En portada (1151)
O mellor Graffiti do mundo en Lugo
O mural de Julio César, na Rolda da Muralla de Lugo, realizado polo grafitero Diego As, foi elixido como o mellor Graffiti do mundo 2021. Así o decidiu a comunidade Street Art Cities, recibindo máis de 60.000 votos para erixirse como a obra máis votada.
O sétimo posto foi para o artista ourensá Mon Devane e o décimo para a artista de Baiona Lula Goce
As Estrelas do Camiño, de Mon Devane
Mon Devane é o autor do mural de Xermán Arias, en Triacastela, que foi seleccionado como sétimo mellor Graffiti do mundo.
Un tributo a todas as mulleres, homes e familias que sofren o cancro de mama en primeira persoa. Esa é a obra de Lula Goce, pintada sobre a fachada dun edificio localizado no municipio de Aranda de Douro (Burgos), que está seleccionada como o décimo mellor Graffiti do mundo.
Desde a Dirección Xeral de Xuventude, Participación e Voluntariado apostamos polo Graffiti como unha das especialidade artística dos Premios anuais Xuventude Crea, premios nos que poden participar mozos ou mozas galegos/as ou residentes en Galicia, non profesionais, con idades comprendidas entre os 16 e os 30 anos.
Ano europeo da Xuventude: páxina oficial
O 2022 é o Ano Europeo da Xuventude. Con motivo desta celebración, a Unión Europea vén de poñer en marcha unha páxina web oficial onde se recollerán as iniciativas que os países membros vaian facendo arredor desta temática.
O obxectivo é chegar con ela tanto á comunidade xuvenil como aos traballadores deste eido. A páxina irase actualizando segundo se vaian elaborando iniciativas novas.
TELÉFONO DA MULLER: 900 400 273
As 24 horas do día.
NON deixa rastro na factura
Teléfono para toda España 016 Tamén atende as 24 horas do día e non deixa rastro na factura
WhatsApp no número 600 000 016
Violencia de xénero: "Todo acto violento baseado na pertenza ao sexo feminino que teña ou poida ter como resultado un dano ou sufrimento físico, sexual ou psicolóxico para a muller, así como as ameazas de tales actos, a coacción ou a privación arbitraria da liberdade, tanto se se produce na vida pública coma na privada".
Artigo1º da Declaración sobre a eliminación da violencia cara a muller. Asamblea Xeral da Onu 1993
Viaxa este verán con seguridade co teu carné xove
Sabías que o teu carné xove inclúe un seguro de viaxe gratuíto?.
As características principais das garantías de asistencia son as seguintes: 
Asistencia por accidente ou enfermidades durante a viaxe.
- Repatriación ou transporte sanitario de feridos ou enfermos.
- Transporte dos acompañantes.
- Inmobilizacións nun hotel.
- Repatriación ou transporte do asegurado falecido.
- Pago ou reembolso dos gastos médicos, cirúrxicos, farmacéuticos e de hospitalización no estranxeiro.
- Regreso anticipado por falecemento ou hospitalización dun familiar en España do asegurado.
- Servizos de información para viaxes ao estranxeiro.
- Anticipo de gastos de hospitalización no estranxeiro.
- Localización de intérprete en caso de accidente ou enfermidade no estranxeiro.
- Servizo de información sobre asistencia médica.
- Servizo de trámites administrativos para hospitalización.
- Billete de ida e volta para un familiar.
- Gastos de aloxamento para un familiar.
Asistencia por danos á equipaxe.
- Envío e/o reenvío de obxectos esquecidos e/o roubados no transcurso da viaxe.
- Roubos e danos á equipaxe.
- Retraso na entrega de equipaxe.
- Gastos de reposición da documentación de viaxe.
- Roubo na caixa forte do hotel.
- Roubo das chaves da vivenda habitual do asegurado.
Asistencia por retraso dos medios de transporte.
- Retraso na saída da viaxe.
- Cancelación da viaxe por folga.
- Perda da conexión por retrasos.
- Perda do medio de transporte por accidente "in itinere".
- Retraso por "over booking".
Asistencia por responsabilidade civil
- Responsabilidade civil no estranxeiro.
- Anticipo de gastos de defensa legal no estranxeiro.
