Correspondentes Xuvenís 3.0 (132)
IES Pedra da Aguia
As Correspondentes Xuvenís do IES Pedra da Aguia de Ponto do Porte en Camariñas son Daniela, Aida María, Laura, Carmen Laura, Ainhoa e Laura, coordinadas polo profesor Francisco Javier Brey.
Elas serán as encargadas de difundir información xuvenil entre o alumnado do seu instituto.
Un total de 155 rapaces e rapazas correspondentes xuvenís pasaron un fin de semana no albergue xuvenil de Gandarío onde participaron en actividades lúdicas.
A directora xeral de Xuventude, Participación e Voluntariado, Cecilia Vázquez, reuniuse cos 155 mozos e mozas de entre 14 e 22 anos que participaron no encontro de correspondentes xuvenís en Bergondo.
O programa Correspondentes Xuvenís 3.0 é unha iniciativa da Dirección Xeral de Xuventude, Participación e Voluntariado que consiste nunha rede de mozos e mozas que teñen o papel de “antenas informativas” para difundir nos seus centros de ensino programas e información de interese xuvenil entre iguais.
Os mozos e mozas que participan de maneira voluntaria neste programa encárganse de informar aos seus compañeiros de aula, amizades e coñecidos sobre convocatorias, recursos e programas xuvenís que poidan ser do seu interese.
O programa Correspondentes de correspondentes xuvenís é unha ferramenta que permite potenciar as habilidades comunicativas e sociais dos participantes; favorece a asunción temperá de responsabilidades e transmite valores como a solidariedade, a participación entre iguais e o liderado.
Unha das novidades deste encontro, no que se combinan aspectos formativos e lúdicos, é a formación que recibirán os e as asistentes, en materia de oratoria e comunicación en público. Esta formación será impartida por Tania Vilariño, experta na materia, na que se pretende facilitar aos correspondentes xuvenís técnicas prácticas de expresión oral para lograr unha comunicación efectiva entre os seus compañeiros e outro tipo de auditorio.
O programa Correspondentes Xuvenís 3.0 no presente curso escolar conta con 618 participantes no conxunto de Galicia, ao redor dun centenar máis que na edición anterior. Son mozos e mozas que estudan segundo ciclo de secundaria, bacharelato ou ciclos medios e superiores de formación profesional.
O equipo de Correspondentes do CPI Mosteiro de Meis recibiron os diplomas que os acreditan como voluntarios/as de mans da concelleira de cultura, Ofelia Barral Betanzos e de Miguel Daporta, profesor que coordinou o programa Correspondentes Xuvenís no centro educativo.
Parabéns a Mathias Lorenzo, Milena, Mateo, Mónica, Paula e María.
Estudantes de Animación Sociocultural e Turística no Encontro Nacional de Correspondentes Xuvenís
Vicky, Carolina, Elisabet, Javier, Nerea, Nerea, María, Paula, Adriana, Sandra, Iria, Victor e Paula do CIFP Portovello de Ourense, Antía, Jacobo e Itziar do IES Primeiro de Marzo de Baiona e Alicia, Andrea, Rocío, Xacobe, Nerea, Laura, Nazaret, Emilio, Raúl e Silvia do IES Rosalía de Castro de Santiago de Compostela asistiron do 15 ao 17 de xuño ao I Encontro Nacional de Correspondentes xuvenís que se desenvolveu no Mar Menor de Murcia. Todos eles e elas son estudantes do ciclo de Animación Sociocultural e Turística.
Foi unha estupenda oportunidade para poñer en común experiencias e ideas con Correspondentes Xuvenís de Canarias, Ceuta, Andalucía, Castela León, Castela A Mancha, Madrid e Murcia.
