En portada (1161)

A Xunta de Galicia defendeu ante o Consello de Ministros de Xuventude do Consello da Unión Europea as propostas acordadas coas Comunidades Autónomas en materia de participación da mocidade. A conselleira de Política Social e Xuventude, Fabiola García e a Directora xeral de Xuventude, Participación e Voluntariado, Cristina Pichel participaron neste encontro en Bruxelas no que trasladaron as medidas acordadas co resto de comunidades durante os últimos meses.

Galicia ostenta a coordinación a nivel autonómico neste segundo semestre do ano. Entre as medidas recollidas no documento acordado coas comunidades autónomas establécese un maior coñecemento por parte da mocidade das institucións europeas, o fomento do intercambio cultural e a tolerancia e unha maior atención a temas que están a afectar directamente á xuventude como é a saúde mental.

A conselleira lembrou que o Goberno galego aposta por unha mocidade con voz propia, participativa e implicada na construción da Galicia do futuro. A Xunta contou co punto de vista da xuventude na elaboración do Plan Estratéxico de Xuventude de Galicia que se presentará nos próximos meses; na posta en marcha de charlas e formación en materia de saúde mental a través do Quérote+; e mediante a posta en marcha de programas como o Parlamento Xove, que os anima a investigar, dialogar e formar a súa propia opinión.

A Xunta de Galicia premia o talento e a creatividade da mocidade galega na final de Cociña do programa Xuventude Crea 2023. A final desenvolveuse na praza de Abastos de Santiago de Compostela na que o santiagués Víctor Frank Calvo Estévez resultou o gañador polo seu prato ‘Bao de mar con mariscos do mercado e emulsión de limón’.

1111

11O segundo premio foi para a noiesa Tania Castelo Martínez pola súa elaboración de ‘Filloas de Treboada’ e o terceiro galardón recaeu no coruñés Ramón Calvo Estévez e o seu prato ‘Carpaccio de volandeira y fresas en textura’ e irmán do gañador. O xurado puido escoller entre oito pratos que foron elaborados en directo na propia praza de Abastos.

 

Durante estes días o Goberno galego está a entregar os galardóns desta nova edición do Xuventude Crea que premia o talento da mocidade en catorce disciplinas. Os gañadores recibirán un premio en metálico de 3.000 euros, o segundo clasificado levará 1.500 euros e a dotación económica para o terceiro é de 1.000 euros.

 

 

As obras e artistas máis recentes de Xuventude Crea poden consultarse no museo web do programa: https://www.museoxuventudecrea.gal/

http://xuventude.xunta.es/xuventude-crea 

 

A Xunta de Galicia premia as mellores creacións en Fotografía e Artes Plásticas co programa Xuventude Crea 2023. Lucia Castro Álvarez, con ‘Todos levamos sal nos ollos’, fíxose co primeiro posto no certame de Fotografía; mentres que Abraham Alonso Méndez, coa súa pintura ‘IA 1993’, venceu na modalidade de Artes Plásticas.

As outras creacións galardoadas polo xurado do Xuventude Crea foron en Fotografía as seguintes: ‘Ellipsism’ de Iria Álvarez Liñares resultou segunda clasificada e ‘Persoas’ de Alejandra del Carmen Vera Echegaray quedou en terceiro lugar. Tamén houbo dúas mención de honra para Naiara Ayelen Carrazza Ibáñez por ‘Paisaxes da alma’ e Rodrigo Cruz Gómez, pola súa obra ‘Desarraigo’.

No que atinxe ao apartado de Artes Plásticas, en segundo lugar quedou a proposta escultórica titulada ‘Cestas Corpo’ de Yuxara Covelo Camesell, e o terceiro premio recaeu en Nerea Cordeiro Cerviño pola súa creación pictórica ‘Cidades telaraña’. Ademais, concedéronse dúas mencións de honra a Iago Fontoira Araujo, que presentou a escultura ‘Reflexos de encontro’ e a Nerea Gundín Fraga pola pintura ‘Bandeira’.

