En portada (1163)

Novo concurso! Novos premios co #CarnéXove! Chega o premio especial Carné Xove do #XuventudeCrea! A través do Instagram de @xuventudegalicia, entra na ligazón da bio, sigue as instrucións, vota a túa candidatura favorita e optarás a gañar un pack de regalos publicitarios do Carné Xove no sorteo que celebraremos o próximo día 21 de xaneiro. 

 

Máis información nas bases: Versión galego | Versión castelán

 Xa está aberta a convocatoria para unha nova edición do Parlamento Xove!!!

 

Parlamentoxovecabecera

 

O Parlamento Xove é unha competición na que os diversos equipos inscritos investigarán e debaterán sobre un tema formulado pola organización. A dificultade da actividade está en que só cinco minutos antes de cada encontro dialéctico procederase ao sorteo da postura a adoptar por cada equipo, "a favor" ou "en contra’" en relación á cuestión formulada.

O obxectivo deste programa é potenciar as habilidades individuais e en grupo, entre as que destacan o desenvolvemento da capacidade de selección de información, a expresión escrita, a expresión oral, a orixinalidade, a argumentación razoada, o traballo en equipo ou a convivencia. Así mesmo, Parlamento Xove fomenta a lectura, a escritura, o emprego das novas tecnoloxías con fins informativos e culturais e o respecto polas ideas dos demais.

O programa, que acada con esta a súa 13ª edición, estrutúrase en tres categorías: ESO, Bacharelato e Universidades. Como novidade este ano, esta última categoría terá tamén unha fase previa clasificatoria.

O tema de debate da fase clasificatoria para as tres categorías será: Debería existir unha regulación para ser youtuber ou influencer que garanta que desempeñen as súas funcións correctamente?

PREMIOS
Os premios serán unha viaxe valorada en 5.000 € para cada un dos equipos gañadores das categorías escolares e en 2.500 € para o equipo gañador da categoría universitaria. Así mesmo, contarán cunha mención especial e cun agasallo os/as mellores oradores/as e os mellores artigos de investigación en cada unha das categorías.

REGULAMENTO E INSCRICIÓN:

Descarga o Regulamento do programa para a coñecer todo o necesario sobre o proceso de inscrición e a competición: (PDF)

Tamén está dispoñible o Regulamento en castelánparlamaentoxoveregualmebto

O Formulario de participación estará aberto ata o 17 de xaneiro de 2022:  

+ Formulario de participación ESO/Bach

+ Formulario de participación Universidade

 

ParlamentoxovecontactaConsulta as túas dúbidas no correo parlamentoxove.xuventude@xunta.gal ou nos teléfonos 981 545 702 e 981 544 645.

 

Máis información en http://xuventude.xunta.es/parlamento-xove

A exposición itinerante "Xuventude Crea, máis dunha década. Unha mirada ao pasado, unha mirada ao futuro" chega á Cidade da Cultura

O Museo Centro Gaiás acolle a exposición Xuventude Crea, máis dunha década. Unha mirada ao pasado, unha mirada ao futuro, que repasa os máis de dez anos de vida dun programa que busca recoñecer e dar visibilidade á innovación da xente nova de Galicia en 14 disciplinas diferentes.

A exposición reúne unha selección de 29 pezas dos creadores e creadoras que presentaron os seus proxectos ao abeiro de Xuventude Crea, durante os máis de dez anos de vida do certame. A escolma de proxectos que conforman esta exposición abrangue diversas disciplinas, 6 das 14 especialidades que forman parte do programa:

Moda
Graffiti
Banda deseñada
Artes plásticas (pintura e escultura)
Fotografía
Deseño de xoias

Trátase así dunha mostra multidisciplinar e multixeracional que crea unha liña do tempo a través das obras do artistas que pasaron polo programa en 12 anos.

A exposición, que ten carácter itinerante, está conformada por diferentes traballos de mozas e mozos galegos en seis destas disciplinas nunha iniciativa da Xunta de Galicia que promove o talento e a creatividade da mocidade galega. A exhibición pódese ver cada mes nun concello diferente. Así, na capital galega permanecerá durante todo o mes de decembro.

