Novas e actividades (952)

A Dirección Xeral de Xuventude, Participación e Voluntariado organizou unha xornada de información xuvenil en Baiona, dirixida a alumnos/as do Ciclo formativo de grao superior en Animación sociocultura e Turística o día 21 de outubro.​

 

solainacafeteria

Dende hoxe pasa a formar parte da oferta de establecementos
onde se ofrecen descontos a mocidade posuidora do carné xove,
un novo establecemento:
 
SOLAINA CAFETERÍA/TAPERÍA
PASEO 24, GALERIAS SOL, LOCAL 5C
32003 OURENSE
OURENSE
 
Os descontos que aplicará son: 
  • 10% en pratos combinados, hamburguesas, sándwich e bocadillos.
 
Así, pois, mozos e mozas xa podedes desfrutar neste establecemento das vantaxes e descontos que vos ofrece o Carné Xove!

 Dende hoxe pasa a formar parte da oferta de establecementos onde se ofrecen descontos a mocidade posuidora do carné xove ADAMS FORMACIÓN, nos seus centros da Coruña, Santiago de Compostela e Ourense.

foto adams

 
ADAMS FORMACIÓN
RÚA CABALLEROS, Nº7 - BAIXO
15006 A CORUÑA
A CORUÑA
 
ADAMS FORMACIÓN
RÚA ESCULTOR CAMILO OTERO, Nº17
15702 SANTIAGO DE COMPOSTELA
A CORUÑA
 
ADAMS FORMACIÓN
RÚA PEÑA TREVINCA, Nº24
32005 OURENSE
OURENSE
 
Os descontos que aplicarán son: 
  • 10% en libros, cursos e oposicións.
 
 
Así, pois, mozos e mozas xa podedes desfrutar nestes establecementos das vantaxes e descontos que vos ofrece o Carné Xove!

O Instituto da Mocidade editou “Orientacións”, unha guía para loitar contra o odio na internet que pretende ser un breve manual útil para a difusión dos conceptos relacionados cos dereitos humanos e a liberdade de expresión, así como expor e afrontar o reto de defender estes dereitos na internet desde unha perspectiva nova.
Tamén nace co obxectivo de converterse nunha ferramenta práctica para a acción, o traballo formativo e de sensibilización, dirixida tanto aos propios mozos/as como aos formadores, para fixar de maneira sinxela os conceptos esenciais relacionados co discurso de odio  online e achegar mecanismos para combatelo.

http://www.injuve.es/sites/default/files/adjuntos/2019/07/orientacionesnohate-folleto-junio2019artefinal1.pdf

 

imaxeCX

Dende hoxe pasa a formar parte da oferta de establecementos
onde se ofrecen descontos a mocidade posuidora do carné xove,
un novo establecemento:
 
OLAYA BRIÓN ESTILISMO
TRAVESÍA DE MANZANARES, 4
15960 RIVEIRA
A CORUÑA
 
Os descontos que aplicará son: 
  • 15% de desconto en peiteados, cortes, alisados, mechas, balayage, tintes, recollidos, asesoría de imaxe e consulta de dermotricoloxía. (Non acumulable a outras promocións)

 
Así, pois, mozos e mozas xa podedes desfrutar neste establecemento das vantaxes e descontos que vos ofrece o Carné Xove!

Programa Xogade

Set 25, 2019

A Secretaría xeral para o Deporte convoca o programa Xogade (xogos galegos deportivos en idade escolar), curso 2019/2020.

Poderán inscribirse neste programa os centros de  ensino, Anpas, clubs, escolas deportivas municipais, agrupacións deportivas, asociacións, etc. que o desexen, pertencentes á Comunidade Autónoma de Galicia.

As actuacións do programa para a tempada 2019/2020 son:

– Actividade deportiva escolar.
– Actividade deportiva federada.
– Seguro federado 6 a 16 anos.
– Coñece o meu club.
– Xogos populares.
– Proxecto Deportivo de Centro.
– Xogando coa auga e co vento.

Máis información en http://xogade.xunta.es/es/xogade
www.deporteescolargalego.com

A Xunta de Galicia, a través da Dirección Xeral de Xuventude, Participación e Voluntariado da Consellería de Política Social promove o coñecemento, a formación e o ocio ao redor dos videoxogos a través da organización do primeiro torneo a nivel autonómico do coñecido xogo LOL (League of Legends).

Trátase dun proxecto pioneiro en Galicia que terá lugar nos 12 Espazos Xoves xestionados pola Administración autonómica, co fin de favorecer a participación de mozos e mozas da zona e da contorna próxima.

