En portada (1139)

Celina Mauricio Damas, coa obra “Siete pecados” quedou como primeira clasificada no certame Xuventude Crea na especialidade de Danza Moderna, que se celebrou o sábado no Museo do Mar de Galicia en Vigo.

O segundo premio foi compartido entre Cristales, coa obra “The other side of paradise” e Llui Castro Vilches, coa obra “Impulsive”
Tamén o terceiro premio foi compartido, nesta ocasión entre Grow as ohana, coa obra “Mantendo a esencia” e Macorinos, coa obra “Manos perdidas”

A ourensá Alicia Otero quedou como primeira clasificada no certame Xuventude Crea na especialidade de música, que se celebrou o domingo no Praia Club da Coruña. Cunha proposta a piano e voz, sorprendeu interpretando o Retrato e Saliva e alcatrán. O xurado considerouna como a mellor proposta da final. O premio é de 3.000 euros.

O segundo posto foi para Ana & Marián (de Noia e Outes), con temas Faros e Canto ao mar; e o terceiro para Karma Animal (Vigo), con Fénix e Marfil. Os autores das obras gañadoras tiveron que competir co resto de finalistas, entre os que se atopaban Burgas Vandal (Ourense), cos temas Inimigo e Purgatorio; Tiam Gz (Chantada), coas pezas Males endémicos e Muinhei-rap de Chantada; e Galboir (Arzúa), cos temas Noite eterna e Case todo ben.

1

Inauguración na Igrexa da Universidade en Santiago de Compostela, 1 de decembro, 12:00 horas

Nesta edición de Xuventude Crea 2021, presentáronse un total de 12 obras na especialidade de Moda e 28 obras na especialidade de Deseño de Xoias, o que supón a participación de 40 persoas, 26 mulleres e 14 homes.

De todas as obras presentadas, seleccionáronse como finalistas un total de 12 obras: 6 na especialidade de moda e 6 na especialidade de deseño de xoias.

O día 1 de decembro, ás 12:00 horas, inaugurarase a exposición destas 12 obras finalistas, na Igrexa da Universidade de Santiago de Compostela, e no acto daranse a coñecer, por parte da directora xeral de Xuventude, Participación e Voluntariado, Cristina Pichel Toimil, acompañada da vicerreitora de Igualdade, Cultura e Servizos da Universidade de Santiago de Compostela, María do Mar Lorenzo Moledo, as obras premiadas ou que recibirán mención de honra nas devanditas especialidades.

Esta exposición estará aberta ao público, con todas as medidas de seguridade, ata o 15 de xaneiro de 2022, de luns a sábado, en horario de 11 ás 14 horas, pola mañá, e de 17 a 20:30 horas, pola tarde.

Obras finalistas

Moda:
  Amazona (Crecente), coa obra "Artemis"
  Arg (Santiago), coa obra "The academy"
  Svrv (Ribeira), coa obra "Blossom"
  Silver (Vigo), coa obra "Lost"
  Storm boy (Pontevedra), coa obra "Storm boy"
  Mary-kate twin (Verín), coa obra "Out of this world"

Deseño de xoias:
  Larimar (Vigo), coa obra "Lo opuesto de lo que realmente vemos"
  A túa nova casa (Santiago), coa obra "A túa nova casa"
  Eles (Santiago), coa obra "Eles"
  Balance (Vilagarcía), coa obra "Balance"
  Natureza animal (Santiago), coa obra "Natureza animal"
  Kukú (Betanzos), coa obra "Kukú"

Nesta edición de 2021, presentáronse ao certame Xuventude Crea na modalidade de Danza Moderna un total de 9 solicitudes de grupos/solistas, nos que interveñen 24 persoas.

De todas as solicitudes presentadas, seleccionáronse como finalistas un total de 4 grupos e 2 solistas:
   Llui Waratchaya (Vigo), coa obra "Impulsive"
   Greas (Santiago), coa obra "Lonxe de eiquí"
   Macorinos (A Coruña), coa obra "Manos perdidas"
   Grow as Ohana (Nigrán), coa obra "Mantendo a esencia"
   Siete Pecados (Tui), coa obra "Siete pecados"
   Cristales (A Coruña), coa obra "The other side of paradise"


O sábado 27 de novembro, os finalistas actuarán ante a comisión de selección a partir das 17:00 horas no Museo do Mar de Galicia en Vigo, nun acto que contará con todas as medidas de seguridade e saúde esixidas fronte a Covid-19.