O mural elaborado por nove alumnos do IES Pontepedriña que foi o gañador do concurso convocado o pasado ano pola FAO (Organización das Nacións Unidas para a Alimentación e a Agricultura) para conmemorar o Día Internacional do Solo xa loce no instituto
O certame, no que participaron un centenar de institutos españois, pero só un de Santiago, quería chamar a atención sobre a protección do solo, baixo o lema «O coidado do planeta comeza polo solo».
Nicolás Lucas, profesor de Bioloxía, apuntou que a decisión de participar tomouse en tempo récord e que, aínda que o certame consistía en facer un debuxo, o equipo participante pensou nunha idea orixinal. Detrás do mural houbo un arduo traballo de investigación e de observación. Os alumnos, coa colaboración de investigadores do CSIC e a USC como Rafael Zas, ademais de cinco docentes do centro, usaron como fondo do seu traballo as consecuencias para o chan dos incendios que arrasaron Galicia e Portugal o pasado ano. Concretamente, visitaron o sur de Galicia, que sufriu graves lumes no fin de semana do 13 ao 15 de outubro. O seu traballo foi máis aló e expuxeron as solucións para recuperar o solo tras a devastación.
Tras visitar a zona e analizar o terreo, os alumnos recolleron mostras de terra e cinzas, elementos que usaron despois como material para pintar o mural. Os premiados son: Silvia Fontes, Iria Febreiro, Irene García, Paula Alfonsín, Cristina Díaz, Laura Caeiro, Luís Morón, Daniel Méndez e Artur Vázquez.
O equipo de Correspondentes Xuvenís do IES Saturnino Montojo de Ferrol, enviannos este resumo das activdades que realizaron ao longo do curso:
"Os CORRESPONDENTES XUVENÍS DO IES SATURNINO MONTOJO participamos en numerosos proxectos ao longo de todo o curso, dinamizando a vida do instituto. Un dos aspectos clave deste programa é que interiorizamos o concepto de voluntariado e sempre estamos dispostos a colaborar, tanto na difusión das propostas que chegan da Direccion Xeral de Xuventude, Participación e Voluntariado, como das que xorden no instituto.
Neste trimestre estamos realizando diversas actividades no proxecto A escola é o camiño, que nos axudan a salientar o valor da escola e da educación. Ademais combinamos aprendizaxe e servizo á comunidade e xa recadamos máis de 1000 euros con iniciativas como o mercado solidario, a venda de doces e rifas. Destinarémolos a UNICEF para que sexan investidos no desenvolvemento de escolas.
As actividades foron moi variadas:
- Dramatizacións por parte dos alumnos de situación escolares de antes e de agora con posterior debate ao que están invitados os familiares que desexen participar.
- Club de lectura sobre o libro A lingua das bolboretas
- Mercado solidario, venda de doces e rifas.
- Concerto solidario.
- Actividades deportivas.
- Exposición de material escola, fotografías, libros antigos…. cedidos por pais/nais, avós/as, profesorado...
- Entrevistas a familiares para recoller información sobre a escola de etapas anteriores establecer semellanzas e diferenzas e comentar aspectos que melloraron ou empeoraron.
A ESCOLA É O CAMIÑO , porque , ademais de transmitir coñecementos e habilidades, abre portas, ofrece posibilidades, dignifica , alenta a curiosidade e o desenvolvemento, promove a evolución e posibilita a igualdade...
POR OUTRA PARTE, TAMÉN PARTICIPAMOS EN RADIO FILISPÍN".
Aquí podedes ver o seu traballo
Conta de Instagram: https://www.instagram.com/cxmontojo/?hl=es
Parabéns e gracias un curso máis polo traballo desenvolvido!!!