Antes do inicio de cada unha das competicións organizarase unha dinámica formativa centrada no coñecemento e uso responsable dos videoxogos. Posteriormente dará comezo o encontro, cuxo número de equipos (un total de 32) dependerá da poboación do concello onde se sitúa cada Espazo Xove. Deste xeito, nos concellos con máis habitantes poderán participar ata un máximo de catro equipos, mentres que nos de menos poboación a competición será entre dous equipos. Cada equipo estará conformado por cinco mozos/as, dos cales unha persoa actuará como capitán.

A distribución de equipos por Espazo Xove queda como segue:

  • Espazos Xoves de Betanzos, Curtis, Noia, Pontedeume, Vilalba, Viveiro, Chantada e Tui: dous equipos por cada espazo. Nestes 8 centros clasificarase para a final un equipo de cada zona.
  • Espazos Xoves de Carballo, Ourense, Lalín e Vilagarcía: catro equipos por cada espazo. Nestes 4 centros clasificaranse para a final dous equipos de cada zona.

No caso dos Espazos Xoves con varios equipos, os enfrontamentos serán determinados o propio día do evento de xeito aleatorio, polo que é necesario estar presentes durante o sorteo. De non haber equipos suficientes, aquel grupo que non teña rival clasificarase automaticamente para a seguinte fase (isto é, oitavos de final).

FASE FINAL

Tras esta fase inicial, os 16 equipos clasificados participarán nunha fase final, cuxa data e lugar concreto de celebración será determinado pola Dirección Xeral de Xuventude, Participación e Voluntariado segundo os requisitos técnicos necesarios. En todo caso, esta última fase terá lugar en fin de semana e os gastos de manutención e aloxamento correrán a cargo da Dirección Xeral. O primeiro día disputaranse os oitavos de final, mentres o segundo día será a quenda dos cuartos, semifinais e a gran final.

Todas as rondas eliminatorias serán a partido único agás a gran final, que será ao mellor de tres partidas.

Obxectivos do programa

  • Ofrecer espazos para que a xuventude poida participar en actividades de ocio e de tempo libre vinculadas co sector dos videoxogos
  • Ampliar o coñecemento, a formación e as oportunidades laborais que ofrece esta industria emerxente
  • Promover un uso educativo e responsable dos videoxogos

Destinatarios

Neste programa poderán participar mozos e mozas de entre 18 a 30 anos, ambos inclusive, que se organizarán en equipos de 5 persoas, ata un máximo de 32 equipos.

Como inscribirse

As inscricións, que se poderán rexistrar ata tres días antes do inicio da competición en cada Espazo Xove, realizaranse a través do formulario  correspondente na web xuventude.net. A persoa que actúe como capitán do equipo deberá cubrir este formulario, achegando os DNI correspondentes dos demais membros do seu equipo.

A maiores dos cinco membros de cada equipo, poderanse rexistrar outros cinco suplentes.

A admisión dos equipos para poder participar nesta competición realizarase por estrita orde de inscrición a partir do día 21 de setembro ás 16.00 horas.

Se algún Espazo Xove non conta cos equipos suficientes poderáselle ofertar, a un equipo que quedase fóra, a posibilidade de ser seleccionado para outro espazo, de acordo coa orde de inscrición.

Calendario do torneo

ESPAZO XOVE DATA DA COMPETICIÓN
LALIN 4 de outubro. De 16 a 21 horas
NOIA  5 de outubro. De 10 a 15 horas.
VILALBA 18 de outubro. De 16 a 21 horas
VILAGARCÍA 19 de outubro. De 10 a 15 horas
PONTEDEUME 8 de novembro. De 16 a 21 horas
CHANTADA 9 de novembro. De 10 a 15 horas
VIVEIRO 15 de novembro. De 16 a 21 horas
BETANZOS 16 de novembro. De 10 a 15 horas
OURENSE 22 de novembro . De 16 a 21 horas
CARBALLO 23 de novembro. De 10 a 15 horas
TUI 29 de novembro. De 16 a 21 horas
CURTIS 30 de novembro. De 10 a 15 horas
Final 2 días en decembro pendentes de determinar

Normas de desenvolvemento do programa

  • É necesario asistir á dinámica formativa previa ao inicio de cada evento, na que tamén se informará das pautas e regras a seguir durante o torneo.
  • É recomendable que cada equipo se conecte ao xogo 15 minutos antes da hora de inicio oficial, co fin de resolver con tempo calquera cuestión previa.
  • Todos os xogadores/as teñen que cumprir as normas aplicables ao LOL (League of Legends). Neste sentido, e para velar polo correcto funcionamento de cada competición, así como polo cumprimento do regulamento, cada partida estará presidida por un xuíz especialista.
  • Todos os xogadores/as deberán cumprir as normas de decoro e bo comportamento. De non ser así, a organización resérvase o dereito á expulsión da competición.

