En portada (1157)

A programación das Letras Galegas 2021 contará con medio cento de actividades para divulgar o legado de Xela Arias

 

Propostas no eido educativo

Desde o punto de vista académico, manteranse este ano citas habituais como a Xornada do Día das Letras Galegas.

Os equipos de dinamización da lingua galega dos centros educativos de Galicia impulsan iniciativas e elaboran recursos para dar a coñecer a autora homenaxeada, a súa obra e o seu compromiso coa lingua galega.  Unidades didácticas, calendarios, marcapáxinas, crebacabezas, presentacións, xincanas, exposicións, festivais, pasapalabras, vídeos, podcast, telexornais, cancións ou videopoemas son algunas das propostas que se van desenvolver en colexios e institutos de toda Galicia.

Neste contexto, dous dos centros de referencia na vida de Xela Arias súmanse á homenaxe de xeito especial. O IES Xelmírez II de Santiago de Compostela, no que a autora exerceu a docencia, prepara unha xornada que celebrará o 18 de maio coa participación de María Xesús Nogueira e de Fernando Abreu. Pola súa banda, o IES Castelao de Vigo ten en axenda oito citas que estenden a celebración neste centro no que estudou a poeta do 16 de abril ao 21 de maio, con lecturas de poemas, actuacións musicais, relatorios e charlas-coloquios arredor de Xela Arias, obradoiros e conferencias, que lle achegarán ao alumnado a figura, vida e obra da poeta, da man de moitas persoas das que mellor a coñeceron.

A programación das Letras Galegas 2021 incluirá tamén certames de relato, de debuxo, de podcast, banda deseñada, fotografía e mesmo o concurso de rap en galego Lingua de Rapear, en colaboración coa Dirección Xeral de Xuventude, Participación e Voluntariado para a dinamización lingüística entre a xente moza. Tamén se apostará por accións de fomento da lectura e o coñecemento da obra de Xela Arias entre os máis novos, dentro e fóra do ámbito educativo.


Exposicións en distintos puntos de Galicia

No eido artístico, a Xunta promove iniciativas como a exposición Xela Arias. Asinamos ser libres, que fará parada en dez concellos galegos difundindo detalles da vida, obra e o contexto histórico no que viviu a homenaxeada; ou Aquela nena de Sarria, que recalará na Biblioteca de Lugo e repasará as súas orixes e a súa infancia nesta vila lucense. Tamén se promoverá, da man do seu fillo Darío Gil, outra mostra fotográfica con preto de medio cento de pezas titulada Tigres coma cabalos inspirado no poemario da autora. Chegará ás cidades de Vigo e Santiago e irá acompañada dunha reedición do poemario en formato catálogo expositivo. Ademais, a Biblioteca de Galicia celebrará o Día da Letras Galegas cunha exposición na que se dará a coñecer o fondo bibliográfico que custodia da autora e haberá tamén distintas mostras bibliográficas pola rede de bibliotecas públicas.

De maneira virtual, tamén se celebrará a iniciativa Xela Arias. Fotogalerías. Retratos de autor. Trátase dunha proposta que se poderá ver no Portal da Lingua Galega, que ofrecerá a partir de abril unha fotogalería con preto de 30 imaxes da poeta de Xulio Gil, autor dalgúns dos retratos máis coñecidos de Xela Arias. Estas imaxes completaranse cunha fotogalería inédita da infancia e adolescencia da autora para que o profesorado e o alumnado dos centros escolares galegos poidan utilizalas.

 

Máis accións en formato dixital

Un dos aspectos salientables é que haberá unha forte presenza dixital ou audiovisual, tendo en conta o actual contexto sanitario. Como o proxecto Vencerse é cousa de se tratar, que inclúe un espectáculo poético-musical que fai realidade o desexo de Xela Arias de levar ao escenario a súa derradeira obra Intempériome, un proxecto que nunca puido ver cumprido.

A Cidade da Cultura acollerá en maio unha actividade de lectura participativa para difundir nas redes a obra de Xela Arias coa que se realizará unha peza auduovisual para visibilizar nas redes sociais. Tamén destaca a elaboración e difusión dunha trintena de pílulas audiovisuais arredor de Xela Arias con testemuños de familiares, amigos e persoeiros da cultura galega ou un novidoso proxecto de videomapping que proxectará versos e imaxes da autora en 25 edificios e emprazamentos significativos de toda Galicia. Ademais, o Portal das Palabras, o web da RAG, así como o do Consello da Cultura Galega ou da CRTVG incluirán contidos específicos no universo vital e literario de Xela Arias.

