Novas e actividades (988)

A finalidade deste programa é a concesión dunha axuda económica ás persoas traballadoras autónomas para facer fronte á situación económica motivada pola pandemia da COVID-19 que contribúa ao mantemento da actividade económica e do emprego. O prazo de execución da operación vai desde a data da súa publicación no Diario Oficial de Galicia ata o 31 de decembro de 2020.
 
As axudas serán:
a) 1.200 € para as persoas traballadora autónoma que cumpran cos requisitos
b) 2.000 € para aquelas persoas traballadoras autónomas en sectores cuxa actividade estivera especialmente paralizada

As solicitudes deberán presentarse na sede electrónica da Xunta de Galicia, https://sede.xunta.gal co procedemento TR400A
O prazo para presentar solicitudes estará aberto ata o 18 de decembro de 2020.
Máis información no DOG do 18 de novembro de 2020

Esta semana Girl STEM conversa coa veterinaria ferrolá, Rebeca Atencia, que está á fronte do centro de rehabilitación de chimpancés de Tchimpouga (República Democrática do Congo), dependente da Fundación Jane Goodall.

AGASOL e a Xunta de Galicia, a través da AMTEGA, continúan así este ciclo de conversas, enmarcado no Plan de Promoción do Talento Dixital da AMTEGA, que busca a reducir a fenda de xénero que existe entre mulleres e homes nos estudos nos campos STEM (Ciencia, Tecnoloxía, Enxeñería e Matemáticas).

Na conversa, realizada por Bárbara Román, avogada responsable de Nolegaltech -unha empresa galega especializada en dereito tecnolóxico- Rebeca Atencia afirma que «ao principio ser muller foi un impedimento, pero ao final transformouse en algo positivo porque acabaron dando máis valor ao meu traballo». Neste sentido, a primatóloga aconsella ás rapazas novas «que crean nelas mesmas, se realmente soñan con algo, por moi raro e inalcanzable que pareza».

Entrevista: https://youtu.be/37kRlzfPwhc

A Consellería de Educación distribuirá máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21.

Alumnado destinatario
O alumnado matriculado en educación primaria, educación secundaria obrigatoria e educación especial que:
1. Fose beneficiario da axuda para adquirir material escolar.
2. Non fose beneficiario da axuda para adquirir material escolar por diferentes circunstancias, pero:
 a) Pertenza a familias cunha renda per cápita igual ou inferior a 6.000 €.
 b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar.

As solicitudes deberán presentarse presencialmente no centro docente onde estea matriculado o alumno co formulario ED330E, dispoñible na sede electrónica da Xunta de Galicia, https://sede.xunta.gal, no centro docente e no portal educativo http://www.edu.xunta.gal.
O prazo para presentar solicitudes estará aberto ata o 27 de novembro de 2020.
Máis información no DOG do 13 de novembro de 2020

Saber o porqué, o onde, o cando e canta basuraleza nos rodea é o principio para liberarnos dela. Por iso, desde Proxecto Libera convídanvos a participar na nova convocatoria de "1 m2 polo Campo, os Bosques e o Monte". Unha nova acción de ciencia cidadá que se celebrará entre o 12 e o 20 de decembro de 2020.

O Proxecto Libera pretende contribuír a acabar co grave problema que supón o abandono de lixos e residuos nos espazos naturais grazas a unha nova acción de ciencia cidadá.

As circunstancias obrígannos a coidarnos máis que nunca e a tomar medidas excepcionais, Proxecto LIBERA adopta unhas medidas especiais para poder desenvolver a actividade da maneira máis responsable posible. Unha das medidas máis importantes é que os grupos de recollida deberán ser de entre 2 e 6 persoas por cada punto. Para o resto dos detalles sobre limpeza, desinfección e organización, podedes consultar o seu protocolo COVID19. Ademais, todos deberemos seguir as recomendacións de seguridade que diten as Comunidades Autónomas. Algunhas das medidas:

- Os grupos de recollida non deberán ser de máis de 10 persoas por cada punto.
- Limpeza e desinfección de mans e pel en xeral, así como superficies e útiles. Lavándose as mans con auga e xabón e/ou desinfectante con frecuencia.
- Inclúese nos materiais para enviar un bote con xel hidroalcohólico para a limpeza e desinfección (ata esgotar existencias).
- Manter a distancia social de seguridade de 2 metros
- Uso de máscaras en todo momento (así como luvas) a pesar de manter a distancia de seguridade.​
- Evitar saúdos con contacto.
- Non compartir nada: roupa, materiais, comida...

1 m2 polo campo, os bosques e o monte, contribúe grazas a todos vós a coñecer a tipoloxía e características da  basuraleza abandonada grazas aos vosos datos.

