En portada (1157)

Está aberto o prazo de inscrición no campo de voluntariado “Castro de Viladonga”, que se vai desenvolver do 8 ao 19 de setembro.

Este campo de voluntariado vai permitir a convivencia e o intercambio de experiencias entre participantes galegos e mozos e mozas da Galicia exterior, descendentes de emigrantes galegos, que participarán conxuntamente en actividades de voluntariado vinculadas co patrimonio cultural galego, ademais de gozar dun programa de actividades de tempo libre.

As actividades de voluntariado están vinculadas co xacemento arqueolóxico do Castro de Viladonga, no Concello de Castro de Rei.

Máis información:

Campos de voluntariado en Galicia

  • As axudas teñen un orzamento total de 400.000 euros e están dirixidas a entidades xuvenís ou grupos de mozos de entre 18 e 30 anos
  • Esta é a 14ª edición deste programa que procura favorecer a participación xuvenil na vida pública e impulsar o espírito emprendedor

 

A Xunta de Galicia financia, a través do programa Iniciativa Xove da Consellería de Política Social e Xuventude, 82 proxectos protagonizados pola mocidade galega. O Diario Oficial de Galicia (DOG) publicou o día 29 de xuño a resolución destas axudas, que acadan a súa 14ª edición e que contan cun orzamento total de 400.000 euros.

O programa ten como obxectivo achegar apoio financeiro suficiente á xuventude para lanzar os seus proxectos, favorecer a participación xuvenil na vida pública e impulsar o espírito emprendedor. Con esta orde, o Goberno galego apoia proxectos de calquera temática de interese dos mozos que poidan reverter no seu desenvolvemento profesional e persoal. Valórase de xeito especial aquelas iniciativas dirixidas ao emprendemento, promoción de hábitos saudables ou de loita contra a violencia de xénero, entre outras.

O Goberno galego financia proxectos de entidades xuvenís e grupos de mozos de diferentes localidades, tanto das grandes cidades, como de outros concellos como Barro, Cangas, Ramirás, Coristanco ou a Comarca de Bergantiños, entre outros.

Estes proxectos subvencionados teñen como límite 5.000 euros de gasto, financiándose o 100% do orzamento, polo que a axuda é incompatible con outras destinadas á mesma actuación.

Iniciativa Xove tamén concede ás asociacións e aos grupos informais anticipos automáticos de pagamento do 80%, de xeito que a falta de liquidez non sexa un impedimento para levar a cabo proxectos interesantes. O período para a realización dos proxectos comezou o 1 de xaneiro e remata o vindeiro 15 de outubro.

A Xunta de Galicia pon a túa disposición as súas Residencias Xuvenís en Ourense, Lugo e  Vigo durante o curso 2023/2024.

Son un total de 224 prazas tanto para estudantes como para persoas mozas traballadoras.

E ollo, podes obter praza gratuita a cambio da túa colaboración na Residencia.

Como? Consulta aquí toda a información

Tes de prazo para presentar a túa solicitude ata o 3 de agosto.

 

http://xuventude.xunta.es/albergues-e-residencias

 

Outros aloxamentos dispoñibles: http://xuventude.xunta.es/ensino-e-bolsas

 

 

O Grupo de Investigación Esculca, da USC, coa colaboración da Consellaría de Política Social e Xuventude e o Concello de Vilagarcía de Arousa, organiza o curso de verán "A formación e o emprego da xuventude nun mundo dixital", dirixido a permitir que a mocidade local suba nova novos chanzos en materia de capacitación tecnolóxica, con vistas a mellorar a súa empregabilidade.

Celebrarase os días 18, 19 e 20 de xullo de 2023 no Auditorio de Vilagarcía e no Espazo Xove da mesma localidade, en horario de mañá e tarde.