Tamén haberá propostas musicais. Entre outras, o 16 de maio terá lugar o tradicional Concerto das Letras Galegas promovido polo Consello da Cultura Galega que unirá textos e música a cargo de PicoAmperio e Laura LaMontagne, nunha proposta estética audiovisual innovadora. Co apoio da Xunta, a Banda da Loba lanza un novo EP Hasme Oír, que verá a luz no mes de abril.

Toda a programación pode consultarse no Portal da Lingua e en cultura.gal 

A directora xeral de Xuventude, Participación e Voluntariado, Cristina Pichel, participou na fase clasificatoria de Secundaria na duodécima edición do programa Parlamento Xove que, pola situación sanitaria, volve a ser online. Deulle a benvida ao preto de 100 estudantes da ESO que se deron cita para debater sobre unha cuestión de máxima actualidade.

Os equipos confrontaron as súas opinións sobre a seguinte pregunta: Debería un Estado establecer como obrigatoria a vacinación entre a súa poboación?. Nesta primeira quenda participaron 23 equipos, cada un deles formado por unha persoa docente, que exerce de coordinador do grupo, e por catro estudantes.

Este ano, debido á situación actual provocada pola pandemia sanitaria, as primeiras fases de Parlamento Xove realizaranse online, de igual xeito que se fixo na final de ESO de 2020. A Xunta de Galicia valorará, segundo a evolución da pandemia sanitaria, a posibilidade de que as finais se celebren de xeito presencial no Parlamento de Galicia se as circunstancias sanitarias o impiden utilizarase de novo a vía telemática.

Equipos participantes
En concreto, na categoría de Secundaria déronse cita 13 equipos de centros da provincia de Pontevedra: dous equipos dos centros Colexio Internacional SEK-Atlántico (Poio), CPR Plurilingüe Compañía de María (Cangas) e do CPR Plurilingüe Sagrada Familia (Vilagarcía de Arousa); e un equipo do CPR Plurilingüe Nosa Señora de Lourdes (A Estrada), do CPR Eduardo Pondal (Cangas), do IES do Barral (Ponteareas), do IES da Xunqueira (Pontevedra), CPR Santiago Apostol (Soutomaior), do Mª Inmaculada Carmelitas Vedruna (Vigo) e do CPR Plurilingüe Divino Salvador (Vigo).

Tamén participan cinco grupos da Provincia da Coruña: Colexio La Salle (Santiago); dous equipos do CPR Maristas Cristo Rei (A Coruña) e outros dous do CPR Esclavas Sagrado Corazón de Jesús. Catro equipos saídos de centros da provincia lucense: dous equipos do CPR Maristas A Inmaculada (Lugo), un do IES da Pinguela e outro do Ies Francisco Daviña Rey, ambos de Monforte de Lemos. Por último, da provincia de Ourense participa un grupo do CPR Plurilingüe Santa María (Ourense).

Outras fases clasificatorias
Ademais da modalidade de Secundaria, tamén se celebrará a de Bacharelato e a de Universidades. Os 22 equipos que participan na categoría de Bacharelato terán a súa fase previa o 13 de marzo. Os 8 equipos universitarios inscritos celebrarán directamente unha fase final cuxa data aínda está por determinar.

Polo tanto, este ano o programa Parlamento Xove da Xunta de Galicia contará con máis de 200 estudantes da ESO, Bacharelato e das universidades galegas.

A Direción Xeral de Xuventude, Participación e Voluntariado realiza unha exposición na biblioteca pública Ánxel Casal de Santiago de Compostela con seis obras premiadas e finalistas no Xuventude Crea 2020 na especialidade de graffiti. Estas creacións poderanse ver ata o día 31 de marzo no horario de apertura da biblioteca.

En concreto, trátase dos tres graffitis premiados: ‘O raposo’, do artista coruñés Javier Caamaño; ‘Estilo en continua construción’, do vigués Adrián Lomba; e ‘Entusiasmo luminoso’, do mozo Daniel Fernández, de Baiona. Así mesmo, tamén se exporán a obra merecedora da mención de honra, ‘Escornabois’, da coruñesa Fernanda Rodríguez; e outras dúas obras finalistas: ‘Macaco’, do coruñés Ismael Pérez; e ‘Level’20’, de Daniel Abreu, de Navia.