Todas estas obras gañadoras máis as finalistas desta edición poden apreciarse ata o vindeiro 9 de decembro nunha exposición aberta ao público na Igrexa da Universidade de Santiago de Compostela. A esta última fase do certame chegaron 30 propostas: 16 na categoría de Fotografía e 14 na de Artes Plásticas.

As persoas gañadoras recibirán un premio en metálico de 3.000 euros, os segundos clasificados levarán 1.500 euros e a dotación económica para os terceiros é de 1.000 euros.

As obras e artistas máis recentes de Xuventude Crea poden consultarse no museo web do programa: https://www.museoxuventudecrea.gal/

http://xuventude.xunta.es/xuventude-crea

 

A Xunta de Galicia premia o talento e a creatividade de Eloy Vidal Varela (Corme, Ponteceso), Antía Vázquez Pantín (Vimianzo) e Pablo Castro Lema (Oleiros), que conforman o grupo Alana, gañadores do programa Xuventude Crea 2023 nabpremioxuventudecrea2 categoría de Música. Os títulos das creacións musicais coas que estes mozos se fixeron co primeiro lugar foron ‘Liñares’ e ‘Consuelo de Muiñeira’.

En segunda posición quedou Juan Arca Figueroa (Santiago de Compostela), coas pezas de música ‘Cinco fiestras e ‘Dúas lontras’; e Estela Rodríguez Rodríguez (Ourense) resultou a terceira clasificada tras interpretar dúas pezas clásicas ‘Só de Concours de André Messager’ e ‘Homenaxe a Bach de Béla Kovacs’. Ademais, o xurado concedeu unha mención de honra a Daniel Fernández Filloy (O Carballiño) polas obras ‘Tráxicos’ e ‘El tercer impacto’.

A final desta especialidade, unha das catorce que contempla o programa Xuventude Crea, celebrouse o domingo 12 de novembro no Playa Club da Coruña, onde o público desfrutou dun concerto coas 16 obras que chegaron a esta fase. Os gañadores recibirán un premio en metálico de 3.000 euros, o segundo clasificado levará 1.500 euros e a dotación económica para o terceiro é de 1.000 euros.

As obras e artistas máis recentes de Xuventude Crea poden consultarse no museo web do programa: https://www.museoxuventudecrea.gal/

http://xuventude.xunta.es/xuventude-crea

A Tarxeta Xente Nova é a tarxeta de transporte metropolitano de Galicia que te permite realizar viaxes interurbanas gratuítas EN TODA GALICIA!!! 

Ampliase o prazo para utilizala a todo o ano 2024.

Quen a pode utilizar? Mozos e mozas de entre 4 e 20 anos. Cando cumpras 21 poderás seguir usando a tarxeta ata que se esgote o saldo.

En que liñas de transporte se pode usar? Os/as menores de 21 anos poderán viaxar gratis no transporte público interurbano que depende da Xunta de Galicia, calquera que sexa a súa orixe e destino. 

tarxetaxentenova

Como conseguila?
Solicita cita nesta páxina: https://solicitudonline.abanca.com/Tarjetas/gl/txn
Ao facilitar os datos que se solicitan xerarase unha cita na oficina Abanca máis próxima. Non é necesaria unha conta asociada.
Unha vez alí, só necesitarán o teu DNI. A tarxeta é gratuíta. Lembra que, se aínda non cumpriches os 18 anos, deberá solicitala o teu representante legal, que, xunto co teu DNI, só terá que levar o seu DNI e o libro de familia ou documentos equivalentes.
Hai que cargar a tarxeta antes de poder viaxar con ela.

Como recargala?
En todas as oficinas e caixeiros de Abanca.
En efectivo ou con tarxeta de dédito de Abanca. Con tarxetas de crédito ou doutras entidades poden existir comisións bancarias.
Banca Móbil e/ou Banca Electrónica de Abanca: podes recargala desde o móbil ou o ordenador, e introducila en calquera caixeiro Abanca para que a carga se faga efectiva.

Como viaxar con ela?
Para recibir a túa bonificación só deberás introducir a tarxeta en calquera caixeiro Abanca e automaticamente recibirás o aboamento das viaxes realizadas.
Todas as viaxes interurbanas reembolsaranse cada 15 días, ata un máximo de 60 viaxes mensuais.
Para recibir a túa bonificación só tes que introducir a túa tarxeta en calquera caixeiro de Abanca e aceptar o reintegro. Automáticamenete recibirás o aboamento das viaxes realizadas.
O importe dos reembolsos cargaranse segundo a tarifa aplicada en cada momento.

