Inicio Escolas de tempo libre
Escolas de tempo libre PDF Imprimir

 

As Escolas de Tempo Libre son centros de formación específicos de educación non formal no eido do tempo libre. Están reguladas na nosa Comunidade Autónoma polo Decreto 50/2000 ( do 20 de xaneiro, polo que se refunde e actualiza a normativa vixente en materia de xuventude) e o Decreto 58/2012 (do 12 de xaneiro, polo que se modifica o Decreto 50/2000, do 20 de xaneiro, polo que se refunde e actualiza a normativa vixente en materia de xuventude para a súa adaptación á Directiva 2006/123/CE do Parlamento Europeo e do Consello, do 12 de decembro de 2006, relativa aos servizos do mercado interior).

A formación que se imparte nestas escolas é:

 

Solicitude do titulo no eido do tempo libre (monitor/a ou director/a de tempo libre)

Unha vez finalizado e superado o curso de monitor/a, director/a de tempo libre ou director/a de campo de traballo tanto na parte teórica como na práctica, a Escola de Tempo Libre deberá   solicitar a esta Dirección Xeral de Xuventude e Voluntariado (DXXeV) o título correspondente (artigo 77). A documentación que deberá remitirse é a seguinte:

  • Modelo normalizado de solicitude 
  • Documento acreditativo do pagamento das taxas. Este documento debe de ser cuberto cos datos da persoa para a que se vai solicitar o título, non pode cubrirse a nome da escola.

                          - Preme aquí  para xerar o documento de pagamento das taxas

                          - Códigos para cubrir a taxa

                          - Entidades financeiras colaboradoras

  • Acta de avaliación da fase teórica  e da fase práctica onde se indique o/s nome/s da persoa/s que superaron estas fases e para quen se solicita o título. Nestas actas, deberán indicarse os seguintes datos de cada unha das persoas que figuren nas actas: nome e apelidos, nº DNI e data de nacemento

Todas as Escolas de Tempo Libre de Galicia teñen que estar inscritas obrigatoriamente no Rexistro de Escolas de Tempo Libre da Comunidade Autónoma Galega. Se queres podes consultalas no seguinte mapa segundo a provincia na que esteas interesado/a:

ETL_Coruna

ETL_Lugo

ETL_Pontevedra

ETL_Ourense

 

 

Homologación de títulos de tempo libre no eido da educación non formal

Se  tes un título de educación non formal  no eido do tempo libre  de monitor/a ou director/a de tempo libre expedido por calquera órgano competente das comunidades autónomas  ou de calquera Estado membro da Unión Europea, será preciso que inicies o proceso de homologación dos mesmos, aportando a seguinte documentación ben de xeito presencial ou en sede electrónica (artigo 78):

  • Documento acreditativo de ter realizado o pagamento da taxa correspondente

           - Preme aquí para xerar o documento de pagamento das taxas

           - Códigos para cubrir a taxa

           - Entidades financeiras colaboradoras

  • Certificación ou copia compulsada do título que se pretende homologar pola autoridade competente
  • Fotocopia compulsada do DNI ou documento acreditativo do país de orixe (no caso de non dar  autorización)
  •  Documentación acreditativa do contido formativo do título recoñecido pola autoridade competente, expedida pola escola de tempo libre ou órgano de natureza análoga que impartise o curso

Requisitos e trámites para crear unha Escola de Tempo  Libre (ETL)

Para o recoñecemento dunha escola e a súa inscrición no Rexistro de Escolas de Tempo Libre da Comunidade Autónoma Galega,  é preciso cumprir unha serie de requisitos establecidos na normativa vixente  (Decreto 50/2000 e Decreto 58/2012).

É importante que teñades en conta cando pensedes en comezar o proxecto de apertura dunha ETL que estas non teñen entidade xurídica propia, polo tanto a titularidade das mesmas recaerá sempre sobre unha persoa xurídica (asociación, empresa,..) ou sobre unha persoa física.

Documentación a presentar nun rexistro oficial ou por sede electrónica:

  1. Declaración responsable
  2. Documento acreditativo do pagamento das taxas:

           - Preme aquí para xerar o documento de pagamento das taxas

           - Consulta aquí os códigos para cubrir o documento de pagamento de taxas

           - Consulta aquí as entidades financeiras colaboradoras

Documentación que deberá estar en posesión das escolas pero que non é preciso presentar:

  • Acreditación da titularidade co centro.
  • Proxecto educativo e sistema educativo da escola, coa especificación das modalidades de ensinanza que se van a impartir
  • Descrición detallada dos medios materiais e educativos dos que disporá. A este respecto, todas as escolas de tempo libre deberán contar cun local que, como mínimo, disporá dos seguintes espazos diferenciados: espazos de atención ao público, aula, espazo específico de arquivo e sala de reunións para o profesorado.
  • Os programas específicos do centro para os diferentes niveis que se pretenden impartir, de acordo cos contidos do título III deste decreto.ANEXOS 7-8-9
  • Acreditación suficiente de que o director ou directora e o profesorado posúen as titulacións esixidas no artigo 63 do Decreto 50/2000.
  • Xustificación e documentación acreditativa das posibilidades de realización da fase de prácticas que a escola de tempo libre lle ofrecerá a todo o seu alumnado.
  • Estatutos da escola de tempo libre que conterán, como mínimo, os seguintes datos: Denominación da escola de tempo libre, que non poderá coincidir nin ser similar con outras xa inscritas no  Rexistro de Servizos á Xuventude; domicilio Social; órganos de dirección, goberno e administración; ámbito territorial en que desenvolverán as súas actividades; réxime económico, con determinación da procedencia e destino dos seus recursos económicos.

 

 

Para máis información podes chamarnos a calquera dos seguintes teléfonos: 981 957 057/ 981 544 735/881 999 189, ou ben dirixirte ao enderezo electrónico: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

 

 

Ir atrás    Ir arriba