A Dirección Xeral de Xuventude, Participación e Voluntariado da Consellería de Política Social, no marco do proxecto Lidera, aprobado ao abeiro do programa Interreg V A España Portugal 2014-2020 (POCTEP), realizará no Espazo Xove de Carballo, o encontro sectorial “O emprendemento a través da cultura urbana e o skate”, un encontro sectorial a pequena escala, onde os mozos e mozas e os distintos actores do territorio poderán establecer unha dinámica de diálogo e coñecemento mutuo que impulse a aparición de oportunidades no eido da cultura urbana e do skate.
Data: 27 de xuño de 2018
Horario: 10:00- 13:30 horas
Lugar: Espazo Xove de Carballo. R/ Valle Inclán, 24. 15100 Carballo. A Coruña. Teléfono: 881 880 421 e 881 880 420
Entrada libre para os/as mozos/as interesados/as.
|
PROGRAMA DE ACTIVIDADES |
|
|
10:00 - 10:45 h |
Exemplo do emprendemento dende a oportunidade do skate |
|
10:45 - 11:30 h |
Dinámica de grupo “A miña empresa é de...” |
|
11:30 - 11:45 h |
Pausa café |
|
11:45 - 12:00 h |
Briefing de skate e colocación de módulos |
|
12:00 - 13:30 h |
Práctica e dinámicas sobre skate |
Proxecto LIDERA.
O proxecto “Catalizador de oportunidades de emprego e emprendemento xove transfronteirizo” (acrónimo LIDERA) foi aprobado ao abeiro do programa Interreg V A España Portugal 2014-2020 (POCTEP) e ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do territorio. Conta cun orzamento de 1.428.692, 93 euros cunha financiación dun 75 % de fondos Feder e unha duración de catro anos (2016-2019).
Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, a Asociación Comercial de Emprendedores de Galicia (Ascega), o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.