Se queres aclarar algunha dúbida podes facelo no enderezo tmg@xunta.gal ou no teléfono 988 687 800

Máis información en https://www.bus.gal/gl/xente-nova

Xa imos tendo gañadores do Xuventude Crea’23! Queredes coñecer aos mozos e mozas premiados da categoría de Arte urbana e Teatro?

 

Arte Urbana!
1º premio para Miguel Aurelio Cajaraville Mosquera, coa obra “O mundo é teu”. @honey23pv
2º premio para Pedro Gonzalo García, coa obra “Geometric space”. @base.331
3º premio para Jorge Riveiro Cousillas, coa obra “O futuro é noso”.
Mención de honra para Abraham Alonso Méndez, coa obra “Kintsugi y al galope”. @aaabraaan

234

 

 

 

 

 

 

 

 

 

 

 

 

Teatro!
1º premio para As Guapilongas, coa obra “Prázdno”. @incertidume mariiafarinhas
2º premio para Sarabia Teatro, coa obra “Diario dun tolo”.
3º premio para Teatro D’o Carón, coa obra “Ao fin, Hamlet”. @teatrodocaron
Mención de honra para Erantres, coa obra “Tres mistos”.

6t7t8t

 

 

 

 

 

 

 

 

 

 

 

 

Parabéns a todos e a todas!!

Ganas das seguintes categorías? Esta fin de semana (11 e 12 de novembro) adiantámosvos que temos dobrete con Videocreación (sábado na sala Numax de Santiago, no marco do Cineuropa!) e Música (domingo no Playa Club de A Coruña)

A directora xeral de Xuventude, Participación e Voluntariado, Cristina Pichel, asistiu en Bruxelas a unha das reunións de traballo en materia de xuventude do Consello da Unión Europea (UE). Durante este semestre do ano, Galicia ostenta a representación autonómica deste grupo de traballo, no que participan todos os Estados membros.

Durante esta reunión tratouse un documento sobre a participación xuvenil nos procesos de toma de decisións da UE e en anteriores ocasións tamén se abordaron cuestións sobre a saúde mental da xente moza.

O Programa de voluntariado de Acompañamento nos Hospitais e Centros de Saúde, impulsado pola Consellería de Política Social e Xuventude e o Servizo Galego de Saúde, é un proxecto de humanización que consiste na realización por persoas voluntarias de actividades de acompañamento, apoio e información ás persoas usuarias que reciben asistencia sanitaria nalgún centro público, en coordinación coas diferentes xerencias das áreas sanitarias.

Este programa está implantado inicialmente en dúas das sete áreas sanitarias de Galicia: a de Lugo e a de Ourense, que xa contan con proxectos específicos orientados a desenvolver actividades de humanización nos hospitais e centros de saúde implicados.

O obxectivo principal é axudar ás persoas usuarias do sistema público de saúde, que previamente foron atendidas nos puntos de información polo persoal do Sergas, sobre os recursos e servizos existentes no hospital ou centro de saúde e o acompañamento ao destino de ser necesario, así como o enriquecemento persoal das persoas voluntarias que facilitan o benestar persoal das persoas usuarias.

Entre as actividades de voluntariado que se poden levar a cabo dentro do programa atópanse as seguintes:

- Voluntariado de apoio á información, sobre os recursos e servizos existentes no hospital ou centro de saúde co acompañamento a estes.
- Voluntariado social, que implica o acompañamento en programas específicos e actividades lúdicas, de participación social, actividades de apoio e accesibilidade, de integración (conversación, paseo, lectura) desenvolvidas pola área de humanización de cada hospital ou centro de saúde.

Poderá participar calquera persoa maior de idade que, de xeito altruísta e solidario, desexe realizar as actuacións descritas contribuíndo deste xeito, á humanización e benestar das persoas nos centros hospitalarios.