A actividade formativa conta con 150 prazas e está aberta a todo tipo de público. A matrícula ten unha cota xeral de 70 euros e outra bonificada, a 40 euros, para estudantes, persoas desempregadas, pensionistas e membros da asociación de antigos alumnos da USC. As persoas interesadas poden inscribirse ata o 7 de xullo a través da web da USC.

https://www.usc.gal/gl/servizos/area/cultura/formacion/universidade-veran/formacion-emprego-xuventude-mundo-dixital-12745

Os días 23, 24 e 25 de xuño desenolveuse en Palencia o II Encontro Nacional de Correspondentes e Alberguismo, organizado polo Instituto de la Juventud de Castilla y León e a Red Española de Albergues Juveniles (REAJ).
Participaron 130 mozos e mozas de Andalucía, Aragón, Asturias, Castilla-La Mancha, Cantabria, Ceuta, Galicia, Madrid, Murcia, Navarra, Comunidad Valenciana e Castilla y León. No caso de Galicia foron 6 os correspondentes presentes.

O evento celebrouse no Albergue Complejo Juvenil Castilla da cidade palentina e os participantes desfrutaron de actividades formativas, culturais e lúdicas, ademais de intercambiaren experiencias sobre o funcionamento do programa “Correspondentes Xuvenís” e coñecer mellor a REAJ.

Castilla y León foi a segunda en organizar un encontro destas características tras o celebrado en Gandarío (Bergondo) no 2019.

Máis información en https://noticias.reaj.com/ii-encuentro-de-corresponsales-y-alberguismo-juvenil-2023/

O prazo de Xuventude Mentoring na Empresa permanecerá aberto ata o 21 de xullo para que entidades e concellos presenten, a través da sede electrónica da Administración autonómica, as súas solicitudes para acollerse ao programa. O Diario Oficial de Galicia do 21 de xuño recolle o procedemento que rexe a concesión destas axudas, en réxime de concorrencia competitiva, para a posta en marcha desta iniciativa, que consiste en ofrecer á xente nova estadías formativas de ata tres meses en empresas ou entidades públicas ou privadas vinculadas a sectores económicos estratéxicos en Galicia e que melloren as súas posibilidades de incorporación ao mercado laboral.

O Goberno galego destina 1,2 millóns de euros a esta nova proposta, financiada nun 80% polo Fondo Social Europeo (FSE) no marco do Programa operativo de emprego xuvenil 2014-2020. Xuventude Mentoring na Empresa ten como finalidade reforzar tanto a empregabilidade como as habilidades e competencias profesionais de xente entre os 18 e os 30 anos inscrita no Sistema Nacional de Garantía Xuvenil.

As propostas que presenten as entidades e concellos deberán contar cun mínimo de 10 e un máximo de 25 persoas mozas participantes e a estadía formativa destas será de tres meses consecutivos, cunha duración mínima de 100 horas ao mes e un mínimo de catro días á semana. O importe máximo da subvención que se concederá a cada entidade para poñer en marcha o seu proxecto formativo é de 120.000 euros.

Na achega inclúese unha bolsa de formación por mozo participante dun mínimo de 630 euros mensuais, que se poderán incrementar en 100 euros por custos de desprazamento e outros 100 para os mozos cunha discapacidade igual ou superior ao 33%. Así mesmo, os participantes contarán cun plan formativo en habilidades e competencias para o emprego cun mínimo de 20 horas lectivas e cun titor encargado do seguimento da súa estadía.

As empresas ou entidades públicas ou privadas en que se realicen as estadías formativas deberán ser galegas ou ter centros de traballo en Galicia e estar vinculadas aos seguintes sectores económicos estratéxicos para a nosa comunidade: aeronáutica, agroalimentación, biotecnoloxía, automoción, enerxías renovables, madeira/forestal, metalmecánico, naval, pedra natural, téxtil/moda, tecnoloxías da información e da comunicación, e calidade de vida e benestar.

CONSULTA OS PROXECTOS APROBADOS

Como xa se explica máis arriba, a posta en marcha desta iniciativa correspóndelle ás entidades sociais e concellos ou as súas agrupacións que son adxudicatarias e promotoras de Xuventude Mentoring na empresa. Serán as encargadas de seleccionar as persoas participantes, da súa formación e das estadías en centros de traballo vinculados a algún dos seguintes sectores económicos estratéxicos:

Aeronáutica, agroalimentación, biotecnoloxía, automoción, enerxías renovables, madeira/forestal, metalmecánico, naval, pedra natural, téxtil/moda tecnoloxías da información e da comunicación e calidade de vida e benestar.

