dificultades coas que se atopan as mulleres emprendedoras na actualidade.

Estas xornadas son organizadas polo grupo informal "Xuventude Feminina Emprendedora", todos eles xoves estudantes da USC.

Nesta ligazón podes consultar o programa das xornadas

A nova edición da revista interactiva da Dirección Xeral de Xuventude e Voluntariado, Xuventude. Novas, dedícalle unha das súas reportaxes ao proxecto ‘Deporte Xove na Rúa’, que desenvolveu o grupo informal ‘Deporte e Vida Activa’ na localidade coruñesa de Santa Comba. Durante unha fin de semana, desenvolveron numerosas actividades e competicións deportivas ao aire libre co propósito de fomentar a práctica de exercicio físico por todos os colectivos da poboación, en especial a mocidade.

Mais non é o único proxecto acometido ao abeiro do programa Iniciativa Xove ao que se lle dá cabida neste número. Noutra páxina explica ‘As galiñas da horta’, a iniciativa coa que un grupo de mozos e mozas de Santiso (A Coruña) pretenden poñer a producir de novo dúas parcelas de monte. Implican unhas cincuenta persoas nun proxecto que ten como principal misión dinamizar o rural e concienciar a poboación das posibilidades de xeración de riqueza que ofrece.

Os preparativos para o Encontro e Mostra do Asociacionismo Xuvenil (EMAX), que se celebra en Galicia na segunda quincena de outubro, conforman outro contido destacado deste Xuventude.Novas. Fiel á súa xa considerable traxectoria, o EMAX será o maior escaparate das actividades que desenvolven as asociacións de mozos e mozas de Galicia e do norte de Portugal.

Tamén con visión internacional, cabe destacar dous contidos máis. Un, o proxecto DIGAL, que complementa a formación de 56 persoas de entre 18 e 30 anos con prácticas en países europeos. O programa, que entre 2015 e 2016 conta con 280.000 euros de orzamento, xa realizou a sesión formativa do primeiro grupo participante. E o outro, cunha vontade máis lúdica, é o repaso a varios campos de traballo que tiveron lugar no marco da programación de verán e nos que a convivencia entre mozos e mozas de toda Galicia, o resto de España e varios países estranxeiros é un dos elementos máis característicos.

Completa esta edición unha entrevista sobre a banda de música ‘Australia’, que como o seu nome non indica é de Pontevedra. Naceron en 2014 e o seu vocalista, Javier Lago, explícanos a orixe e evolución do grupo, a forma de traballar, as súas aspiracións creativas e a reacción que perciben no público. Nas dúas últimas páxinas, Xuventude.Novas ofrece unha completa guía de lecer para as vindeiras semanas, coa habitual axenda de concertos e actuacións musicais.  

Nota: para unha correcta visualización en determinados navegadores de internet, recomendamos descargar o arquivo pdf en vez de abrilo noutra pestana.

Xuventude.Novas