Unha vez rematadas as actuacións, daranse a coñecer por parte da Dirección Xeral de Xuventude, Participación e Voluntariado as persoas premiadas ou que recibirán mención de honra na devandita categoría.

Nesta edición de 2021, presentáronse ao certame Xuventude Crea na modalidade de Música un total de 19 solicitudes de grupos/solistas, nos que interveñen 36 persoas.

De todos as solicitudes presentadas, seleccionáronse como finalistas un total de 3 grupos e 3 solistas.
   Ana & Marián (Santiago), cos temas "Faros" e "Canto ao mar"
   Karma Animal (Vigo), cos temas "Fénix" e "Marfil"
   Burgas Vandal (Ourense), cos temas "Inimigo" e "Purgatorio"
   Tiam Gz (Chantada), cos temas "Males endémicos" e "Muinhei-rap de Chantada"
   Galboir (Arzúa), cos temas "Noite eterna" e "Case todo ben"
   Alicia Otero (Ourense), cos temas "O retrato" e "Saliva y alquitrán"

O domingo 28 de novembro, os finalistas actuarán ante a comisión de selección, a partir das 17.00 horas no Playa Club en A Coruña, nun acto que contará con todas as medidas de seguridade e saúde esixidas fronte a Covid-19.

Unha vez rematado o concerto, daranse a coñecer por parte da Dirección Xeral de Xuventude, Participación e Voluntariado, os grupos/solistas premiados ou que recibirán mención de honra na devandita categoría.

Xa está dispoñible o catálogo dixital das obras finalistas das especialidades de artes plásticas e fotografía do programa Xuventude Crea 2021, que inclúe fotografías e reseñas de cada unha das obras, así como os premios concedidos.

As devanditas obras están expostas na Igrexa da Universidade de Santiago de Compostela, situada na Praza de Mazarelos 2, ata o vindeiro día 26 de novembro. O horario da exposición é de luns a sábado, de 11 a 14 horas, pola mañá, e de 17:30 a 20:30 horas, pola tarde. Esperamos a vosa asistencia!

Xa podes descargar aquí o catálogo.

Entra no Instagram de xuventude (@xuventudegalicia) e participa no sorteo dunha estadía de 2 noites para 2 persoas na Casa de las Rocas da Ribeira Sacra.

 

O sorteo comeza ás 13.00 horas do 10.11.2021 e remata ás 12 horas do 25.11.2021.

 

Poden participar todas aquelas persoas mozas galegas con carné xove en vixencia.

Para participar no sorteo só tes que:

- Subir unha Story a Instagram dalgún produto/servizo adquirido co desconto do #CarnéXove.

 

-Utilizar o cancelo (hashtag) #CarnéXove, mencionar a @xuventudegalicia e indicar o nome do establecemento/marca adherido ao Carné Xove onde se fixo a compra (se ten Instagram, tamén se pode mencionar).

- Facer captura da participación e enviarlla a @xuventudegalicia vía mensaxería privada de Instagram.

Nos Espazos Xoves de Vilagarcía, Betanzos e Lalín vaise desenvolver o Galicia Gamer.
 
Trátase dun programa de actividades sobre videoxogos. En cada xornada, á mañá haberá charlas presenciais e virtuais con creadores e creadoras de videoxogos galegos. Ás tardes montaranse estacións de xogo onde se levarán a cabo campionatos de pequeno formato abertos ao público para participar. As finais destes campionatos serán emitidas en directo a última hora da tarde. nas que haberá charlas e eventos competitivos. 
 
O calendario do Galicia Gamer é o que segue: 
 
  • martes 23 de novembro: Espazo Xove de Vilagarcía. Xogarase ao Fifa21.
  • xoves 25 de novembro: Espazo Xove de Betanzos. Xogarase a Dragon Ball ZFighters e Rocket League.
  • venres 26 de novembro: Espazo Xove de Lalín. Xogarase a Smash Bros, Fifa21 e Age of Empires 2.
*Tamén haberá alguna estación de xogo para xogar sen competición.
 
O evento está dirixido a mozos e mozas de entre 14 e 30 anos. Calquera persoa que participe nos eventos competitivos terá que asinar alí mesmo unha autorización de dereitos de imaxe (polos eventos emitidos por streaming). Para máis información podes escribir a volvemosaprimeraproducciones@gmail.com
Inscrición
No caso das charlas pódese asistir sen avisar (ata completar aforo). No caso dos eventos competitivos convén avisar por correo electrónico a volvemosaprimeraproducciones@gmail.com, indicando idade e nome completo. No caso de non avisar, só se poderá acceder ao evento se o aforo non está completo.

