Novas e actividades (988)

O Parque Tecnolóxico de Galicia -Tecnópole- acaba de publicar en galego a guía Que quero ser de maior?. Forma parte do proxecto “Ciencia e Tecnoloxía en feminino” desenvolto pola Asociación de Parques Científicos e Tecnolóxicos de España -APTE-, na que está integrada Tecnópole.

Nesta guía ilustrada recóllense algúns exemplos de estudos científicos e tecnolóxicos e as súas posibles saídas profesionais.

O obxectivo deste proxecto, que este ano cumpre a súa terceira edición, é lograr que aumente a porcentaxe de alumnas que elixen a especialidade de Ciencias ou Tecnoloxía en Educación Secundaria e opten posteriormente por carreiras de CTIM (Ciencia, Tecnoloxía, Enxeñería e Matemáticas) ou tamén denominado co seu equivalente en inglés como STEM (Science, Technology, Engineering and Mathematics).

https://www.tecnopole.es/sites/default/files/pdf/QUE%20QUERO%20SER%20DE%20MAIOR.pdf 

O Observatorio do Patrimonio Lúdico Galego ofrece na súa web centos de recursos sobre os nosos xogos e xoguetes tradiconais, entre outras informacións de interese. Mesmo inclúe unha sección con xogos e xoguetes de fabricación caseira para a corentena derivada da Covid-19.

É útil para as familias, os educadores e as persoas responsables de actividades de tempo libre, entre outros.

http://www.xogostradicionais.gal/

 

A Comisión Interuniversitaria de Galicia, CIUG, publica na súa web as instruccións específicas para o alumnado sobre como se desenvolverá a ABAU, tamén podedes ver un vídeo explicativo

Instruccións: https://ciug.gal/PDF/instrucionsabau.pdf

Horarios das probas: https://ciug.gal/PDF/horarioabau.pdf

Vídeo explicativo: https://www.youtube.com/watch?v=Cze9Wb7yPl0&feature=youtu.be

ABAUVIDEO

 

No DOG do 19 de maio de 2020 publícanse as instruccións para que o alumnado universitario poda desprazarse aos seus aloxamentos para recoller e desaloxar:

Por proposta dos tres reitores das universidades galegas, o Cecop adopta o seguinte acordo:

"Interpretar como situación de necesidade aquela en que se encontra o estudantado matriculado nalgunha das tres universidades do SUG para os efectos do desprazamento necesario para recollida e desaloxo, se é o caso, por unha soa vez, dos aloxamentos contratados para o curso 2019/20, ou a recollida de materiais nas residencias universitarias.

Cada universidade habilitará, para estes efectos, o procedemento correspondente para facilitar a indicada mobilidade, emitindo certificación persoal e intransferible para a realización dunha soa viaxe, indicando a data e o enderezo do aloxamento de destino"

DOG do 19 de maio de 2020

Na web do Instituto da Mocidade, Injuve, podedes ver os vídeos seleccionados e os gañadores do concurso #30díasencasa.

Estes vídeos reflicten uns segundos das nosas novas vidas, momentos, sensacións, emocións, aspiracións, medos e como non, humor. En 30 segundos, os gañadores souberon contar que é para eles o confinamento e o reto que supón volver á normalidade.

http://injuve.es/creacionjoven/noticia/videos-30diasencasa 

Para que todas as vosas consultas virtuais dirixidas á Sección de Información ao Estudante (SIE) sexan máis doadas, a Universidade de Vigo pon en marcha unhas sesións semanais #ConectaCoSIE nas que o futuro alumnado poderá conectarse co persoal do SIE a través do vídeochat para solucionar as súas dúbidas sobre o acceso e a matrícula.

As sesións de vídeochat realizaranse a través da plataforma Campus Remoto todos os xoves de 11.00 a 13.00 h.

Para acceder só tes que premer nesta ligazón: https://campusremotouvigo.gal/access/public/meeting/996569058 e entrar co perfil de estudante indicando o teu nome e a clave pdJK7w57

Ante o desconfinamiento, desde o Proxecto LIBERA, de SEO/ BirdLife en alianza con Ecoembes, solicítannos que reflexionemos sobre a importancia de non só protexer a saúde persoal e da de terceiras persoas, senón facelo igualmente coa do Planeta.

A situación xerou a utilización masiva de luvas e máscaras por parte da poboación, sendo produtos que, en moitos casos, non poden ser reutilizados. É por iso que, desde o Proxecto LIBERA, pídennos á sociedade responsabilidade absoluta ante este novo residuo para que acabe na papeleira da rúa ou no contedor de resto dasnosas casas e non no chan de contornas urbanas, periurbanos ou rurais, xa que podería converterse nunha nova tipoloxía de basuraleza (lixo abandonado na natureza) e xerar un gran impacto contaminando os espazos naturais.
De feito, nalgunhas praias de China, xa apareceron este tipo de residuos. Hai que evitar, por tanto, que as nosas praias sigan a mesma dinámica.

https://www.youtube.com/watch?v=UrPyor58PEs&feature=emb_logo

Youth Wiki é unha plataforma en liña que presenta información sobre as políticas de mocidade dos países europeos.

O obxectivo principal de Youth Wiki é apoiar a cooperación europea baseada na evidencia no campo da mocidade. Faino proporcionando información sobre políticas nacionais en apoio dos mozos e mozas, dunha maneira fácil de usar e continuamente actualizada.

