Novas e actividades (894)

A publicación na internet non consentida de imaxes íntimas coa única finalidade de facer dano supón unha forma de violencia machista exercida por homes contra as súas parellas ou exparellas.

Trátase dunha práctica moi estendida que afecta tamén a mulleres adolescentes e a mozas de cada vez menor idade. As vítimas deste delito sofren unha violación de dereitos tan vulnerables como a imaxe e a intimidade.

Por iso, con motivo da celebración do Día Europeo da Protección de Datos e a Privacidade, o Concello de Las Palmas de Gran Canaria,  Injuve, Twitter e Pantallas Amigas uniron forzas para deseñar unha campaña que se presenta como berro de repulsa contra a violencia de xénero na contorna dixital. A campaña componse dun vídeo de sensibilización animado de seis minutos de duración que se acompaña de dúas imaxes que sintetizan dúas claras mensaxes:
- “Que consentise que vos gravedes, non che dá dereito a compartir nunca esas imaxes, aínda que ti tamén as protagonices”.
- “Difundir imaxes íntimas da túa noiva ou ex sen o seu consentimento é unha forma de violencia de xénero e un delito moi grave”.

O material exposto para este proxecto realizouse tanto en castelán como en inglés para chegar ao maior público posible. Ademais, existe unha versión reducida do capítulo animado que permite a súa mellor adecuación ás diversas plataformas de difusión na internet.

A campaña pódese visitar nesta ligazón: www.respetoimagenesintimas.com

Artigo publicado no suplemento YES da Voz de Galicia do 2 de febreiro de 2019, nel Noa Tilve, psicóloga e coordinadora dos centros Quérote+ fala das charlas impartidas en centros educativos a adolescentes e das dúbidas e inquietudes expostas polos mozos e mozas que acuden a estas charlas.

Podes contactar cos centros Quérote+ a través de WhatsApp no 647 018 752

Máis información: http://xuventude.xunta.es/querote-mais

 

Artigo da Voz de Galicia

CIMO pon en marcha un novo proxecto de emprendemento no ámbito social, que se desenvolve na provincia de Ourense, e que está organizado por REDE ARAÑA entidade polo emprego, e CEPES (Confederación Empresarial Española da Economía Social) a nivel nacional, e financiado con fondos europeos polo FSE (Fondo Social Europeo).


Proxecto Yoemprendo
Obxectivo: conseguir a creación de novas entidades de Economía Social: cooperativas, sociedades laborais e asociacións con actividade económica).
Destinatarios: Persoas traballadoras ou que se atopen en situación de desemprego (acreditado mediante vida laboral, contrato ou tarxeta de demandante de emprego). Polo que o proxecto está dirixido a todas aquelas persoas interesadas en emprender neste ámbito.

Accións e servizos ofertados:
Asesoramento personalizado, Mentoring
Asesoramento grupal sobre emprendimineto e economía social
Información sobre axudas á financiamento

Prazo de inscrición: Ata o 30 de marzo de 2019

PREZO: Gratuíto

Infórmación no teléfono 988 39 15 15 ou na web www.yoemprendoeneconomiasocial.com

Folleto informativo

 

anverso_carn_xove

Dende hoxe pasan a formar parte da oferta de establecementos onde se ofrecen descontos a mocidade posuidora do carné xove, 2 novos establecementos:
 
  • MARCAJE Y GRABADO C.B.,  R/ CRUZ ROJA, 6, 36002 PONTEVEDRA, PONTEVEDRA
  • CARLÍN PAPELERÍAS S.L., R/ A PEREGRINA, 42, 36001 PONTEVEDRA, PONTEVEDRA

Os descontos que aplicacrán son: 10% en traballos de copistería

Así, pois, mozos e mozas xa podedes disfrutar nestes establecementos  das vantaxes e descontos que vos ofrece o Carné Xove!

 

 

 

Mathex

Xan 30, 2019

Un equipo de docentes do Departamento de Matemáticas da USC, coa colaboración de profesorado de educación secundaria, acaba de pór en rede a versión de proba, en castelán, do xogo gratuíto MatHex (https://mathex.games), que ten como obxectivo achegar a ciencia a todo tipo de público, combinando estratexia e coñecementos.