Esta exposición enmárcase dentro do novo proxecto da Consellería de Política Social, que trata de poñer en valor e darlle visibilidade ás obras das persoas mozas premiadas de cada edición, máis alá da celebración das diferentes fases finais. Así, ademais desta mostra, organizaranse este ano outras actividades destacadas, como unha exposición itinerante retrospectiva sobre o pasado e o futuro do programa, ou a publicación da novela curta gañadora ‘Cando sangren os lobos’, por Edición Xerais. Cómpre lembrar que a categoría de novela curta foi unha das novidades incorporadas a este certame en 2020.

O programa inclúe 14 especialidades: teatro, música, novela curta, poesía, videocreación, banda deseñada, graffiti, moda, deseño de xoias, cociña, danza moderna, creación de videoxogos, fotografía e artes plásticas (coas modalidades de pintura e escultura). Na edición de 2020, que acadou un récord de solicitudes con preto de 500 persoas mozas participantes, incorporáronse como novidade as especialidades de creación de videoxogos e novela curta.

 Neste ano 2021, o programa Xuventude Crea acadará a súa duodécima edición, na que buscará seguir estimulando e apoiando a imaxinación e a creatividade das mozas e mozos galegos de entre 16 e 30 anos.

expo11expo22

expo33expo55

 

 

A Dirección Xeral de Xuventude, Participación e Voluntariado puxo en marcha un foro de Correspondentes Universitarios para seguir mellorando os programas e iniciativas para a mocidade, así como recoller inquedanzas fronte a situación que se está a vivir na actualidade.

O principal obxectivo deste foro é conectar os participantes do programa Correspondentes Universitarios, que este curso 2020-21 acadou o seu récord con máis de 150 mozos e mozas participantes, para recoller impresións e suxestións da mocidade, definir estratexias e deseñar novas iniciativas nas que se motive á participación da xuventude.

Neste encontro, no que participou a directora xeral de Xuventude, Participación e Voluntariado, Cristina Pichel, estivo alumnado e representantes da Universidade da Coruña, da Universidade de Santiago de Compostela e da Universidade de Vigo.

Cada un dos grupos creados neste foro tiveron a oportunidade de explicar como lles está a afectar a pandemia sanitaria provocada pola covid-19. Ademais, achegaron percepcións de diferentes programas que se levan a cabo desde o Goberno galego e realizaron propostas de mellora en base aos intereses da xuventude.

Beneficios dos mozos e mozas correspondentes

Cómpre lembrar que as funcións destes correspondentes son colaborar cos centros na difusión de información relacionada coa situación sociosanitaria derivada da covid-19, xestionar regularmente un taboleiro ou sistema de divulgación, e asistir ás reunións de coordinación que se convoquen, entre outras cuestións.

A estes mozos e mozas correspondentes recoñeceráselle o tempo dedicado como persoas voluntarias. Neste sentido, as universidades expediranlles unha certificación a aqueles que acrediten a súa participación para os efectos da solicitude de créditos e poderán participar gratuitamente, durante unha fin de semana, nun encontro autonómico de correspondentes (incluíndo o aloxamento, a mantenza e a programación de actividades), sempre e cando a situación sanitaria derivada da crise Covid-19 o permita.

Utilizas o #CarnéXove? Presume do que mercas e gaña un vale de 50 € en libros para utilizar nas librarías da Federación de Librarías de Galicia adheridas ao Carné Xove! Queremos carnexovesorteo3saber para que usas o #CarnéXove.

Para participar neste sorteo, destinado a persoas mozas galegas con carné xove vixente, tes que:

1. Subir unha Story a Instagram dalgún produto/servizo adquirido co desconto do #CarnéXove
2. Utilizar o cancelo (hashtag) #CarnéXove, mencionar a @xuventude e indicar o nome do establecemento/marca onde fixeches a compra (se ten Instagran, menciónaa tamén)
3. Fai captura da túa participación.

As persoas participantes poden participar, se cumpren os requisitos, as veces que o desexen. Este sorteo iniciarase ás 13.00 horas do día 10 de febreiro de 2021 e finalizará ás 11.59 horas do día 25 de febreiro de 2021.