Desde o IES Sofía Casanova de Ferrol enviannos unha información moi completa do labor que está a desenvolver o equipo de Correspondentes Xuvenís
Este equipo está composto por María, Tomás, Roi Carlos, Adriana, Andrea, Pablo, Carlos, José María, Sofía, Roberto, Bruno, Inés, Lucía, Lucía, Martín, Guillermo, Nadia, Iago, Pablo Aníbal, Lucía e Ana
Hai un enlace na web do instituto http://www.edu.xunta.gal/centros/iessofiacasanova/node/1316
Que leva á web-taboleiro de correspondentes: https://sites.google.com/site/correspondentesnosofia/
Nesta web-taboleiro hai:
1. Taboleiro CSC.
Organizan a información en 4 apartados: Información Xeral. Axudas, bolsas. Concursos, certames. Correspondentes en Galicia. Tamén teñen un taboleiro "real" á entrada do instituto.
2. Quen somos?
Neste apartado está o vídeo presentación e as fotos dos correspondentes.
3. Onde podes encontrar a información?
Os enlaces aos sitios onde colgan información (web instituto, taboleiro, boletín informativo, Instagram…).
4. O proceso.
Unha descrición do proceso de recollida, organización e difusión da información.
Tamén teñen unha maqueta dun boletín informativo on line: https://es.calameo.com/read/00547468171863205f8e2
Parabéns a todas e todos polo traballo desenvolvido!!!
A Xunta de Galicia destaca o labor dos Correspondentes Xuvenís na difusión de información de interese para a mocidade
Un grupo de 21 estudantes deste instituto ferrolán manteñen ao día aos seus compañeiros de aula sobre programas, bolsas de axuda, ofertas de emprego, acción de ocio e tempo libre e outros asuntos que poden ser de interese para eles.
O equipo de Correspondentes Xuvenís son María, Tomás, Roi Carlos, Adriana, Andrea, Pablo, Carlos, José María, Sofía, Roberto, Bruno, Inés, Lucía, Lucía, Martín, Guillermo, Nadia, Iago, Pablo Aníbal, Lucía e Ana
En Ferrol participan nesta iniciativa os IES Sofía Casanova e Saturnino Montojo, ademais do CIFP Rodofo Ucha e o Colexio La Salle
A Dirección Xeral de Xuventude, Participación e Voluntariado recoñece esta experiencia de voluntariado entregando a cada correspondente un certificado ao remate do curso escolar
O conselleiro de Política Social, José Manuel Rey Varela, compartiu parta da xornada desta mañá co alumnado do Instituto de Educación Secundaria (IES) Sofía Casanova de Ferrol que participa no programa Correspondentes Xuvenís 3.0 da Xunta de Galicia. Rey Varela estivo acompañado da directora xeral de Xuventude, Participación e Voluntariado, Cecilia Vázquez Suárez, e o obxectivo deste encontro foi o de poñer en valor o traballo como antenas informativas que realizan de maneira voluntaria estes mozos e mozas para difundir nos seus centros de ensino programas e información de interese xuvenil. 
No IES Sofía Casanova o grupo de correspondentes está formado por 21 persoas, que son as encargadas de informar aos seus compañeiros de aula, amizades e coñecidos de convocatorias, recursos e programas que poidan ser do seu interese. O conselleiro salientou a importancia da dinamización da información xuvenil dentro do propio sistema educativo e que sexan os alumnos e alumnas os que se ocupen desta tarefa, o que permite “ter unha rede de difusión da información dirixida á xente nova realmente eficaz”, apuntou.
Nesta liña, o titular de Política Social engadiu que a colaboración dos correspondentes, co apoio do profesorado, “é fundamental para que a xuventude galega coñeza os programas, actividades e todas aquelas cuestións que lle poden ser de interese, unha función que é chave para facilitar a participación da xente nova nas accións que impulsa a Administración autonómica”.
Así mesmo, Rey Varela sinalou que esta iniciativa “ademais de propiciar a participación da mocidade constitúe tamén unha aposta pola educación non formal, posto que os correspondentes adquiren competencias relacionadas co liderado, así como con habilidades comunicativas e sociais; ao tempo que fomentan valores positivos como a solidariedade e o voluntariado”.