A esta iniciativa poderanse unir organizacións, Ong, asociacións e grupos de voluntarios.
Tes ata o 6 de decembro para abrir o teu punto!

https://proyectolibera.org/proximos-eventos/ 

Entre o 23 e 27 de novembro desenvolverase unha nova edición da feira de emprego Talentia Summit ‘20, que organiza o concello de Santiago, e que este ano contará coa participación de máis de cen empresas, ofertas de emprego a nivel estatal e máis de mil prazas de formación. Este ano, a causa da crise sanitaria provocada pola COVID19, emitirase case na súa totalidade en formato on-line; adaptándose así ás restriccións de aforos provocadas pola crise sanitaria. Non obstante, tamén se convocarán sesións híbridas emitidas por streaming para as poucas actividades que requiran asistencia en persoa.

No actual contexto económico, Talentia Summit ‘20 representa unha oportunidade para integrarse no mercado laboral, ou para buscar novas perspectivas profesionais. E faino coa proposta de enfrontar a complexidade dun modo distinto: o talento humano e o desenvolvemento das innovacións tecnolóxicas como o principal activo a ter en conta para a reconstrución económica e social.

As persoas que se inscriban e/ou participen en Talentia Summit ‘20 poderán presentarse ante os responsables de recrutamento de empresas; acreditarse mediante certificacións de competencias dixitais ou idiomas; asistir a conferencias, obradoiros ou webinars; e outras moitas actividades que os axudarán na mellora das súas competencias profesionais.

Está previsto que a principios de novembro se abra o prazo para reserva de prazas a través da web de Talentia Summit‘20.

https://www.talentiasummit.com/gl/

prodis

 

A Fundación Prodis e Ecovidrio lanzan unha campaña solidaria. Este Nadal queren demostrar que a música non ten barreiras. Por iso crearon un hit ECO cun coro moi especial.
O reto? Se chegan a 1 millón de reproducións en Youtube, doarán 6000 euros á Fundación Prodis.

https://www.youtube.com/watch?v=EI2tULbn31k&feature=youtu.be

A Direção Regional do Norte do Instituto Português do Desporto e da Juventude (IPDJ), en colaboración coa  a Academia LIPOR e a Asosociação Semente, ten previsto realizar a acción formativa We’re In[novation], en formato e-learning, do 23 ao 27 de novembro de  2020.

Esta actividade desenvolvese no marco do proxecto Eurocidade 2020, aprobado o abeiro do programa Interreg V-A España-Portugal (POCTEP) 2014-2020, co  cofinanciamento FEDER.
So socios do proxecto Eurocidae_2020: AECT Eurocidade Chaves-Verín; Dirección Xeral de Xuventude, Participación e voluntariado; Fundación Galicia Europa; Instituto Poruguês do Desporto e Juventude (IPDJ), Federación Nacional de Associações Juvenis Portugesa (FNAJ); Concello de Verín e Municipio de Chaves.

Obxectivos xerais:
- Proporcionar competencias esenciais para ao desenvolvemento de prácticas innovadoras entre as persoas mozas.
- Fomentar o reciclaxe de múltiples materiais.
- Reforzar a educación para a correcta xestión e valorización dos residuos
- Promover o espírito empresarial e a autonomía
- Dinamizar unha rede de contacto que potencie a integración no mercado laboral

Metodoloxía:
Esta acción realizase a través dunha plataforma dixital, permitindo unha interacción dinámica entre formadores e formados.

Destinatarios:
Mozos e mozas do Norte de Portugal e Galicia con idades comprendidas entre 18 e 30 anos; recén titulados ou finalizando a súa formación, con interese en temas de innovación, economía  circular, xestión de residuos e medio ambiente.

Prazas:  20 participantes

Data e horario:  Do 23 ao 27 de novembro en horario de luns a venres de  9.00 a 16.00 horas

Prezo:  Gratuíta para tódolos participantes, inclúe entrega de certificado e premio en metálico a mellor idea presentada.

Inscricións:  Ata ao día 18 de novembro

Ficha de Inscrición

Estrutura Curricular
Dia 1: Inovação e o setor dos resíduos

Overview do setor dos Resíduos. Inovação como Ferramenta. Estratégias, fundos e Inovação

Dia 2: Inovação e produção

Responsabilidade alargada do produtor. Ecodesign. Economia Circular vs Greenwashing. Casos Práticos- Inovação e produção. Career Talks

Dia 3: Inovação e valorização

Desafios Atuais. Futuro da Valorização de Resíduos. Digitalização. Casos Práticos - Inovação e valorização. Recicla-te.