- Anticipo de fianza xudicial no estranxeiro.
- Servizo de información legal.
- Procura de representante legal no estranxeiro.
- Obtención de salvocondutos.
Teléfonos:
En España: 902 100 728
No estranxeiro: +34 91 594 96 74
CASER, S.A. garante as prestacións dos servizos coa maior dilixencia e durante as 24 horas do día.
O número de póliza do seguro é: 19.227.336
Para consultar polo miúdo as coberturas e exclusións do seguro descarga o pdf coas coberturas.
Descontos co teu Carné Xove: https://carnexove.xunta.gal/gl e si viaxas ao estranxeiro tamén tes descontos: https://eyca.org/
A Xunta de Galicia pon en marcha puntos de información xuvenil nos sete campus universitarios
A Xunta de Galicia, en colaboración coas Universidades de Santiago, Vigo e A Coruña, impulsará puntos de información xuvenil itinerantes co obxectivo de achegar os recursos, programas e axudas existentes en materia de xuventude aos universitarios galegos. Este novo servizo comezará mañá mesmo e irá emprazándose polas diferentes facultades dos campus galegos ao longo dos vindeiros meses.
Coa finalidade de continuar achegando información á mocidade, o Goberno galego desenvolve esta nova iniciativa, coa que pretende asesorar aos estudantes das tres universidades galegas. Neste punto, tamén se habilitará a activación do Carné Xove, que a Administración autonómica fixo chegar á casa duns 400.000 mozas e mozos.
Na Universidade da Coruña comezará mañá a ofrecerse o servizo. No campus da cidade herculina estará no Edificio Xoana Capdevielle, e no de Ferrol, no de Apoio ao Estudo. Pola súa banda, na Universidade de Santiago tamén empezará a funcionar mañá o punto de información, na facultade de Ciencias da Comunicación da capital galega; e en Lugo, o mércores na facultade de Formación do Profesorado.
Por último, na Universidade de Vigo haberá un punto de información o mércores na Facultade de Ciencias Empresariais e Turismo de Ourense e na Facultade de Belas Artes do campus de Pontevedra. O xoves estará na Facultade de Filoloxía e Tradución de Vigo. Estes puntos funcionarán en horario de mañá, de 10.30 a 14.30 horas, un día ao mes en cada campus, salvo na época estival.
Premio especial Carné Xove-Xuventude Crea!
Novo concurso! Novos premios co #CarnéXove! Chega o premio especial Carné Xove do #XuventudeCrea! A través do Instagram de @xuventudegalicia, entra na ligazón da bio, sigue as instrucións, vota a túa candidatura favorita e optarás a gañar un pack de regalos publicitarios do Carné Xove no sorteo que celebraremos o próximo día 21 de xaneiro.
Máis información nas bases: Versión galego | Versión castelán
Parlamento Xove 2022
Xa está aberta a convocatoria para unha nova edición do Parlamento Xove!!!
O Parlamento Xove é unha competición na que os diversos equipos inscritos investigarán e debaterán sobre un tema formulado pola organización. A dificultade da actividade está en que só cinco minutos antes de cada encontro dialéctico procederase ao sorteo da postura a adoptar por cada equipo, "a favor" ou "en contra’" en relación á cuestión formulada.
O obxectivo deste programa é potenciar as habilidades individuais e en grupo, entre as que destacan o desenvolvemento da capacidade de selección de información, a expresión escrita, a expresión oral, a orixinalidade, a argumentación razoada, o traballo en equipo ou a convivencia. Así mesmo, Parlamento Xove fomenta a lectura, a escritura, o emprego das novas tecnoloxías con fins informativos e culturais e o respecto polas ideas dos demais.
O programa, que acada con esta a súa 13ª edición, estrutúrase en tres categorías: ESO, Bacharelato e Universidades. Como novidade este ano, esta última categoría terá tamén unha fase previa clasificatoria.
O tema de debate da fase clasificatoria para as tres categorías será: Debería existir unha regulación para ser youtuber ou influencer que garanta que desempeñen as súas funcións correctamente?
PREMIOS
Os premios serán unha viaxe valorada en 5.000 € para cada un dos equipos gañadores das categorías escolares e en 2.500 € para o equipo gañador da categoría universitaria. Así mesmo, contarán cunha mención especial e cun agasallo os/as mellores oradores/as e os mellores artigos de investigación en cada unha das categorías.