Son 12 as localizacións que percorrerá a mostra itinerante, que tivo como primeiro destino Ribeira no mes de maio; e, a continuación, Lalín, onde estivo en xuño; Vigo, en xullo; Tui, en agosto; Pontevedra, en setembro; Lugo, en outubro; Ourense, en novembro; e, por último, Santiago de Compostela. De cara ao 2022 especificaranse as datas nas que recalará nas súas seguintes paradas: as cidades da Coruña e Ferrol, Noia e Chantada.

Datas: do 14 de decembro ao 23 de xaneiro.
Lugar: Museo Centro Gaiás. Andar 0. Cidade da Cultura en Santiago de Compostela.
Horario: de luns a domingo de 10.00 a 20.00 horas.

A Xunta de Galicia premia algunhas das traxectorias e os proxectos emprendidos pola xuventude galega máis destacados a través do certame Talento Mozo. Promovido pola Dirección Xeral de Xuventude, Participación e Voluntariado da Consellería de Politica Social, estes galardóns buscan recoñecer e dar visibilidade ao enxeño e capacidade da mocidade en cinco modalidades: Ciencia, Cultura e creación, Deporte, Empresa e Rural.

Os premios Talento Mozo alcanzan este ano a súa segunda edición, que permitiu a Xuventude premiar as mellores candidaturas de 2020 e 2021 cunha dotación económica de 5000 euros por categoría.

No DOG do 13 de decembro de 2021 publícase a resolución do xurado dos premios Talento Mozo Galicia 2021 que premian a:

Natalia Barreiro Piñeiro, na modalidade de Ciencia
Lucía Seoane López, na modalidade de Rural
Susana Rodríguez Gacio, na modalidade de Deporte
Sofía Prosper Díaz-Mor, na modalidade de Empresa
Alberto Miguélez Rouco, na modalidade de Cultura e Creación


Natalia Barreiro Piñeiro doutorouse en Medicina Molecular en 2018 con sobresaínte cum laude no Centro Singular de Investigación en Química Biológica y Materiales Moleculares (CiQUS) da USC, onde exerce como investigadora e onde ten participado en diferentes proxectos que deron lugar a tres artigos en revistas científicas de impacto vencellados a un sistema de expresión e purificación de proteínas denominado IC-Tagging que presenta múltiples aplicacións e está desenvolto e patentado polo laboratorio de José Martínez Costas. Actualmente participa no proxecto de desenvolvemento dunha vacina contra SARS-CoV-2 financiado polo Instituto de Salud Carlos III, sendo un dos 10 proxectos de vacina contra o coronavirus que hai en España, Fondo Supera COVID do banco Santander, a Iniciativa Europea de Vacunas (EVI), ademais de diferentes fontes de financiación privada. Este proxecto recibiu o II International Zendal Award en saúde humana que outorga a empresa ZENDAL.

Lucía Seoane López é a artífice do proxecto empresarial Artesanía do Caurel, unha proposta para visibilizar a necesidade e a posibilidade real de emprender no rural pola xuventude de maneira creativa, innovadora e sostible, empregando os recursos proporcionados pola natureza, como é a madeira. A iniciativa desta lucense é unha clara aposta pola visibilización dos oficios artesáns, a dinamización social e cultural dos traballadores manuais da madeira cos que aínda conta a zona e que foi parte da economía da zona nos tempos pasados.