Para máis información, consulta as bases do concurso:

Bases en galego

Bases en castelán

Parlamento Xove inicia a súa 12ª edición en versión en liña cunha participación de máis de 200 mozas e mozos galegos
A iniciativa conta coa inscrición de 53 equipos nas categorías de ESO, Bacharelato e Universidade

A conselleira de Política Social, Fabiola García, e a Directora xeral de Xuventude, Participación e Voluntarido, Cristina Pichel, anunciaronlle aos participantes, que están a realizar unha formación previa ao torneo, as datas previstas para as fases clasificatorias das categorías de ESO e Bacharelato.

Os 23 equipos de secundaria celebrarán a fase inicial o 6 de marzo, os 22 de Bacharelato debaterán o 13 do mesmo mes, e os 8 equipos universitarios entran de forma directa na fase final, cuxa data está por determinar

A pregunta desta edición é: Debería un Estado establecer como obrigatoria a vacinación entre a súa poboación?

Fases finais:  A Xunta de Galicia valorará, segundo a evolución da pandemia sanitaria, a posibilidade de que as finais se celebren de xeito presencial no Parlamento de Galicia. Se as circunstancias sanitarias o impiden utilizarase de novo a vía telemática, como xa se fixo o ano pasado.

http://xuventude.xunta.es/parlamento-xove

 

 

A Consellería de Emprego e Igualdade convoca o Programa Aprol-economía social con axudas para fomentar a incorporación de persoas desempregadas e persoas traballadoras temporais a cooperativas e sociedades laborais.

Programa I: fomento do emprego en cooperativas e sociedades laborais (procedemento TR802G).
Este programa busca fomentar a incorporación de persoas socias traballadoras ou de traballo en cooperativas ou sociedades laborais, con carácter indefinido ou en proba. Por cada mozo ou moza incorporada como persoa socia traballadora ou de traballo a proba a subvención ascenderá a 600 € ao mes, por un período de entre 6 e 12 meses.
A contía da subvención ascenderá un 25 % se se trata dunha cooperativa xuvenil.

Programa II: fomento do acceso á condición de persoa socia (procedemento TR802J).
Dirixido ao fomento do acceso á condición de persoas socias traballadoras ou de traballo, de cooperativas ou de sociedades laborais, así como ao fomento do acceso de persoas emprendedoras por conta propia á condición de socias de cooperativas.
A contía da subvención ascenderá un 25 % se se trata dunha cooperativa xuvenil.

Persoas e entidades beneficiarias:
a) As cooperativas e sociedades laborais que contraten ou incorporen socios/as.
b) As persoas desempregadas que formen unha cooperativa.

O prazo para presentar solicitudes estará aberto ata o 30 de setembro de 2021.
Máis información no DOG do 8 de febreiro de 2021 e na web da Consellería de Emprego e Igualdade

Consideranse cooperativas xuvenís as constituídas maioritariamente por persoas socias traballadoras menores de 30 anos, ou 35 se se trata de persoas con discapacidade.

A Consellería de Emprego e Igualdade convoca subvencións aos concellos para a realización de programas de emprego dirixidos a mellorar a ocupabilidade, a cualificación e a inserción profesional das persoas mozas incluídas no ficheiro do Sistema nacional de garantía xuvenil no ámbito da Comunidade Autónoma de Galicia.

Estes programas de emprego configúranse como programas mixtos de emprego e formación que teñen por finalidade mellorar a ocupabilidade das persoas participantes, mediante a realización de obras ou prestación de servizos de interese xeral e social que posibiliten a realización dun traballo efectivo que, xunto coa formación profesional para o emprego recibida, relacionada directamente co dito traballo, procure a súa cualificación profesional e a súa posterior inserción laboral no mercado de traballo.

Poderán ser persoas beneficiarias participantes destes programas aquelas persoas mozas de 18 ou máis anos que non superen a idade máxima que estableza a normativa vixente no momento da selección do alumnado, inscritas e en situación de beneficiarias no ficheiro do Sistema nacional de garantía xuvenil no ámbito da Comunidade Autónoma de Galicia

Os proxectos que se financien ao abeiro desta convocatoria poden ser promovidos polos concellos de Galicia, as mancomunidades de concellos e as entidades públicas dependentes ou vinculadas a concellos ou mancomunidades cuxa titularidade corresponda integramente a elas.