REGULAMENTO E INSCRICIÓN:
Descarga o Regulamento do programa para a coñecer todo o necesario sobre o proceso de inscrición e a competición: (PDF)
Tamén está dispoñible o Regulamento en castelán
O Formulario de participación estará aberto ata o 17 de xaneiro de 2022:
+ Formulario de participación ESO/Bach
+ Formulario de participación Universidade
Consulta as túas dúbidas no correo parlamentoxove.xuventude@xunta.gal ou nos teléfonos 981 545 702 e 981 544 645.
Máis información en http://xuventude.xunta.es/parlamento-xove
A exposición itinerante "Xuventude Crea, máis dunha década. Unha mirada ao pasado, unha mirada ao futuro" chega á Cidade da Cultura
O Museo Centro Gaiás acolle a exposición Xuventude Crea, máis dunha década. Unha mirada ao pasado, unha mirada ao futuro, que repasa os máis de dez anos de vida dun programa que busca recoñecer e dar visibilidade á innovación da xente nova de Galicia en 14 disciplinas diferentes.
A exposición reúne unha selección de 29 pezas dos creadores e creadoras que presentaron os seus proxectos ao abeiro de Xuventude Crea, durante os máis de dez anos de vida do certame. A escolma de proxectos que conforman esta exposición abrangue diversas disciplinas, 6 das 14 especialidades que forman parte do programa:
Moda
Graffiti
Banda deseñada
Artes plásticas (pintura e escultura)
Fotografía
Deseño de xoias
Trátase así dunha mostra multidisciplinar e multixeracional que crea unha liña do tempo a través das obras do artistas que pasaron polo programa en 12 anos.
A exposición, que ten carácter itinerante, está conformada por diferentes traballos de mozas e mozos galegos en seis destas disciplinas nunha iniciativa da Xunta de Galicia que promove o talento e a creatividade da mocidade galega. A exhibición pódese ver cada mes nun concello diferente. Así, na capital galega permanecerá durante todo o mes de decembro.
Son 12 as localizacións que percorrerá a mostra itinerante, que tivo como primeiro destino Ribeira no mes de maio; e, a continuación, Lalín, onde estivo en xuño; Vigo, en xullo; Tui, en agosto; Pontevedra, en setembro; Lugo, en outubro; Ourense, en novembro; e, por último, Santiago de Compostela. De cara ao 2022 especificaranse as datas nas que recalará nas súas seguintes paradas: as cidades da Coruña e Ferrol, Noia e Chantada.
Datas: do 14 de decembro ao 23 de xaneiro.
Lugar: Museo Centro Gaiás. Andar 0. Cidade da Cultura en Santiago de Compostela.
Horario: de luns a domingo de 10.00 a 20.00 horas.
Celina Mauricio Damas, coa obra “Siete pecados” quedou como primeira clasificada no certame Xuventude Crea na especialidade de Danza Moderna, que se celebrou o sábado no Museo do Mar de Galicia en Vigo.
O segundo premio foi compartido entre Cristales, coa obra “The other side of paradise” e Llui Castro Vilches, coa obra “Impulsive”
Tamén o terceiro premio foi compartido, nesta ocasión entre Grow as ohana, coa obra “Mantendo a esencia” e Macorinos, coa obra “Manos perdidas”
A ourensá Alicia Otero quedou como primeira clasificada no certame Xuventude Crea na especialidade de música, que se celebrou o domingo no Praia Club da Coruña. Cunha proposta a piano e voz, sorprendeu interpretando o Retrato e Saliva e alcatrán. O xurado considerouna como a mellor proposta da final. O premio é de 3.000 euros.
O segundo posto foi para Ana & Marián (de Noia e Outes), con temas Faros e Canto ao mar; e o terceiro para Karma Animal (Vigo), con Fénix e Marfil. Os autores das obras gañadoras tiveron que competir co resto de finalistas, entre os que se atopaban Burgas Vandal (Ourense), cos temas Inimigo e Purgatorio; Tiam Gz (Chantada), coas pezas Males endémicos e Muinhei-rap de Chantada; e Galboir (Arzúa), cos temas Noite eterna e Case todo ben.
