En portada (1085)

Ata o 19 de decembro na Igresa da Universidade en Santiago de Compostela

A Dirección Xeral de Xuventude, Participación e Voluntariado da Consellería de Política Social, no marco do proxecto Lidera, aprobado ao abeiro do programa Interreg V A España Portugal 2014-2020 (POCTEP), realizará no Espazo Xove de Vilagarcía de Arousa o encontro sectorial “Orquestra o teu talento”, unha masterclass de dúas horas e media de duración na que, a través da música, se transmitan aos mozos e mozas os valores e actitudes para o desenvolvemento do seu talento. Ao tempo será un encontro sectorial a pequena escala, onde os mozos e mozas e os distintos actores do territorio poderán establecer unha dinámica de diálogo e coñecemento mutuo que impulse a aparición de oportunidades no eido da música.

OBXECTIVOS:
Achegar a música ao ámbito das oportunidades de emprego e emprendemento da mocidade.
Coñecer a música como catalizadora de oportunidades capaces de operar cambios no ecosistema da empresa a partir da mellora das opcións de emprego e emprendemento.
Analizar a música como transmisora de valores, dado que a súa interpretación esixe actitude.

Data:  sábado, 16 de novembro de 2019.
Horario:  10.30 h a 13.00 h.
Lugar:  Espazo Xove de Vilagarcía de Arousa. Rúa Xoan Carlos I, 36600 Vilagarcía de Arousa
Asistentes:  mozas e mozos galegos e portugueses de 18 a 30 anos de idade.

Entrada libre ata completar aforo.

PROGRAMA
10.30 h Recepción das persoas participantes.
10.35 h Masterclass: Banda cultural de Teo

- Sección de saxos
- Sección de metais.
- Sección de clarinetes


Proxecto LIDERA.

O proxecto “Catalizador de oportunidades de emprego e emprendemento xove transfronteirizo” (acrónimo LIDERA) foi aprobado ao abeiro do programa Interreg V A España Portugal 2014-2020 (POCTEP) e ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692, 93 euros cunha financiación dun 75 % de fondos Feder e unha duración de catro anos (2016-2019).

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

Se es estudante das universidades de Santiago de Compostela, Vigo ou A Coruña, podes facerte “correspondente universitario” para difundir información entre o alumnado sobre programas, oportunidades e iniciativas de interese para a xuventude.

Como contrapartida obterás diversos beneficios (créditos, carnés de balde, participación en encontros de correspondentes....)


Infórmate e inscríbete!

Información

Inscrición

Si queres ver os traballos finalistas das especialidades de moda e deseño de xoia de Xuventude Crea 2019, podes facelo ata o 20 de novembro nas Cancelas de Santiago de Compostela.

Canal de WhatsApp Xuventude

Se tes entre 18 e 30 anos seguro que sabes que podes beneficiarte de numerosos descontos en comercios, actividades de ocio e transportes grazas ao Carné Xove. Seguro que sabes que podes acceder a bolsas para os teus estudos, para realizar prácticas formativas en Europa e mesmo viaxes a países tan interesantes como Xapón. Seguro que tamén coñeces os premios, certames e concursos nos que recoñecemos a creatividade e o talento xuvenil. E, por suposto, sabes que tes ao teu alcance numerosas accións de voluntariado e que mesmo podes desfrutar de estadías de fin de semana no rural galego cargadas de aventuras... ¿Ou non o sabías?

Se non sabías nada disto ou, se aínda coñecendo toda esta oferta, queres apuntarte antes que ninguén, esta mensaxe seguro que che interesa.

En breve, desde a Xunta de Galicia, a través da Dirección Xeral de Xuventude, Participación e Voluntariado da Consellería de Política Social, poñeremos en marcha por primeira vez un canal de WhatsApp a través do cal daremos a coñecer todos os programas, novidades e futuras accións nas que podes participar como persoa nova. Ao mesmo tempo, responderemos tamén a todas as túas dúbidas, preguntas e inquedanzas.

Para poder sumarte a esta iniciativa precisamos o teu consentimento expreso, simplemente enviando un mail ao enderezo: xuventude-informacion.politicasocial@xunta.gal, indicándonos o teu número de móbil.

No asunto debes poñer: WhatsApp de Xuventude.