Duración
A etapa de formación en alternancia coa práctica profesional terá unha duración de doce meses e estará dirixida á aprendizaxe, cualificación e adquisición de experiencia profesional.
A data límite para o inicio da formación e as prácticas profesionais será con carácter xeral o 16 de xuño de 2021.

Contidos formativos
1. Durante o desenvolvemento do proxecto, o alumnado traballador recibirá formación profesional para o emprego, alternándoa coa práctica profesional.
2. Desde o inicio da súa participación no proxecto, o alumnado será contratado pola entidade promotora na modalidade do contrato para a formación e aprendizaxe.
3. Durante esta etapa os alumnos e alumnas percibirán as retribucións salariais que lle correspondan.
4. A duración dos contratos de traballo subscritos co alumnado-traballador non poderá exceder a data de remate do proxecto.
5. Nos proxectos impartirase a formación complementaria que determine o Servizo Público de Emprego incluíndo, en todo caso, as materias de alfabetización informática e sensibilización ambiental.
6. Tamén se impartirá un módulo de sensibilización en igualdade de oportunidades entre mulleres e homes, tendo en conta a vulnerabilidade que as mulleres teñen no ámbito laboral e a importancia das medidas dirixidas a combater os estereotipos de xénero e a segregación na educación e na formación, que teñen unha gran incidencia na empregabilidade das mulleres xóvenes

Orientación, información profesional, formación empresarial e asesoramento
1. O alumnado durante todo o proceso formativo, recibirán orientación, asesoramento e información profesional e formación empresarial, para o que as entidades promotoras dos proxectos contarán co persoal para efecto.
2. Ao remate da actividade do proxecto, as entidades promotoras prestaranlles asesoramento ao alumnado participante, tanto para a busca de emprego por conta allea como para o establecemento por conta propia.

O prazo de presentación de solicitudes estará aberto ata o 2 de marzo de 2021.
As solicitudes tramitaranse en https://sede.xunta.es co procedemento TR353B
Máis información no DOG do 2 de febreiro de 2021 e en http://garantiaxuvenil.fondoseuropeos.gal

A Dirección Xeral de Xuventude, Participación e Voluntariado publica no DOG do 26 de xaneiro de 2021 as persoas gañadoras das modalidades de Poesía e de Xoia de Xuventude Crea 2020:

Poesía

1º premio:
A bovéda do ceo. Ciro Fernández Briones. A Pobra do Caramiñal.

2º premio:
Bechiños. Alba Ermida Area. Poio

3º premio:
As lebres cando saltan. José Ismael Ramos Castelo. Noia

Xoia

1º premio:
Sofía Rivas Souto coa obra “Xénese”

2º premio:
Marcos López Rodríguez coa obra “Expedición al Mare Nostrum”

3º premio:
Onécimo Betances Gómez coa obra “Al rescate marino”

Novela Curta

1º premio:
Adrián Gómez Ramos coa obra “Cando sangren os lobos”

2º premio:
Pedro Aarón Álvarez Pérez coa obra “Na porta”

3º premio:
Alba Ermida Area coa obra “Co desexo nos ollos”

Mención de honra:
Andrea Ladrón de Guevara Jato coa obra “A prosperidade”

No DOG do 21 de xaneiro de 2021 publícanse os premios de Xuventude Crea 2020 nas modalidades de Cociña e creación de Videoxogos.

Cociña
1º premio:
- Shewit Pérez Izaguirre Martínez, co prato “Brisa mariña”
2º premio:
- Andrea Maseda Prado e Miguel Morán Gueimonde, co prato “Crema de ortiga e
grelo, aire de rustrido e crocante de filloa de Muimenta”
3º premio:
- Javier Gómez Lojo, co prato “Canelón e vieiras e maniñas de porco celta con
bechamel de queixo de tetilla e trompetas dos mortos”

Creación de Videoxogos
1º premio:
- Xogo: ODAL. Autor: ELVIA
2º premio:
- Xogo: CRUÑA INVICTA. Autor: MARIA PITA
3º premio:
- Xogo: FOFO E A PESCA DO LIXO. Autor: ANZOL

DOG do 21 de xaneiro de 2021