As persoas interesadas en participar deberán dirixirse ás entidades ou agrupacións de concellos beneficiarias de Xuventude Mentoring na empresa a través da información sobre as convocatorias, publicada ao pé desta información.

Na categoría A, de 14 a 19 anos, foron premiados a ourensá Alba Guzmán Falcón, o coruñés Santiago Sánchez Vilarino e a pantonesa Carla López Otero
Na categoría B, de 20 a 35 anos, os premios foron para Eva González Blanco, de Lalín; Clara Pérez Martínez, da Bola, e Andrea López Otero, de Pantón
Na modalidade de Instagram, que abrangue dos 14 aos 35 anos, a mensaxe mellor valorada polos usuarios da rede social foi a da ourensá Iria Cebreiros Trigo

O secretario xeral de Política Lingüística, Valentín García, e directora xeral de Xuventude, Participación e Voluntariado, Cristina Pichel, participaron no acto de entrega dos premios aos gañadores da duodécima edición de Lingua de namorar, o certame en liña impulsado pola Xunta que promove a creación de mensaxes de amor en galego entre a mocidade.

O representante da Consellería de Cultura, Educación, FP e Universidades deulles os parabéns aos gañadores e animounos a todos “a continuar empregando o galego para relacionarse coas persoas máis próximas e para comunicarse na rede” e lembroulles que a Xunta de Galicia “traballa, xunto con outras entidades galegas, no Proxecto Nós, que está destinado a fornecernos de ferramentas que nos permitan interactuar coa tecnoloxía en galego ao mesmo nivel ca nas linguas do mundo con maior número de falantes”.

Pola súa parte, a representante da Consellería de Política Social e Xuventude destacou que esta nova edición de Lingua de namorar puxo de manifesto, unha vez máis, que Galicia ten unha mocidade talentosa e creativa. Un enxeño que manifestan cada vez que teñen a ocasión de facelo, como no caso doutro certame impulsado pola Xunta como é Xuventude Crea.
No acto de entrega, que tivo lugar como de costume do Pazo de San Roque, tamén estiveron presentes membros do xurado do certame, así como das respectivas consellerías implicadas. Ademais, os gañadores, que puideron recitar os seus poemas aos asistentes, estiveron arroupadas polos seus familiares e amigos.

Os dous primeiros premiados de cada unha destas categorías reciben unha tableta, os segundos un libro electrónico e os terceiros uns cascos sen fíos. Ademais, recollen un lote de libros e un diploma acreditativo do certame.

Tanto as mensaxes gañadoras como as finalistas pode consultarse no Portal da Lingua Galega e na páxina web de Xuventude, así como nos Instagram de @XuventudeGalicia e @LinguaGalega

Promover a creatividade en galego na mocidade
Cada ano, arredor de San Valentín convocase este certame que promove o uso do galego ao tempo que permite amosar o talento literario e a creatividade da mocidade arredor do amor e das relacións persoais.

Xa está dispoñible a app do Carné Xove para que poidas consultar os descontos dende o móbil dun xeito máis cómodo.

Todas as vantaxes da túa tarxeta de sempre, agora en forma de aplicación para o móbil.

Para dispositivos android, pincha aquí para descargala; para dispositivos IOS, aquí.

Descontos, ofertas exclusivas, seguro de viaxe e moito máis!

Preto de 120 mozos e mozas reuníronse nun encontro final no albergue de Gandarío para expoñer a súa experiencia no programa e ampliar a súa formación sobre información xuvenilENCONTRO2

A directora xeral de Xuventude, Participación e Voluntariado, Cristina Pichel, participou esta no encontro final do programa Correspondentes Xuvenís con preto de 120 mozos e mozas no albergue xuvenil de Gandarío. Durante o acto, agradeceu a implicación do profesorado e da xuventude nesta iniciativa e destacou tanto o labor informativo como de dinamización do día a día nos centros educativos que realizan estes estudantes.