Final de Cociña

Nov 04, 2021

stories Cocina

Nesta edición de 2021, seleccionáronse como finalistas as 4 receitas presentadas, o que supón a participación de 6 persoas mozas (3 mulleres e 3 homes).

O sábado 6 de novembro, as persoas finalistas elaborarán as súas obras dende as 10,30 horas na Aula Gastrocultural do Mercado de Abastos en Santiago de Compostela.

Os e as finalistas disporán dun tempo máximo de elaboración de dúas horas para confeccionar a súa proposta, que consistirá na elaboración dun prato salgado ou doce na que a base do mesmo será a utilización de produtos avalados polas diferentes denominacións de orixe de Galicia ou pola Federación de Prazas de Abastos de Galicia.

Unha vez rematadas as obras darase a coñecer, por parte da Dirección Xeral de Xuventude, Participación e Voluntariado, as obras gañadoras desta especialidade.

Obras finalistas

Trisquel (Santiago), co prato “Tartaleta de castañas con cremoso de queixo San Simón e coulis de pera e mostaza”

Sapoconchos (Lugo), co prato “Esencia da fraga”

Lettergrettel (Ourense), co prato “Entroidallo”

Ovella que berra, bocado que perde (Lugo), co prato “Nube de albaca e xeado de tomate de Carmen, sobre sopa fría de queixo do Cebreiro”

 ... e os premios son:

1º premio:
Francesca de Nigris, coa receita “Tartaleta de castañas con cremoso de queixo San Simón e coulis de pera e mostaza”

2º premio:
Andrea Maseda Prado e Miguel Morán Gueimonde, coa receita “Nube de albaca e xeado de tomate de Carmen, sobre sopa fría de queixo do Cebreiro”

3º premio compartido:
Michael Cebral López e Pablo Torreira Pardo, coa receita “Esencia da fraga”
Ainhoa Martínez Álvarez, coa receita “Entroidallo”

http://xuventude.xunta.es/xuventude-crea

Mavedeus, grupo de teatro de Santiago de Compostela, son os premiados na modalidade de teatro de Xuventude Crea 2021, con Agro 5g. O segundo premio foi para As catro, de Vigo, coa obra Que rima con Chomsky?, e o terceiro foi para o tamén vigués grupo Xebra, con Irremediablemente soa.

Brais Lamela Gómez, de Vilalba, e Alba Guzmán Falcón, de Ourense, son as persoas gañadoras do certame Xuventude Crea 2021 nas modalidades de poesía e novela curta, respectivamente.

Recibirán 3.000 euros e o apoio na difusión dos seus traballos galardoados. Brais Lamela presentou ao certame A linguaxe dos outros, un poemario no que o xurado distinguiu «a profundidade filosófica, a modernidade e o manexo dos recursos literarios». Pola súa banda, Alba Guzmán fíxose co premio coa narración Xoaniña de deus.

Na modalidade de poesía tamén obtiveron premios Judith Ruso Pereiro, de Negreira, con Hábitat hostil, e Navia Rivas Castro, de Santiago, con Aprender a respirar.
En total, presentáronse 38 propostas. O segundo e terceiro premio no apartado de novela curta corresponderon ao santiagués Adrián Noia Vázquez, con O país dos raposos, e Aarón Barreira Diz, de Culleredo, con Indicios esferoides. Os segundos clasificados recibirán 1.500 e euros e os terceiros, 1.000.

Na modalidade de videocreación o primeiro premio foi para Aarón Vilariño Figueiras, de Santiago de Compostela, pola obra Peixe; o segundo, para Vulgaris, de Mario Fernández Filloy, do Carballiño; e o terceiro foi compartido entre Juan Rodríguez Bas, de Gondomar, con O principio do movemento e Alba Rodríguez Villar, de Cedeira, con Quebec delta.

Na categoría de creación de videoxogos o primeiro premio recaeu en Misery, de Hopless Productions, de Manuel Silva e Pedro Peteiro, de Oleiros; o segundo foi para Valico, the grim world de Team Valico, de Iván Fernández e Luis D.Lobo de Vigo; e o terceiro foi para Underworld de Osfados, por Alba Paz e Alison Dieste, de Cambados.

http://xuventude.xunta.es/xuventude-crea