Dia 4: Inovação e destino final

Produção de produtos a partir de resíduos. Urban mining e landfill mining. Casos práticos. Inovação e Destino final

Dia 5: Apresentação final e encerramento

We´re in[novation] - Pitchs. Sneak peek at the future—o futuro da gestão de biorresíduos

 

A Casa das Ciencias, a Domus e o Aquarium Finisterrae desenvolveron un conxunto de actividades para os grupos escolares que desexen visitalos e gozar das súas experiencias sen saír da aula. As visitas virtuais, que se realizarán a través dunha aplicación de videoconferencia, permitirán ademais interactuar coa aula a través do vídeo ou do chat. As actividades están abertas a todos os centros educativos de España, aínda que se lle dará prioridade os colexios da cidade.

A Domus ofrece un completo programa de talleres que inclúen diseccións en directo de corazón, de ollo e de flores, así como visitas virtuais á exposición sobre nutrición, acompañadas de xogos interactivos e experimentos.

No Aquarium Finisterrae haberá visitas guiadas á sala Maremagnum, deténdose nos ecosistemas mariños dos grandes acuarios, e na vida intermareal da Charca das Caricias. Tamén haberá unha visita á sala Nautilus, onde se poderá coñecer aos peixes de maior tamaño que nadan alí, como as quenllas, corvinas, douradas, robalizas e meros, así como os bancos de cabalas e xurelos.

Na Casa das Ciencias poderase descubrir, realizando unha conexión en liña desde a exposición «Puro Swing», os experimentos con péndulos de Galileo e Foucault que cambiaron a historia da ciencia. Unha oportunidade para comprender o secreto do botafumeiro, mirar como a gravidade fai debuxos xeométricos e aprender a facer maxia con varios péndulos axustados.

Estas visitas virtuais serán gratuítas para todos os grupos escolares que as soliciten, e estarán dispoñibles para todos os niveis educativos.

Toda a información e os formularios de solicitude de visita están nesta dirección:  https://www.coruna.gal/mc2/gl/visitas-escolares

O Parque Tecnolóxico de Galicia (Tecnópole) celebrará Galiciencia no mes de decembro, en formato en liña debido ás restricións provocadas pola actual situación sanitaria.

Este certame científico diríxese a estudantes de Primaria, Secundaria, FP e Bacharelato. Nesta edición, que se celebrará baixo o lema  A innovación do futuro, amosarase cara a onde camiña a innovación, cales serán os recursos e procesos que se utilizarán para levar a cabo esa innovación, en que ámbitos da vida se desenvolverá máis e que melloras proporcionará á sociedade ou mesmo as desvantaxes que pode supor.

Os rapaces e rapazas xa poden enviar os seus proxectos a www.galiciencia.online. Desde Tecnópole agardan “propostas imaxinativas, proxectos innovadores e novas ideas por parte do alumnado participante”; que, como en feiras anteriores, complementaranse con actividades, obradoiros, espectáculos de ciencia e desafíos, que versarán tamén sobre a innovación do futuro.

Equipos de Secundaria, Bacharelato e FP competirán polo premio final do certame e fóra de competición poden participar estudantes de Primaria e Educación Especial.

Como principal novidade nesta edición, en consonancia coa temática deste ano e coa actividade de Tecnópole de promoción do STEM feminino, o premio especial da Galiciencia 2020 será para o mellor proxecto liderado por unha rapaza ou para o mellor traballo relacionado co fomento da igualdade de xénero na contorna da I+D+i.

Os/as participantes na competición de proxectos da Galiciencia buscarán situarse entre os tres finalistas. O que consiga a maior puntuación levará o primeiro premio, dotado con 1.000 euros para financiar a súa participación na maior feira científica a nivel estatal, Exporecerca, que se celebra anualmente en Barcelona.
O segundo equipo clasificado recibirá un apoio económico de 500 €, o que lle permitirá participar na Zientzia Azoka, a feira de ciencia que ten lugar cada ano en Bilbao. Pola súa parte, o equipo gañador do terceiro premio recibirá 200 € para participar no programa de actividades organizadas polos Museos Científicos Coruñeses con motivo da Semana da Ciencia.

https://www.galiciencia.online/

A entrevista coa enxeñeira galega Begoña Vila inaugura o ciclo de conversas da terceira edición do programa Girl STEM, derrubando estereotipos, que este ano se transforma nunha acción totalmente dixital e pedagóxica para adaptarse ás circunstancias impostas pola COVID-19, pero tamén para avanzar cara dinámicas máis eficaces que acheguen recursos cos que traballar de forma transversal nas aulas de todos os centros de ensino de Galicia.

Begoña Vila é unha enxeñeira astrofísica viguesa especializada no estudo de galaxias espirais que actualmente reside en Washington DC e traballa como enxeñeira de sistemas no centro de voo espacial Goddard da NASA, onde se encarga de controlar que o telescopio espacial James Webb teña a máxima precisión na toma de imaxes tras o seu lanzamento na primavera de 2019.

https://archive.org/details/sg-begona-vila-v-3-1