Nesta edición foron máis de 600 alumnos de centros de toda a Comunidade os que levaron a cabo accións de difusión da información no marco deste programa da Xunta de Galicia. A directora xeral de Xuventude explicou que a finalidade desta iniciativa é facer partícipe ás mozas e mozos na difusión de axudas, programas ou actividades que son do seu interese. Deste xeito, o alumnado actúa como altofalante, achegando toda esta información aos seus compañeiros e amigos.

Así mesmo, Cristina Pichel destacou que este programa axuda a potenciar as habilidades comunicativas e sociais dos estudantes, favorece que asuman responsabilidades e transmite valores como a colaboración ou o liderado. Ao alumnado que actúa como correspondente recoñécese a súa participación cun certificado de experiencias en educación non formal en materia de xuventude.

Durante este encontro —que se realiza durante o venres, sábado e domingo no albergue xuvenil de Gandarío—, os participantes poderán asistir a distintas charlas sobre a comunicación e as fake news, actividades deportivas ou de traballo en grupo na que aproveitar para intercambiar boas prácticas e socializar.

IMG 20230617 WA0018IMG 20230617 WA0022IMG 20230617 WA0030IMG 20230617 WA0032IMG 20230617 WA0038IMG 20230617 WA0039IMG 20230617 WA0049IMG 20230617 WA0061IMG 20230617 110821IMG 20230617 154341IMG 20230617 164159IMG 20230617 221557IMG 20230617 221948IMG 20230617 224412IMG 20230617 WA0027IMG 20230617 WA0042IMG 20230617 WA0062

A Consellería de Política Social e Xuventude, xunto coa de Medio Ambiente, Territorio e Vivenda, convocan, un ano máis, o programa de voluntariado ambiental interxeracional 2023 en 18 espazos naturais de Galicia. Nesta iniciativa, na que se realizan actividades que impulsan o respecto e o coidado do patrimonio natural galego, ofrécense 434 prazas e a participación é totalmente gratuíta.

Nesta terceira edición serán un total de 32 actuacións as que se levarán a cabo todas as fins de semana de xuño a outubro.Story

Están programadas accións no Parque Nacional das Illas Atlánticas (Illas Cíes, Ons, Sálvora e Cortegada); nos parques naturais da Baixa Limia e Serra do Xurés, Invernadeiro, Serra da Enciña da Lastra, Monte Aloia, Fragas do Eume, e Complexo Dunar de Corrubedo e Lagoas de Carregal e Vixán; e nas reservas da biosfera Terras do Miño, na do Río Eo, Oscos e Terras do Burón, na das Mariñas Coruñesas e Terras do Mandeo, na Ribeira Sacra e Serras do Oribio e Courel ZEC Canón do Sil, e na reserva Ancares Lucenses e Montes de Navia, Cervantes e Becerreá. Ademais, e por primeira vez, tamén se programan actuacións nos Monumentos Naturais A Fraga de Catasós e Costa do Dexo . Os escenarios serán, polo tanto, 18 espazos naturais que compoñen o rico patrimonio natural de Galicia.

En cada un delas, as actividades das persoas voluntarias participantes centrarase na realización de tarefas de limpeza, sinalización, eliminación de especies exóticas invasoras ou catalogación de fauna e flora. Ademais, o programa procura fomentar a cooperación e a solidariedade desinteresada desde unha perspectiva interxeracional.

Os requisitos de participación son os seguintes:
- Ter 18 anos cumpridos.
- Residir na Comunidade Autónoma de Galicia.
- Cumprimentar o formulario de inscrición.

A Xunta de Galicia cubrirá os gastos de desprazamento (autobús desde Santiago de Compostela e/ou barco, segundo se detalle en cada ficha descritiva da actuación), manutención, aloxamento, seguros e actividades formativas. Cada participante deberá levar os útiles de aseo persoal e toalla así como calzado e roupa axeitada para actividades ao aire libre.

O prazo de inscrición comezará o 31 de maio.

Para ampliar as posibilidades de participación das persoas interesadas, cada persoa voluntaria poderá anotarse en dúas accións como máximo.

Se o grupo de persoas inscritas nunha actividade excede do máximo permitido para cada zona, a selección realizarase por rigoroso orde de inscrición.

https://voluntariadogalego.org/novas/programa-de-voluntariado-ambiental-interxeracional-2023