Esperamos recibir pronto noticias túas.

A Dirección Xeral de Xuventude, Participación e Voluntariado da Consellería de Política Social, no marco do proxecto Lidera, aprobado ao abeiro do programa Interreg V A España Portugal 2014-2020 (POCTEP), realizará no Espazo Xove de Ourense o encontro sectorial ““ORGANIZACIÓN DE EVENTOS E MUNDO AUDIOVISUAL””, un encontro sectorial a pequena escala, onde os mozos e mozas e os distintos actores do territorio poderán establecer unha dinámica de diálogo e coñecemento mutuo que impulse a aparición de oportunidades no eido da organización de eventos e proxectos audiovisuais.

OBXECTIVOS:
- Facilitar novas ferramentas para a búsqueda activa de emprego.
- Dar a coñecer os perfís actuais que se valoran en departamentos de recursos humanos das empresas.
- Dar a coñecer novas técnicas de traballo en equipo.
- Mellorar o espírito emprendedor dos mozos e mozas.
- Presentar o Espazo Xove de Ourense como un lugar de encontro xuvenil.

Data:  martes, 12 de novembro de 2019.
Horario:  11.30 h a 13.30 h.
Lugar:  Espazo Xove de Ourense. Rúa Celso Emilio Ferreiro, n.º. 24 – Ourense.
Asistentes:  mozas e mozos galegos e portugueses de 18 a 30 anos de idade.

Entrada libre ata completar aforo.

PROGRAMA
- 11.30 h Recepción das persoas participantes.
- 11:35 h Mesa redonda “Disfrutando do meu negocio”.
Mamen Quintás, executiva de Ficción Produccións.
Juan Rivas, director e fundador de La10Planta.
Paula Armesto, promotora do Festival Ribeira Sacra.
- 12.35h Emprendendo dende a paixón
Dj Mil, fundador do centro especializado WAX.
- 12.55 Sesión Dj Mil
- 13.30 Fin da xornada

Proxecto LIDERA.

O proxecto “Catalizador de oportunidades de emprego e emprendemento xove transfronteirizo” (acrónimo LIDERA) foi aprobado ao abeiro do programa Interreg V A España Portugal 2014-2020 (POCTEP) e ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692, 93 euros cunha financiación dun 75 % de fondos Feder e unha duración de catro anos (2016-2019).

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

A Dirección Xeral de Xuventude, Participación e Voluntariado, da Consellería de Política Social, convoca uns obradoiros teóricos prácticos de orientación profesional e persoal co obxectivo de apoiar á xuventude no seu proceso de toma de decisións da súa traxectoria profesional, ao tempo que reforza a súa formación en habilidades transversais que melloren as súas oportunidades de emprego e emprendemento.


OBXECTIVOS
- Desenvolver as competencias de autocoñecemento e toma de decisión.
- Apoio na toma de decisión na futura traxectoria profesional.
- Promover a introspeción e coñecemento dun/ha mesmo/a.
- Apoio ao adestramento no proceso de toma de decisións.
- Apoio á orientación vocacional e o recoñecemento de habilidades e competencias profesionais.
- Mellora da autoestima na procura de emprego. Identificación e adestramento de habilidades emocionais.
- Formar en habilidades transversais.
- Mellora das oportunidades de emprego e emprendemento dos mozos e mozas.

DESTINATARIOS/AS: Mozos e mozas galegos/as e portugueses con idades comprendidas entre 18 e 30 anos.

LUGAR DE REALIZACIÓN

cuadro2 


CONTIDOS

contidos

PRAZAS POR XORNADA: Un mínimo de 5 e un máximo de 25 persoas.

PRAZO DE INSCRICIÓN: Do 4 de novembro ás 12:00 horas do día anterior hábil á realización da xornada.

INSCRICIÓN: Mediante o envío de formulario electrónico.

ADMISIÓN
Será por rigorosa orde de inscrición, ata cubrir a totalidade de prazas en cada localidade. Os/as solicitantes seleccionados/as recibirán un correo electrónico de confirmación da praza. Unha vez finalizado o prazo de inscrición, de non recibir comunicación no día anterior á xornada, entenderase que non obtivo praza.