Actualmente, 29 países participan en Youth Wiki.

Cal é o contido das páxinas de Youth Wiki?
O contido de Youth Wiki está conformado polas prioridades políticas establecidas pola Comisión Europea e os Estados membros no marco da cooperación europea no ámbito da mocidade.

En particular, desenvólvese co fin de apoiar os principais compromisos a nivel europeo e o desenvolvemento de políticas para os campos de acción identificados na Estratexia da Mocidade da UE.

A información é proporcionada e actualizada anualmente polos correspondentes nacionais (NC), designados polos gobernos de cada país participante. É esencialmente cualitativo e permite a análise de reformas e tendencias nas orientacións políticas nos países participantes.

A principal fonte de información consiste en documentos oficiais procedentes das autoridades nacionais de alto nivel no campo da mocidade, é dicir, as autoridades responsables da política de mocidade en cada país.

Os CN tamén se refiren a estudos, enquisas, análises ou avaliacións / avaliacións realizadas directamente polas autoridades públicas ou encargadas a centros de investigación, expertos, grupos de expertos e similares.

As descricións nacionais de cando en cando informan datos e estatísticas nacionais, xa que a miúdo recompílanse a través de metodoloxías específicas do país cuxos resultados só pódense comprender no contexto nacional.

Youth Wiki en España:
https://eacea.ec.europa.eu/national-policies/en/content/youthwiki/overview-spain 

O 15 de maio terá lugar o primeiro dunha serie de encontros online con especialistas de distintos campos das industrias culturais e creativas.

Os Foros #aculturasegue convidan ao debate e á análise dos retos aos que se enfronta o sector cultural na era post COVID-19. A actividade constará dun total de oito sesións en formato videoconferencia, que poderán seguirse de balde previo rexistro.
Abordarán temas como os desafíos que se abren ante os sectores da música, das artes escénicas ou do libro no contexto actual marcado pola crise sanitaria, pero tamén cuestións como novos formatos e mercados, novas fórmulas de xestión de dispositivos culturais ou o novo perfil de consumidor de eventos culturais.

15 maio. 18:00 h. Retos nos contidos dixitais da cultura
Na primeira sesión dos Foros #aculturasegue abordaranse os desafíos e oportunidades que as novas plataformas e ferramentas tecnolóxicas presentan aos profesionais e institucións culturais no contexto actual. Para tratar estes temas participarán a responsable de programas virtuais do Museo Reina Sofía, Olga Sevillano Pintado, e o comisario de exposicións e coordinador de proxectos dixitais do Consello da Cultura Galega, Manuel Gago Mariño, nunha conversa conducida pola comisaria do Xacobeo 2021, Cecilia Pereira Marimón.

Nas vindeiras semanas desenvolverase as diferentes sesións, centrados nos seguintes temas:
   Retos nos contidos dixitais da cultura
   Retos do sector da música na era postcovid
   Retos do sector das artes escénicas na era post-covid
   Retos do sector das artes visuais na era post-covid
   Retos do sector do libro na era post-covid
   A confianza dos consumidores cara a participación en eventos culturais e o perfil do consumidor na era post-covid
   Novos formatos e mercados
   Novas fórmulas de xestión de dispositivos culturais

https://www.cidadedacultura.gal/gl/evento/foros-aculturasegue-reflexions-sobre-cultura-na-era-post-covid19 

A Deputación de Pontevedra iniciou Caramonia, unha novela xuvenil interactiva que asinan catro autoras e autores galegos e que arrincou o luns 11 de maio na Rede.

Coa presentación do primeiro das e dos seus catro personaxes principais, Roque, arrancou na rede Instagram a novela Caramomia, a nova iniciativa cultural que promove a institución provincial e que busca “implicar a mocidade na lectura a través da publicación por entregas desta historia xuvenil de misterio”.

Tralo proxecto, asinando os capítulos, atópanse Ledicia Costas, María Lado, Daniel Landesa e O Hematocrítico (pseudónimo de Miguel López).

A obra, que se pode ler tamén na propia páxina da Deputación de Pontevedra, vai dirixida á mocidade a partir dos dez anos e foi ideada por estas e estes catro creadores nestes días de confinamento (de feito, a ficción transcorre tamén na corentena). Está protagonizada por catro rapazas e rapaces, Roque, Brando, Mafalda e Mabel e, como apunta a súa sinopse, haberá un feito que altere a monotonía dos días de illamento: o roubo dunha valiosa peza do museo.

Despois dos catro primeiros capítulos (estes publicaranse os luns, mércores, venres e sábados), que servirán para a presentación dos protagonistas e da trama, establecerase ao final de cada entrega un sistema de votacións no que se darán opcións para que as e os lectores decidan por que camiño vai avanzando a resolución do misterio. Costas salientou que “a historia antiga terá unha importancia moi relevante, de aí o título de Caramomia”, e apuntou que o deseño gráfico da novela é de Daniel Landesa.

A historia publicarase ata o 20 de xuño en Instagram e na páxina web da Deputación e as ligazóns iranse compartindo tamén nos outros perfís da institución provincial nas redes sociais Instagram, Twitter e Facebook.

https://www.instagram.com/caramomia/