A base do videoxogo é un taboleiro formado por hexágonos inspirado no clásico xogo de mesa HEX creado polos matemáticos John  Nash e  Piet  Hein, que se presenta combinado con preguntas relacionadas con esa disciplina dende moitas ópticas, que pasan pola resolución de problemas ata preguntas sobre historia, cunha parte moi destacada dedicada ás mulleres matemáticas.

O obxectivo do xogo é completar un camiño de baldosas que conecten co lado oposto do taboleiro. Para ‘conquistar’ cada baldosa haberá que responder correctamente a pregunta no tempo permitido; en caso contrario non se avanzará. Gañará quen consiga que o seu avatar sexa o primeiro en completar o camiño entre os dous lados.

https://mathex.games/

A Xunta de Galicia pon a túa disposición o apoio integral necesario para que a túa idea empresarial poida ser levada a cabo, facendo que as iniciativas viables sexan posibles:

   Como conseguir financiamento
   Asesoramento para a creación de empresas
   Tramitación para a creación de empresas
   Como xestionar o teu negocio
   Entidades de formación no ámbito da seguridade industrial
   Entidades de Certificación de Conformidade Municipal (Eccom)

http://ceei.xunta.gal/obxetivo/c/Crear-unha-empresa

Guía da persoa emprendedora

Enumeración (Cuestionario pre-matrimonial)

¿Nos vamos a vivir a un falansterio?
¿Has perdido mucho el tiempo?
¿Escribir libros tristes es adaptativo?

¿No hay cuerpo que no sea, a largo plazo, música?
¿Te drogas? ¿crees en algo? ¿eres salvaje? ¿eres anarquista?
¿Teísmo, flechas, ritos, pasos?
¿Estrías, ascuas, teína, ateísmo?

¿Has resbalado por el páramo con una décima de fiebre?
¿Ríes a carcajadas por el páramo con una décima de fiebre?

¿Escuchas el silencio histriónico de la palabra harpa?
¿Escuchas el silencio histriónico de todas las palabras?
¿Escuchas el silencio histriónico del imperativo abrázame y,
verbalizándolo, me abrazas?

¿Plagian, pero mal, las palabras a los grajos?
¿Los textos de los cuervos? ¿Los cloqueos-contraseña?
¿Y el vapor, y el pespunte? ¿La diástole, el párpado?

¿Es una herida fresca?
¿Tienes mucho calor?
¿Nihilismo o pétalo?
¿Nihilismo o pétalo?

Berta García Faet

https://www.bertagarciafaet.com/sobre-miacute.html

A Consellería de política Social fai unha convocatoria de habilitación excepcional e habilitación provisional das categorías profesionais de xerocultor/a, coidador/a, auxiliar de axuda no fogar e asistente/a persoal dos centros e servizos do Sistema para a autonomía e atención á dependencia na Comunidade Autónoma de Galicia

Requisitos:
Ter desempeñado funcións nas categorías de persoal coidador, xerocultor, auxiliar de axuda no fogar ou asistente/a persoal ou estar en situación asimilada ao alta (ou atoparse en situación de suspensión da relación laboral con dereito a reserva do posto de traballo), ou estar a prestar servizos como persoal voluntario ou bolseiro en empresas, entidades ou institucións que ofrezan atención sociosanitaria en centros ou servizos do Sistema para a autonomía e atención á dependencia na Comunidade Autónoma de Galicia, na categoría profesional que corresponda, durante polo menos tres anos, cun mínimo de 2.000 horas traballadas na categoría profesional correspondente nos últimos 12 anos.

No suposto de non alcanzar os requisitos de experiencia mínima, que se traballara na categoría profesional correspondente e ter acreditada, a data 31 de decembro de 2017, formación relacionada coas competencias profesionais que se queren acreditar nun mínimo de 300 horas nos últimos 12 anos.
 
As solicitudes poden presentarse a través de https://sede.xunta.gal co procedemento BS800A
O prazo de presentación das solicitudes estará aberto ata o 31 de xullo de 2022

Máis información no DOG do 17 de xaneiro de 2019