CUMPRIMENTO DA NORMATIVA DE PROTECCIÓN DE DATOS
Os datos persoais recadados neste programa serán tratados na súa condición de responsable pola Consellería de Política Social coas finalidades de levar a cabo a tramitación administrativa que se derive da xestión deste programa.
O tratamento dos datos baséase no cumprimento dunha misión de interese público ou no exercicio de poderes públicos, conforme as referencias recollidas en https://www.xunta.gal/informacion-xeral-proteccion-datos.
A Dirección Xeral de Xuventude, Participación e Voluntariado comprométese ao cumprimento da súa obriga de segredo dos datos de carácter persoal e adoptará todas as medidas técnicas e de seguridade para asegurar a confidencialidade dos devanditos datos, así como evitar a súa alteración, perda, tratamento ou acceso non autorizado, habida conta, en todo momento, do estado da tecnoloxía.

PROXECTO LIDERA

Esta iniciativa enmárcase no proxecto “Catalizador de oportunidades de emprego e emprendemento xove transfronteirizo” (acrónimo LIDERA), aprobado ao abeiro do programa Interreg V A España Portugal 2014-2020 (POCTEP), un proxecto que ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do  territorio. Conta cun orzamento de 1.428.692, 93 euros cunha cofinanciación dun 75 % de fondos Feder e unha duración de catro anos (2016-2019).

Esta iniciativa formativa forma parte da actividade “Cataliza” que ten como obxectivo mellorar, potenciar e impulsar a viabilidade dos proxectos e ideas da xuventude mediante a realización de actividades de tutorización e asesoramento individualizado, formación especializada e coaching persoal.

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.

FORMULARIO DE INSCRICIÓN

A partir do día 7 de novembro podes participar na nova edición da iniciativa DiscoverEU da Comisión Europea que outorgará billetes para viaxar gratis por Europa.

DiscoverEU é un proxecto da UE destinado a axudar ás persoas mozas de 18 anos a viaxar, coñecer os países que forman a Unión Europea e percorrelos para comprender mellor a diversidade do noso continente, gozando da súa riqueza cultural e facendo novos amigos.

A maior parte da viaxe debe facerse en ferrocarril, aínda que para dar o maior acceso posible a todos os lugares, os bonos de viaxe tamén incluirán modos de transporte alternativos como autobuses ou ferris. En casos excepcionais, e cando non existan outros medios de transporte, autorizaranse as viaxes en avión. Deste xeito, os mozos que vivan en zonas remotas ou en illas teñen tamén a oportunidade de participar.

As viaxes deberán realizarse entre o 1 de abril e o 31 de outubro de 2020 e todos deberán ter unha duración mínima dun día e máxima de 30 días, e deberán comezar nun país que sexa Estado membro da Unión Europea.

Como participar?

Para poder ser admitido é necesario ter 18 anos cumpridos (nacer entre o 1 de xaneiro de 2001 e o 31 de decembro de 2001, ambos inclusive) así como ter a nacionalidade dun dos Estados membros da Unión Europea no momento da decisión de adxudicación.

Todos os candidatos que sexan elixidos para participar nesta iniciativa converteranse en embaixadores de viaxe de DiscoverEU, polo que deberán contar as súas experiencias de viaxe a través de redes sociais como Instagram, Facebook ou Twitter, utilizando a etiqueta #DiscoverEU

Esta iniciativa permite engadir ata catro amigos ao grupo de viaxe e combinar plans de viaxe con outros participantes do programa.

Se estás interesado en formar parte desta nova convocatoria de DiscoverEU, poderás inscribirte entre o 7 e o 28 de novembro de 2019, a través do formulario de candidatura online que estará dispoñible na páxina web oficial de DiscoverEU a partir desa data.

https://europa.eu/youth/discovereu_es

A Consellería de Política Social publica no DOG do 23 d eoutubro de 2019 as modificacións das Ordes polas que se regulan as bases das subvencións para entidades de acción voluntaria e entidades locais enmarcadas no programa Servizo de voluntariado xuvenil, así como as subvencións para entidades de acción voluntaria de carácter privado para o fomento e a realización de actividades de voluntariado.

Modificacións para entidades de acción voluntaria e entidades locais

Modificacións para entidades de acción voluntaria de carácter privado