Dende as Casas da Mocidade de Oleiros - Portaberta e As Pedras - presentan o cartaz de actividades programadas para o mes de DECEMBRO.
Todas as actividades son gratuitas e están dirixidas a mozas e mozos de entre 14 e 30 anos, independentemente do concello ao que pertenzan, tendo preferencia as persoas empadroadas no Concello de Oleiros.

As actividades son:
09/12/2022 - OBRADOIRO DE INICIACIÓN AO NEEDLE FELTING - AS PEDRAS - 17:30h a 19:30h.
16/12/2022 - OBRADOIRO DE INICIACIÓN AO EMPAQUETADO CREATIVO - AS PEDRAS - 17:30h a 19:30h.
17/12/2022 - III TORNEO DE LEAGUE OF LEGENDS - VÍA ONLINE - 17:00h a 21:00h.
23/12/2022 - SAÍDA ÁS TERMAS E CIDADE DE OURENSE - 12:00h a 23:00h.
26, 27 e 28/12/2022 - CURSO DE MONITOR/A DE TRANSPORTE ESCOLAR - PORTABERTA - 16:00h a 21:00h.
27/12/2022 - OBRADOIRO DE COCIÑA DE NADAL - PORTABERTA - 17:30h a 19:30h.
30/12/2022 - CEA DE PRENOITEVELLA CON SORTEO - AS PEDRAS - 21:00h a 00:00h.

A INSCRICIÓN DE CADA ACTIVIDADE FINALIZA O DOMINGO ANTERIOR Á REALIZACIÓN DA MESMA.
Se che xorde algunha dúbida os Puntos de Información Xuvenil están abertos de luns a venres en horario de 17:00 a 20:00; e o horario de apertura ao público das Casas da Mocidade é de luns a xoves de 17:00 a 20:00; venres de 17:00 a 22:00 e sábado dende as 17:00 ate as 22:00 Portaberta e ata as 23:00 As Pedras.
Tamén podes estar ao tanto de todo o que facemos a través da conta de Instagram: @centrosmocidadeoleiros, na páxina de Facebook: Casas da Mocidade Oleiros ou na nosa web: centrosmocidadeoleiros.wordpress.com, na cal poderás estar ao tanto das actividades, acceder ás inscricións, reservar espazos dos centros, facer consultas,...

O departamento de Xuventude de Ames presenta a marca XA! Xuventude Ames. Trátase dunha renovación onde adquire protagonismo a xuventude, as cores, a frescura, os novos modos de comunicarnos, unha imaxe renovada, moderna, actual e fresca.

Preténdese chegar á xuventude, e que a xuventude se achegue ao Concello, para promover un sentimento de orgullo e pertenza a Ames. A nova imaxe representa á xuventude amesá, que é creativa, actual, activa e que non se pon límites. Queremos achegar á xuventude unha imaxe positiva e próxima que englobe todas os proxectos nos que estamos a traballar. Darlle visibilidade a todos os recursos que podedes atopar, converténdose nunha ferramenta para a xuventude que quere formarse, atopar recursos, desfrutar do tempo libre e medrar como persoa.

https://www.concellodeames.gal/gl/organizacion/departamentos-municipais/estructura-de-departamentos-municipais/departamento-de-mocidade 

A Xunta de Galicia reforza a programación de actividades nos 12 Espazos Xoves dependentes da Consellería de Política Social e Xuventude durante os meses de novembro e decembro co obxectivo de ofrecer alternativas de ocio para a mocidade e un recurso de conciliación da vida familiar e laboral para as familias.

QUE?
Esta programación inclúe doce tipos de actividades presenciais vinculadas a diferentes ámbitos.
Catro deles desenvolveranse aos sábados: escape room, break dance, obradoiro de cine, xogos de mesa.
Os oito restantes realizaranse de martes a venres, segundo o calendario que se especifica para cada Espazo Xove: rap, danza moderna, xadrez creativo, xadrez, maquillaxe artística, robótica, teatro, ciencia.

COMO INSCRIBIRSE?
Cada persoa poderá inscribirse en cantos obradoiros queira, tendo en conta que algúns teñen varias sesións encadeadas ao longo do período do programa. A pesar de que é recomendable asistir a todas as sesións dunha mesma temática e centro, non é obrigatorio e pódese participar en sesións puntuais. A inscrición será no propio Espazo Xove a través das súas canles de comunicación habituais (presencial, telefónica ou electrónica)

PROGRAMACIÓN