O programa Correspondentes Xuvenís 3.0 no presente curso escolar conta con 618 participantes no conxunto de Galicia, ao redor de un centenar máis que na edición anterior. Son mozos e mozas que estudan segundo ciclo de secundaria, bacharelato ou ciclos medios e superiores de formación profesional. En Ferrol, ademais dos 21 estudantes do IES Sofía Casanova, participan tamén o IES Saturnino Montojo con 23 correspondentes, o Centro Integrado de Formación Profesional (CIFP) Rodolfo Ucha con dous e o Colexio La Salle con outros dous.
Os correspondentes xuvenís reciben información de xeito periódico desde o Centro coordinador de información xuvenil da Dirección Xeral de Xuventude, Participación e Voluntariado, así como dos Espazos Xove da súa zona, sobre aqueles temas que poden ser de interese para os mozos e mozas como os propios programados pola Dirección Xeral, bolsas de axuda, ofertas de emprego, enderezos e recursos de interese, aloxamentos xuvenís ou ocio e tempo libre. Unha vez recollida a información, os correspondentes a difunden entre os seus compañeiros a través de diferentes medios como taboleiros no propio centro educativo, blogs ou redes sociais.
A Xunta recoñece o tempo que estes correspondentes dedican a esta actividade mediante un certificado expedido pola Dirección Xeral de Xuventude, Participación e Voluntariado ao remate do curso escolar. Ademais, os participantes neste programa reciben de maneira gratuíta o Carné Xove, así como aqueles outros carnés destinados á mocidade.
Os/as Correspondentes Xuvenís do Colexio Divina Pastora de Ourense envianos este divertido vídeo:
https://www.youtube.com/watch?v=hOv0REoZ0s4&feature=youtu.be
A Xunta escoita as experiencias de 25 mozos e mozas do IES Portovello de Ourense como Correspondentes Xuvenís 3.0
O alumnado que colabora como correspondente é unha peza clave para acadar a efectividade dos programas da Administración autonómica xa que actúa como mediador entre iguais, o que facilita un mellor coñecemento das iniciativas.
A directora xeral de Xuventude, Participación e Voluntariado, Cecilia Vázquez, reuniuse con 25 mozos a mozas do IES Portovello en Ourense para coñecer de primeira man a súa experiencia como Correspondentes Xuvenís 3.0, é dicir, como voluntarios da rede de ‘antenas’ informativas que a Xunta dispón nos centros de ensino de toda Galicia para difundir os programas e as novas de interese xuvenil.
Para Xuventude, o alumnado que colabora como Correspondente é unha peza clave para acadar a efectividade dos programas xa que actúa como mediador entre iguais, o que facilita un mellor coñecemento das iniciativas e unha mellor acollida por parte dos compañeiros ao sentirse máis identificados coa temática cando non é un adulto o que informa. Estes voluntarios dinamizan a rede informativa tanto de programas propios da Dirección Xeral como de bolsas de axudas, ofertas de traballo, recursos e direccións de interese, aloxamentos xuvenís ou ocio e tempo libre.
Cecilia Vázquez agradeceu o traballo dos mozos e mozas así como dos profesores que os coordinan “xa que son un eixo fundamental para dispor de redes verdadeiramente operativas”, sostivo, á vez que lembrou que a iniciativa inclúese no marco da educación non formal “ao fomentar a participación dos Correspondentes, que adquiren valores como a solidariedade pero tamén habilidades comunicativas, sociais e de liderado”. A responsable autonómica lembrou que a Xunta recoñece o seu tempo como voluntarios mediante a expedición dun certificado ao remate do curso escolar.
Forman parte da rede galega de Correspondentes un total de 618 mozos e mozas, estudantes do segundo ciclo da ESO, bacharelato ou ciclos medios e superiores de formación profesional, e cada ano se animan máis como reflicte o 13% do crecemento do número de voluntarios desde o curso pasado. En Ourense, ademais do IES Portovello, participan tamén os IES de A Farixa e o CPR Divina Pastora.