Susana Rodríguez Gacio naceu cunha discapacidade visual moi severa debido á condición xenética de albinismo oculocutáneo, o que non lle impediu empezar con só 4 anos a dar os seus primeiros pasos na natación e, máis tarde, no atletismo nas modalidades de carreira e salto de lonxitude. Sen embargo, foi no triatlón de competición na modalidade na que acadou os seus maiores éxitos deportivos, entre os que destacan o primeiro posto no Campionato do Mundo de Paratriatlón en Auckland (2012), Gold Coast (2018) e Lausanne (2019); primeiro posto no Campionato de Europa de Paratriatlón en Kitzbühel (2014) e Valencia (2019); o quinto posto nos Xogos Paralímpicos de Rio de Janeiro; e o medalla de ouro nos Xogos Paralímpicos de Tokio 2020 en triatlón. Ademais, actualmente é a número 1 do ránking mundial de Paratriatlón na categoría PTVI para deportistas con discapacidade visual.

O proxecto IUVIA, creado por Sofía Prosper Díaz-Mor e encadrada na industria 4.0, consiste nunha descentralización dos servicios da nube, centrada na privacidade dixital dos usuarios e usuarias e na súa soberanía tecnolóxica. Consta dun microservidor que se pode ter na casa e na oficina e permite aloxar de maneira fácil e segura o email, contactos, calendario e almacenamento. Premiado pola Axencia Española de Protección de Datos coma iniciativa de investigación científico-técnica cun enfoque estritamente práctico, permite aos traballadores compartir información e editar documentos de xeito colaborativo tendo a información na oficina ou noutro lugar seguro, sen precisar de terceiros que almacenen e procesen a información. Isto permite ao proxecto ter un impacto positivo en relación á crise económica derivada da COVID-19, xa que que pode permitir aumentar produtividade sen perder os requisitos de privacidade, así como achegar traballadores ao rural, cun acceso a súa propia nube de traballo.

O coruñés Alberto Miguélez Rouco obtivo o Premio extraordinario de fin de grao en piano cunha nota media global de 9,16, e máis tarde rematou o seu segundo grao profesional no Conservatorio Profesional de Música da Coruña na especialidade de clave. Tras estudar na Schola Cantorum Basliensis de Basilea, en Suíza, e na UNED, mantén unha intensa actividade como solista, realizando concertos en numerosos países como España, Suíza, Francia, Alemaña, Austria, Bélxica, Italia, Noruega, Eslovenia, Estados Unidos e Portugal. Ademais, participou como coralista en diversas agrupacións profesionais, orquestras e academias musicais, e recibiu varios premios.

 

Dende hoxe, o cineCinesa Marineda City pasa a formar parte da oferta de establecementos onde se ofrecen descontos á mocidade posuidora do carné xove.

 

Así mesmo, Cinesa mellora os descontos que viña aplicando no cine “Cinesa As Cancelas” á mocidade posuidora do carné xove.

 

 Os descontos que aplica son:

imaxe web cineAsí, pois, mozos e mozas xa podedes desfrutar nestes cines das vantaxes e descontos que vos ofrece o Carné Xove! 

 

Máis descontos: http://xuventude.xunta.es/component/k2/item/2334-establecementos-adheridos

 

 

Celina Mauricio Damas, coa obra “Siete pecados” quedou como primeira clasificada no certame Xuventude Crea na especialidade de Danza Moderna, que se celebrou o sábado no Museo do Mar de Galicia en Vigo.

O segundo premio foi compartido entre Cristales, coa obra “The other side of paradise” e Llui Castro Vilches, coa obra “Impulsive”
Tamén o terceiro premio foi compartido, nesta ocasión entre Grow as ohana, coa obra “Mantendo a esencia” e Macorinos, coa obra “Manos perdidas”

A ourensá Alicia Otero quedou como primeira clasificada no certame Xuventude Crea na especialidade de música, que se celebrou o domingo no Praia Club da Coruña. Cunha proposta a piano e voz, sorprendeu interpretando o Retrato e Saliva e alcatrán. O xurado considerouna como a mellor proposta da final. O premio é de 3.000 euros.

O segundo posto foi para Ana & Marián (de Noia e Outes), con temas Faros e Canto ao mar; e o terceiro para Karma Animal (Vigo), con Fénix e Marfil. Os autores das obras gañadoras tiveron que competir co resto de finalistas, entre os que se atopaban Burgas Vandal (Ourense), cos temas Inimigo e Purgatorio; Tiam Gz (Chantada), coas pezas Males endémicos e Muinhei-rap de Chantada; e Galboir (Arzúa), cos temas Noite eterna e Case todo ben.