Premios

Cada membro do equipo gañador será obsequiado/a cunha tarxeta de Riot Points (valorada en 100 euros) a través da que se poderán adquirir diversos elementos dentro do xogo, ou con outra tarxeta regalo a determinar pola organización.

Os membros do equipo que quede en segunda posición recibirán material de promoción da Dirección Xeral de Xuventude, Participación e Voluntariado.

Observacións

A organización da competición pon a disposición de todos os participantes o material básico necesario (PC, teclado e rato) para a competición. Outro tipo de accesorios, tales como os casos, correrán por conta do participante.

Na fase final, aboarase o desprazamento dos finalistas.

Así mesmo, todas as competicións serán abertas ao público, que poderá velas en directo, a través dun proxector, nunha sala contigua en cada Espazo Xove.

+ Formulario de inscrición

Time to Move

Set 18, 2019

Time to Move é un conxunto de eventos destinados á mocidade, e organizado durante o mes de outubro. Estas actividades serán centenares de oportunidades a través das cales podes ir para o estranxeiro e participar en proxectos internacionais, explorando Europa ou gañando a experiencia que necesitas para o teu futuro. Todas as actividades están organizadas pola rede de informadores Eurodesk, sempre dispostos a axudarche a encontrar o proxecto que mellor se adapta a ti e ás túas necesidades. 

Voluntariado noutro país por algúns meses?
Intercambios durante un semestre?  
Estadías no estranxeiro?
Son moitas as oportunidades...

https://timetomove.eurodesk.eu/

O Corpo de Solidariedade Europea é unha iniciativa da Unión Europea que ofrece á mocidade oportunidades para ser voluntario/a ou traballar en proxectos no seu propio país ou no estranxeiro, ao mesmo tempo que apoia a comunidades e persoas de toda Europa.

Quen pode participar?
Os mozos e miozas de 18 anos de idade que residan legalmente ou teñan a nacionalidade dun dos:
- Estados membros da Unión Europea,
- Países socios:
Antiga República Iugoslava de Macedonia e Turquía.
Liechtenstein, Islandia e Noruega
Albania, Bosnia e Hercegovina, Kósovo, Montenegro, Serbia
Armenia, Acerbaixán, Bielorrusia, Xeorxia, Moldavia, Ucraína
Alxeria, Exipto, Israel, Xordania, Líbano, Libia, Marrocos, Palestina, Siria, Tunes
Federación Rusa.

Algúns proxectos poden ter restricións adicionais sobre as idades, a residencia legal ou a nacionalidade, segundo o tipo de proxecto e a forma en que se financie.

Como funciona?
Podes rexistrarte no Corpo de Solidariedade Europea cando teñas 17 anos, pero non podes participar nun proxecto ata que teñas máis de 18 anos.

Tamén debes completar o proxecto do Corpo Solidario Europeo antes de cumprir 31 anos.

Despois de completar un sinxelo proceso de rexistro, podes ser seleccionado e convidado a unirte a unha ampla gama de proxectos, como:
- Axudar a reconstruír unha escola ou centro comunitario que foi devastado despois dun terremoto;
- Proporcionar apoio aos solicitantes de asilo recentemente chegados;
- Eliminando a vexetación dos bosques para axudar a previr incendios forestais;
- Traballar con persoas discapacitadas nun centro comunitario.

Os proxectos apoiados polo Corpo Europeo de Solidariedade poden durar de dous a doce meses.
Normalmente situaranse dentro dos Estados membros da Unión Europea.

Beneficios:
Despois de participar nun proxecto de voluntariado, recibirás un certificado que documenta a túa participación. Poderías usar isto cando solicites traballos ou máis aprendizaxe.
Non recibirás un salario, pero, doutra banda, terás dereito a viaxes, aloxamento e subsistencia, así como a unha cobertura de seguro pola duración da actividade e unha pequena cantidade de diñeiro para cubrir os teus gastos diarios.
Tamén recibirás capacitación relevante antes de comezar e despois de chegar ao sitio.

https://europa.eu/youth/solidarity_es