Información e formulario de inscrición

Outono Xove 2023

Out 26, 2023

Por terceiro ano consecutivo, a Xunta de Galicia pon en marcha unha nova edición de Outono Xove, un programa de educación non formal durante o outono con actividades formativas e de lecer para a mocidade galega durante os meses de novembro e decembro.

Trátase dunha actuación da Xunta de Galicia co financiamento do Ministerio de Igualdade, en desenvolvemento do Plan Corresponsables.

O programa Outono Xove 2023 está dirixido a mozos e mozas empadroados en Galicia que teñan entre 14 e 30 anos no momento de asistencia á quenda para a que se presenta a solicitude. Os grupos de participación dividiranse en dous tramos de idade: de 14 a 17 anos e de 18 a 30 anos.

As actividades comezarán a partir do 3 de novembro.

Ofértanse 900 prazas nos 8 programas que conforman a actividade, cun máximo de 20 prazas en cada unha das opcións e fins de semana.

A cota de participación será de 25 euros. Por ser membro de familia numerosa ou monoparental e por ser titular do Carné xove, sempre e cando a tarxeta estea debidamente activada, aplicarase un desconto do 25% sobre o prezo. As persoas participantes aboarán, nestes casos, 18,75 euros.

O desprazamento ata as instalacións onde se vai desenvolver o programa vai por conta das persoas que participan, tanto o día de incorporación como o día do remate da actividade.

MOI IMPORTANTE: O prazo de inscrición comezará o día 27 de outubro ás 10.00 horas e será mediante formulario en liña. No formulario só se poderá elixir unha quenda. As prazas asignaranse por estrita orde de chegada dos formularios.

 

Formulario de 14 a 17 anos Pechada a inscrición

 

Formulario de 18 a 30 anos Pechada a inscrición

 

Consulta aquí a toda a información do programa

 

Os días 20 e 21 de outubro de 2023 terá lugar as Xornadas de Xuventude da Eurorrexión Galicia-Norte de Portugal organizadas pola Federação Nacional das Associações Juvenís Portuguesa (FNAJ), no marco do proxecto Eurocidade 2030 Chaves-Verín, no que a Xunta de Galicia é socia a través da Dirección Xeral de Xuventude, Participación e Voluntariado e a Fundación Galia Europa, xunto á Federação Nacional das Associações Juvenís Portuguesa (FNAJ), o Instituto Português de Desporto e Juventude (IPDJ) e a AECT Eurocidade Chaves Verín.

As xornadas terán como finalidade establecer un foro de discusión e de participación das persoas mozas nos ámbito da inclusión, a cultura, a cooperación e a formación e emprego,  co obxectivo de favorecer e potenciar o desenvolvemento da eurorrexión.

Inscríbete e participaactivamente xunto con outros mozos e mozas da Eurorrexión Galicia-Norte de Portugal. 

Lugar: Chaves-Verín.

Datas: 20 e 21 de outubro.

Destinatarios/as: mozos e mozas galegos con idades comprendidas entre os 18 e os 30 anos, ambas inclusive.

Prazas: 20 prazas.

Inscrición: mediante formulario electrónico.

A inscrición nesta actividade implicará a autorización expresa do/a mozo/a participante da cesión dos seus datos á Dirección Xeral de Xuventude, Participación e Voluntariado e á FNAJ aos efectos exclusivos de organización da actividade.

Prazo de inscrición: do 27 de setembro a 13 de outubro.

Admisión: será por rigoroso orde de inscrición, ata cubrir a totalidade de prazas convocadas. Os/as solicitantes seleccionados/as recibirán un correo electrónico de confirmación da praza. Unha vez finalizado o prazo de inscrición, de non recibir comunicación nos tres días seguintes, entenderase que non obtivo praza.

Inscrición gratuíta, que inclúe:

- Aloxamento en réxime de pensión completa en cuarto de uso múltiple.

- Transporte ida e volta dende Santiago de Compostela ata o lugar da xornada.

Máis información: programas.xuventude@xunta.es

Este proxecto Eurocidade 2030 Chaves-Verín conta co finanzamento do Programa Interreg España-Portugal (POCTEP 2021-2027).

 

 

 

logo interreg