1

Inauguración na Igrexa da Universidade en Santiago de Compostela, 1 de decembro, 12:00 horas

Nesta edición de Xuventude Crea 2021, presentáronse un total de 12 obras na especialidade de Moda e 28 obras na especialidade de Deseño de Xoias, o que supón a participación de 40 persoas, 26 mulleres e 14 homes.

De todas as obras presentadas, seleccionáronse como finalistas un total de 12 obras: 6 na especialidade de moda e 6 na especialidade de deseño de xoias.

O día 1 de decembro, ás 12:00 horas, inaugurarase a exposición destas 12 obras finalistas, na Igrexa da Universidade de Santiago de Compostela, e no acto daranse a coñecer, por parte da directora xeral de Xuventude, Participación e Voluntariado, Cristina Pichel Toimil, acompañada da vicerreitora de Igualdade, Cultura e Servizos da Universidade de Santiago de Compostela, María do Mar Lorenzo Moledo, as obras premiadas ou que recibirán mención de honra nas devanditas especialidades.

Esta exposición estará aberta ao público, con todas as medidas de seguridade, ata o 15 de xaneiro de 2022, de luns a sábado, en horario de 11 ás 14 horas, pola mañá, e de 17 a 20:30 horas, pola tarde.

Obras finalistas

Moda:
  Amazona (Crecente), coa obra "Artemis"
  Arg (Santiago), coa obra "The academy"
  Svrv (Ribeira), coa obra "Blossom"
  Silver (Vigo), coa obra "Lost"
  Storm boy (Pontevedra), coa obra "Storm boy"
  Mary-kate twin (Verín), coa obra "Out of this world"

Deseño de xoias:
  Larimar (Vigo), coa obra "Lo opuesto de lo que realmente vemos"
  A túa nova casa (Santiago), coa obra "A túa nova casa"
  Eles (Santiago), coa obra "Eles"
  Balance (Vilagarcía), coa obra "Balance"
  Natureza animal (Santiago), coa obra "Natureza animal"
  Kukú (Betanzos), coa obra "Kukú"

Campaña de Quérote+ polo día internacional contra a Violencia de xénero.

Violencia de xénero: "Todo acto violento baseado na pertenza ao sexo feminino que teña ou poida ter como resultado un dano ou sufrimento físico, sexual ou psicolóxico para  a muller, así como as ameazas de tales actos, a coacción ou a privación arbitraria da liberdade, tanto se se produce na vida pública coma na privada". 

Artigo1º da Declaración sobre a eliminación da violencia cara a muller. Asamblea Xeral da Onu 1993

3457

Nesta edición de 2021, presentáronse ao certame Xuventude Crea na modalidade de Danza Moderna un total de 9 solicitudes de grupos/solistas, nos que interveñen 24 persoas.

De todas as solicitudes presentadas, seleccionáronse como finalistas un total de 4 grupos e 2 solistas:
   Llui Waratchaya (Vigo), coa obra "Impulsive"
   Greas (Santiago), coa obra "Lonxe de eiquí"
   Macorinos (A Coruña), coa obra "Manos perdidas"
   Grow as Ohana (Nigrán), coa obra "Mantendo a esencia"
   Siete Pecados (Tui), coa obra "Siete pecados"
   Cristales (A Coruña), coa obra "The other side of paradise"


O sábado 27 de novembro, os finalistas actuarán ante a comisión de selección a partir das 17:00 horas no Museo do Mar de Galicia en Vigo, nun acto que contará con todas as medidas de seguridade e saúde esixidas fronte a Covid-19.

Unha vez rematadas as actuacións, daranse a coñecer por parte da Dirección Xeral de Xuventude, Participación e Voluntariado as persoas premiadas ou que recibirán mención de honra na devandita categoría.